حلقات ( اجمد عضو ) مع ( morshooo )

[واد حبيب]

اقتباسالمشاركة الأصلية كتبت بواسطة SiLver Spectra

نيجي بقى لواد حبيب

يا راجل حرام عليك
من غير سبب ايه بس!!
غلاسة يعني
طب سؤال أنا هستغلس عليك ليه!!
:shiny01:

شكرا يا مورشو على الحلقة

لما الرسايل وقفت انا كنت لسه جديد في المنتدي

ولاء كنت اعرف اي حد من اعضاء المنتدي

طب سؤال أنا هستغلس عليك ليه!!

والله انا مفرفش انا اول مره اتعمل مع الاداره يوم مبعتلك رساله حاضه

يعني مفيش غلاسه بين بعض ولاء لسه خلاف مع اي حد من اعضاء المنتدي

ولاء عضو من الاعضاء بعتلك رساله وقولك واد حبيب عمله مشكله معايا

انا الحمد لله بدخل المنتدي واخرج من غير ما اعمل مشاكل مع حد

لا منعتها عشان رسايلك للبنات إلي في منها كوبي و بيست و بتتبعت لأكتر من بنت!!

ليه يا رجاله كدا بتفضحوا نفسكم ليه بس!!

يا دكتور طارق عمري الراجل مكان له قضيحه هيه السرقه بس هيه اللي تفضح الراجل

وانا الحمد لله عمري مسرقت حاجه من حد

وانا بعمك كوبي وبست وبعت للبنات كلها يادكتور انا الحمد لله بخاف علي بنات المنتدي

اكنهم اخوايا بظبط واكيد انت دلوقتي متابع الرسايل بيعتي وعارف انا ببعت لمين

واكتد عرف انا بقول ايه في الرسايل


علي العمود شكرا ليك يابرنس علي درك علي المشركه

ويا برنس لو كنت غلطان اعتبرني اخوك الصغير وانصحني وقولي كده غلط

يارب يا دكتور تنجح كده وتكون من الاوئل باذن الله

اخوك الصغير الغلبان والله

واد حبيب

[SiLver Spectra]

طبعا أنا ما اقصدش أهينك و لا اي حاجه
بس انت مصمم تقول وقف الرسايل من غير سبب
أنا لا اعرفك و لا اعرف اي حد
سواء كان عضو او مراقب او مشرف او مميز
كل إلي بينا هو المنتدى
يعني لما برقي عضو و بيترقى فدا بيكون لاسباب
لما أمنع عضو من الرسايل برضو بتتمنع لاسباب
مافيش حاجه بتبقى من غير سبب

فإلي خلاني أرد بالشكل دا هو انك مصمم تكتب و تقول حجب عني الرسايل بدون سبب
لكن انا استحالة ارد و اقول اي كلام عن اي عضو بالمنظر دا
حتى لما يكون في نقد بحذفه
انتوا معترضين على الحذف و مفكرين اني بحذف عشان أكمم افواهكم
و طبعا غلط
أنا لما بحذف بحذف عشان ما اردش بالمنظر دا
زي ما بيقولوا حفظ ماء الوجه

يعني انت عضو متفاعل و ليك مشاركاتك و وجودك فحرام اقول حاجه عنك ادام الاعضاء

و مع ذلك هتلاقي عضويتك سليمة مافيش فيها حاجه غير مثلا حجب الرسايل بسبب سوء استخدامها
و حتى عاشق ولهان ..سواء بعت رسايل برابط منتداه لكذا عضو .. مع انه المفروض مميز و قدوة
او حتى انتقد الادارة او حتى كتب موضوع اتهام للادارة و تريقه على المسابقات
فضل مميز و فضل موجود
ما طردتش حد و لا حظرت حد
عايز يجي فأهلا وسهلا بيه يشرفنا طبعا
راجل محترم و له مجهوده من زمان معانا

فإنت ما تزلعش مني
بس اعملكم ايه غصب عني ..انتوا بتعترضوا على الحذف اضطريت ارد و ما احذفش
بس تأكد إن مافيش حاجه بتحصل من غير سبب
سواء ترقية أو انتقاص ..كل شيء هنا له اسباب
و كلامي عارف انه ضايقك و بقولك أنا آسف
أنا ما بحبش أزعل حد و لا أقلل من شأن حد .. بالعكس سعادتي بتكون في اسعاد الناس

[ARAGON]

اقتباس
المشاركة الأصلية كتبت بواسطة SiLver Spectra

المثل بيقول : قالوا للحرامي احلف قال و الله ما عملت حاجه!!



شوف يا سيدي
أنا لو اتهمتك انك اهملت المسابقة الكبرى و مش حليتها
هتقول ايه!!
و الله ممكن يكون في احتمالات كتيره
منها انك مش بتحب المسابقات أو انك لسه مش فاضيلها و ممكن بكره تحلها الله اعلم أو ممكن تكون بتحب المسابقات بس مش بتحب تشارك في مسابقاتي أو ممكن يكون وقتك ضيق و لا يسمح ليك بحلها
أنا هنا ما اقدرش اجبرك و لا احكم عليك و اقول انت بتقع تحت أي حالة من دول
أنا ما أعرفش ظروفك ايه و لا أنا إله هقدر اعرف نيتك ايه بالظبط
انت حر

حفلة رحيق نزلتها في وقت قاتل بالنسبالي في امتحاناتي
دي حاجه
غير اني ما شوفتش المسابقة يوميها
يادوب دخلت رديت على شكوتين و مشيت
غير إن رسالتها كانت بمضمون رابط ملف شخصي لعضو و زود فلان دخلت زودت بسرعة بسبب ضيق الوقت
و بعد ما خلصت امتحاني شوفت موضوع مسابقتها
كان عندي متسع من الوقت للقراءة
و رديت
بعد ما رديت لاقيت ردك و هجومك و تهكمك على الادارة بالاهمال و فين البنر!!

اولا اي موضوع بيتركبله بنر مش انا الي بصممه لاني مش فاضي
اما العضو بيجبلي بنر و يقولي خد ركب و الموضوع اهو في رساله خاصة
او بيقدم طلب و يقولي ممكن بنر للمسابقة الفلانية و بيديني الرابط بتاعها..و دا بعد انشاء الموضوع
و اي حد بيطلب مني بقدمله طلب في قسم الفوتوشوب و تقدر تشوف الموضوع هناك

و فعلا بعد ما شوفت موضوع الحفلة بتاعت رحيق رديت عليه من غير ما اشوف مشاركاتك الاخيرة الي تهكمت فيها على الادارة
و كأن الادارة متعمدة انها تتجاهل الحفلة

طبعا دا ضيق تفكير
يعني ايه السبب الي يخليني ما اشاركش فيها و اقول و الله ما انا مشارك في الحفلة!!
بالعكس انا اي موضوع فيه مجهود بحب اشارك و اشجع صاحبة
بس في حاجه اسمها ظروف و وقت و انشغال
ما انا انسان و بغمض عيني و بنام و بخرج و بذاكر و غيره...
و لا انا مكنة مثلا قاعدة على المنتدى!!

و قدمت طلب على طول لموضوع رحيق
بس كان المفروض هي اما تديني البنر او تقولي قدم يا طارق طلب لتصميم البنر
لأن مشاغلي كتير فببقى محتاج المباشرة



شوفت بقى تبرير السرقة
تعرف معنى السرقة ايه؟
هو أخذ مجهود شخص آخر بغير حق
يعني منتديات بنات مصر مش بيجيله اعضاء من فراغ
في ناس بتتعب من اول يوم اتعمل فيه لحاد دلوقتي
و في امور انت لا تدركها ..
يعني لو قولتلك ان هيثم و محمود كل يوم بيشتغلوا في المنتدى في ارشفة كلمات دليلية في جوجل
عشان يقدر يجيب زوار و يجي اعضاء جدد و يسجلوا معانا و يشاركوا و تبدا ماية المنتدى و العجلة تدور
عشان في النهاية يجي عاشق ولهان و يبعت رسايل لمجموعة من الاعضاء برابط منتداه
و يبرر و يقول انا بعمل دعوة!!

انت المفروض مسجل و قارئ شروط التسجيل الي بتمنع عمل دعاية لمواقع اخرى
يبقى انت كدا بتسرق مجهود ناس
و منتداك عبارة عن طفيلة في منتديات بنات مصر
عارف الطفيليات..زيها بالظبط كدا تعد تمص في دم الضحية و خلاص . ما بتعتمدش على نفسها



طيب يعني الله اعلم امال حكمت ازاي و قولت في تقصير!!

دي الرسالة الي انتوا عاملين عليها قضية بتاعت رحيق


هي فعلا طلبت اعلان
بس فعلا الرسالة صياغتها مش مفهومة
أو أنا ما فهمتهاش لأني كنت مستعجل وقتها و دخلت زودت
لكن ما ينفعش اجي و اتهم فلان دا مقصر و فلان دا مش عارف ايه
انت مالك بظروفي يا اخي
يعني اسقط عشان ابقى اول واحد اشارك في الحفلة!!
حاجه غريبه و الله

لو عملتلك دعوة في موضوع و رديت بعدها بيومين
هل من حقي اروح و اقول عنك مقصر ادام الاعضاء
بجد قلة عقل



موضوع ايه بس
جاي تنتقد في الموضوع و بعدها رايح تنتقد في قسم الشعر و الخواطر و عملت موضوع هناك!!

المفروض بتقدم في قسم الشكاوي
غير كدا انا رديت في الموضوع
و من غير ما شاوف ردودكم
عشان تعرف ان ظنكم مش في محلة



و لو كان في خلافات كنت ميزته اساس!!
الراجل لاقيته مجتهد في قسم الخواطر
و انا بحكم ان دي وظيفتي في المنتدى (اتابع الاعضاءو أشجعهم) ميزته
و ميزت غيره كتير
إلي هو جه بعد كدا و اتهمني بالاهمال!!!



كويس انك اعترفت اهو انك أخطأت في استخدام الرسايل الخاصة
و بالمناسبة جت عليك شكاوي
و دا الي خلاني افتح رسايلك و لاقيت كلها دعاية لمنتدى اخر لكذا عضو
دا معروف من ايام ابو ادهم ان عمله زي دي بيتاخد عليها حظر
و مره مشرف كمان كان له 4000 مشاركة (وقتها كانوا كتير)
و أخد حظر نهائي عشان عمل دعاية لمنتداه
الحاجات دي مافيش فيها هزار

أنا إلي عملته منعت عنك الخاص
اقل عقوبة
و عقوبة عملية
انت مشكلتك ايه؟ الرسايل ؟ شيلتها
بس خلاص



لو أنا بنجم زيك كدا
فممكن اقول دا رجع للمنتدى بعد ما قلم اداله حظر في المنتدى بتاعهه إلي كان عاملك فيه اداري هناك!!
دا لو أنا كنت بنجم و بحكم عليكم بالمظهر كدا زي ما حكمت في حفلة رحيق

المفروض دا شيء خاص أنا ماليش دخل بيه
أخدت حظر و لا اتخانقت معاه أنا مالي!!
ما ينفعش أنجم

و لا أي حد ينجم و لا يزايد على غيره

سواء كنت بترد على موضوعاتي أو لأ فدا شيء يرجعلك
و ماليش الحق اني انجم و اتحشر في السبب

لأن الاحتمالات كتير
و مين إلي عالم بالنوايا؟
ربك

نيجي بقى لواد حبيب




يا راجل حرام عليك
من غير سبب ايه بس!!
غلاسة يعني
طب سؤال أنا هستغلس عليك ليه!!
و لا منعتها عشان رسايلك للبنات إلي في منها كوبي و بيست و بتتبعت لأكتر من بنت!!
ليه يا رجاله كدا بتفضحوا نفسكم ليه بس!!
:shiny01:

شكرا يا مورشو على الحلقة

كفيت ووفيت .يا طارق


مش لاقي رد اضيفه الا في قعده حلوة كده اشوف الموضوع من البداية ..

بس المجمل واضح


..: بس ايضاح للأسباب :..

بمجملها .. كل شخص بيفكر انه فيه ظلم بس هي ظروف وزي ما كل الناس عندها ظروف

احنا بشر في النهاية .. مش ملايكة

و النهاية سمايل خفيف ليكم :shiny01:

[عاشق ولهان]

السلام عليكم ورجمة الله وبركاته

ميرسي لاستضافتك لي يا مارشو

وبجد كان لقاء جميل

وسعيد بكل الاعضاء اللي شرفونا بالرد

سواء كانو مع او ضد عاشق

الاختلاف في الرآي لا يفسد للود قضيه

وقد أخطاءت بترك المنتدي وهو بيتي

ولكني والحمد لله عدت لكم من جديد

وسامحوني ان اخطاءات كلنا خطائون

ولا يوجد انسان بدون خطاء

تقبلو تحياااتي

عااااااشق ولهااااان

[SiLver Spectra]

لأ عادي يا برنس المنتدى بيتك و مطرحك
و اعتذارك مقبول اكيد
و أنا بعتذرلك لو كلامي ضايقك بس زي ما قولت لواد حبيب . انتوا مش عايزين حذف خلاص يبقى نرد
و عامة لو في كلام ضايقك فآسف عليه

بس شهادتك منورة توقيعك و الله
مين المقصر إلي عملهالك ؟

(حاسس ان الموضوع بقى بتاعي :shiny01

[واد حبيب]

ياريت يا طارق متزعلش مني

كلنا اخوات في المنتدي

وان شاء الله نكون عند حسن ظن الجميع

اسف ليك يا طارق لو كنت كتبت كلمه غلط في حقك

اخوك الصغير ولزم تستحمني

تقبل مني كل احترام

الحبيب

[morshooo]

بسم الله الرحمن الرحيم


اهلا ومرحبا بكم


وحلقة جديدة من حلقات


اجمد عضو




ان شاء الله البرنامج سوف يعود بانتظام


ودا لان فى اعضاء طالبونى بعودة البرنامج


مرة اخرى ودا اسعدنى جدا جدا وان شاء الله هيتم نزول البرنامج بانتظام


تعالو بقى نشوف ضيفتى النهاردة هتكون مين


هيبقى معانا النهاردة المتالقة دائما


مراقبة الاعضاء


misho


اهلا بيكى


ودلوقتى زى ما متعودين هنشوف


عناوين من الحوار




misho : انا كنت مبسوطة انى ضيفتك فى ثانى حلقة بس زعلت لما المنتدى وقع ايامها والحلقة اتحزفت


انا كنت طفلة دلوعه جدا وبتحب اللعب جدا ومتعلقة باصحابى جدا


اهم مراحل حياتى كانت الجامعه لانى اتغيرت بشكل كبير جدا


انا مرتبطة


الفترة بتاعت البلطجية وهروب المساجين كانت اسواء مرحلة فى حياتى


المنتدى فى حالة كسل وفى اقسام مستواها نزل بس هنلاقى افكار جديدة ترجع الاقسام تانى


انا بطبيعتى متفائلة كتير وشايفة ان فى حاجات كتير هتتغير فى مصر


انا وافقت على الدعوة لان مواضيعك كلها مختلفة وبقولك كمل البرنامج


ودلوقتى تعالو نشوف




س / فى البداية عرفى الاعضاء ( اسمك - سنك - مؤهلك ) ؟

شيماء

23 سنة

ليسانس ألسن ايطالي

س / عايز اقولك حاجا مهمة فى الاول كنت استضفتك فى ثانى حلقة من اجمد عضو وساعتها المنتدى وقع والحلقة اتحزفت فاكرة والا لا ؟ :712:

ايوة فاكرة طبعا :Sh_075:

س / لما التوبيك اتحزف ساعتها وتابعتى باقى حلقات البرنامج والى الحمد لله كان ناجح قولتى اية لنفسك ؟ والا كان عادى مش همك ؟

انا كنت مبسوطة اني كنت ضيفة تاني حلقة وزعلت جدا بجد ان الحلقة راحت لما المنتدي

وقع لان البرنامج جميل جدا وناجح

س / كلمينا عن طفولة ميشو ؟ دا لو فاكراها طبعا ؟

طفلة دلوعة جدا وهادية بتحب اللعب بتاعتها جدااا واصحاب طفولتي كنت متعلقة جدا بيهم

بشكل كبير تقريبا وقتي كله كان معاهم

و كنت واخدة اهتمام كبير اوي من أهلي بابا وماما في البيت واخواتي الكبار في المدرسة


و كنت بتكثف من خيالي وانا صغيرة هههههههه



س / اية اخبار اصدقاء الدراسة معاكى لسة على اتصالات والا خلاص متعرفيش عنهم حاجا ؟

انا بطبيعتي مش بحب الصداقات الكتير

فمش كلهم ليا اتصال بيهم هما تلاتة بس اللي علاقتي بيهم كبيرة

منهم انتيمتي اللي معايا من ثانوي لحد دلوقتي

س / كل واحد فينا بيمر بمراحل مهمة فى حياتة اية اهم مرحلة مريتى بيها ؟

مرحلة الجامعة شيماء اتغيرت بشكل كبير فيها بقيت اعتمد علي نفسي اكتر وواثقة في نفسي

بشكل اكبر و حسيت اني اتغيرت حتي في تفكيري ونوعية الناس اللي كانوا معايا في الكلية

كمان أثروا فيا جامد وبسببهم بقيت اقدر اعبر عن نفسي كويس


س / اية الموقف الى الى حسيتى انك اتصرفتى بطبيعه غير طبيعه ميشو واستربتى من تصرفك دا ؟

بصراحة محصلتش قبل كدة




س / انتى صحيح بلدك موجودة فى احضان الورد ؟

انا بحب الورد جدااا بالذات الابيض وانا بطبيعتي رومانسية شوية وعاطفية فلما فكرت اكتب

الاقامة جة في بالي الورد علي طول لاني دايما بحلم اعيش في مكان كله ورد ومناظر

خضرة كتير >حبة رومانسية

س / انتى بتحبى يا ميشو والا لا ؟

اه مرتبطة


س / اية علقتك بافراد اسرتك ؟

الحمدلله كويسة جدا بدرجة كبيرة


س / شايفة انك مقصرة فى حقهم والا هما الى مقصرين ؟

لا مفيش اي تقصير غير فترة زمان سنتين تقريبا بعدت عنهم خالص مش مهم تقصير من

مين بس كنت لوحدي وبعيدة عن كل الناس لكن دلوقتي لا الحمدلله علاقتنا كويسة كتير


س / كنتى مع الثورة والا لا ؟

في البداية قبل ما تحصل الثورة كنت فاكرة ان الموضوع مظاهرة عادية زي ما بيحصل و كل

واحد يروح بيته لكن بعد كدة لقيت اصرار غير عادي علي التغيير وشفت شباب رجالة

بجد بس شوية احداث حصلت كرهتني في الحياة اصلا من بلطجة وسرقة وعدم امن و

وقف للحياة عاما بس بكرة احسن ان شاء الله



س / عملتى اية فى الفترة الى مرت علينا كلنا اثناء الثورة ؟

زي الاغلبية قاعدة بتابع اللي بيحصل في التليفزيون ما بين مؤيد ومعارض واحداث كانت بتتغير من ثانية للتانية

و بما ان انا خوافة درجة اولي فكانت الفترة بتاعة البلطجة والناس اللي كنت بتضرب نار

في الشوارع والسجون اللي فتحت كانت اسوأ فترة بجد مرت عليا

س / بس انا لاحظت ان بعد عوتنا الى المنتدى بعد الثورة لم تهتمى باى موضوع خاص بمصر ؟

لما كنت بلاقي موضوع بيعجبني عن الثورة برد فيه لكن لما الاقي هو هو الكلام اللي هقوله خلاص مش برد

س / انتى تقريبا منزلتيش اى توبيك عن الثورة مع انك مراقبة الاعضاء ؟

فعلا لأن المنتدي كله تقريبا نزل عن الثورة وكل الاراء اطرحت فحسيت اني مش هضيف

جديد لكن في موضوع هنزله قريب عن اللي بيحصل دلوقتي ونتايج الثورة


س / ( live it right ) موضوع جميل جدا شايفة انة واخد حقة كموضوع ؟

اه اخد حقه والاعضاء اللي شاركت معايا فيه مواضيعهم كانت رائعة والردود كانت جميلة

في المجمل وفيها افكار حلوة ويارب الناس تكون استفادت منه

س / انتى الى ثبتية والا مشرفين القسم ؟

عمري ما اثبت موضوع في غير قسمي خصوصا لو كان ليا رغم ان دة من ضمن

صلاحياتي,,, رفيف هي اللي ثبتته

س / بما انك مراقبة اية رائيك فى المنتدى حاليا ؟

المنتدي في حالة من الكسل شوية وفيه اقسام انا شايفة ان مستواها نزل بس ان شاء الله

نلاقي افكار جديدة نصحي بيها المنتدي تاني وتظهر مواضيع وافكار مميزة

س / اعضاء كتير جدا شايفين ان المنتدى ممل الفترة الحالية تفتكرى دا تقصير من الادارة ؟

لا ابدا الادارة شايفة دورها كويس اوي وقايمة بيه لكن احنا اشخاص لينا حياتنا اللي

خارج المنتدي سواء ادارة او اعضاء بتبقي ظروف مش اكتر وفترة بتلاقي المنتدي نايم

شوية لكن بيرجع تاني زي الاول

س /انتى على طول اوف لاين فى المنتدى لية ؟ مع ان مفيش سبب يخليكى تبقى اوف لاين ؟

ههههههه هفهمك موضوع الاوف لاين دة انا مش قصداه والله بس جت فترة عليا مليش

نفس لأي حاجة ومكنتش عايزة اكلم حد خالص عملت فيها اوف لاين علي اساس اني

اتابع بس مش اكتر حتي لو مش هشارك وعلشان محدش يزعل لو انا موجودة

ومش اتكلمت او فتحت الميل و من ساعتها وانا اوف




س / اية علقتك بأفراد الادارة وازاى تم ترشيحك تكونى مراقبة ؟

علاقتي كويسة جدا بالكل الحمدلله وموضوع المراقبة دة جة ان طارق بعتلي رسالة

وقالي انه عايزني في موضوع واتكلمنا علي الميل وعرضها عليا وانا وافقت وشرحلي

الصلاحيات وكل حاجة وبس

س / تعالى نخرج من المنتدى وقوليلى شايفة مصر بكرة ازاى ؟

انا بطبيعتي متفائلة الحمدلله و حاسة ان فيه حاجات كتير هتتغير ان شاء الله في حياتنا

لكن الاول لازم نتغير من جوانا

س / اية رائيك فى خروج افراد من الشعب للتظاهر كل يومين ؟

شئ سلبي جدا وحاسة انه بيشوه كل حاجة حلوة حصلت لان مفيش حاجة هتتغير

من يوم وليلة بقيت حاسة ان كل واحد بيدور علي مصلحته في الاول ودة غلط

خصوصا في المرحلة دي

س / احمد شفيق اية رائيك فية ؟ انتى مع رحيلة والا لا ؟

انا مش مع رحيله خالص دة انسان محترم وراجل قد المسئولية فعلا انجازاته من قبل ما

يكون رئيس الوزراء الكل يشهد بيها في مجال الطيران لكن هو حظه اللي جة في وقت

صعب زي دة يبقي مش معني كدة انه وحش وعميل

س / قوليلى كنتى بتابعى اجمد عضو والا لا ؟ اية رائيك فى البرنامج ؟

اه كنت متابعاه في معظم الحلقات وبجد برنامج ناجح وبيقربنا من بعض اكتر وبعرف

شخصية اللي قدامي

س / لما جاتلك الدعوة للبرنامج كنتى حابة تبقى فى البرنامج والا لا ؟

اكيد طبعا دة يشرفني

س / انتى وافقتى على الدعوة لية ؟

لأن دايما مواضيعك ليها شكل مختلف عن المواضيع التانية


س / وجهى كلمة لى اعضاء المنتدى ؟

بقولهم ليا رجاء خاص عندكم المنتدي مكان جمعنا كلنا بمختلف افكارنا وجنسياتنا

ياريت ميبقاش مكان للخلافات والخناقات ويجمع بنا الحب والاخوة في الله

و ليا كلمة اخيرة للكل

<<مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ>>


س / اخير وجهى كلمة لبرنامج اجمد عضو ؟

بقولك يا احمد كمل البرنامج لانه ناجح جدا وفي تطور جميل جدا في الاسئلة


والطرح ربنا يوفقك دايما




وبكدا تنتهى حلقة النهاردة


انتظرونى وحلقة جديدة من


اجمد عضو


تحياتى


morshooo

[دمعه حائره]

مبروك رجوع البرنامج تانى
حلقه رائعه لاجمد عضوة فى المنتدى ميشو
اسئله جديده وجميله واجابتها عجبتنى بينت جانب كبير
فى حياتها وشخصيتها نورتى البرنامج ميشو
شكرا موروشو على الحلقه بالتوفيق فى كل البرامج ان شاء الله
تحياتى للجميع

[هزوره المصريه]

أولا مبروكـ ع رجوع البرنامج يامورشوا
ورجعته فعـلا باأجمد عضو معــاكـ أنسانه
جميلــه جدا نورتى ياشوشو الحلقــه وأجاباتكـ جميله
تدل ع بلوغ عقلكـ وجمــال روحكـ نورتى ياقمــر الحلقه
وأن شاء الله تلاقى الخير فى حياتكـ كلهــا تسلم يامورشوا
ع الأستضافه الجميلــه والبرنــامج الجامد وفى أنتظار الحلقة القادمه

[♥..pure]

حلقه جميله جدا يا مورشو ,,
الاسئله جميله ومضمونها هايل ..
شيماء جاوبت عليها فى منتهي الجديه والصراحه ..
بحيكـ على اختياركـ للضيوف ,,
بالتوفيق ان شاء الله ..