حلقات ( اجمد عضو ) مع ( morshooo )

[special girl]

السلام عليكم

عيزه اشوف باقي الاراء؟؟؟

[ღsandiღ]

اجابات جميلة جدا يا سارة
ربنا يوفقك يا بنوتة
وتسلم يا مورشو على الحلقة المميزة

[special girl]

اقتباسالمشاركة الأصلية كتبت بواسطة ღsandiღ

اجابات جميلة جدا يا سارة

ربنا يوفقك يا بنوتة
وتسلم يا مورشو على الحلقة المميزة

ربنا يوفقنا جميعا يا رب

منوراني يا موون.

[morshooo]

احب اشكر ضيفتى الغالية

على تلبية الدعوة

وجميع الاعضاء على مشاركت الضيفة الغالية

[morshooo]

اهلا ومرحبا بكم

يا اجمد اعضاء

وحلقة جديدة من حلقات

اجمد عضو

طبعا كل سنة وانتم طيبين

بمناسبة حلول شهر رمضان الكريم

الى ان شاء الله هيكون كلة خير علينا

وعلى الامة الاسلامية والعربية

وان شاء الله هيتم تواصل برنامجنا ايضا

فى شهر رمضان الكريم ولكن هنغير شوية

من شكل البرنامج وان شاء الله يعجبكم

النهاردة معايا ضيفة متالقة متميزة فى كل شيء

مواضيعها وكمان ردودها معى ومعكم اليوم المتالقة



Mar!am
عضو فوق الوصف



والان تعالو نشوف عناوين من اللقاء

Mar!am : عمرى 17 سنة ومن اهتماماتى تنظيف البيت وكرة اليد

طفولتى كانت لطيفة جدا بس مش فكراها اوى

انا محبتش لحد دلوقتى بس من غير غرور اتحبيت كتير حتى من ابن الجيران

مبحبش اكلم فى السياية عشان عمرنا ما هنتفق على رأى واحد

انا جهزت نفسى لرمضان وهختم القرأن ذى كل سنة

اول منتدى ادخلة كان هنا وحبيبتة وحبيت الاعضاء الى فية

ماتوقعتش وجودى فى اجمد عضو وقبلت الدعوة رخامة هههههههههه

والان تعالو نشوف الحوار الرائع

س / الاسم السن الدراسة ؟

اسمى مريم اكييد يعنى هى هى سنى 17 يختى عليا ههههه

بدرس انجليش بقى و دخلة جامعة

س / فى البداية كدا اية اخبار الاجازة ؟

مملة من الاخر ههههه



س / بتعملى اية فى ايام الاجازة دى ؟

عادى بروح النادى و اوقات بخرج

س / انتى صحيح من اهتماماتك تنظيف البيت ؟

اه اصل انا مبحبش اقعد فى مكان مش نظيف

و بحب اشوف كل حاجة نظيفة و منظمة

س / يعنى مش بتنظفى غصب عنك ؟

لالالالالا انا بحب اقعد فى مكان نظيف

س / اية اخبارك مع الرسم وكرة اليد ؟

يااااه فكرتنى بالذى مضى يا دة انا رسوماتى رائعة

و طبعا انا بقالى اكتر من 6 سنين بالعب كرة يد

س / اية اخبار طفولتك ؟

لطيفة جدا



س / فاكراها والا مش اوى ؟

لا يعنى مش اوى

س / اية اخبار اصدقاء الطفولة ؟

مبيتعوضوش و فى اللى لسة اعرفهم

س / لسة على اتصال بيهم والا لا ؟

اه كتير منهم

س / انتى صحيح مش بتعترفى بالحب ؟

لا بس انا مش مبعترفش بس المحترم كتير جدا من البنات بيحبوا

و بيرطبطوا من غير ما الاهل تعرف

س / انتى محبتيش لحد دلوقتى ؟

بصراحة من غير غرور انا اتحبيت اكتر ما حبيت

س / والا فى ابن الجيران واعجاب والحاجات دى ؟

لا طب تصدق ان ابن الجيران كان بيحبنى

لكن انا عرفت انة كان مجرد اعجاب



س / هو صحيح احنا شعب مغلوب على امرة ؟

ما بلاش سياسة بقى لان فى الاخر عمرنا ما هنتفق على راى واحد

س / لو هتصوتى فى انتخابات رئاسة الجمهورية هتختارى ( مبارك ) لتولى فترة جديدة والا هتختارى مين ؟

يالهوتاى البرادعى هى هى

س / جهزتى نفسك لشهر رمضان ؟

طبعا و هختم القرءان زى كل سنة

س / بتعملى اية فى شهر رمضان ؟

صوم و عبادة

س / بتابعى مسلسلات رمضان ؟

لا مش قوى اانا مبتفرجش ع التلفزيون و انا صايمة



س / تتوقعى هيكون اية اكثر المسلسلات مشاهدة ؟

الا متوقعة ان ان شاء الله هيكون الاكثر مشاهدة القنوات الدينية

س / بتدخلى المطبخ فى رمضان ؟ والا بتكبرى دماغك ؟

لا طبعا بدخل اعمل مع مامتى

س / انتى دخلتى المنتدى ازاى ؟

اول منتدى دخلتة هو المنتدى دة

عرفتة عن طريق البحث العادى

س / قررتى تكملى فى المنتدى لية ؟

لانة بيسلينى و انا بحبة و حبيت الاعضاء

س / لو الادارة بعتولك تحبى تبقى مشرفة هتختارى قسم اية ؟

ربنا يسهل مفيش حاجة فى دماغى لكن غالبا قسم الرياضة



س / انا شايفك مش مهتمة بقسم معين ولكن بتبقى موجودة فى كذا قسم ؟

اه كل الاقسام جميلة و انا بحبها عشان كدة بشارك فيها

س / قوليلى لما بتدخلى المنتدى بتعملى اية ؟

بشارك و بستفيد و بعمل مواضيع تفيدنى و تفيد غيرى و بقضى وقت جميل

س / انتى كنتى متابعة اجمد عضو والا لا ؟

يعنى

س / كنتى متوقعة وجودك فى اجمد عضو ؟

بصراحة لا

س / تقولى اية لبرنامج اجمد عضو ؟

ربنا يوفقك



س / فكرتى لما بعتلك الدعوة ؟

مش كتير

س / وافقتى على الدعوة لية ؟

كان نفسى اعرف الاعضاء انا مين

س / وافقتى على تلبية الدعوة لية ؟

رخامة ههههههههه

وبكدا تنتهى حلقتنا النهاردة

اتمنى ان تنال اعجابكم



تقبلو تحياتى

morshooo

ترقبوا قريبا : افتتاح اكاديمية بنات مصر

[special girl]

السلام عليكم

طبعا كالعاده اعضاء دايما رائعين

واجابات جميله يا مريم

وتشرفت اني عرفت اكتر عنك يا قمر.


واختيار موفق جدا يا احمد

تحياتي.

[●•Young Eyes•●]

morsho
مرسى على الحلقة
ننتظر جديدك
speciel girl

مرسى يا قمر انتى الاروع و الاجمل
الشرف لينا يا قمورتى

[الأميرة منة]

حلقة جميلة اوى
واختيار اجمل
بالتوفيق

[҉ آنينُ صمتـﮯ ҉]

حلقة جميلة جدا

والاسئلة كالعادة جميلة ياا حمد والاجابة في منتهي الجمال

مريم بتمنالك التوفيق في حياتك العلمية والعملية

وباين عليكي شخصية جميلة ربنا يحفظك

[ŘǾnỳ ĊŰtỷ-Xx]

الحلقه فى غايه الروعه والعضوه أنا بحبها جدا جدا ومن أعز أصحابى هنا فى المنتدى
ومتقوليش وجودك زى قلته ده أنا ببقى فرحانه جدا لما بتكونى موجوده والله بحس إنى مش لوحدى
وكويس إنك متحمله المسؤؤليه من صغرك أنا كمان تقريبا زيك بس أنا ماما سافرت وأنا عشن بعيد عنها 4 سنين
بجد إنتى عثوله اوى يا ساره وأنا بموت فيكى ربنا يخليكى ليا