حلقات ( اجمد عضو ) مع ( morshooo )

[countess]

هوووووووووووه دآ

كنت ع آعصابي عايزه توضيح فارس خصوصآ انو بردو طرف

دا نقدر نقول زي ما ليا فتره بردددها ومعرفش ليه للعدآآآآله وجوه كثيره هههههه

ومنوريين بقا ي جماعة >>>

[ماتركس]

حلقه جميله

والراجل وضح فيها حجات كتير

وانا بصراحه معا اني مكلمتش المنشاوي والا مره

بس بعزه والله وحتي اتصلت بيه كذا مره فمردش عليا

يلا بقي ربنا يوفقك وانتا وضحت وجهه نظرك يا منشاوي ربنا يوفقك

يا غالي وباذن الله اللي فيه خير هيقدمه ربنا ياريس

[سهـــر]

وضحت لينا حاجات كتير ي مورشو
مع اني كنت احب انه يتقفل على الموضوع
ومحدش يتكلم فيه تاني
انا عمري ما كان ليا تعامل مع المنشاوي
بس انا واحده من الي قرو الرد
واضايقت جدا وما كنتش مستوعبه الموقف اصلا
وكرهت المنشاوي جدا مع اني زي ما قلت ماليش تعامل معاه
هو كان مضايق اه بس كان لازم يتحكم في عصبيته وكلامه اكتر من كدا
ومحمد كمان وضح حاجات كتير
وكدا كل حاجه بانت

موفق ي ابيه احمد

[S n i p e R]

فارس انت برنس كبير

وعلى راسي من فوق يا جدع

وبصراحة انا فعلا بعتذرلك لأني زعلت منك جامد

صحيح غلطت بس نتيجة العصيبة وانا عارف الشعور دا

حكم محسوبك عصبي نمرة واحد :d

ومش تزعل يا عم وحقك علينا

بس ابقي خد مهدئات بئا يا صاحبي

ومستنييينك ترجع تاني

مورشووو دايما خاربها انت باجمد عضو دا

تسلم على الحلقة الجاااااااااامدة دي

تحياتي

[SiLver Spectra]

اسمي جه اكتر من شاهين ..هتخلوني استعجل في خلع الرداء الاحمر

مبدئيا كدا ..اظن انا مش محتاج أتكلم لأن المنشاوي اكيد متفهم و عارف اني بحترمه و تقريبا عمر ما دار بينا خلاف . و يمكن المنشاوي من الناس القليلة اللي كنت بحب اقرأ خزعبلاتها و اسلوبها في الكتابة و اللي فعلا بيضحكني و كنت مقتنع جدا بان القسم لايق عليه و مناسب أكثر من أي حد تاني

نخش في المشكلة..
عشان أقدر احكم بعدل في مشكلة لازم اقرأ و اتمعن كويس التطورات و بداية الاشكال
انت يا منشاوي بعتلي فعلا رسالة و حطيت الرسائل اللي درات بينكم بالكامل . و بناء عليه أنا كمان راجعت الرسائل اللي بينكم و اللي بين شاهين و برنسيسة
نبدأ برسائل شاهين و برنسيسة..
أي مشرف بيحصله خلاف مع عضو بيكون رده : روح قدم فيه شكوى
و دا حق للعضو أو للمشرف انه يقدم شكوى تظلم و احنا واجبنا بنراجع الشكوى و بنحكم
اللي حصل بين شاهين و برنسيسة ماكنش فيه اي نوع من التجاوز و ان كان فيه زعل و دا وارد و بيحصل ان العضو يكون زعلان على مشاركة اتحذفتله سواء بوجه حق او بغير وجه حق
فممكن يكون في انفعال و دي انا شخصيا حاجه متعود عليها . بس الفكرة : هل في لفظ اتقال بينهم ؟
يعني لو عضو بعت رساله و سأل : انت ليه بتحذف مشاركتي . و عموما انا هقدم فيك شكوى
هل أعاقب العضو عشان كتب رسالة زي كدا ؟
شاهين اتراسل مع برنسيسة و قالها انا هقدم شكوى .برنسيسة شافت ان دا تهديد ..مع ان أنا مش عارف دا تهديد ازاي !
لأن لما ميرو يشتكي على مشاركته كان ردنا كادارة هنقوله: المشاركة تستحق الحذف
و خلصت الليلة مع العلم انها كانت مشاركة قديمه لكن برضو ردنا هيكون : انها تستحق الحذف
و الاجراء هو اننا ناخد تعهد من شاهين و دا فعلا حصل و بقولها ادامكم ..لو صادف و شوفنا شاهين كتب عن حد او مش التزم بالقوانين هيكون مصيره العزل من الاشراف و هو مواعدني من قبل مشكلته مع برنسيسة انه هيلتزم بالقوانين و اي حد يلاحظ اي سلوك سيء منه يبلغني عشان نراجع السلوك دا و لو لاحظنا ان في تجاوز لفظي منه هكون اول واخد اخد اجراء فيه

نرجع تاني للمشكلة
بعد كدا المنشاوي بعت لميرو رسالة مضمونها (ابعد عن سارة يا شاهين) مع ان في فرق كبير جدا بين انك تقول لواحد ابعد عنها لسبب اجتماعي و بين انك تقوله ابعد عنها لسبب بيتعلق باجراء داخل المنتدى !
بمعنى ان دي مش خناقة ولدين على بنت !
يبقى هنا المنشاوي مالوش اي حق في التدخل في مشكلة بتتعلق باجراء تم اتخاذه في حذف مشاركة لعضو لأنه مش مراقب و لا اداري فهيقدر يطلع على الاجراء و بناء عليه يقدم حكم
و من ثم كان في شد حصل بين الاتنين في الرسائل ,,و البداية كانت من المنشاوي في رسالته الاخيره اللي كان فيها الفاظ و تهديد و وعيد و سب للنفس (مش حابب انزل الرسائل) فرد ميرو بنفس الاسلوب
و هنا الاتنين اسوء من بعض . ميرو غلطان و يمكن دا السبب اللي خلاني كادارة مش أقدم اعتذار لان الغلط كان متبادل
لكن الحساب الاكبر بيكون للبادئ
و هنا كان ردي عليك يا منشاوي لما اشتكيت

	منشاوي بضمير كدا و بأمانة انت رسالتك الاخيرة ماكنش فيها تهديد و عصبية ؟ اولا ماينفش يا منشاوي تكون انت جهة حكم و تقول ماتجيش جنب برنسيسة فرضا كانت هي اللي غلطانة ؟ يبقى ينفع يكون دا اسلوب حل مشكلة ! عموما انا بعيدا عن كل السجال و الخناقات دي انا هحط قسم صفحات مكشوفة تحت المراقبة مؤقتا

و يمكن ماكنتش متابع يومها و كان دخولي تقريبا ساعة او حاجه زي كدا و اليوم اللي بعده برضو ماكنتش متواجد طول اليوم
فوجئت الصبح بعد يوم بالموضوع اللي المنشاوي نزله و اللي ماينفعش نهائيا و مالوش اي مبرر سواء اخلاقي او ديني او اي حاجه كانت
و فعلا عيب يا منشاوي انت صغرت نفسك جدا بالحركة دي
و بقى استحالة اننا نعدي موضوع زي كدا لان دا مش ضر ميرو بس دا ضر المنتدى ككل و فيها اهانة لينا كادارة و الضرر الأكبر كان في نظرة الأعضاء اليك و بالتالي فتواجدك مره اخرى بقى من المستحيلات
لأن الاول كان الموضوع بينكم في رسائل خاصة و ماكنش وصل للمستوى دا (كل واحد فيكم بيشتم في نفسه) و غضبان من موقف . يعني لو كنت هاخد موقف كان المفروض تتشالوا انتوا الاتنين , بس عشان مش عايز اخسركم فبصبر شوية و بشوف ايه اللي ممكن نعمله عشان الاشكالية يتم حلها بهدوء

لكن بعد موضوعك . خلاص كدا انتهى يا منشاوي
و كرد اعتبار للراجل اللي مش كتب زي ما كتبت انت في المنتدى و ادام الناس اكتفينا بحظرك انت بس مع تنبيه اخير لميرو

بس عارف يا منشاوي ..كان غريب جدا انك كنت بتتفاخر بالكلام اللي كتبته في الموضوع و اللي لا بيقدم و لا بيأخر
عارف لما تسمع سواقين ميكروباصات بيتخانقوا بشتايم قبيحه و بيسبوا بعض ..بتحس ان السواق دا جامد ؟ و لا بتحس انه شخص منحط و بيسقط من نظرك ؟
فكر في السؤال يا منشاوي لأن صدقني مافيش حاجه هترفع مكانتك غير الاخلاق

أنا عارف انك هتزعل مني . بس بأمانة و بكلمة حق : انت ايه اللي تقدر توصف بيه الموضوع اللي انت كتبته ؟

و عامة بتمنالك التوفيق في حياتك و دي هي أهم حاجه ..المنتدى لا هيقدم و لا هيأخر
ماكنتش أتمنى ان النهاية تكون كدا بس انت اللي قررتها

و ربنا يهدينا جميعا..

[Mo chahin]

كويس ان طارق وضح برده كام نقطه ..

لان كان فى حاجات غايبه عن الناس ..

والحمد لله مطلعناش اتكلمنا باسلوب وحش ولا حاجه ..

وكمان مطلعتش بهدد كونتيسا ولا حاجه !

مطلوب منى بقى اشيل علم من بتوع الاخون اللى عليهم سيفين دول ..

وامشى فى الشارع واقول باعلى صوت ..

الحمد لله الله اكبر ظهر الحق وهيييييييييييي ههههههههههههههههههههههههه

[big bốss]

استغفر الله العظيم والله انا قربت استحقر وجودى هنا بجد الفاظ بتتقال و بتتكتب و مفيش حد معبر و حذفها معرفش ليه ؟ ياريت الكلام الى بالازرق يتشال دا فيه ناس محترمه كتير بتقرا ومينفعش نحس بالاشمئزاز دا ثانيآ المنشاوى انا بحترمه جدا و بحبه مع انى مش كلمته و هو اتصرف ساعه غضب نتيجه عدم وصوله لحقه دا مش مبرر ليه طبعا بس هو غصبن عنه و بعدين هو خلط بين حبه و بين المنتدى و الانسان لما بيحب بيبقى مجنون فعلآ و مش عارف بيعمل ايه ؟ ثالثا كنت اتمنى ان الامور مش تطور لكدا ابدآ لاننا فعلآ احنا هنا فى منتدى لتقضيه الوقت مش اكثر مش علشان نشتم ولا نحرق دمنا رابعا الاداره عليها مسئوليه كبيره لانها للاسف مش بتبت فى الشكاوى و مش بتتاخد اى اجراء تهدى بيه الامور لما بتحصل مشكله بين اتنين حتى لا تتطور الامور ياريته طارق كان حظرهم هما الاتنين لمده اسبوع قبل ما يحصل كدا عامتا الحمد الله انى مقرتيش الموضوع الى نزل دا و اتمنى ان كل انسان يتعامل على اساس ان دا منتدى مش حرب ولا قهوه ولا شارع و الانسان من غير اخلاق ميبقاش انسان و بشكر احمد مورشو عمل الحلقات دى ووضح حاجات كتير و بشكر فارس و بعتبه انى اخت اميله من ساره بس مش بيفتح اوف لاين ع طول و بشكر حوراء انها اتخذت اجراء مناسب وقت المشكله و سريع بحياها عليه و اتمنى ان الغلط دا ميتكررش تانى و الانسان ياريت يصلح من نفسه و ميبقاش مستفز لغيره وربنا يوفقآ شاهين انت وفارس

[beauty angel]

حلقة حلــوة ,, حتى لو كنا نفضل أن الموضوع يتقفل
خصوصا بعد مامستر ميروو سآمح المنشاوى على تصرفه معاهـ
ودهـ تصرف نبيل منه بصراحة يحسب لهـ
تحياتى محمد
بالنسبة لفارس كان من حقك ترد وتوضح وجهه نظرك وسبب تصرفك
هو كان غلط كبير حتى لو كان رد فعل فمش مبرر طبعا
وكان من حقنا عليك كأخ لينا نزعل منك ,,
إما عن اعتذارك لمحمد تصرف أكيــد كويس منك و يحسب ليك
لان مش عيب أبدا أنى أغلط وأعترف بغلطى وبعدين أعتذر
كلنا بنغلط يافارس أحنا بشر مش ملايكة
" كل بن آدم خطاء وخير الخطائين التوابون "
باءختلاف درجات الغلط طبعا
المهم أعرف نتيجة غلطى وأعرف أتحكم فى نفسي وقت الغضب
الرسول عليه أفضل الصلاة والسلام قال :
" ليس الشديد بالصُرعة وإنما الشديد الذي يملك نفسه عند الغضب "
أجمل شي بقي حصل فى الموضوع بجد التسامح الى مابينكم
فعلا مهما كان الانسان بيغلط هيفضل جواهـ جزء كويس وصالح
موفقين يارب ,,
وربنا يسعدك يافارس ويوفقك فى حياتك
تسلم مورشدى

[الرحــاال المٌتَمرد]

بعد كٌل غلطه في
دروس مٌستفاده ,,
وربنا يوفقك يا فارس

[سآرهہ]

حلقه جميله ووضحت كل حاجه .. ))
تسلم ايدك