حلقات ( اجمد عضو ) مع ( morshooo )

[ملاك الجنة]

انا كونت متابعه الجزء الاول
و بجد كان اكتر من رائع


و متبعاك في الجزء التاني
بالتوفيق

[تيا]

أنا مكنتش متابعه الجزء الأول بس
ان شاء الله هتابع معاكم الجزء التاني
في انتظار الحلقه الأولى

[ماتركس]

السلام عليكم ياا مرووشه
انا عندي تعليق علي برناامجك ياا احمد
في اعضااء جديده لازم تضفهاا
علشاان هماا اللي عايزين نتعرف عليهم اكتر
انتاا بتجيب المشرفاات اغلبهم
نوع ياا استاذ احمد ويااريت تجيب الاعضااء الجدد علشاان
يحسوو انو احنا مهتمين بيهم شويه
اناا حااسس كده انوو البرناامج ده للمشرفين وبس
ليه واللبنات وبس يااريت تنووع والد وبنت هيبقي احسن
وتعليق تاني اللي يضااف مره يبقي خلاص
ادي فرصه لنااس تانيه وشكرااا

[morshooo]

اهلا ومرحبا بكم

واولى حلقات الجزء الثانى من برنامجكم

اجمد عضو

طبعا كلنا تابعنا الجزء الاول والى الحمد لله

كان ناجح جدااااااااااا

لكن فى البداية احب اشكر جميع الاعضاء الى شاركو فى الجزء الاول

والى اكيد هما سبب نجاح البرنامج واتمنى استمرار النجاح من خلال

الجزء الثانى

ودلوقتى تعالو نبدا اولى حلقات

اجمد عضو

اليوم معى ومعكم عضوة غالية رائعة بتواجدها

مميزة دائما صاحبة تواجد رائع معنا اليوم

مميزة النشاط الراقى

sereen



اهلا بيكى ضيفتى الغالية

ودلوقتى تعالو نشوف عناوين من اللقاء الرائع



sereen:انا انسانة عادية وبسيطة صريحة ليا مبأدىء ماشية بيها


حبيت قبل كدا بس اكتشفت انة ماكنش حب بس كان نقص خبرة


دخلت المنتدى صدفة وكنت فاكراة بنات بس وكنت تايهة جدا فية


نفسي اوصل للحلم والطموحآت ال بتمناها ونفسى اربى ولادى كويس ويكون ربنا راضى عنى


بصراحة مكنتش اعرف حاجا عن اجمد عضو وقبلت الدعوة عشان بعتهالى يوم عيد ميلادى


ودلوقتى تعالو نشوف الحوار الرائع

س / الاسم السن المؤهل الهوايات ؟

الآســـم: سيرين

الســن : 24 كملتهم من اسبوع

المــؤهل: بكآلوريوس تربية_ خلصت أول سنة مآجستير

الهوآيات : ماليش هوآية محددة بس كل مآهو جديد ويلفت نظري ممكن يكون

من هوآياتي

بحب الأطلآع والتثقيف الذآتي _ الكتآبة احيانآ للخوآطر _النت _ الرسم
بس كدة خلآويص



س / فى البداية لو قولتلك عبرى عن الى جواكى فى سطرين هتقولى اية ؟

اممممم لو هعبر عن ال جوايآ يبقي هتكلم عن نفسي

إنسآنة عآدية_ بسيطة_ فاهمة نفسهآ كويس وعآرفة ايه بتحبة واية ال بتكرهه_ صريحة_

لهآ مبآدىء مآشية بيهآ في حيآتهآ_ لهآ أهداف وطموحآت محدداهآ وبتحآول تحققهآ _

حآطة حوآجز وحدود في تعآملآتهآ وخصوصآ الاشخآص الجديدة

كفآية كدة علشآن السطرين خلصوآ


س / انتى صحيح عاشقة الطفولة البريئة ؟

بحب الأطفآل جدآ ,,, بحب الأسم دا جدآ جدآ ومن اخترآعي,,,

بحس فى الاطفال النقاء والصفآء والبرآءة فعلآ وعندي صبر كبير معآهم ,,, معظم أطفآل

العيلة بيحبوني,,,

س / اية اخبار طفولتك ؟

كآنت طفولة سعيدة نوعآ مآ وهادية ,,, كنت طفلة مدللة من بابا

(بس كآن زمآن يا بدران اهىء اهىء اووو) ,,,, هآدية ومحبوبة من معظم المدرسين

س / جميل ان كل واحد يبقى فاكر ايام طفولتة ؟ انتى فاكراها ؟

اة فآكرة من طفولتي حآجآت حلوووووة كتير,,

كآنت متقسمة بين مصر والسعودية لآني مولوده في مكة المكرمة..

س / فاكرة اية من طفولتك ؟

فاكرة موآقف كتير وفآكرة صحبآتي ال كنت بلعب معآهم فى مصر وفى السعودية,,,

فآكرة عرايسي وانا صغيرة ال كنت بحبهآ,,

فآكرة موقف تهت فية في السعودية وانا صغيرة وال لآقآنى ركبنى العربية وجآبلى حلويات

من المحل وفضل يلف بالعربية علشآن حد من اهلى يشوفني وشآفونى,, وانا كنت هايصة

فى الحلويآت ولآ هممني حآجة ههههه,,

كفآية فضآيح كدة,,,



س / سيرين كانت بنت شقية والا لا ؟

لاء كنت هآدية نوعآ ما ,,,

ماعملتش كوارث وأنا صغيرة ,, الحمد لله


س / اية حكاية ( حب الحياة تحبك ) ؟

دي مقولة فكرت فيهآ وشايفآها صح جدآ
لو كل واحد غير نظرتة للحيآة وخلآها نظرة ايجابية وتفائلية وفيهآ رضآ هيلآقي شكل الحيآة

اتغير وبدأت حآجآت كتير تتفتح قدآمة اتعودت في حيآتى اني ءأقلم نفسي علي كل حآجة

ولو حاجة مش بحبهآ ومفروضة عليآ احآول احبهآ وجربت الموضوع دآ فى حآجآت

كتيرة ,,,,ممكن الواحد يدخل كلية مش بيحبهآ او يقابلة مادة بيكرهآ بس مافيش في ايدة

حآجة ومش قادر يغيرهآ ,,, لو جرب يحب الحآجة دي ويكتشف مميزاتهآ او فايدتهآ

هيساعد نفسة وهيلآقي الموضوع أسهل بكتير,,,وفية فرق كبير اوى بين نتيجة الحآجة

ال بتعملهآ وانت حاببها وبين نتيجة الحاجة ال بتعملها وانت كآرهها ومفروضة عليكـ ..

س / محصلش قبل كدا والحياة اديتك ظهرها زى ما بيقولو ؟


طبعآ حصل وكتير,, وقابلتني صعوبآت كتيرة,,


لآن دى الحيآة وأنآ ما يأستش وحآولت من جديد ودآيمآعندي تفاءل ,,,


أي حآجة بتحصلي بتعلم منهآ وعمرى اما شفتهآ انهآ اخر الكون,,,


دآيمآ بريق الامل بيكون موجود,,



س / انتى صحيح مميزة النشاط الراقى ؟

أة تصدق,,,


بصرآحة اللقب دآ عجبني جدآ والإدارة اختآرتة صح عليآ ,,


دآيمآ بدخل الموضوع ال احس إن عندى معلومة اقدر اضيفهآ او الموضوع ال استفآدت


منه,, أو الموضوع ال لفت انتبآهي ,,


س / انتى بتحبى الالقاب الى زى دى فى المنتدى ؟

موضوع الألقاب بالنسبالي عآدي والله هى بتدي الواحد حمآس اكتر وبتشجع الأعضآء


وشجعتني أنآ شخصيآ على الدخول اكتر والتفآعل,,

المهم إني احس انى ممكن اساعد حد او افيد حد او انا استفاد ودآ هدفي من المنتدي,,,,


س / ماشاء الله شايفك حاصلة على شهادات تقدير ؟ بتهم الحاجات دى والا مش بتفرق معاكى ؟

طبعآ تهمني جدآ والآ ماكنتش تعبت ووصلتلهآ


حآطة هدفـ في حيآتي: طول مآ أنآ عايشة طول ما هثقف نفسي ,,, العلم مش بينتهي


بمجرد التخرج من الجآمعة بالعكس بيبتدي,,, دراسة الجامعة ماهى الا دراسة مفروضة


عليكـ اما الدراسة ال بعدهآ بتكون نتيجة اختيآرك انت والتثقيف الذاتي امتع تثقيف,,,


حآبة الهدف دآ علشان نفسي وعلشآن انمي عقليتى وازود الوعي,,, علشآن ولآدى لما يجوا


يسألونى يحسوا انى فاهمة وقادرة افيدهم ,,, اعرف اربيهم صح وانمى عقليآت كويسة ,,,


الجيل كل مرة بيطلع عنده وعي اكتر لانه بيتعرض لوسائل تكنولوجية ماقبلتناش ولا


اتعرضنا ليها احنا فى صغرنآ,,,, لازم نكون أمهآت وآبآء نعرف نتعآمل مع اولادنآ صح


علشآن نقدر نربي صح...!!!


س / اية اخبار الماجستير معاكى ؟

يااااه هو متعب شوية بس حلووو,,,

كل حاجة بتدور عليهآ بنفسك وبتختآر خطة البحث لرسالتك بنفسك يعني الموضوع متعب شوية,,

كل مرة بيصعبوا الموضوع اكتر ,,,, كفآية كورس التويفل ال قرروه دآ,,, يعني كل

مرة بيكون الموضوع فل الفل,,, بس طالما حاجة هتفدني يبقي ماتزعلنيش,,

الموضوع محتآج صبر وارادة وههدف عايز توصلة ولا لاء,,


س / فاكرة ايام الجامعة والا مكنتيش عيشاها صح مع اصدقاءك ؟

طبعآ فآكرها وتقريبآ ما انفصلتش عن الجآمعة لغآية دلوقتي,,,,

فترة لما بفتكرهآ دلوقتى بحلوهآ وصعوبتهآ بقول انهآ كانت جميلة وأنآ فيهآ ماكنتش حآسة

بكدة وكنت دآيما عايزة اخلص وكنت حاسة انهآ مرحلة متعبة,,, بس اكتشفت انى كنت

غلطآنة الانسان بيخرج من مرحلة لمرحلة اصعب بس لما بيكون جوا المرحلة نفسها بيحس

انه فى اصعب مرحلة على الرغم ان دا غلط لآنة بيكون فكره محدود عليهآ بس ,,,

احنآ بنخرج من مرحلة سهله لأصعب مش العكس,,,

كآنت فترة حلوة وفاكرة مواقف كتيرة لذيذة مع صحباتي لما بفتكرهآ بضحك بس غالبا

كانت حيآتى انا وصحبآتى محاضرات خلصت بنروح ماكنآش بنطيق الكلية,,, بس طبعآ

كتير اوى كنآ بنخرج ونطلع رحلآت وبنشترك طبعآ مع بعض فى الابحآث والمشآريع العملي ال كنآ بنكرهآ كره,,,



س / انتى لسة على علاقة باصدقاء الدراسة والا كل واحد راح لحالو ؟

لسة ولسه كمآن على اتصال بصحبآت ليآ ايآم ابتدآئى تخيل..!!

انا اجتمآعية جدآ وصحبآتي كتير بس دآيمآ فى كل مرحلة بيكون ليا صديقة او اتنين مقربين

مني ,,, دول دآيمآ ال بحآول احتفظ بعلآقتهم على اد اما اقدر انا وهم,,, مانكرش ان

الظروف بعدت بينى وبين صحبات مقربين ليا بس لسة عندى صحبات مقربين,,,

س / انتى من اهتمامتك حب الاطفال ؟

ههههههههههههه

اصلى ضحكت على نفسي ضحك لآني فعلآ كاتبة فى المنتدي هنآ من اهتماماتى حب الاطفال وماغيرتهآش,,

حب الاطفال اصلآ ماينفعش يكون من الاهتمامات مش راكبة يعني...!!!!!!!!! لآن الاهتمآمات جاية شوية من الهوآيات

دآ لانى لما كنت بسجل فى المنتدي هنآ كنت متوقعة اني مش هدخل تآنى فعملت الملف بتاعى اى حاجة وما اهتمتش اوى بتنسيقة واية ال اكتبة ,,,

انا فعلآ بحب الاطفال وممكن اقضي وقت اتكلم معاهم واسمعهم وعندي صبر لكدة ,,,

العب معاهم وبحب اسألهم ويخليهم يفكروآ واشوف ردودهم,,, اطبق عليهآ الحاجات

الجديدة ال اخدتهآ فى دراستى او لو قريت بحث جديد احب اشوفه عليهم يعني انا دمآغ

معآهم ومزآج تآني خآلص ,, وبكون فى عآلم تآنى وانا وسطهم,,,

س / ممكن سيرين تشوف نفسها فى طفل ؟

امممممم سؤالك حلو وخلآنى افكر

ممكن أشوف طفلة احس انهآ قريبه مني وانا صغيرة,,, هدوئها تعاملها او لو بتعمل حاجة

كنت انا بعملها وانا صغيرة او بتحب حاجة حبتها انا,,,

يمكن انا عآرفة تصرفاتى شوية وانا صغيرة لان ماما وبابا مسجلين ليآ انا واخوآتي شرائط

فيديو كتير وكنت بشوف نفسي وانا صغيرة,,, دآ سر شويبس

س / ليكى فى السياسة والا ؟

بصرآحة لاء.... رغم مؤخرآ حسيت ان الوآحد المفروض يكون له في كل حآجة حتى لو

مش من اهتماماتة بس لازم يكون عندة وعي بلى بيحصل حوله,,,


س / اية رائيك فى المشكلة الفلسطينية ؟ انا شايف ان الناس بعدت شوية عنها ؟

الحرب مش متكآفئة بين فلسطين واسرائيل

نآس بتضرب بنووى وصوآريخ ونآس بحجآرة ومسدسآت,,,

مهمآ كآنت قوة الصواريخ والقنآبل ال بيستخدموهآ الفلسطنين بس مش زي اسلحة اسرائيل

اسرائيل بتستخدم اسلحة محرمة شرعيآ ولا تقبلها اى ديانات ,, كانوا بيستخدموا اسلحة

بتفتت الاعضاء والحل الوحيد هو بتر العضو وماينفعش حتى علاجة,,,

في نآس ملهآش اى ذنب وبتموت أطفال مولودة ونسآء وشيوخ,,,

الفلسطين نفسهم محتآجين يتحدوا من غير فتن وانقسآمات,,

النآس بعدت كتير لآن الاعلآن بعد ومابقاش مهتم بعرض المشكلة زى الاول وللأسف النآس تبع الاعلآن..



س / هو اية المطلوب من الوطن العربى اتجاة الشعب الفلسطينى ؟

يتحدوا من غير خوف ولآ انقسآمات ,,,,

يسآعدوا الفلسطنين ويمدوهم بإحتيجآتهم,,,

يقفوآ رؤسآء العرب وقفة صح لوضع حد للظلم دآ ويوصلوآ لحلول ,,,

س / انا كنت عامل حوار قبل كدا مع عضوة فلسطينية وقالتلى ( الى هيحرر فلسطين شعبها لازم الشعب ياخد الخطوة الاولى ) تفتكرى دا صح ؟

دآ صح

لو حرامى دخل بيتك المفروض الدفاع عن بيتك يبدأ منك نفسك ,, ماتستناش الجيران هى

ال تيجي تدآفع,,, الجيرآن دورهآ التدعيم والمساعده بس دورك انت الاهم ,,,

ودآ نفس الكلآم بقيسة على الفلسطنين ,,,

المتضرر هو الوحيد ال يقدر يحل مشكلتة ويدافع عن ارضة لانه اكتر واحد بيكون على

وعى بيها,,, بس دآ مايمنعش ان دورنآ كدول عربيه بتحب فلسطين ولازم تتوحد

وتدآفع عنهآ مهم جدآ وخصوصا ان الفلسطنين محتآجين المساعده والتدعيم,,,, التحرير

عمره اما هيجي بالشعب الفلسطيني فقط هيجي بتوحيد العرب من غير اي انقسامآت ,,,

واجبنآ كدول عربية التدعيم والمساعده وواجب الفلسطنين الارآدة وعدم الاستسلآم والخوف ,,,

بس السؤال هنآ هل نقدر احنآ كدول عربية نوفر للفلسطنين اسلحة مشابهة لآسلحة اسرائيل

ال بتوآجههم؟؟؟ وهل نقدر نمنع دعم امريكا لاسرائيل او نمنع اسلحة اسرائيل ال

بتستخدمهآ؟؟؟ ... سؤال يطرح نفسة,,, وتوقفت نشرتنآ الاخبارية الى هذآ الحد,,

س / انتى محبتيش قبل كدا ؟

حصل
بس اكتشف انة ماكنش حب اوى وكان نآتج من نقص خبره وصغر سني فى الوقت دآ...

س / هو ممكن الانسان يعيش من غير حب ؟

ممكن لان الحب مش من الحآجات الاساسية الازمة لبقآء الانسآن حي ,,
بس لية يعيش من غير حب...!!!

س / مين اقرب حد لقلب سيرين ؟

عآئلتي ,,, صحبآتي

س / انتى دخلتى المنتدى ازاى ؟

بالصدفة,,, كنت مفكراه الاول منتدي بنآت

لمآ دخلته فى الأول حسيت اني تآيهة جدآ ال شدني ليه هو اختلآف الثقافات والعقليآت ال فية ,,,

شدني تفاعل الاعضاء معآيا فى قسم النقآش وبعدهآ اتشديت للمسآبقات ال فيه وكنت الاول

بحلها مع نفسى فى البيت واستني لما الحل يتحط ولمآ لاقيته بيكون صح اتشجعت اكتر اني ابدأ وابعت حلولي,,,

شدنى للمنتدى تفاعل الاعضاء معآيا فى رمضان فى جدول محاسبة النفس,,, اهو الجدول دآ

نزلته فى منتديآت كتير وانا كنت عايزاهم يطبقوا اتفاجئت فى المنتدي انة اتعملة اعلان

والاعضاء دخلت وطبقوة معايا دا شجعنى وفرحنى,,,

حسيت ان المنتدى فيه روح تفاعل حلوه.,,, وتشجيع يساعدك على الاستمرار...

س / انتى بتستفيدى من المنتدى والا لا ؟

استفدت منة كتير أوي برغم اني ماكنتش متوقعة اني هستمر فيه وكنت دآخلة بالصدفة

وسجلت فيه زي باقي المنتديآت ال ما استمرتش فيهم,,,

في موآضيع كتيرة فآدتني ونقلتلى معلومآت كتيرة,, في ردود ليا فرحتني وال حسيت منهآ

انى قدرت اساعد صاحب المشكلة فيهآ ودآ بيبآن من رده ,,,

قسم الفوتوشوب بتابعة من بعيد وبحآول اطبق حآجآت فيه فآدني ,,, ومؤخرآ بتآبع دورة

السويتش مآكس وبحآول أطبقهآ لوحدي,,,

كتآبآتي فى قسم اقلآم وصفحآت مكشوفة نمي عندي الكتآبة اكتر,,,

المسآبقآت التثقيفية ال بتخاطب العقل وفيهآ تحدى واصرار وتفكير,, حلوة ومفيدة وفيهآ تعذيب ههههه,,,



س / انا شايفك شوية تهتمى بقسم قلم اعضاء بنات مصر وشوية بقسم الحوار الجاد ؟ بتقسمى وقتك ازاى فى المنتدى ؟

أهااا مضبوووط

أول اما دخلت المنتدي دخلت على قسم النقاش والحوار وحطيت كام موضوع كدة انا

ال كتباهم وعجبنى التفاعل فيه وردود الناس ,,,,

عادة مش بحب التوبيكات المنقولة وبفضل اكتب بنفسي علشآن كدة نشاطي قليل فلما

اكتشفت قسم أقلآم الاعضاء ( لآني أول اما دخلت المنتدي ماكنتش بآخد بآلى من أقسآم

كتير ,, مش عارفه حول دآ ولا اية) لآقيت ان فيه قسم لكتابات الاعضآء فقررت

اكتب فية بدل النقآش,,, شوية بشوية عجبني قسم اليوميآت وسجلآت الاعضآء وكآنوا

القسمين دول نصيحة من حد حس اني تآيهة ,, انا كنت حآسة بغربة وانى ما اعرفش حد

بس قسم السجلآت واليوميآت سآعدني انى اتفاعل شوية مع الاعضاء وعرفت منة بنوتآت لذيذة,,

بقسم وقتى ازاى فى المنتدي: أنآ بحب فية شوية اقسام ممكن تلآقينى كل فترة مهتمة بقسم منهم ( قسم اقلآم – اليوميات – سجلات الاعضاء – صفحات مكشوفة – الفوتوشوب – المسابقات)

بس ماعرفش لية دآيمآ بحس انى مش هكمل في المنتدى...!!!

المنتدى حلو بس يمكن علشآن مافيش حاجات كتير ربطآني بيه,,, ويمكن كمآن علشان دراستي كل مرة بتصعب ...

س / سيرين نفسها تبقى اية ؟

نفسي اوصل للحلم والطموحآت ال بتمناها حتى لو ما اتحققتش كلهآ ,,,

نفسي ازود ثقآفتى اكتر وماتكونش ثقافه دنيوية بس لآ دينية كمآن,,,

نفسي أربي ولادى كويس وأنمي جواهم الضمير والقيم والمبآدىء ال توجههم في حيآتهم وتخلي عندهم طموح عايزين يحققوة ,,,

نفسي ربنآ يكون راضي عنى دآيمآ واعمل اعمال كويسة وادخل الجنة ( دآ سبب وجودنآ فى الحيآة) ,,,أهلي يكونوا راضين عني ويفتخروا بيا ,,,

س / اية طموحاتك فى الحياة ؟

طموحآتى كتير ولآ تنتهي,,, منهم الطموحآت الصغيرة والأحلآم الكبيرة,,, عندي طموحآت فى كل المستويآت

المستوى الديني: افهم دينى كويس وازود معرفتي اكتر واحفظ القرآن الكريم

المستوى العلمي: اوصل للحلم ال بتمناة من اول اما دخلت الكلية ,,,

المستوي الوظيفى: أحقق الطموحات ال بتمنآها فى وظيفتي ,,

المستوي العاطفى والاسرى: أكون اسرة يسودها جو الحب والتفاهم واختآر صح _ تكون

فيها مشاركة متبادلة بين الطرفين اشاركة اهتماماته ويشاركنى اهتماماتى علشان الحياة

ماتكونش ممله ويسودها الصمت _ اربى ولادى كويس وافيدهم بدراستى ال وخداهم

علشانهم _ اساعدهم على تحقيق طموحهم هم وال بيتمنوه مش ال انا بتمناه _ أربى عقول

كويسة واعيه تقدر تتعامل مع تحدى العصر فى نطآق مبادئهم وقيمهم ال زرعتها جواهم,,,

حد يآخد مني الميكروفون لحسن بقيت رغآية أوووي..

س / منتدى بنات مصر ناقصة اية ؟

ما اقدرش احكم على حاجة من غير اما اكون مدركة ابعادها كويس,,

بمعنى علشآن احدد اية الحآجة ال نآقصة فى اى موضوع لآزم أكون ملمة بجوانبة كويس ,,,

فأنآ ماعرفش ابعاد المنتدى كويس ولا اعرف ايه الحاجات ال موجودة كلها علشان احدد

النقص او اقيمه,,,, ممكن اقولك ناقصة كذا وكذا وتكون حاجات فيه وانا

ماعرفش...!!

كل ال اقدر اقوله

ان التجديد في اى حاجة بيكون كويس ,,, نهتم بالحاجات ال تخلينآ مميزين عن بآقي

المنتديآت ,,, نبص للمواقع الكبيرة ونشوف سبب نجآحهآ ونحاول نقلدهآ لغاية اما نتفوق عليهآ ,,,

حآجة مخنوقة منهآ هى استايلات المنتدى عايزين يكون فيها تجديد لاني بصراحة بمل وبزهق

بسرعه ههههه بلآقى اللون هو ال اتغير والشكل زى ماهو وكده الاستايل بقى جديد,,, ياسلام

انا عبرت عن رايي كمواطنة مصرية عآيشة ومتعآيشة فى المنتدي دآ,,, ومستعده للحبس أهو ,,,



س / انتى كنتى تعرفى حاجا عن اجمد عضو ؟

هههههههههههههه

يادي الاحراج...!!

بصرآحة لاء خآلص ودآ بسبب دخولى القليل والمتقطع فخلآني مش متآبعة حآجآت كتير,,,,

ولما اتبعتتلى الدعوة فتحت شوية توبيكات علشان افهم الفكرة,,,

بس هو برنآمج حلو واسئلتة حلوة ..

س / تقولى اية لى اعضاء المنتدى ؟

اقولهم انا فعلآ اول اما دخلت المنتدى كنت بتمنى يكون ليا صحاب بنات والحمد لله

لآقيت ,,,, في بنوتات كتيرة حبيتها برغم ان تعاملنا قليل اوى وممكن نكون ما اتكلمناش

غير في المنتدى بس,,,

يمكن دآ ال كسر شوية احساس الغربة ال كنت بحس بيه,,

بقولهم كمآن : انتم روحكم حلوة مع بعض وفي بينكم تآلف ومشآركة ماتفقدوهآش ,,,

س / صحيح انتى قبلتى الدعوة لية ؟

هقولك ليه ياسيدي

انا لما جتلى الدعوة استغربت لانها جت فى فترة ماكنتش بدخل فيهآ المنتدى اوى وعلى

الرغم من كدة انت بعتلي الدعوة

وافقت عليها علشآن سببن:

الأول: ان مافيش اى داعي انى ارفضهآ وعادى جدا لما اى حد يستضيف حد ويبعتله دعوة

فهرفضهآ ليه والا هتكون غلاسة منى,,,

التآنى: انهآ اتبعتتلي فى عيد ميلآدي ودآ ال فرحني بيهآ اوى

س / عجبك اجمد عضو والا زى اى برنامج تانى ؟

برنآمج حلو جدا واسئلة حلوة وممتعة,,, حسيت فية اني رغآية مووووت وكنت

بجآوب بذمة أوى ههههه (كأني بحل اسئلة ثانوية عآمة ههههه)قلت كلآم كتير اوي جوايآ

اول مرة اقولة فى منتدي,,,يآرب يكون كلآمى خفيف وحلو عليكم (أشتآتآ اشتوت)

أتمني بجد إنكم تستمتعوا بالحلقة دى وتعجبكم (حاسة اني فى القناة السكة هههه)

أخيراااااااااااااااا

بشكرك جدا يا مورشو على الاستضافة الجميلة دى والاسئله ال امتعتنى فى الرد جدآ,,, وشكرآ على الدعوه

وبكدا تنتهى اولى حلقات

الجزء الثانى وبجد بشكر ضيفتى الغالية على تلبية الدعوة

انتظرونى وضيف جديد فى برنامجكم

اجمد عضو

تحياتى

morshooo

..

[~♥ Queen sozan♥~]

حلقة حلوة اوى
واجباتك جميلة جدا يا سرين
ويارب تكونى متالقة دايما

[morshooo]

اقتباسالمشاركة الأصلية كتبت بواسطة ماتركسالسلام عليكم ياا مرووشه
انا عندي تعليق علي برناامجك ياا احمد
في اعضااء جديده لازم تضفهاا
علشاان هماا اللي عايزين نتعرف عليهم اكتر
انتاا بتجيب المشرفاات اغلبهم
نوع ياا استاذ احمد ويااريت تجيب الاعضااء الجدد علشاان
يحسوو انو احنا مهتمين بيهم شويه
اناا حااسس كده انوو البرناامج ده للمشرفين وبس
ليه واللبنات وبس يااريت تنووع والد وبنت هيبقي احسن
وتعليق تاني اللي يضااف مره يبقي خلاص
ادي فرصه لنااس تانيه وشكرااا

ماتركس باشاااااااااااااااا

كل كلامك صح يا باشاااااااااااااا

فعلا الجزء الاول كان للمشرفين واغلبهم بنات

بس دا لان المشرفين ماوصلوش لى الاشراف بسهولة

وحقهم على البرنامج يكونو موجودين واغلب المشرفين بنات

لو تاخد بالك وفى شباب بس فى اعتزر عن البرنامج لظروف خاصة بكل واحد

وحكاية الاعضاء الجدد دا فعلا الى هتشوفة فى الجزء الثانى

اشكرك على التواجد

تحياتى

[morshooo]

نورتى يا همس

والجميل مرورك الرائع

تحياتى لكى

[ملاك الجنة]

بجد اتعرفنا عليكي اكتر يا سيرين
و بجد حلقة كانت روووووعهـ
و استمتعناجداا بوجود سيرين

و اختيار موفق يا مارشو
بانتظار الحلقة الجاية

[تيا]

حلقه جميله جدا
وإجابات جميله جدا
وواضح انك مثقفه يا سيرين مكنتش اعرف عنك كده هههه
وربنا يوفقك وتحققي كل اللي بتتمنيه

[Dr.nour]

جميله اجاباتك جدا يا سيرى

وربنا يوفقك وتخلصى الماستير على خير

وتاخدى ماجستير مع مرتبه ومخده كووومان

^_^

اجاباتك جميله يا قمر

تمنياتى بالتوفيق