حلقات ( اجمد عضو ) مع ( morshooo )

[همسه الجوارح]

مبروك يابو حميد وعقبال مايزيدو صفر تانى
وتبقى 20000 الف

الف مبروك

[morshooo]

اقتباس المشاركة الأصلية كتبت بواسطة بقــايا أنثى مبروك الالفيه بجد مجهودك رائع ما شاء الله بصراحه الحلقات ال فاتت ما تابعهاش انما حلقه كبرياء رجل شوفتها وأظن رديت كمان اسلوبك حوارى رائع يا رب التوفيق فى الجاى كله ان شاء الله

اهلا بيكى غاليتى

اشكرك على التواجد الرائع

والحمد لله ان الحلقه الاخيرة

نالت اعجابك

اتمنالك التوفيق دائما

[morshooo]

اقتباس المشاركة الأصلية كتبت بواسطة رنا هشام مجهود كبير ما شاء الله دمت كما تحب رنا

اهلا بيكى رنا

منورة التوبيك

اشكرك على التواجد الرائع

[тoкα..♥]

آووم آلرووقـآن )
يعني من آلفضـآوه بتعد عدد آلمشـآركـآت كمـآن هع
مبروووكـآت مورشو
من تقدم لتقدم آكـبر دآيمن ي رب
ودي ,,

[countess]

مبروك يا مستر

ومن تقدم لتقدم

[Lost Pearl]

ده برنامج جميل جدا من غير نقاش
تسلم يا احمد علي طريقة العرص الجميلة دي

و مبروك عليك ال 2000 رد و ال 44000 مشاهدة قبل اي حد لأنك باذل جهد كبير

تحياتي للضيوف كمان اللي ساعدوا علي نجاح البرنامج
بالتوفيق للكل )

[Silver Flower]

انا عايزه اعلق على كلام عذب المشاعر

شوفي احنا عايشين في القدس تحت السيطره الاسرائيله ولكن لينا قانون قانون الاردني او الاسلامي والدوله الاسرائيليه معترفه بيه طب ليه ما بتقول اليهود دول جزء من الدوله الاسرائيله وجب عليهم اتباع القانون الاسرائيلي والعمل بيه ؟؟؟؟؟؟؟؟؟؟؟؟

القانون الاسرائيلي موجود والي عايز يمشي عليه هو حر والي مش عايز برضوا هو حر
حتى الديانه المسيجيه ليهم قانون خاص بيهم رغم انهم جزء برضوا من الدوله الاسرائيليه كما يزعمون
وحتى الديانه الدرزيه ليهم قانون بيمشوا عليه واليهود معترفين فيه

اليهود ما بيقدروا يلغوا الديانات ويقولوا احنا هون ديانه يهوديه وجب اتباع الدين اليهودي

تاني شي
عندنا مدارس حكوميه منها للمسلمين ومنها للمسيحين وفي منها الخاص بيهم
انا حتكلم عن المدارس الخاصه بيهم

انا كنت ادرس في مدرسه الرهبات الصراحه وقت حصص الدين كانوا ياخدونا على صفوف خاصه يدمجوا المسلمين مع بعض وتدريسنا الدين الاسلامي
طب ليه ما بيقولوا دي مدرسه مسيحين خليهم يدرسوا الدين المسيجي مالناش دعوه همه الي سجلوا عندنا
وعلى فكره المدارس دي من اكفئ المدارس عندنا وتكاليف التدريس باهظ جدا
واكتر الاهالي بيقوموا في بعت اولادهم لتدريس هناك

شوفي
لاء احترام الديانات شي واجب
وصعب جدا انه الواحد يقدر يلغي اي جزءمن المجتمع او الدوله بحجه الديانات

[morshooo]

بسم الله الرحمن الرحيم


[IMG]http://upload.***************************/files7/12994129071.gif[/IMG]


اهلا ومرحبا بكم


وحلقه جديدة من برنامجكم


( اجمد عضو )


فى البدايه احب اشكر جميع الاعضاء الى كان ليهم


دور كبير فى انى استمر فى القسم هنا مع انى مكنتش


هقصر فى التواصل هنا فى القسم فبشكركم جميعا على


شعوركم الجميل جدا والى فعلا أتاكد ان الواحد هنا لما بيكون


[IMG]http://upload.***************************/files7/12994129071.gif[/IMG]


شغال كويس ومميز وليه دور الاعضاء بتبقى عارفا دا كويس وفهماة.


النهاردة هتكون حلقه مميزة جدا وبصراحه لما عرضت على ضيفتى


انها تبقى متواجدة فى اجمد عضو كنت متردد انها ترفض التواجد معايا


خاصه لما قولتلها ان الحلقه هيبقى معظمها عن ( والدها رحمه الله )


فقولت ممكن ترفض ولكن وافقت انها تبقى موجودة فى الحلقه وكان ردها


انى اسئل اى سؤال مفيش مشكله عندها .


هتبقى معانا النهاردة


المتميزة / DR.SMA




اهلا بيكى


طبعا زى ما احنا عارفين


تعالو نشوف عناوين من اللقاء .


[IMG]http://upload.***************************/files7/12994129071.gif[/IMG]


DR.SMA : انا بنت عندى عيوب ومميزات عندى 20 سنه ( اسنان المنصورة )


الحمد لله قسم قلم الاعضاء فيه نشاط بسبب وجود ساحر الاحزان والفترة الى فاتت كان نايم بسبب غياب المشرفين


احب اقول لرحيق الجنه حمدالله على سلامتك بعد طول غياب وكان المفروض تدينا خبر عشان منقلقش عليكي


مسابقه تحدى الاقلام المرحله الاولى خلصت وهيتم الاعلان عنها قريب والقسم دائما هيكون فيه جديد


فقدان الاب صعب وفقدان الحبيب صعب وفقدان الصديق صعب وفقدان الاخ صعب

اكيد مفيش كلام ممكن يتقال لكن الحاجه الوحيده الي ممكن اقولها ادعيله بالرحمه والخلود في الجنه ويجمعني بيه يارب


افراد اسرتى اهم ناس في حياتي والحمد لله ربنا يخليهم ونعوض بعض الى حد ما


بعد ما عرفت خبر الوفأة مكنش عندي القدره على التفكير اصلا لكن بحمد ربنا بجد كان مديني قوه ايمان وصبر الكل كان مستغربها

المرة الى فاتت كنت منتظراة أكثر من اى مرة مش عارفا ليه وحاليا بشوفه اكتر ماكنت بشوفه وهو مسافر


موضوع ( رحمك الله يا قره العين ,, ) كتبت اوله بعد وفاه بابا بأسبوعين بس معرفتش اكمله

اجمد عضو برنامج ناجح جدا وله اسمه في المنتدى ويسعدني اني اكون فيه ووافقت على الدعوة عشان واجب الصداقه يا مرشدى .


ودلوقتى تعالو نشوف

الحوار الرائع الــ ( من القلب )


[IMG]http://upload.***************************/files7/12994129071.gif[/IMG]

س / فى البدايه اهلا بيكى فى اجمد عضو ؟

اهلا بيك انت يا احمد منور

س / عرفى الاعضاء مين هى DR.SMA ؟

dr.sma هي انا واحده كده فيها عيوب ومميزات اكيد

عندي 20 سنه في اسنان المنصوره (مكتوب كده في البطاقه ) والمفروض ان السؤال ده

يكون للأعضاء مش ليا انا يعني اعمله تحويله ليهم الي يرد يقول من هي سما

س / الفترة الاخيرة شوفنا نشاط ملحوظ بقسم ( قلم الاعضاء ) ؟ ايه الحكايه ^_^ ؟

الحمد لله دي حاجه كويسه القسم كان نايم فتره كبيره بسبب غياب الكل لكن الحمد لله

بعد وجود امجد (ساحر الاحزان ) ورجوعي للمنتدى القسم في نشاط ملحوظ

وكويس وانا عن نفسي سعيده بوضعه دلوقتي

س / جت فترة وكان القسم محتاج وجود مشرفين طبعا بسبب غيابك لفترة ورحيق مكنتش بتدخل تقريبا ؟ شايفا القسم ازاى بعد وجودك ودخول ساحر الاحزان الاشراف ؟

انا رديت فوق المفروض

اكيد كان محتاج وبجد كنت زعلانه عليه لكن مكنتش عارفه ادخل ابدا

واظن اني الاداره عارفه اني طلبت حد معايا في القسم بسبب ظروفي

س / الفترة الاخيرة شوفنا كلنا رحيق الجنه فى المنتدى بعد غياب طويل جدا تحبى تقوليلها ايه ؟

اقولها حمد لله على سلامتك بعد طول غياب وكان المفروض تدينا خبر عشان منقلقش عليكي
عموما حصل خير والحمد لله انك موجوده دلوقتي المنتدى كله نور بوجودك والقسم كمان ,,

س / مسابقه تحدى الاقلام ايه اخبرها لحد دلوقتى ؟

حلو الحمد لله وعامله شغل كمان

المرحله الاولى منها خلصت من يومين وان شاء الله نتيجتها قريب

والمرحله التانيه هتبدأ بعدها بعد التصفيه

نتمنى التوفيق للجميع فيها من مشرفي القسم

س / قسم قلم الاعضاء الفترة الجايه هيبقى فى مسابقات تانيه وافكار جديدة والا بعد انتهاء المسابقه الحاليه هتشوفو ايه الجديد ؟

ان شاء الله القسم دايما هيكون فيه جديد

وده بفضل ربنا ومن بعده مشرفينه

امجد عامل شغل عالي اوي هناك ووجوده مهم جدا

منشط القسم على اكمل وجه ربنا يكرمه مجهوده عالي

والكل يعترف بأهميه وجوده في القسم طبعا


[IMG]http://upload.***************************/files7/12994129071.gif[/IMG]

س / دلوقتى حابب اخرجك من المنتدى وهنكلم شويه عن حياتك الاسريه ؟

اتفضل

س / فى البدايه حابب توجهى كلمه لوالدك ( رحمه الله ) ؟

والدي ميكفيش فيه كلام يا احمد عشان اوجهله كلمه

فقدان الاب صعب وفقدان الحبيب صعب وفقدان الصديق صعب وفقدان الاخ صعب

شوف انت بقى لما يبقى حد ليك كل ده وتفقده فجأه

اكيد مفيش كلام ممكن يتقال

لكن الحاجه الوحيده الي ممكن اقولها ادعيله بالرحمه والخلود في الجنه ويجمعني بيه يارب

س / ياريت برضو توجهى كلمه لافراد اسرتك ؟

اهم ناس في حياتي والحمد لله ربنا يخليهم

ونعوض بعض الى حد ما

بتمنالهم الخير والسعاده سواء في وجودي او بعده

والله اعلم طبعا مين هيسبق مين الاعمار بيد الله

س / يمكن الوالد بيبقى وجودة سند لينا كأبناء بعد ما عرفتى خبر الوفأة ايه الى فكرتى فيه ؟

مكنش عندي القدره على التفكير اصلا

لكن بحمد ربنا بجد

كان مديني قوه ايمان وصبر الكل كان مستغربها

اكتر حد كانو خايفين عليه من الخبر كان انا

بسبب ارتباطي الشديد بيه وطول انتظاري لوجوده في حياتي وللأجازه عشان اشوفه

الكل كان بيفكر في سما مش في الوفاه

لكن اكتر حاجه حسيت بيها اني انا الي متحمله مسؤليه الاسره بجد

ماما بتقوى بيا انا

يعني لو شافت ضعفي مش هتقدر تكمل مع اخواتي

فكنت لازم اكون اقواهم

والحمد لله ربنا ساعدني على كده بجد

ودي كلمه دايما اسمعها من امي تقريبا كل يوم

ربنا يخليكي انا مش عارفه من غيرك كنت عملت ايه انتي هنا اهم عمود في البيت

حسيت ان وجودي جنبهم اهم من كل شيء فعلا

ومستعده اتخلى عن اي حاجه مهما كانت مهمه ليا عشانهم

س / ايه الاختلاف الى حستيه دلوقتى عن وجود ( والدك ) معاكى ؟ بالرغم من سفرة الدائم ؟

كان مسافر اه بس كان موجود في كل حاجه

كإنه عايش معانا الى حد كبير

مجرد الاحساس بوجوده وانك لو احتاجته هتمسك فونك وهيرد عليك كانت كبيره اوي

كنت بستشيره كتير وبستنى كل كام شهر عشان احكيله الحاجات الي متنفعش في التليفون وكده

والمره دي كنت منتظراه اكتر من اي مره مش عارفه ليه

اما دلوقتي برده عايش معايا بس الفرق انه عايش جوايا

بشوفه اكتر ما كنت بشوفه وهو مسافر

وبقول الحمد لله طبعا على كل حال لان لازم اكمل ,,


[IMG]http://upload.***************************/files7/12994129071.gif[/IMG]

س / الغربه كانت سبب فى بعادة عنك ؟ تحبى تقولى ايه لكل أب مغترب عن اولادة ؟

اقوله اكيد الغربه مهمه جدا وهي الي بتخلي الانسان يكون نفسه ويعيش حياه كريمه في مصر

لكن اما تاخدهم معاك وترجع وقت رجوعهم

او تخليك معاهم هنا

سدأني مش هتعوض الوقت الي بيروح ابدا مهما كان المقابل

س / لما تم نزول توبيك اعلان وفأة والدك كنتى معارضه والا كان لازم الاعضاء تعرف ؟

كنت معارضه بصراحه في الاول لاني محبتش نزوله واافاجئت بيه

لكن بعدها قولت الحمد لله عشان الكل يدعيله لان دي الحاجه الوحيده الي بيكون

محتاجها الانسان من الناس في الوقت ده

س / غيابك لفترة طويله عن المنتدى بعد وفأة الوالد كان ايه سببه ؟

كان سببه الوفاه والظروف النفسيه وكمان كانت الصحيه الي كنت بمر بيها

اكيد كانت فتره صعبه على العليهل كلها

حتى نور ايامها مكانتش بتدخل الى حد كبير

س / بعد رجوعك حسيت ان كل مواضيعك مالت للحزن مش شايفا ان دى سنه الحياة ومش لازم نقف عند موقف معين رغم انك متاكدة ان دى سنه الحياة ؟

اكيد سنه الحياه لكن الواحد بيتأثر بكل الي بيمر بيه

وخصوصا لما تكون حاجه زي كده وتحس انها اكبر من احتمالك

انا فعلا كنت قويه في موقف وفاه بابا بس ده كان من بره بس

يعني مش اكتر من مظهر قوه عشان ماما

لكن من جوايا اكيد كنت شبه منتهيه

س / موضوع ( رحمك الله يا قره العين ,, ) موضوع جميل جدا كتبتيه امتى وحسيتى بأيه وانتى بتكتبيه ؟

كتبت اوله بعد وفاه بابا بأسبوعين بس معرفتش اكمله

لاني ايامها مكنتش عارفه اكتب اي حاجه

وكان قلمي في حاله صمت رهيبه وده كان تاعبني اكتر

وكملت الباقي منه قريب

بس كنت محتفظه بيه وبعد كده قولت انزله

س / كلمينا عن اصدقائك فى الفترة دى ؟

مممممم اصدقائي معدودين جدا يعني بس قريبين اوي

يعني مش اصحاب والسلام

لا اصحا بجد

كانو جنبي والحمد لله لان ربنا رزقني بمعنى الصداقه الي بجد وربنا ينعم على الكل بيها

س / مين اكتر حد حسينى انه واقف جنبك ؟

هقولك حاجه

نور اولا كان عندها امتحانات تاني يوم ومحدش رضى يخليها تجيلي وبعدها بقى اول حد

طلبت اشوفه وكان الوقت متأخر بالليل ومع ذلك جه

كانت رفيف

( متأخر بالنسبه انها تجيلي يعني وترجع تاني البيت مش الساعه 1 وبالليل يعني )

انا كل الي قولته اتصلو برفيف عيزاها حالا ومكنتش ف وعيي تقريبا لانها لاقيتها بعدها

بتقولي اني قولتلها كلام غريب جدا ولا فاكره منه اي حاجه

في بقى ريم ودي انا قولت عنها قبل كده كانت معايا من ابتدائي لحد كليه ومعايا في

اسنان كمان وبرغم ان نور ورفيف اقربلي منها فحاجات كتير الا انها كانت ا

كتر حد محتاجه ليه نفسيا

ولحد دلوقتي مش عارفه السبب

وكمان دكتر سمسم كانت دايما معايا وبتطمن منهم وكمان جاتلي مع ان بيني وبينها سفر الى حد ما

بجد وقفو جنبي اوي ربنا يخليهم يارب

[IMG]http://upload.***************************/files7/12994129071.gif[/IMG]

س / عايزك توجهى كلمه لاعضاء المنتدى ؟

وجودي في المنتدى اصبح جزء مهم اوي من حياتي

كلكم هنا تعتبرو اسره تانيه

الفتره الي فاتت كنت حاسه ان المنتدى فاقد الشعور الاخوي ده جدا بسبب المشاكل

اتمنى تكون فتره وعدت ومترجعش تاني

ويارب تفضلو منورين هنا على طول

س / ايه رائيك فى اجمد عضو ؟

مش اول مره اجي في التوبيك طبعا

برنامج ناجح جدا وله اسمه في المنتدى ويسعدني اني اكون فيه

س / انتى مع تغير شكل البرنامج والا مع الاستمرار بنفس طريقته ؟

لو التغير هيكون للأفضل مفيش مانع طبعا

لكن بشكل عام البرنامج كده كويس جدا والحمد لله

لو عندك تطوير ليه بأي شكل مفيش مانع اكيد

س / لما بعتلك الدعوة فكرتى قبل الموافقه والا لا ؟

اه فكرت شويه اصل مفيش موضوع يعني قلت اجمد عضو ليه دلوقتي

س / كنتى متوقعه ان الحلقه هتبقى عن والدك ( رحمه الله ) ؟

لا خالص وحتى لما انت قولتلي وشفت الاسئله كنت مستغربه وكنت متردده جدا

س / وافقتى على الدعوة ليه ؟

عشان مزعلكش ^_^ حد يرفض دعوه من احمد برده

ده حتى واجب الصداقه يا مرشدي

سعيده بالحلقه جدا وتشكر عليها

[IMG]http://upload.***************************/files7/12994129071.gif[/IMG]

وبكدا تنتهى حلقتنا النهاردة

اتمنى ان تنال اعجابكم

انتظرونى وحلقة جديدة من





اجمد عضو





تحياتى





morshooo




[IMG]http://upload.***************************/files7/12994129071.gif[/IMG]

[الرحــاال المٌتَمرد]

فى الحقيقه الضيفه غنيه عن التعريف
شخصيه عاقله ومهمه جدا للمنتدى
ردود واجابات جميله جدا
والبقاء لله لوفاه والدك ... فى جنات الخلد ان شاء الله

وطبعا شكرا جزيلا لمورشو
دايما بيمتعنا بالبرنامج الجميل
والضيوف المميزين

تحياتى وتقديرى

[حنـــــون]

حلقه جميله اوى يااحمد
بجد ياسما نورتيها باجاباتك
الجميله ووجودك الى ديما جميل
ربنا يرحم والدك ويسكنه جناته
ويجمعنا بيه فى الاخره ان شاء الله
نوريتى ياقمرى
بالتوفيق