| ::: تكريم أعضاء المنتدى ::: | ||||||||||
| | ||||||||||
| ::: فعاليات المنتدى ::: | ||||||||||
| | | | | | ||||||
| |||||||
 الإهداءات | |
| | LinkBack | أدوات الموضوع | انواع عرض الموضوع |
| ::: تكريم أعضاء المنتدى ::: | ||||||||||
| | ||||||||||
| ::: فعاليات المنتدى ::: | ||||||||||
| | | | | | ||||||
| |||||||
| الإهداءات | |
| | LinkBack | أدوات الموضوع | انواع عرض الموضوع |
 منذ /03-28-2010, 05:10 PM
| #301 | ||||||||||
| عضوية التميز 
|  و مع عفريتة المنتدى اجاباتك كلها جميلة يا ايوش الحمد لله انك رجعتيلنا بالسلامة و نورتي المنتدى لانه كان مظلم من غيرك ربنا يتمم شفاكي يا رب
| ||||||||||
| منذ /03-28-2010, 09:42 PM
| #302 | |||||||||||
| مميز للنشاط التفاعلي 
| وبجد حلقة جامدة يسلمووووووووووووو ايدك على الحلقة منتحرمش من جديدك
| |||||||||||
| منذ /03-29-2010, 08:13 AM
| #303 | |||||||||
| اخفيت حبك لكن الحب فضاح 
| لانها طمنتنا عن اختنا الغاليه ايه حمدلله على سلامتك وماتشوفي شر
| |||||||||
| منذ /03-29-2010, 11:05 AM
| #304 | |||||||||
| مشرفة الصحة و التغذية سابقا sєnчσrítα
| ورحيق منورة الحلقة واتعرفنا عليها اكتر
| |||||||||
| منذ /03-29-2010, 09:27 PM
| #305 | |||||||||||
| مراقبه عـامة سابقا أم يـوسـف
| بس اجاباتك مش فيها شقاوه زمان بجد اشتقنالك ويارب ترجعي زي اول واحسن كمان
| |||||||||||
| منذ /03-30-2010, 12:02 AM
| #306 | ||||||||||||
| موقوف
| حمدلله علي سلامتك يا ايه ربنا يتمملك شفائك وتروحي المدرسة ويوفقك ويحققلك امنيتك واجابة جميلة من بنوتة رقيقة وشكرا يا احمد مبدع كالعادة ربنا يوفقك وشكرا يا احمد مبدع كالعادة بالتوفيق
| ||||||||||||
| منذ /03-30-2010, 12:25 AM
| #307 | |||||||||||
|
| على مشاركتهم ضيفتنا الغالية واحب اشكر ضيفتنا الغالية على قبول الدعوة واحب اقولها حمدالله على سلامتك تحياتى للجميع
| |||||||||||
| منذ /03-30-2010, 12:49 AM
| #308 | |||||||||
|
| |||||||||
| منذ /03-30-2010, 12:51 AM
| #309 | |||||||||||
|
| الحلقة الخامسة عشر من ( اجمد عضو ) مع ( morshooo ) معنا (beauty angle )  اهلا ومرحبا بكم يا اجمد اعضاء فى اجمل منتدى اليوم موعدنا وحلقة جديدة من حلقات برنامجكم اجمد عضو اليوم معى ومعكم احدث مشرفة بالمنتدى الغالى وعلى فكرة الحوار دا تم قبل ما تكون مشرفة او بمعنى اصح قبل ما تبقى مشرفة بساعات قليلة <<< ال يعنى وشو حلو عليها :495: معى ومعكم مشرفة القسم العام beauty angle   اهلا ومرحبا بيكى والان تعالو نشوف ضيفتنا قالت اية beauty angle : انا كنت بحضر المحاضرات على طول بس الحمد لله مكنتش من غفر الكلية انا لسة محبتش وممرتش بحكاية ابن الجيران وان شاء الله الاقى ابن الحلال لو كانو العرب ارهابيين كان زمان كل اليهود خرجو من الاماكن الى محتلنها اتمنى اكون مشرفة دا شرف لية ( قبل الاشراف ) الحمد لله انا كنت حاسة انى هبقة مشرفة بس التوقيت كان مفاجاة والان تعالو نستمتع بالحوار الرائع الى كان قبل الاشراف س / الاسم والسن والمؤهل ؟ آيه 21 سنه و تقريبا 5 شهور بكالوريس تجارة شعبه محاسبه س / فى البداية كدا اصدقاء الكلية وحشوكى والا لا ؟ وحشوني جدااا طبعا وخاصه اللي مش بعرف أشوفهم زي الاول لكن الباقي بنأخد كورسات الوقتي مع بعض فبقدر أشوفهم واطمن عليهم س / طبعا انتى اتخرجتى والحمد لله اكيد بقيتى تقولى ( ايام الكلية كانت احسن من دلوقتى ) ؟ طبعا أحسن بكتير س / اية الحكاية دى الواحد لما بيكون فى الدراسة بيقول يارب اخلص بقى ولما يخلص يقول العكس ؟ تفتكرى لية ؟ ههههه اة بصراحه انا كنت من أول الناس بقول كده كان نفسي أخلص بجد طبعا علشان المزاكرة والدكاترة كانوا مطلعين عنينا لكن الوقتي طبعا العكس الكليه ارحم بكتير من البيت س / ياترى ايام الكلية كنتى بتطلعى رحلات وبتخرجى مع اصدقاءك والا مكنش فى دماغك الكلام دا ؟ اة طبعا طلعت رحلات مع اصحابي في الجامعه بس كنا بنطلع في الثانوي اكتر وبجد كانت ايام جميله بجد نفسي تتكرر تاني س / ايام الكلية كان فى بنات مش بيروحو الا عشان يحضرو المحاضرات بس وكنا بنقول عليهم ( غفر الكلية او ممنوع الاقتراب منهم ) انتى كنتى كدا ؟ ههههههههههه انا كنت بحضر المحاضرات علي طول بس الحمد لله مكنتش من اللي بتقأل عليهم كده خالص والي حد ما كان ليا أصحاب وزملاء كتير س / ايام الكلية احسن والا ايام الثانوى ؟ الكليه أحسن بكتير من الثانوي يعني عالم مختلف خالص عن الثانوي س / لسة تعرفى اصدقاء الثانوى وعلى اتصالات والا خلاص ؟ مش كلهم بصراحه بس طبعا في ناس فيهم لسه بكلمهم لحد الوقتي حتي انهم كانوا في كليات تانيه وبفرح جداا لما بسمع صوتهم س / طيب لو رجعنا زمان شويتين كدا ؟ ايام طفولتك فاكراها ؟ طبعا فاكراها كانت أيام حلوة اوووي ياريت ترجع تاني س / كانت اجمل حاجا فيها اية ؟ المدرسه كنت بحبها اووي واصحابي اللي كانوا فيها طبعا كنا تقريبا متربين سوا س / فاكرة ايام رمضان وانتى صغيرة ايام ( بوجى وطمطم والفوازير ) ؟ طبعا كلنا واحنا صغيرين كانت الحاجه الوحيدة اللي بتحسسنا برمضان بوجي وطمطم والفوازير س / رمضان اختلف دلوقتى عن زمان والا بالنسبالك هو هو ؟ زمان كنا صغيرين يعني أهم حاجه في رمضان الفوانيس وبوجي وطمطم والفوازير لكن الوقتي طبعا الصيام وختم القرأن رغم ان انا كنت بصوم من وانا صغيرة الحمد لله بس كنا اطفال بقي يعني الاختلاف فينا احنا مش في رمضان ومع ذلك من أكتر الشهور اللي بحبها جدا س / طيب تعالى نخرج بقى من الايام الجميلة دى وقوليلى اخبار ابن الجيران اية ؟ هههههههه ممرتش بحكايه ابن الجيران دي خالص كانوا زي اخواتي بالضبط س / انتى بتحبى والا لا ؟ لا لسه وان شاء الله الاقي ابن الحلال س / اية بتفكر بقلبها والا بعقلها ؟ مقدرش أقول اني بفكر بقلبي ولا بعقلي لان بالنسبه لي حسب الموقف اللي بمر بيه مرة قلبي ومرة عقلي مش حاجه معينه س / ساعات الواحد بيمر بمراحل فى حياتو مبيقدرش ينساها ؟ فاكرة اية منها ؟ في فعلا مرحله مش بحب افتكرها خالص وفي اكيد مراحل حلوة طبعا من أكترها مرحله الجامعه واصحابي ووجودي معاكوا في المنتدي أكتر حاجه بحبها الوقتي س / اية حكايتك مع الانترنت والسفر والرحلات ؟ هما دول اكتر شيء بعمله دلوقتي المنتدي طبعا هو سبب حبي في الانترنت لاني تقريبا بكون عليه 24 ساعه ههههه اما السفر والرحلات متعتي الوحيدة ببقي مبسوطه جدااا وانا مسافرة مع اهلي او في رحلة مع اصحابي س / اية رائيك فى القضية الفلسطينية ؟ بجد مش لاقيه كلام اقوله ربنا يكون في عون الشعب الفلسطيني ابسط حاجه ممكن نقدمها لهم هي الدعاء س / تفتكرى ليها حل ؟ ربنا طبعا هو القادر انه يحلها من عنده وبعد كده الحل عند الزعماء والحكومات اما الشعوب مسكينه مفيش في اديها حاجه س / هو صحيح العرب ارهابيين زى ما بيقولو ؟ لا طبعا لو كان العرب ارهابين كان اليهود خرجوا من كل الاماكن اللي احتلوها لحد الان الارهاب عمره ابدا ما كان حل لاي مشكله س / انا ملاحظ انك مش مركزى على قسم واحد فقط بالمنتدى ؟ تفتكرى دا صح ؟ اة فعلا انا مش بدخل قسم معين بس يمكن اكتر الاقسام اللي بدخلها قسم النقاش والاسلاميات وبقلم اعضاء مصر س / مش عايزة تبقى مشرفة قسم بالمنتدى ؟ اتمني طبعا ده شيء يشرفني س / اية حكاية مميزة النشاط الراقى ؟ والله يا أحمد لما الادارة عطتني اللقب ده فرحت جدا جدا س / مشاركاتك ماشاء الله معدية الـــ1000 مشاركة تفتكرى فى حد استفاد من مشاركاتك ؟ اتمني بجد انه يكون في ناس استفادت من مشاركتي لاني بجد استفدت كتير اووي من المنتدي س / فى موضوع معين فى المنتدى بتحرصى على متابعتو دائما ؟ قسم النقاش والحوار الجاد وقسم بقلم اعضاء مصر دائما بتابع مواضيع رحيق فعلا كاتبه مميزة وحلقاتك بتابعها دائما ودلوقتى تعالو نشوف قالت اية بعد ما بقت مشرفة القسم العام س / طبعا مبروك الاشراف ؟ الله يبارك فيك ميرسي اوي س / كانت مفاجاة ليكى انك بقيتى مشرفة ؟ الحمد لله انا كنت حاسه اني ان شاء الله هبقي مشرفه بس التوقيت هو اللي كان مفأجاة بس مفأجاة حلووووووووة س / مش غريبة انك قولتى انك مركزة فى اقسام النقاش والاسلاميات وبقلم اعضاء مصر وفى الاخر بقيتى مشرفة القسم العام ؟ لا مش غريبه هو انا قولت ان دول أكتر أقسام بدخلها بس في نفس الوقت ببقي منتشرة في بقيه الاقسام ههههه علشان كده الادارة خلتني علي القسم العام لانه شامل س / اية هدفك بعد الاشراف ؟ انا مركزة حاليا في الاشراف عاوزة اقدم حاجه كويسه باءذن الله اما بعد الاشراف بقي ربنا يسهل س / ناوية تغيرى حاجا فى القسم العام ؟ اغير حاجه لا لكن ان شاء الله عاوزة اعمل فيه حاجه جديده ايه هي بقي لسه مش عارفه س / مش شايفة ان 3 مشرفين لقسم كتير اوى ؟ لا مش كتير والادارة هي المسئوله عن عدد المشرفين في القسم لو شايفه ان 3 كتير في قسم واحد اكيد مش هتخليهم س / انتى متابعة حلقات اجمد عضو ؟ اة علي طول بتعجبني جدااااا س / توقعتى وجودك باجمد عضو ؟ تمنيت اني ابقي ضيفه فيه وتوقعت وجودي لكن الحمد لله الدعوة جت أسرع مما تخيلت س / لما بعتلك الدعوة فكرتى قبل ما توفقى والا لا ؟ لا وافقت علي طول من غير لما أفكر لان الفكرة كانت عجباني جداااااااااا س / وافقتى على تلبية الدعوة لية ؟ زي ما قولتلك فكرة جديدة وحلوة جدااا وبتخلينا نتعرف علي بعض أكتر وبجد كانت عجباني اوووووي وكمان اسلوبك مميز جداا يارب نشوفك اعلامي قد الدنيا وبكدا بتنتهى حلقتنا النهاردة من اجمد عضو انتظرونى وعضو جديد وحلقة جديدة تحياتى morshooo
| |||||||||||
| منذ /03-30-2010, 01:00 AM
| #310 | |||||||||
| موقوف
![إرسال رسالة عبر MSN إلى ~®§§][][ سيد دندنة ][][§§®~](https://forums.banatmasr.net/3ed2012/misc/im_msn.gif) ![إرسال رسالة عبر Yahoo إلى ~®§§][][ سيد دندنة ][][§§®~](https://forums.banatmasr.net/3ed2012/misc/im_yahoo.gif)
| بتوفيق يا ايه
| |||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| |
^-^ جميع المشاركات المكتوبة تعبر عن وجهه نظر صاحبها ,, ولاتعبر بأي شكل من الاشكال عن وجهة نظر إدارة المنتدى ~
العرض العادي
