حلقات ( اجمد عضو ) مع ( morshooo )

[۩۩ elMagic ۩۩]

صحيح الكلام دا وجهه نظر تحترم طبعا

فعلا المشرفين والاداريين يستخدموا نفوذهم لاغراضهم الشخصيه
ومش اى مواضيع بيدخلوها لازم يكونوا على علاقه بصاحب التوبيك للدخول فيه
انا معرفش ليه كده اما غير ذلك ولا بيعبروا الموضوع دا حتى كمان بيتحذف
ودا طبعا لغرض التملك على القسم وجعله ليه واصحابه فقط
وفعلا المشرفين بيحذفوا المواضيع اللى مش بتيجى على هواهم
اما مواضيعهم حتى لو تافهه مثلاً بيسيبوها وكمان ممكن تتثبت
وهو دا العيب الكبير اللى فى المنتدى وممكن امشى خالص بسببه
ياريت فعلا المسؤليين يتصرفوا ويزيلوا التفرقه دى اللى بين الاعضاء
ولازم يتيقنوا ان كلنا واحد وزى ما بترد ل دا رد ل دا


حلقه جميله يا ابو حميد
دايما مميز يا غالى
وطبعا ضيفنا منورنا يا عمده
وبالتوفيق ليك

[حنـــــون]

حلقه جميله جدا وحوار رائع
كا لعاده يامورشو
وضيفه محترمه جدا وبجد عملت مجهود
كبير عشان تحقق كل برنامجها
نورتى ياقمر باجاباتك الجميله
ربنا يوفقك دايما

[عازف الاحساس]

مورشووو حلقة رائعه فعلا يا غالي
وضيف رائع وانسان مثقف
بالرغم اني اعترض عليه فيص في شيء ما حدث فيما مضى بيننا
انه اتهمني بالمسلم الصهيوني
وكان سبب اتهامه ليا بالاتهام دا موضوع اسمه معجب باسرائيل
ياريت يكون ليه متذكر وهنا الاستاذ محمد الشريف حذف الموضوع
بالرغم من اتهام الغالي فيصل ليا باني مسلم صهيوني وانه زعل من وجهت نظري
وفي نفس الوقت بدل بعض الشيء على التناقض
لانه بيقول ان الاختلاف في الاراء لا تفسد في الود قضيه
واول لما شاف موضوعي اتهمني اتهام خطر كثير
بس رغم هذا الاتهام ورغم هذا الخلاف
الا انني متفق معه في كثيرا مما قال
ففعلا انا وجدت ان نظام المنتدى هنا ديكتاتوري
ولهذا اصبحت لا احب ان اشارك بمواضيع للنقاش لان مواضيعي كثيرا
بتكون جريئه وصريحه وحساسه
واكتشفت ايضا شيء مهم جدا جداا ان في ناس
هنا كانت قبل الثوره شيء وبعد الثورة شيء تاني
يعني
كان في ناس بتكش وبتخاف قبل الثورة وبعد الثورة مبدائهم اتغيرت تماما
وكانو الي بيعترضو علينا فيه بقى هما الي يعملوه
زي ما في ناس مستشيخه وعالمه نفسها رمز الدين في المنتدى وفي الواقع يختلف 360 درجه!!!!!!!

فالبرغم من ان فيصل اتهمني باني مسلم صهيوني وبالرغم اني حسيت فيه بالتناقض نوعا ما
الا اني بحيه على ردو وعلى رأيه لان فعلا في شيء من الحقيقه

ومن هنا انا بقول للغالي فيصل انا هشام مسلم وموحد بالله ولى صهيوني ولى غيره
وبقول هنا برضو عذرا للادارة على صراحتي لكنها في وجهة نظري انها الحقيقه
ان هنا في المنتدى نظام ديكتاتوري ولم اتهم احدا بعينه ولكن اكتشفت هذا في كثيرا من الامور


ارجو تقبل الرد
والف تحيه لكم ومحبة


تحياااااااااااااااااااااااااااتي

هشــF@reSـــــام

[SiLver Spectra]

طيب بالنسبة للأخوة الي بتتهم بالديكتاتورية بدون اسباب
خارج قسم النقاش ياريت توضحولي الأسباب
عشان نعرف الديكتاتورية فين بالظبط ,, و على اساسها ممكن نغير السلوك
فياريت توضيح من الأخوة و أنا مستمع

[عازف الاحساس]

اقتباس
المشاركة الأصلية كتبت بواسطة SiLver Spectra





طيب بالنسبة للأخوة الي بتتهم بالديكتاتورية بدون اسباب
خارج قسم النقاش ياريت توضحولي الأسباب
عشان نعرف الديكتاتورية فين بالظبط ,, و على اساسها ممكن نغير السلوك
فياريت توضيح من الأخوة و أنا مستمع

الغالي دك طروق
انا لم اقصد احد بعينه لكن فعلا في اشياء كثير فيها ديكتاتوريا
اولا
كان في نقاش بيني وبين احد الاداريين وطال النقاش بيننا في الرسائل الخاصه
وفي الاخير لقيت الاداري دا وقف لي الرسائل عشان النقاش معجبوش

شيء اخر في الماضي قبل الثورة
كنت انا لما بنزل اي موضوع بيتحدث عن السياسه المصرية او رد كان على طول بيتحذف
مع انها وجهة نظر تخص شخصي انا

شيء اخر ايضا
كنت في احد الردود ضفت رد على عضو بقصيدة ردا على قصيدتها
واكملت ردي عليها بكل احترام
لقيت ردي اتحذف وااتوجهت انا للاهتهام باني بعكسها

مواضيع اخرى ممكن تكون مواضيع حساسه تخص الشباب والبنات
وتخص الحياء لكنها مواضيع مهمه للغاية بيتم حذفها بالرغم انها
مواضيع مهمه جداا وفي نفس ذات الوقت ليس بها اي اساءة او قلة حياء

لكن حقيقه تتقال الكلام دا كان قبل الثورة
حاليا شكل الثورة عملت شغلها
لان طارق دخل قال الاخوة الي شايفين النظام ديكتاتوري يقولو شايفين في ايه
ومعنى اكد ان نظام المنتدى الذي كان يسير في الماضي اختلف
لان لو دا ردي كان قبل الثوره كان ردي اتحذف واخذت انا حظر نهائي
لكن دلوقتي في تغيرررررررر هههههههههههههه



ها يا دك شكل في تغير بعد الثورة ولى ايه ؟؟؟؟


الف تحيه واحترام للاداريين ولكل ما له بصمة في هذا المنتدى

[SiLver Spectra]

يا برنس أنا هديك حظر ليه!!
بس انت لما تشتغل و تتعب و في الآخر تلاقي رد زي ديكتاتوريين أكيد دا شيء يزعلك

شوف يا هشام أنا مش حابب افتح حاجات في الماضي ليك
يعني أول نقطة ذكرتها أعتقد النقاش كان بيني و بينك
بس انت كنت عملت حاجات و قاعدت تلف و تدور و آخرها كتبت كلام اساءة أعتقد انت متذكره كويس و عليه أخدت حظر و مجرد ما كلمتني رجعتك تاني ,,مع انك قولت كلمة كبيرة شوية
و وقتها انت قولت خلاص و صفحة جديده و فعلا كنت أتمنى انك تفتح صفحة جديده ,,و دا مش واضح من ردك

بالنسبة للمواضيع السياسية هيتم النظر فيها ان شاء الله
أنا شخصيا كان ليه وجهة نظر فيها من الصيف الي فات
هما مشرفي القسم كان ليهم نظرة مختلفة معينه و سياسة متبعة في القسم
ممكن تعاد صياغتها مافيش مشاكل ,,لكن لازم يكون في حدود للأدب
يعني مش معنى انك تبقى حر انك تشتم مثلا ,,أو تكتب موضوع خادش للحياء

أنا قاعدت أدور في مواضيعك ما لاقيتش أي موضوع حديث محذوف باستثناء موضوعك الي اتخانقت فيه مع فيصل و يمكن موضوع تاني كمان من ضمن 100 موضوع انت كاتبهم

أما ردك على العضوة فأعتقد انت خلصت الموضوع مع المراقب وقتها

و الموضوع مش ديكتاتورية نهائي ,,الموضوع له علاقة بنظام انت بتمشي بيه

أديك أنا كام ملاحظة عليك يا هشام
انت أكيد بتشوف حاجات كتير بحاول أقدمها للمنتدى ,,مش مواضيع خاصة ,,لأ اجراءات للمنتدى ,,يعني حاجة اتركبت حاجة اضافت و غيره
عمري ما شوفتلك رد فيهم ,,و دا مش طالبه من أي عضو
لكن الغريب اني مش بشوفك غير في موضوع هجوم
يعني أول ما تشم ريحة عضو بيطعن في الادارة على طول تقوم ناطط
ما بشوفش عازف الاحساس و لا فارس الاحزان غير لما يكون في نقد

و أعتقد دا سلوك مش منصف نهائي ,,انك تبقى انسان وظيفتك تنتقد بس و مالكش أي دور بناء

أي موضوع بيتحذف بيتحذف لسبب
السبب بيناقد فكرة الديكتاتورية
لو مشرف حذف موضوع لعضو (غلاسة) تعالى بلغني و أنا أول واحد هشيل المشرف دا

عايزك تحاول تقدم برنامج و تبقى مرشح للتحدث باسم الأعضاء
فاتحلك أهو ديمقراطية ,, بس انت ما فكرتش تتعامل بإيجابية

فأنا شايف كلامك كله أحداث فردية خاصة
و حاجات قديمة أنا شخصيا مش عايز افتح كلام فيها سواء كانت سلوكيات ليك أو غيرها ,, و لأني كمان مش متذكرها بشكل قوي لأن بقالها سنين و لأني كمان كنت قولتلك هنفتح صفحة جديده و انت واعدتني وقتها

بس الي شوفته مجرد كلام منك

و لو عندك وجهة نظر تانية قولها يا سيدي
لو عندك فكرة معينة منهج معين قوله,,احنا سامعينك

[عازف الاحساس]

اقتباس
المشاركة الأصلية كتبت بواسطة SiLver Spectra

يا برنس أنا هديك حظر ليه!!
بس انت لما تشتغل و تتعب و في الآخر تلاقي رد زي ديكتاتوريين أكيد دا شيء يزعلك

شوف يا هشام أنا مش حابب افتح حاجات في الماضي ليك
يعني أول نقطة ذكرتها أعتقد النقاش كان بيني و بينك
بس انت كنت عملت حاجات و قاعدت تلف و تدور و آخرها كتبت كلام اساءة أعتقد انت متذكره كويس و عليه أخدت حظر و مجرد ما كلمتني رجعتك تاني ,,مع انك قولت كلمة كبيرة شوية
و وقتها انت قولت خلاص و صفحة جديده و فعلا كنت أتمنى انك تفتح صفحة جديده ,,و دا مش واضح من ردك

ههههههههه
عارف بجد يا دك والله انا احترمة كلامك جداا
بالرغم اني والله فاتح صفحه جديده من زمان
ولى في في قلبي شيء
بس حبيت اشوف ردك دلوقتي هيكون عامل ازاي
وبجد بجد انا الي هنا بخفضقبعتي لردك عشان بجد
حسيته يختلف تماما عن الماضي وان هيكون
طارق رئيس المنتدى بنظام جديد
هههههههه
وبجد اقسم بالله يا دك مفيش في قلبي غير كل حب
وسعي لتتطوير المنتدى لكن هي مشاغل وخدانا الايام ديه




بالنسبة للمواضيع السياسية هيتم النظر فيها ان شاء الله
أنا شخصيا كان ليه وجهة نظر فيها من الصيف الي فات
هما مشرفي القسم كان ليهم نظرة مختلفة معينه و سياسة متبعة في القسم
ممكن تعاد صياغتها مافيش مشاكل ,,لكن لازم يكون في حدود للأدب
يعني مش معنى انك تبقى حر انك تشتم مثلا ,,أو تكتب موضوع خادش للحياء

هو دا الكلام الي كنت مستني من الدكتور طارق
ومن هنا انا بجد ابتديت اتاكد ان الثورة عملت شغلها
ههههههههه
بس انت عارف يا دك انا عمري ما هشتم ولى هخدش الحياء
وهنا برضو لك مني كل تحيه على الاطلاع دا



أنا قاعدت أدور في مواضيعك ما لاقيتش أي موضوع حديث محذوف باستثناء موضوعك الي اتخانقت فيه مع فيصل و يمكن موضوع تاني كمان من ضمن 100 موضوع انت كاتبهم

أما ردك على العضوة فأعتقد انت خلصت الموضوع مع المراقب وقتها

والله يا غالي الموضوع مش موضوع ان الرد اتحذف او لا
الموضوع لغة النقاش والتفاهم
يعني في ردي مع المراقب ليته بيقولي اجبلك اثنين لمون
المشكله يا دك طارق في انه يتحذف
المشكله في لغة النقاش والتفاهم لازم
يكون في لغة راقيه كلا بحترم الاخر
بدون اي كلام يستفز حد

و الموضوع مش ديكتاتورية نهائي ,,الموضوع له علاقة بنظام انت بتمشي بيه

أديك أنا كام ملاحظة عليك يا هشام
انت أكيد بتشوف حاجات كتير بحاول أقدمها للمنتدى ,,مش مواضيع خاصة ,,لأ اجراءات للمنتدى ,,يعني حاجة اتركبت حاجة اضافت و غيره
عمري ما شوفتلك رد فيهم ,,و دا مش طالبه من أي عضو
لكن الغريب اني مش بشوفك غير في موضوع هجوم
يعني أول ما تشم ريحة عضو بيطعن في الادارة على طول تقوم ناطط
ما بشوفش عازف الاحساس و لا فارس الاحزان غير لما يكون في نقد

و أعتقد دا سلوك مش منصف نهائي ,,انك تبقى انسان وظيفتك تنتقد بس و مالكش أي دور بناء

بص يا دكتور طارق
المساله مش مسالة اني بنقد وبس
المسالة اني لما بلاقي حاجه فعلا
بتعجبني بحترمك عليها كثير من غير مواضيع
زي مثلا وجهة نظري الي قولتها
في قسم الشعر والخواطر
ان العضو ملوش غير موضوعين
لقيتك نفذتها هنا كان ليك بصمه كبير
في المنتدى
وحقيقي انا شايف ليك انجزات كثيره جداا جداا
في المنتدى لكن بكل صراحه ووضوح
وفي نفس الوقت انجازاتك ديه بحترمها فيك جداا
لكنها ممكن متكنش من ميولي
او بمعنى اصح يكون شيء
انا حابب اشترك فيه ومش عارف
بسبب ضيق الوقت عندي عشان ظروف شغلي
وخايف اني اشترك فيه او اقول اني هساهم فيه
واخذل نفسي قدمكم
لكن عوزك تعرف ان انجزاتك عمرها ما بتروح يا طارق
حتى بالنسبالي لكن فيه الي هيقدر يقدرها اكثر مني
لان وقته بيسمحله
وعلى ما اظن يا طروق اننا طلبت منك
اننا اكون مشرف قسم في الفتره الي فاتت
وانت مش رديت عليا
لان الفتره ديه حسيت اننا عوز اعمل حاجه للمنتدى
لما لقيتك مش رديت قولت طارق شايفني منفعش وفي
ناس تستحق دا اكثر مني
ودلوقتي انا فعلا وقتي بقى ضيق كثير بسبب شغلي
عشان كده بجد مش عارف اشوف الانجزات
والي حاصل بصفه كاملة
وانت تعلم يا طروق اننا مش بهاجم الادارة لا والله
انا بس ممكن بلاقي حاجات فيها حقيقه
فبقولها وعلى ما اظن
انك انت شفت ليا كذا مره نقد وهجوم على اعضاء
بغرض اظهار الحقيقه

لكن بعد كلامك دا اكتشفت ان الحقيقه الي في الماضي
انت غيرتها تماما وبقى في تعامل مختلف
شكلك كنت من شباب الثوره
ههههههههه


أي موضوع بيتحذف بيتحذف لسبب
السبب بيناقد فكرة الديكتاتورية
لو مشرف حذف موضوع لعضو (غلاسة) تعالى بلغني و أنا أول واحد هشيل المشرف دا

والله يا طروق هو في فعلا مشرفين بيعملو كده
وفي ناس فاكرين الاشراف دا مجرد سلطه على الاعضاء
لكن بدون ذكر اسماء
لان اكيد انت ليك وجهة نظرك في اي مشرف وفي اي حد تختاره
لكن لو لحظة مواجه وحقيقه هقول ومش هخاف اني اقول
مين الي شايفه مش كويس
لكن انا مش بحب افتح شيء ميخصنيش طلامه
ملوش علاقه بيا

عايزك تحاول تقدم برنامج و تبقى مرشح للتحدث باسم الأعضاء
فاتحلك أهو ديمقراطية ,, بس انت ما فكرتش تتعامل بإيجابية

والله ياباشا انا هحاول وبجد بتمنى من قلبي اننا
اعمل حاجه للمنتدى دا واتعامل بايجابيه اكثر
لكن ولله شغلي ومشاغل الحياه وخدين وقتي
وزي ما قولتلك فوق لما حسيت اننا هقدر اعمل حاجه
لقيتك انت لاقي ناس يستحقو دا اكثر مني


فأنا شايف كلامك كله أحداث فردية خاصة
و حاجات قديمة أنا شخصيا مش عايز افتح كلام فيها سواء كانت سلوكيات ليك أو غيرها ,, و لأني كمان مش متذكرها بشكل قوي لأن بقالها سنين و لأني كمان كنت قولتلك هنفتح صفحة جديده و انت واعدتني وقتها

بس الي شوفته مجرد كلام منك

لا ياباشا مش مجرد كلام ولى حاجه وهنا بقى
بوعدك قدام الناس كلها ان الماضي انتهى
بالاخص بعد الكلام الي قولته هنا
لاني احترمته كثير جداا وحسيت فعلا
ان الثورة عملت مفعولها


و لو عندك وجهة نظر تانية قولها يا سيدي
لو عندك فكرة معينة منهج معين قوله,,احنا سامعينك

باشا
انا مليش غير حاجه واحده بس بتمناها
ان يكون تعامل الاداريين والمشرفين
بالغة نقاش راقيه مش قفش
والي يغلط يتعاقب بس يعرف الاول
ايه غلطه وليه بيتعاقب بلغة مهذبه ولطيفه
متكنش مستفزه

ثانيا
في فكره عندي جميله جداا بس ياريت تعجبك
ان يكون في مراقب على المشرفين
انت مثلا
وكل اسبوع او كام يوم تاخد تقرير من مشرف القسم بالي حصل
في القسم كله من انجزات من خلافات .... الخ

وهنا هترتاح ان كثير جداا من قرارات
ممكن ياخذها مشرفين تكون مش صحيحه
وانت حر هيتعمل فيك زي ما حبيب العادلي عمل في حسني كده
هههههههه


وهنا لك مني الف تحيه وتحيا ثورة 25 يناير
هههههههههه

[SiLver Spectra]

أنا مرجعك من قبل الثورة يا هشام ما تنكرش
و صفحتك المكشوفة تثبت دا

بص يا برنس
أحيانا الاستفزاز بيولد استفزاز
يعني مثلا ليك موضوع اتحذف ,,بيجي العضو يسأل و يقول ليه حذفته فتقوله عشان كذا

يقوم رادد عليك و يقولك ديكتاتورية و يستفز ,,فيضطر المشرف أو المراقب أو الاداري يرد عليه بنفس الأسلوب

و برضو في هاجس عند بعض الأعضاء ان المشرف بيمارس صلاحياته على حسابهم ,,تفتكر لما يكون عنده الهاجس دا اصلا و يتحذفله موضوع , هتكون ايه ردة فعله؟
أكيد هتكون سلبية ,,و السلبية هتولد سلبية

بالنسبة لقتراحك
فإنت قولت في مشاغل بتشغلك ,,فأكيد احنا برضو لينا مشاغل
صعب أعد كل اسبوع أفرز في قسم قسم!!
عايزه واحد فاضي أوي
و عامة لو في ملاحظات بلغونا

احنا مش عاملين المنتدى عشان الإداريين و المشرفين
عاملينه أكيد للأعضاء
مطالبكم عبروا عنها في قسم الشكاوي
أو للمرشح المتحدث بإسمكم
أو رشح نفسك انت
أو بالرسايل الخاصة ليه

و اي رسالة بتيجي برد عليها
اي اقتراح في الشكاوي بيترد عليه
و لو عايز تاخد صلاحية حتى تشوف بيها قسم الشكاوي مؤقتا أديلك مافيش مشاكل
هتلاقي كل الشكاوي بيتم الرد عليها بكل أدب

[فيصــــل]

اقتباسالمشاركة الأصلية كتبت بواسطة برنسيسه Sحلقه تحفه يافيصل :Ts_011:.>> بقول لهيثم فيصل

دخلت ملفه لقيت كل مواضيعه محذوفه > قابل للحذف ))

متحمسه لنجاح هاذا الحوار بان استاذ محمد الشريف وفيصل

يتفقو ع وجهات النظر من اختلاف في وجهات النظر الى

اتفاق >> لني بمواضيعي النقاشيه بقسم السياحه

شوفت انك محاور ومناقش ممتاز خصوصا

بحلقة البحرين هيثم بيقولي فيصل ده

قوي يعني بردودك وثقافتك النقاشيه

شكرا يا مستر على برنامج

اجمد عضو

نورتي سارا ..

أنتِ وهيثم ورطتوني مع الإدارة بس يالله على قول السعوديين ( اذا خربتها خربها مره ) ههههههاي
..
ياعلم الله ان محمد الشريف رجل محترم جدا
ولو اختلفنا في وجهات النظر هذا لايعني ان بيننا خلاف

[فيصــــل]

اقتباسالمشاركة الأصلية كتبت بواسطة SiLver Spectra

وجهة نظرك و تحترم ,,

الكلام موجه لقسم النقاش بالتحديد
فهترك المجال لمشرفي القسم للرد
و متابع معاكم ان شاء الله
فيصل شخص محترم ,,محمد الشريف شخص محترم
أتمنى النقاش يكون طيب

و ليه عودة ان شاء الله
لأني يهمني جدا طرح الآراء في الفترة الحالية لإتخاذ ماهو مناسب

طارق تصدق..
كان ع بالي اسمك صلاح :blush-anim-cl:

مش عارف ليه دائما اسم طارق وصلاح عندي قريبين لبعض وما فرقش بينهم ههههههاي

..

يعجبني فيك انك تتقبل النقد..
وهذا يمكن الطريق للإصلاح والتطلع الى ماهو افضل

خطوة العضو المتحدث باسم الاعضاء خطوه جدا ممتازة

في إنتظار محمد لو حاب يتداخل في الموضوع