حلقات ( اجمد عضو ) مع ( morshooo )

[Hearts Whisper]

ايه دا يا أحمد الاسئلة صعبة اوى بجد
بس خلاص ميرو موافق يبقا تمام
ربنا يوفقوا فى انتظار الحلقة

[Mo chahin]

اقتباس المشاركة الأصلية كتبت بواسطة ماتركس مساء الخير عليكم يا حلوين ازيك يا ابوحميد وحشني والله ياريس اولا منوره يا رودي الحلقه بما انكم فتحتو الموضوع بقي يبقي نحكي الحكايه من البدايه علشان نعرف مين الغلطان وتعرفو كمان كان من حقي اني انزل القانون كل وما فيها اليوم اللي نزلت فيه القانون دخلت قسم الشكاوي لقيت عضو بيشكي من مستر ميرو انو حذف ليه بعض مشاركاته بحجه انها رمي كلام فا دخلت المديره العامه انصفت المشرف علي العضو واي واحد كان هيحكم في الشكوي دي من قبل ما يدخل صفحات مستر ميرو اكيد كان هيحكم لصف مستر ميرو ومن حقه يحذف للعضو ده مشاركاته علي اني فيها بعض التلميحات لااعضاء اخرين انا لما دخلت مرضيتش ارد عل الشكوي غير لما اطلع في صفحات مستر ميرو علشان كنت متاكد انو اي عضو مش هيرمي كلام علي عضو تاني غير لما يكون العضو التاني ده مستفزه او رامي عليه نفس الكلام وبالتاكيد هوه ده اللي حصل لقيت في مشاركتين مستر ميرو مستخدم نفس الاسلوب في كتابته اللي هوه نفس الاسلوب اللي عاقب عليه العضو وحذف ليه مشاركاته فاضريت ادخل ارد في الشكوي واحذف لمستر ميرو بعض المشاركات اللي هوه مرمي فيها كلام علي اعضاء في المنتدي وخلاص علي كده بعدها لقيت رساله من مستر ميرو باسلوبه مش اسلوب عادي بيقوالي فيها انا رجعت المشاركات وياريت متحذفهاش تاني علشان انا مرميتش كلام في المنتدي انا برمي كلام علي ناس خارج المنتدي وبتكلم علي ناس خارج المنتدي وبرضوه مستكفيتش بكده وقوالت بما اني اني بدخل قليل سئلت ناس تانيه علي مستر ميرو لقيتو برضوه واخد كذا تحذير بسب رمي الكلام في صفحاته وبيقوالي ساعتها متضرنيش اقدم فيك شكوي انا منعنا للمشاكل مرضيتش اشد معاه وقوالتله خلاص يبقي عدل الكلام في مشاركاتك انا مرضيتش اشد معاه لمنعا للمشاكل وكنت متاكد اني ممكن ناس تقوالي يعني ماتركس مختفي واليوم اللي يدخله جاي يعمل مشاكل فانا حبيت الم الموضوع وقوالت برضوه بما انو مشرف مش عايز احرجه وكفايا عليه يعدل مشاركاته وبرضوه في ناس كتير وافقتني علي القانون ده وعلشان كده عملت القانون ده وكان لازم انزله من غير ما ارجع ليكم لما نلاقي مشرف بيطبق قانون علي عضو وهوه اصلا غلطان نفس الغلطه يبقي لازم نعمل كده ونعرفكم غلطكم فين كده عرفتو نزلنا الموضووع بدون علمكم ليه وعلي فكره كلمه اخيره احنا بندخل قليل الايام اللي فاتت كان غصب عننا بس الايام دي واللي جايه باذن الله هندخل كتير علشان يبقي من حقنا نتكلم في المنتدي علشان الناس بتاخدها الموضووع من الناحيه دي لو الناس هتاخدها من ناحيه اللي بيدخل ومبيدخلش ما انا ممكن اقول انا مشاركاتي عليا انا جبتها منين لو واحد دخوالو قليل هيبقي مشاركاته عليا يلا ما علينا يلا موفقين

طب بما ان ردك رجع تانى .. عندى كلمتين بقى ..

واظن من حقى بقى ارد عليك .. طالما ذكرت اسمى

شوف يا ماتركس .. اولا انت هنا غلطان .. لان كان لازم قبل ما تعمل تنبيه ..

تبلغ المشرفين اللى معايا .. وهما يقدروا يشوفوا شغلهم ..

ولو حد فيهم معبركش ولا اهتم .. تبقى تعمل التنبيه براحتك .. دى حاجه ..

الحاجه التانيه ..

افتكر انى قلتلك انى والله العظيم ما اتكلمت عن حد .. ودى حقيقه

لكن انت قلت ان اللى هيشوف كلامك مش هيفتكر دا وهياخد الكلام على نفسه ..

ماشى تمام .. وانا معاك فى دى .. وبناءا عليه تم تعديل مشاركتى .. واحده بس

ومنعا للاحراج وللمشاكل ..

مش عشان هي مخالفه زى ما انت بتقول ..

لان لو هنعتبرها مخالفه .. فانا ممكن اجيبلك دلوقتى حالا مشاركه انت بتلقح فيها ..

وانا هنا بقى اتصرفت تصرف كويس ..

وقلت بلاش دخول فى النوايا دا ميقصدش حد .. اسيبها عادى ..

سؤال بقى ..

يعنى ايه تحرجنى ومشرف ومعرفش ايه ؟؟

اما موضوع انك مش موجود يا ماتركس .. فا دى حقيقه فعلا ..

انا كان عندى اولى .. ان حنون او لوست او ساحر او ساد ..

اى حد من الناس المتواجده باستمرار دى هي اللى تعمل التنبيه ..

اهو على الاقل هما مُطلعين على الوضع العام للمنتدى .. وشايفين كادر السايت كويس ..

لكن انت غايب باستمرار وفى خبايا كتير انت متعرفهاش ..

وعلى نقطه وجودك من عدمه ..

احنا كلنا اكيد يشرفنا وجودك .. وكلنا بنتمنى ان الناس كلها تبقى موجوده ..

دى حاجه تفرح متزعلش .. !!

وخلاص بقى يا ماتركس الموضوع انتهى مش عايزين نفتح فيه ..

اه بالمناسبه .. متبقاش والنبى تقول اسلوبى ومعرفش ايه .. عشان بزعل انا


نقطــه اخيرة بس للتذكير يا احمد يا ماتركس ..


احنا اختلافنا على كونك عملت التنبيه بدون ما ترجعلنا .. مش اكتر ولا اقل ..

ولو هنبص للى غلطان من عدمه .. فا كلنا غلطانين ..

وانا اولكم ..

ولو موضوع التلقيحات دا مدايقك اوى كده .. ابقى بص لتوقيعك والنبى

يعنى من الآخر .. ابقى طبق القانون على نفسك اولا .. ثم على الآخرين ..




موفقـ يا ماتركس ..

[Mo chahin]

احترامى للجميع اكيد ..

لكن اتمنى اللى يحكم .. يحكم بعد الحلقه .. مش قبليها ..

وبلاش نسبق الاحداث ..

[الأميرة رودي]

اولا انا مكنتش حبه ان استضافتى مع مورشو تكون ساحه للنقاش او للعتاب
احمد طلب يعمل معايا الحوار عشان نوضح ايه اخر التطورات ف القسم
وخصوصا مع مشاكل الفتره الاخيره
بس بما ان الخلاف الرئيسي كان مع ماتركس فهو من حقه يرد فى الموضوع ويوضح وجهه نظره
مع العلم :
انه لما رد فى المره الاولى انا رديت على كلامه ومكنتش مضايقه من وجوده ولا رأيه
واتفاجئت فعلا بحذف رده وردى انا كمان
رغم انه مكنش فيهم اى حاجه !!
بس دي رغبه صاحب الموضوع ولازم أحترمها .. يمكن شايف حاجه انا مش شايفاها..
كذلك مستر ميرو قال اللى عنده ووضح الامور هو كمان ورأيه أكيد يُحترم..

لى عوده بالرد على كلامك ياماتركس وعلى كلامك مستر ميرو
ولشكر كل اخواتى اللى نورونى بأرائهم

[دمعه حائره]

حلقه جميله ورودى منورانا اكيد
واجاباتها جميله واجمل مافيها الهدوء
قسم صفحات مكشوفه من اجمل الاقسام اللى عملت جو اخوى بينا
وبرغم وجود بعض الخلافات لكنها بسيطه جدا بجانب الحاجات الحلوة اللى فيه
مجهود المشرفين اكيد واضح فى المتابعه ودى حاجه مش سهله
ورودى كمان قدمت افكار كتير اثرت بشكل ايجابى فى نشاط القسم
نورتى رودى وربنا يوفقك انتى والمشرفين معاكى على االمسؤليه
وربنا يهدى الحال ومانشوف مشاكل تانى

[الأميرة رودي]

اقتباس المشاركة الأصلية كتبت بواسطة mr. M ! R o جميله جدا الحلقه يا مورشو .. واجمل شىء فيها هدوء رودى .. وانا ليا اجابات كتير .. لكن افضل مجاوبش دلوقتى .. كل وقت وله ادان .. اشكرك رودى على كلامك فى حقى وحق عبده .. احترامى للجميع ..

شكـرا يامحمد لمرورك تسلم ربنا يخليك

اقتباس المشاركة الأصلية كتبت بواسطة ◣ĐěŠèЯt◥ جميلة الحلقة والتنوع فى الاسئلة مورشو مش سايب حاجة ورودى الرد بحكمة هههه منورين حلقة جميلة

منورنا ياأحمد يابتاع الفيل
ربنا يخليك على كلامك تســــــلم

اقتباس المشاركة الأصلية كتبت بواسطة حنـــــون الحقيقه حلقه زى الفل ورودى اجابتها متزنه جدا وانت يااحمد ياعينى ماعرفتش تولعها هههههههههه موفقين بئه ^^

شكرا ياحنونه انتى اللى زى الفل ووجودك زى الفل
واحمد يولعها ازاى وانا متربصاله
نورتينا ياقمر الف شكر

[الأميرة رودي]

اقتباس المشاركة الأصلية كتبت بواسطة مِسكُ الشَهادة حوار جميل ورائع ... أولا ً نسأل الله تعالى أن تنتهي أي خلافات وأن تكون عبارة عن ذكريات في الماضي البعيد الإنسان قد يخطئ مرة وإتنين وتلاتة وحيفضل يخطئ لأنه مش معصوم من الخطأ ولكن ما أجمل أن يضبط نفسه وأن يحول أخطاءه إلى نموذج إيجابي دون زعل الآخربن أو المشادة ما بينهم لا قدر الله هنا أتحدث بشكل عام طبعا ً ولا أستثني نفسي من ذلك حوار مميز ما بين أخوين أكن لهما كل تقدير وإحترام أحمد مميز جدا ً في أسئلتك وراقي في طرحك والأميرة رودي إنسانة مهذبة وراقية لأبعد الحدود هادئة متزنة ... أتمنى لكما غاية السعادة والتوفيق تقبلوا وافر تقديري وإحترامي

الله يكرمك ياخالد والله اسعدنى كلامك وثنائك
ربنا يخليك يارب وشرفتنا حقيقي بمرورك الراقي

اقتباس المشاركة الأصلية كتبت بواسطة -esraa- حلقــــــة جميلة جدا وضيفة معروفة بالعقل الرزين ,, منورة . تسلم مورشو عالمجهود

تسلميلي ياقمرى
شكرا لكلامك والحمد لله دى شهاده اعتز بيها
نورتينى

اقتباس المشاركة الأصلية كتبت بواسطة lady lead حلقة مميزة جدااااا سواء أسئلة أو ردود الأميرة رودي قسم صفحات مكشوفة من أحب الأقسام لينا بجد و يكفي أنه ليس ساحة للابداع و لكن مكان للتنفس موفيق دائما يا رب تقديري و احترامي

صح جدااااا
القسم الوحيد اللى مش بيلزمك بشئ معين ولا متطلباته حاجه معينه
قسم تقدرى تجمعى فيه كل الاقسام
بنكتب فيه خواطر وننزل فيه اغانى يوتيوب
ونعمل فضفضه مع خزعبلايه
مع صور لاى حاجه عجبتنا
كل حاجه بتستقبلها صفحاتنا

نورتينى جداا ياايمى اسعدنى مرورك الراقي حبيبتى
كل الشكر واحترامى الدائم

[الأميرة رودي]

اقتباس المشاركة الأصلية كتبت بواسطة ساحر الأحزان بداية برحب بمرشو والأميرة ردوى ! فى أجمد عضو مع مرشو أستضافة ساخنة متعددة الأطراف ورودى طبعا محدش ينكر جهودها ومعاها فرح لما مسكت قسم الصفحات المكشوفة قبل دخول عبدة ومستر ميرو وعلى ما تذكر كان قسم الصفحات قسم هادىء جدا جدا وكان الأعضاء بتحس فية بالراحة لانها بتكتب بكل هدوء ومفيش حد بيجيب سيرة حد ولا بيشوف مشاركاتة كان فية خصوصية والله هو اول مامسكت اشراف كان هادي لآبعد الحدود وفضل هادي وجميل فتره طويله كمان بعد اشرافي واذا كان حصل كام مشكله فى القسم فأنت عارف مين السبب فيهم بما انك مراقب وبتضطلع على الشكاوى الحاجه التانيه انا مش عاوزه اقول المشاكل ابتدت فى القسم من امتى عشان محدش يزعل ومن أكتر من ثلاث شهور حصل فية مناوشات بين بعض الأعضاء كل واحد بيلمح على التانى والتانى يشوف ويلمح هو كمان,,,, وبعد كدة هاتك يا شكاوى العضو دة بيقصدنى ويجى التانى برضة هاتك يا شكاوى العضو دة مش طايقنى عايز يولع فية . لما فكرت احذف مشاركات واتعامل بحزم ف القسم فكرتونى بضيق على الاعضاء وبخنق عليهم والكلمه دي انا سمعتها مره واتنين وفعلا انا يهمنى وبتمنى هدوء القسم وبتمنى نشاطه ونجاحه طيب أية الحل لحل الأشتباكات دى بين الأعضاء الى نسم ان المنتدى منتدى ترفيهى اجتماعى مش منتدى تلميح بالكلام ودة بيقول ودة بيعيد وكأن كل واحد عندة كوشة مشاكل ودلقهم وياريت على كدة لبقى كل واحد بيخش صفحة غريمة على شان يمسك علية دليل ؟ آآيوه عليك نور الحاجه الوحيده اللى مش مانعنها فى القسم انه ممنوع عضو يدخل صفحه عضو تاني ودى حاجه مستحييييله نطلبها من الاعضاء لان هو القسم اساسه واللى السبب فى نجاحه هى متابعه الاخرين جة تنبية أدارى مرة وأتنين وتلاتة وبرضة مفيش ألتزام بصراحة الله يكون فى عون مشرفى القسم لما كل عضو يكتب فى اليوم عشر مشاركات لو عشرة بس كتبوا كل واحد عشر مشاركات حيكون على حضرة مشرف القسم أنة يقوم بدور المخبر فى 100مشاركة أمال بقى لو 30عضو كتبو ولا 50عضو 500ولا 700مشاركة مش حابين نقسو على مشرفى القسم , وليهم الحق فى القيام بدورهم المكلفين بية . والله ياأمجد انت اول واحد لقيته متعاطف مع مشرفي القسم ومقدر حجم المتابعه المفروضه عليهم يوميا لما القسم نشاطه زاد العبء على المشرف فى المتابعه اكيد زاد رغم ان مستر ميرو وعبده دالوقتى بقو اكتر تواجدا فى القسم منى انا بس اهو مطمنه لوجود مشرفين زيهم معايا فى تنظيم القسم وأنا بصراحة شايف انة يجب النظر فى حكاية العشر مشاركات وأنزالهم للنص او للثلث كحل مؤقت لحد ما الأمور تهدى شوية . لما فكرنا فى كده لقينا اعتراض من اصحاب التواجد اليومي انت عندك بعض الصفحات اصحابها مش بيكفيهم الـ 10 مشاركات فى اليوم وكانو طالبين زياده واحنا قولنا لاء العدد ده كويس ومش عاوزين نضيق فى عدد المشاركات عشان محدش يمل ويزهق ويقوم يهرب خالص ويسيبنا دورنا الرقابى مش التدخل فى أختصاصات مشرفى الأقسام بل هو التنظيم مع أى مشرف وبرضة دورنا هو أن أنا شفت مشاركة مش فى قسم الصفحات فى اى قسم او موضوع مخالف ومشرف القسم مش موجود بالظبط هو ده اللى كنت قصدته بكلامى ياأمجد مهو بشر برضة هو اى مشرف طول اليوم فى المنتدى ولا مراقب ولا أدارى ولا حتى عضو ؟ لا اوعى تقول كده ليفكروك فلول المفروض اننا نكوت 24 ساعه ف القسم ويكون الواحد عنده قوه خارقه عشان يقدر يدخل الصفحات كلها فى لحظه واحده أنى أتدخل وأمنع تفاقم اى مشكلة او مشادة وأعمل على حلها السريع مش حسيبها على شان تعمل مشاكل أحنا فى غنى عنها ,,,,,,, ونلاقى بقى الشكاوى شغالة فكرونا بالعرضحالجى بتاع المحكمة الى طول اليوم شغال هاتك يا شكاوى ؟ وبرضة تعقيب بسيط لمرشدى لما الضيف يجيب سيرة أى حد بكلامة كان برضة تعرفة بالموضوع ؟حتى لا يفاجاء بذكر اسمة هنا وبرضة لية الحق فى أنك تجيبة على شان برضة يتكلم ويقول الى عندة ويبقى سمعنا من هنا وسمعنا من هنا؟ منورة يا رودى مع مرشدى بأجوبتك التى تحترم ومنور يا مرشدى يا بتاع عاصفة الصحراء تحياتى ليكم

ربنا يخليك ياأمجد وانا عجبنى ردك جدا بصراحه لآنك يمكن الوحيد اللى تعاطفت مع مشرفين القسم وقدرت شغلهم
نورتنا أخى شكرا لك

[الأميرة رودي]

اقتباس المشاركة الأصلية كتبت بواسطة mr. M ! R o لا يا رودى اكيد معاكى .. ومقبلش اى حد ابدا يتكلم عن القسم . معادا فـــــــرح

والله يامحمد انت وفــرح فوق فوق فوق راسي من فوق
وبعدين انا قولت قبل كده ان فــرح سابت القسم وده زعلنى وقتها
لاننا غير التعاون الى بينا كنا متفاهمين فى اى حاجه بتتعمل
كمان هى اللى مربيه القسم ده على ايديها مع دعاء وسكره وادتهونا على الجاهز
يعني كتر خيرها بجد
منور ياشاهين

[الأميرة رودي]

اقتباس المشاركة الأصلية كتبت بواسطة Ѕad Єyes حلقة جميلة جدا يا مورشو هادية علي عكس حلقات كتير يمكن رودي فرضت رتمها عليك المرة دي :] ضيفه مميزه ونشيطة للغاية وكمان مخلصه جدا في اللي بتعمله وبتحب مكانها وبتسعي دايما لانها تطوره عجبتني اجاباتها جدا واقتنعت بكلامها اللي بتقوله ,, بالنسبة للجزئية اللي ذكر فيها اسمي ,, سعيد ان لو في حاجة بيتم نقاش وبتتنهي لان رودي من الناس اللي بحترمها وبقدرها جدا ف المنتدي وهيا شخصية تستحق جدا دا , الحمد لله ان مفيش حاجة مزعلاها مني وان كل حاجة وضحت وتسلمي يارب يا رودي حقيقي انتي اللي فعلا تستحقي الاحترام والتقدير ودي حقيقه جدا تسلم للحلقة الجميلة دي يا موروشو واستضافتك للضيفه المميزه هيدي

اهلا ياحودا أشكرك لطللتك المميزه هيدى
زى ماقولت بالظبط انا لما بكون مسئوله عن حاجه
أحب اثبت نفسي فيها وماأكون مقصره ولو للحظه
لان افعالى فى المكان هى واجهه لشخصيتي وانا بقدّر شخصيتي جداا الحمد لله
يعني بحب الشئ اللى بعمله جداجدا جدا

وانت حقيقي تستحق كل كلمها قولتها يامحمود من الشخصيات اللى بحترمهم
والف شكر لكلامك فى حقي ورأيك أعتز بيه اكيد
ربنا يوفقك دايما يارب