حلقات ( اجمد عضو ) مع ( morshooo )

[Řǻet βanota]

انتى رائعة بجد بس انا احب ان اكون صديقتك يا همس ممكن تبعتيلى
دعوة صداقة واظن انى ماليش ذنب عشان انا جديدة
مع حبى واحترامى

[morshooo]

احب اشكر الضيفة الغالية على

تلبية الدعوة واشكر جميع الاعضاء

على التواجد الرائع

[مشتاقه للجنه]

هموسه منوره الحــلقه وبجد انتى من اول ما دخلتى المنتدى

وانتى عسوله ومحبوبه بيننا بموضوعاتك وليه لا متكونيش مشرفه .. علشان احنا بنحبك واكييد تفرقى معنا كتتتتير ..

وانتى تستحقى كل الخير وبلاش الحزن وتفائلى خير ..


أحمد شكراا على الحلقه الجميله

وفى أنتظار ضيف جديد


تحيااتى لك

[morshooo]

اهلا ومرحبا بكم

وحلقة جديدة من حلقات

برنامجكم المستمر

اجمد عضو

ومازلنا ننفرد باللقاءات الحصريأ

ومعى اليوم عضوة جديدة متالقة

تتميز بتواجدها الرائع معنا

speciel girl

مميزة النشاط التفاعلى



واحب اقول حاجا ضيفتنا ايضا

زعلانة من اعضاء بنات مصر

تعالو نشوف عناوين من اللقاء الرائع

speciel girl : انا مش بثق بسرعة فى الناس فصعب اقول اى حاجا لئى شخص

من كتر الغربة تقدر تقول مش بحس قوى بفراق مصر عشان اتعود على كدا

طفولتى مكنتش فى مصر والا فى الامارات كانت فى بريطانيا

اتحملت المسئولية من صغرى بسبب حادث حصل لوالدتى

من اعز اصدقائى الكتابة لانة صديق مخلص بيسمعك من غير ما تقول حاجا

هستعد لرمضان بعد العودة لى الامارات ويومى بيكون بين الصلاة وقراءة القران

حاسة انى لا شيء بالنسبة للكثير من الاعضاء ولما بغيب مش بحس بقيمة عدم وجودى

والان تعالو نستمتع باللقاء الرائع





س / الاسم السن الدراسة ؟

اسمي ساره المنتدي كله يعرفه

عندي15سنه لسه بابي

يمكن باقي سنتين واروح الجامعه او 3 الله اعلم.

س / سارة قوليلى اية اخبار الدراسة معاكى ؟

الحمد لله بخير قوي

بحبها جدا جدا

بتعب فيها قوق بس لما بلاقي النتيجه بحس بقيمه التعب.

س / اية حكاية & صــمــتــي جــــوابـــــــي& ؟

انا فعلا بحب الكلام وبتئلم كتير بس الصمت عندي جواب للكتير قوي

وانا بؤمن بمقوله الصمت ابلغ الحديث.

س / انتى من النوع صحيح الى بيحب يشيل فى قلبة ؟

انا بصراحه مش بثق بسرعه في الناس فصعب اقول اي حاجه

لائى شخص .



س / مصر بتوحشك وانتى فى الامارات ؟

جدا بس تقدر تقول من كتر الغربه مس بحس قوي بفرقها.

س / كلماينا عن الامارات كدا ؟

باختصار لو اتطلب مني اقييم احسن دوله عربيه هختار الامارات.

ولكن مصر بلدي وبحبها جداااااااا



س / بتحسى بغربة وانتى فى الامارات ؟

لا لأني خلاص تعودت علي الغربه جدا

فبقيت مش بفكر في الغربة اصلا.

س / اكيد ليكى اصدقاء هناك بتحسى باية وانتى معاهم ؟

بكون سعيده جدا معاهم انا عندي الصداقه بدونها مقدرش اعيش.

س / اول ما تيجى مصر اول حاجا بتحرصى تعمليها اية ؟

بكون مشتاقه لأهي جدا فاول حاجه بعملها اشوف اهلي

وبعدين ازور باقي مصر.

س / اكيد انتى فاكرة ايام طفولتك ؟

طبعا فكراها كنت طفله مزعجه قوي قوي

مش عرفه اهلي تحملوني ازاي.



س / كلمينا عنها وكانت فى مصر والا بين مصر والامارات ؟

لا هنا ولا هناك

كانت في برطنيا شفت بقولك تعودت علي الغربه.

طفولتي كانت جميله قوي ماما حصلها حادث وانا عندي

6شهور فأنا من يومها تحملت المسوؤليه جدا

وبقت اكبر من سني.

س / احكيلنا اية حكاية بريطانيا دى كمان ؟

هههههههههههه

مش قلت الغربه ولا حاجه بالنسبه ليا

بابا لما كان في الكليه كان طالب متفوق

اخد منحه لبرطنيا علشان يحضر الماجستر

وراح علي اساس 3سنوات وبعدين ماما قالت احضر كمان

فبقت4سنوات وبعدين15سنه واكتر.

س / اية الحادث الى حصل لوالدتك دا ؟

وانا عندي6شهور

ماما عملت حادث بالسياره واعدت في المستشفي اربع شهور.

س / انتى صحيح بتحبى الكتابة ؟

من اعز اصدقائي

هي صديق مخلص قوي بتسمع بدون ما تقول حاجه مش بتشكي

همها بس بتسمع.



س / انتى بتحبى مصر والا بتحبيها عشان انتى بعيد عنها ؟

لا بحبها جدا واكتر من اي بلد

بس لو قربت منها اخاف الوضع يتغير ولكن

كل احلامي عشان مصر.



س / تعالى ندخل فى جو رمضان بتقضى رمضان في مصر والا الامارات ؟

لا في الامارات ان شاء الله.

س / استعديتى لرمضان ازاى ؟

لسه بستعد رجوع الامارات لسه مدخلتش في تحضير رمضان

س/ بتعملى اية ايام شهر رمضان ؟

عاادي يومي بيكون بين صلاه وقراءه قران

س / بتحبى تاكلى اية فى رمضان ؟

نعمه ربنا كلها حلوه الحمد لله

مفيش شيء معين بس بحب اشرب قمر الدين قوي.

س / اخبارك اية مع الفن ؟

مش بتابع اخبار الفانين بس بتابع الافلام

والمسلسلات وبتابع اخبار فناني المفضل.

س / مين مطربك المفضل ومطربتك المفضلة ؟

المطربه جنات وهانا مونتانا

المطرب حماقي طبعا ومساري

س / اية حكاية رابطة محبى التغيير دى الى مشتركة فيها ؟

رابطه مهمه قوي بس تقدر تقول واقفه الفتره دي

لأن صاحبها مشغول شويه.

س / انا لسة عامل حوار مع عضوة فى رابطة محبى التغيير وكان ردها مش بستفيد منها ؟ وانتى بتستفيدى ازاى منها ؟

لو قرأت المواضيع كويس هتستفيد كتير والله

س / وفعلا عملتو حاجا من خلال المجموعة دى ؟

كل الاعضاء اي فيها ما شاء الله متميزين جدا

وبنحاول نغير الواقع للأفضل.



س / انتى دخلتى المنتدى ازاى ؟

باصدفه كنت بدور علي منتدي عربي لأني كنت في برطنيا

وقدرت اوصل لهنا الحمد لله.

س / قررتى الاستمرار بالمنتدى بعد التسجيل لية ؟

في الاول كنت حسه بالوحده هنا

ومش حسه بوجودي خالص

بس بعدين تعلمت كتير قوي والحمد لله

وحسيت بقيمه وجودي هنا.

س / تفتكرى فى حد بينتظر مواضيعك من الاعضاء ؟

اعتقد بعض الاعضاء والباقي الله اعلم.

س / لو غبتى عن المنتدى بتلاقى الى بيسئل عنك والا لا ؟

للأسف في ناس بتوقع منهم السؤال بس مش بيسألو

ولكن الي اعرفهم هنا بيسألوا عني اكيد.



س / شايفك موجودة فى قسم تعليم اللغة الانجليزية بشكل كويس ؟

بحب اللغه االانجيزيه جدا يمكن لأني كنت في برطنيا

بحب اكون ليا تواجد في القسم علشان مش انسي اللغه

وامارس حاجه بحبها.

س / محدش طلب منك تكونى مشرفة قسم ما فى المنتدى ؟

لا والله بس اتمني.

س / لو بعتولك تبقى مشرفة هتطلبى قسم اية تشرفى علية ؟

بكل تأكيد قسم النقاش والحوار الجاد

س / كنتى متابعة اجمد عضو ؟

في الاول لا بعدين عجبني جدا

س / لما بعتلك الدعوة فكرتى والا وافقتى على طول ؟

لا بدون تفكير لأني كان نفسي في دعوه لأي برنامج

تغير شويه .




س / اية رائيك فى اجمد عضو ؟

برنامج جامد اخر حاجه بجد

بالتوفيق لك يا احمد.

س / انتى وافقتى على الدعوة لية ؟

لأني بجد حسه اني لا شيء بالنسبه للكتير في المنتدي

لما بغيب مش بحس بقيمه عدم وجودي وبضايق ونفسي بقي

اعرف ايه السبب؟؟؟؟؟

س / عايز اعرف ازاى حاسة بقيمت وجودك بالمنتدى وازاى حاسة انك لا شيء للكثيرين بالمنتدى؟

لا في الاول كنت مش بحس بوجودي خاص

لكن دوقتي ليا حضور كبير

بس اني لا شيء ده بالسبه لاهتمام الاعضاء .

س / يعنى انتى زعلانة من اعضاء المنتدى بسبب عدم الاهتمام ؟

ااه قوي

والله بعمل كتييييييييييييييير للمنتدي

بس ما باخد حقي خالص

وكتير بتوقع سؤالهم بس بينسوا كل حاجه

مع اني كل فتره بسأل عن كل الي اعرفهم.


وبكدا تنتهى حلقتنا النهاردة

انتظرونى وحلقة جديدة من

اجمد عضو

تحياتى

morshooo



اضغط على هذا الرابط

اكاديمية بنات مصر

[الأميرة منة]

حلقة جميلة ومميزة جدا
بالتوفيق

[*تحدوها البشر*]

برنــــــــــــــــــــــامج رائع وتحفــــــــــه
وكنت عاوزة اقولك حاجه يا همس
علي فكره الصورة لفتت نظري
وكنت ناويه وربي يشهد علي كلامي اني ابعت لك رساله
واسألك واعرف ليه كنتي كاتبه الكلام ده وكدا
بس ترددت..........
وقولت انا ما تعملتش معاكي غير مره اومرتين يمكن
ويمكن متكونيش عارفاني من اصله
وبجد يا هموسه احنا كلنا بنحبك وبتفرق معانا اكيييد
واجاباتك كانت روووعة وجميله
وكنتي منووره الحلقه

ميرسي مارشو ع الحلقه الحلوة
والعضوه الاحلي
تقبلوا مروري

[صافي]

انا عايزة اعلق علي نقطه انك لما بتغيبي محدش بيسئل عليكي

طب انتي ليكي صحاب في المنتدي اكيد لو ليكي هيسئلوا

لكن متستنيش انك تغيبي والمنتدي يسئل عليكي وانتي ملكيش صحاب

وقصدي بلصحاب الي عندك علي الميل

انا بقالي كتير هنا وبغيب كتير وعمري مستنيت حد يسال عليا بس ده مش معناه اني مليش

مكان في المنتدي

حلقه حلوة

تحياتي

[بـقـآيـآ ح ــڻيـڻ დ]

ساارة
منورة يا قمرى
اولاا حلقة جميلة جدا
وحاجة كويسة انك اتحملتى المسئولية وانتى صغيرة
ثانيا حكاية الاصحاب دى
ممكن علشان انتى مش مرتبطة بحد من هنا جامد
بس بجد والله انتى شخصية منتهى الجمال والادب
وربنا يوفقك بحياتك يارب
حلقة روعة يا مورشو
بالتوفيق باذن الله

[special girl]

اقتباسالمشاركة الأصلية كتبت بواسطة صافيانا عايزة اعلق علي نقطه انك لما بتغيبي محدش بيسئل عليكي

طب انتي ليكي صحاب في المنتدي اكيد لو ليكي هيسئلوا

لكن متستنيش انك تغيبي والمنتدي يسئل عليكي وانتي ملكيش صحاب

وقصدي بلصحاب الي عندك علي الميل

انا بقالي كتير هنا وبغيب كتير وعمري مستنيت حد يسال عليا بس ده مش معناه اني مليش

مكان في المنتدي

حلقه حلوة

تحياتي

منوراني يا صافي

انتي عرفه انا مش بعمل اخير وبستني المقابل؟لا والله ابدا

بس لما تدي ومش تاخدي اي حاجه صعبه قوي

بتحسي انك منسيه علطول.

شكرا لمرورك يا قمر.

[special girl]

اقتباسالمشاركة الأصلية كتبت بواسطة هدوء القمر

ساارة

منورة يا قمرى
اولاا حلقة جميلة جدا
وحاجة كويسة انك اتحملتى المسئولية وانتى صغيرة
ثانيا حكاية الاصحاب دى
ممكن علشان انتى مش مرتبطة بحد من هنا جامد
بس بجد والله انتى شخصية منتهى الجمال والادب
وربنا يوفقك بحياتك يارب
حلقة روعة يا مورشو
بالتوفيق باذن الله

انا كنت والله من وانا عندي ثلاث سنوات برعي اختي وهي عندها شهور

لا والله يا حنين في كتير هنا اعرفهم وبكلمهم علي الفون كمان

بس يلا ربنا يسامحهم.

منوراني يا جميل.