حلقات ( اجمد عضو ) مع ( morshooo )

[كبرياء رجل]

ألحلقه طويله قوي يا مورشو
وجعت عنينا انت وفارما
ويارب الكهرباء تقطع عندها تانب
قول امين
منورين الحلقه يا مشرفين القسم
وعجبتي ردودها المتزنه فارما
وثقتها بنفسها
وربنا يوفق الاصلح اكيد في الانتخابات
اشكركم على الحلقه
تحياتي

[тoкα..♥]

اقتباس س / طبعا تقى غنية عن التعريف بس عايزك تعرفى الاعضاء عليها بشكل كبير ؟ تقى اشقى واطعم عضوهـ معـآنـآ ف المنتدى ,, اكتر واحدهـ ممكن تستريح ف الكلام معـآهـآ ... في نـآس شـآيفه انهـآ مجنونه وشقيه وضحوكه وتستمتع معـآهـآ بالكلام وتخرجكـ من الجو اللي انت فيه ,, بس انآ غير >> انـآ لما بكون مخنوقه او محتاجه اتكلم مع حد هي ممكن تكون اكتر حد اتكلم معآهـ ,, عندهـآ حس سمعي هـآيـل .. سابقه سنهـآ بمراحل ودا تلاحظه من كتابتاها لو متعرفهـآش على المستوى الشخصي ,, حتى انا بستمتع جدا لما بقرأ ردودهـآ ف فضفضه الاعضـآء . . وساعات مبقرأش ردهـآ ولما ارد الاقي ردهـآ شبه ردي سبحـآن الله يعني لو في مشكله تقولها صدقني هتدبيك النصيحه الصح .. بموت في جنـآنهـآ وعقلهـآ ف نفس الوقت ربنـآ يبـآركـ فيهـآ ويحميهـآ يــآرب ,, نشـآطهـآ ف المنتدى معروف وكل يشهد بكدا >> سـآعات كانت بتوقف المنتدى كله على رجل واحدهـ ,, عندهـآ قدرهـ انها تطور من نفسهـآ وتحسن ادائهـآ وتطورهـ للاحسن مع الوقت ,, ليهـآ شعبيه جماهيريه عاليهـ جدا ,, وجدعه جدا وصاحبة صاحبتها اوي وان شاء الله اول ما تنزل مصر ف شهر 6 هتلاقيني واقفالها ف المطـآر :biggrin:

آتكسف آنآ دلوقتي ولآ آعمل آي
طب مش هتكسف بقـآ هـآ
وآلله ي بنتي كلآمك دآ حلو يعني
ومش كتير عليآ آنآ عآرفه >> ربنآ يزيدني توآضع :d
بجد ي فوفآ آنتي حآجآ كبييييييرة عندي وآلله << قد صورة آلصخرة آللي ورتهآلي
ربنآ يوفقك دآيمآ ي رب سوآء ف حيآتك آلعآمه آو ف آلمنتدى
آو لو كسبتي ف آلآنتخآبآت << مع نفسك :d
مورشو آحييك ع آلحلقه ,,
آحترآمي

[morshooo]

بسم الله الرحمن الرحيم

[IMG]http://upload.***************************/files7/12994129071.gif[/IMG]

اهلا ومرحبا بكم

وحلقة جديدة من برنامجكم

( أجمد عضو )

النهاردة هيكون معانا ضيف صاحب فكر مميز

الاعضاء اخترتة أدارى فى الانتخابات السابقة لثقتهم فية صاب حضور مميز دائما

صاحب مسابقات مميزة دائما يقول ( انا رئيس جمهورية نفسى ) :biggrin:

معانا النهاردة

الادارى المنتخب السابق

S n i p e R



اهلا بيك

وكالعادة وزى ما كلنا عارفين قبل بداية الحلقة

تعالو نشوف عناوين من اللقاء

[IMG]http://upload.***************************/files7/12994129071.gif[/IMG]

انا اول مرة فى ( اجمد عضو ) هكتفى فقط برسالة كتبها الضيف ومش هكتب عناوين فى بداية الحلقة ولكن الضيف كان اول كلامة بالرسالة دى .

S n i p e R

قبل ما ندخل ف الحوار اسمحلي اقول كلمتين حلوين

انا منكرش اني كنت اداري غير ناجح وان اغلب الاعبء عليا

لكن فيه جوانب كتيييييرة محدش شافها عشان يحكم عليا بجد

وانا بعد الحوار مش مستعد ادخل ف نقاش مع اي شخص

انا مجرد هجاوب على الاسئلة بمنتهى الصراحة ايا كان نوع السؤال

بعد الحوار اي رد هيكون ردي عليه منور الموضوع

ودلوقتى تعالو نشوف الحوار كامل مع ضيفى :

[IMG]http://upload.***************************/files7/12994129071.gif[/IMG]

س / فى البداية عرف الاعضاء مين هو ( S n i p e R ) ؟

عيل صغير اشترك ف المنتدى من بتاع سنة ونص كدا
اشهر سلبياتي العصبية والاندفاع والغرور زي ما بيقولوا
اشهر ايجابياتي الطيبة بغباوة والذكاء والصراحة المفرطة
ادي تعريف صغير باللي يهمكوا انكو تعرفوه عني

س / كلنا عارفين احمد ومعجبين بتفكيرة فى المنتدى ؟ كان فين تفكيرك فترة الادارى المنتخب ؟

واللهي ف اول فترة كان موجود بكامل طاقته بالعكس
ده كان موجود بجهد مضاعف
بس حصل كام موقف كدا
اجبروني على ايقاف مجهوداتي
بقيت مجرد بدخل الشكاوي وبرد فيها
وبتابع مسابقاتي اللى شغالة

س / اية الموقف الــ حصل معاك ووقف مجهودك وكان من مين ؟

هو مش موقف
هي عدة مواقف
كنت بطلب طلبات كتير من الادارة وكلهم كانوا بيترفضوا
بدون ما اعرف سبب واحد منطقي
طارق قال اني بتعبهم بطلباتي
وانا فعلا حسيت بان كلمة موافق بتكون متعبة جدا
مقارنة بالمجهود اللى بيتعمل في تحضير المواضيع والمسابقات وتجهيزها
او حتى مش موافق كنت مستني رفض بسبب
انا مش بقول ان الادارة كانت بتكرهني ومستقصداني
بالعكس ضياء كان خدوم جدا معايا وكان متابع معايا اول باول
لكن هو ده الاحساس اللى وصلي حتى لو مش صحيح
وان شاء الله ميكونش صحيح لكن احساس انه مش عايز ينجحني
خلى رد فعلي الطبيعي اني منجحش
وطبعا محدش يقدر يقول تكاسل او كلام من ده
انا شغلي ومجهوداتي من اول ما سجلت شاهد انه كلام فاضي
ف الموضوع كله تقدر تقول عليه استجابة طبيعية للظروف الراهنة
مش بعفي من عليا الخطأ بالعكس انا بردو مخطأ في الموضوع
لاني كان مفروض اعافر اكتر من كدا بس مينفعش تقول الخطأ كله
عليا

س / حابك تكلم الاعضاء عن فترة توليك منصب ( الادارى المنتخب ) ؟

انا هعرفلك الاداري المنتخب بتعريف بسيط
مشرف قسم الشكاوي برتبة مراقب من غير صلاحيات
سيبك من حكاية البرنامج الانتخابي
مش هيكون فيه حاجة تتعمل ولو فيه
مش هتكون اكتر من حاجتين او تلاتة
مش كل اللستة الطويلة العريضة اللى بنضربها ف الانتخابات
ولو هي كدا بالمسابقات والانشطة والحاجات اللى بتعملها
كان زماني انجح اداري منتخب دلوقتى لكن مش دي النقطة
كل بأه اللى مطلوب يعمله الاداري المنتخب
يدخل يلف المواضيع ف انحاء المنتدى ويرد فيها زي المراقب كدا
ويرد ف قسم الشكاوي زي مشرف قسم الشكاوي

س / انتا شايف ان البرامج الانتخابية بتاعت الاعضاء الــ بينزلوها مجرد شكل امام الاعضاء وكل دا مالوش لزمة ؟

مش بالظبط يا جو مش بالظبط :biggrin:
هديك دليل بسيط جدا
انا دلوقتى مرشح للادارة ومنجحتش ف الانتخابات
طاب دلوقتى هو انا مش بعمل برنامجي الانتخابي حتى وانا عضو
انا عايز افهم باه فرقت ايه لما اعمل شغلي بلون او من غير
يعني مثلا الاعضاء هيقولوا الله دي مسابقة اداري لازم اشترك فيها
يع دي مسابقة عضو ازاي اشترك فيها
لكن اللى بيفرق واللى بينجح الاداري تفاعله من خلال الردود والشكاوي
ده اس شغله
طبعا الانشطة التانية ليها دور لكن مش دور اساسي

[IMG]http://upload.***************************/files7/12994129071.gif[/IMG]

س / انتا كان كل دورك دخولك لقسم الشكاوى فقط ؟ يعنى كان دورك محدود فى الادارة ؟

الطبيعي لأ طبعا دور الاداري فيه حاجات تانية
بس اللى كان على ارض الواقع هو ده لا اكتر ولا اقل

س / بصراحة مش شايف ان ترشيحك للمنصب كان غلطة منك ؟

؟؟؟؟؟؟؟؟؟؟ لا خااااااااااااالص
انا شايفها كانت فكرة ممتازة جدا مني
وفترة مهمة ف حياتي المنتداوية

س / بس ازاى فترة الادارى المنتخب كانت جيدة بالنسبالك رغم انك مستغلتهاش صح ؟

فهمت منها حاجات كتيييير مكنتش فاهمها
تقدر تقول كدا عرفت الحياة ماشية ازاي
كنت لما بقابل واحد قديم اوووي ف المنتدى كان يقعد يقول كلام غريب
ومبفهمش حاجة دلوقتى لأ

س / انتا قولت ان الفترة الــ فاتت كنت مشغول فى امتحناتك ؟ لية رشحت نفسك فى الانتخابات الماضية ؟

الفترة اللى فاتت دي
كانت اخر اسبوعين
مش تلات شهور
وبعدين انا متحججتش بامتحاناتي قبل كدا ف سؤال زي ده
ركز يا ابوحميد :biggrin:

س / انا اقصد طالما انتا عارف ان فترة وجودك كا أدارى منتخب هتدخل فى فترة امتحاناتك لية مقولتش من البداية او مدخلتش الانتخابات المرة الماضية ؟

دي احسن فترة ممكن اشترك فيها من السنة كل الموضوع ان فيها اسبوعين
امتحانات اذا كان ماتركس على سن ورمح غاب اسبوعين وهو ف الادارة
الموضوع مش موضوع تواجد 24 ساعة ممكن تدخل فيهم ساعة تكون احسن
مليييييار مرة من ال24 ساعة دول بردودك وتواجدك

س / شايف انك كنت قادر على منصب ( الادارى المنتخب ) ؟

انا بصفاتي بقدراتي
شايف اني قادر على مناصب اعلى من كدا كمان (;
لكن حسب الاوضاع اللى كنت فيها
لا مكنش ينفعني
انا من النوع اللى هدفي ف اي حاجة اعملها
الروح المعنوية العالية
يعني مثلا اقعد اشتغل على موضوع معين لو حسيت اني تعبت فيه بجد
حتى لو مكانش بالمستوى المطلوب
لازم الاقي ردود عشان محسش ان جهدي راح هدر
يعني يوم مصريات فايترز ده اما نزل
انا قعدت يومين كامل مذهول كدا مش مصدق اني بعد كل ده
كل الوضع كدا

[IMG]http://upload.***************************/files7/12994129071.gif[/IMG]

س / قدرت تحقق برنامجك الانتخابى والا حصل تقصير فية ؟

برنامجي الانتخابي حققته
زي ما بقولك
انا نجحت ف جزء ونص
وفشلت ف جزء ونص
انا بعتبر نفسي بمستوى مقبول
فيه اللى يقولك فشل
والمقال الطويل العريض بتاع طارق
اممممم انا لو هحكم على نفسي
انا نجحت ف البرنامج بشكل جيد
والشكاوي كنت متابع فيها بشكل ممتاز
لكن مكنتش برد على اي موضوع من اي نوع يعني ممكن اخد فيها
كحكة كبيرة كدا :biggrin:

س / اية الجزء الــ نجحت فية واية الجزء الــ فشلت فية ؟ وعندك استعداد انك تشتغل على الجزء الــ فشلت فية الفترة القادمة والا لا ؟

نجحت ف البرنامج الانتخابي
ونص نص في الشكاوي
لكن فشلي كان في الردود والتفاعل مع الاعضاء
بس فشل مش زي ما انت فاهم
يعني انا طول عمري بتواصل واتفاعل مع الاعضاء كعضو ومشرف عادي خالص
انما لما حصل الكام موقف دول اللى قولتهم
بطلت اتفاعل او ارد واكتفيت بشغل خفيف خالص

س / كلنا شوفنا طارق فى احدى الحوارات وقال انة فكر فى شيلك من المنصب فى فترة من فترات ترشيحك ؟ اية تعليقك ؟

ميقدرش يا كبير
اللي اتاخد بالاغلبية
مينفعش يتشال غير بالاغلبية
انما اللى اتعين
يشيله وقت ما يحب يشيله

س / تفتكر طارق مشلكش من الادارة عشان كان ممكن يتقال ان الفكرة فشلت ؟

ما انا قولتلك يا برنس
مكنش يقدر يشيلني اساسا
وفشل اداري واحد
مش دليل على فشل الفكرة كلها

[IMG]http://upload.***************************/files7/12994129071.gif[/IMG]

س / تقريبا ماتركس كان مدعمك فترة ترشيحك دا كان رد للجميل بما انك كنت من مؤيدية فترة الانتخابات الاولى ؟

معتقدش ان ده ليه علاقة بالحوار
بس ماتركس هو اللى شجعني اترشح اساسا
اعتقد انه مكنش هيرشحني الا لو شايف اني استاهل
زي ما انا دعمته ف اول انتخابات بقوة لاني شايف انه يستاهل
بس اكدب عليك لو قولتلك ان مفهاش نوع من انواع الصداقة

س / انتا شايف ان الصداقة ليها دور فى نجاح الاعضاء فى التصويت فى المنتدى ؟

اهااااااا بس هي مش سلبية زي ما انت فاهم
العضو الجديد اللى معندوش اصدقاء عمره ما هيعرف يأدي زي القديم الفاهم
يعني دليل حي على كلامي
تفتكر واحد من ال23453583434 مرشح رئاسي ينفع
ولا ابو اسماعيل وابو الفتوح وخيرت الشاطر؟؟؟

س / يعنى انتا نجحت بالصداقة والا نجحت عشان الاعضاء وثقو فيك ؟

كلاهما

س / انتا كنت قد ثقتهم دى والا لا ؟

امممم ... معرفش اسالهم هما

س / انتا طلبت الانسحاب من الاشراف لية ؟

بص هتقول ان السبب ميستهالش وانا بألف
بس هو ده السبب بجد
اللى هو اني وصلت للي انا عايزه وزيادة خلاص
يعني كنت عايز ابقى مشرف بقيت اداري خلاص يا عم
الله ينور كدا ننطلق بأه ف المنتدى بمزاجنا زي ما احنا عايزين
من غير اي نوع من انواع القيود وبدون احتكاك بادارة وكدا

س / بس انتا لسة مشرف لحد دلوقتى ؟

لسه هتشال يا كبير الصبر حلو
الطلب موجود ف قسم الشكاوي
واسال ساحر :biggrin:

[IMG]http://upload.***************************/files7/12994129071.gif[/IMG]

س / من وجهة نظرك وبصراحة شايف ان ساحر الاحزان يستحق المنصب والا كان ممكن حد تانى ؟ لية ؟

انا هقولك حاجة
مش الصندوق حكم
مشوفش حد يفتح بؤه ويقولي مكنش يستاهل
وده يستاهل وده لأ
الاعضاء مش هبل
كل واحد رشح واختار وهما عايزين ساحر
وساحر يستحقها وبجدارة
اللى يقعد يقولك ماتركس كان مفروض ياخدها
وفارما مش عارف ايه
وجنرال كان عامل ايه
كل ده حمادة يا معلم

س / انا دخلت ملفك وشوفت حوارك مع طارق انتا شايف ان فعلا من حقك تاخد ( الوسام والــ 1000 مشاركة ) ؟

اممممم .... لو الموضوع مكافأة للي يستحق زي ما بيقول
ف دي فكرة فاشلة اساسا
لان النجاح دي مسألة نسبية
فيه اللى يشوف ان ده نجح فيه اللى هيشوف لا منجحش
انا كان فهمي انها حاجة عاملة زي نهاية الخدمة
وانه نسي يحطهالي ف عشان كدا روحت افكره بيها
وبس مش اكتر
ولو انت شايف غير كدا كان زماني حذفت الرسائل
بس انا سايبها

س / انتا فى خلاف بينك وبين الادارة او طارق خاصة ؟

لا مفيش اي نوع من انواع الخلافات
وانا بصراحة عمري ما حسيت ان علاقتي بضياء احسن من دلوقتى
وطارق مفيش خلاف خالص بينا
بس حساسية على خفيف كدا

س / انتا مرشحتش نفسك لية المرة دى ؟

اممممم .... اذا كنت انسحبت من الاشراف
عايزني ابقى اداري
؟؟؟؟؟؟؟

س / ناوى تعمل اية الفترة القادمة فى المنتدى ؟ يعنى هتبقى احمد الــ كلنا عارفينة ؟

اكتر احمد انتو عارفينه
وشغل ونشاط
هبقى حر كدا وانطلق زي ما انا عايز
وهتشوف احمد يعجبك ان شاء الله

س / اخيرا انا هسيبلك السؤال دا مفتوح ليك يعنى تكلم وتقول كل الــ انتا عايزة فى السؤال دا ؟ وهسيبك تختم الحلقة بطريقتك الخاصة ؟

نصيحة كدا لكل عضو
مش معنى انك اخضر
وان غيرك احمر
انه اعلى منك كدا وانت ولا حاجة
بمقدورك وانت اخضر زي ما انت
تخليه هو ولا حاجة
اشتغل بضمير وحافظ على مجهودك
واخلاقك واهم حاجة ف كل ده اصحابك
ومتنساش اننا داخلين ننسى العالم الخارجي
والهدف الاساسي هو الاستفادة والمتعة
بابا احمد جه يا ولااااااد :biggrin:

[IMG]http://upload.***************************/files7/12994129071.gif[/IMG]

وبكدا تنتهى حلقتنا النهاردة



اتمنى ان تنال اعجابكم

انتظرونى وحلقة جديدة من

اجمد عضو




تحياتى




morshooo


[IMG]http://upload.***************************/files7/12994129071.gif[/IMG]

[тoкα..♥]

محـآور ذكـي و ضيف ذكـي بردو
آحتآرت فيكو
حلقه كويسه ي مورشو ,,
وآجآبآت منطقيه آلى حـد مآ ي آحمد ,,
بآلتوفيق ,,

[booody99]

حلقة صريحة جداً مع ضيف صريح وجريء

استمتعنا بالحوار الساخن فعلاً

وشكر والف شكر على مجهودك الرائع

كل الأحترام والتقدير

[۩۩ elMagic ۩۩]

يخرب بيت دماغكـ يا سنايبر
لا بجـد حوار جامد جدا واسئله اجمد
متابعه مميزه منكـ مورشو
حلقهـ اصلــى
دوام التميز

[Silver Flower]

ااها
انا افهمت الصوره
اجابات منطقيه
و المهم انك اثبت وجودك ومحبت الاعضاء الك يا احمد وانك موجود بينا
وكالعاده موضوع رائع يا مورشوا

[زهره الشتاء]

حوار جميل وتوضيحات مهمه فعلآ
واكيد العضو مش بلونة باخلاقه اولا ونشاطة وتميزة
استضافه جميلة واجابات راقيه
تسلم ايدك ع الموضوع القيم
يعطيك العافيه للمجهود
ف انتظار المزيد
دمت بخير

[SiLver Spectra]

هفشلك ليه يا ابني
بص يا احمد ,, انا بقولها صراحة في الموضوع و انت جاي تقدم نفسك للترشح
مهمتك هي الرد و التفاعل مع مواضيع الاعضاء , و دا انت مش عملته
انت الفترة الاولى كنت بتجهد نفسك في مواضيع زي مصريات فايتر و تحدي المشرفين و الاعضاء لكن ماكنش ليك مجهود في الرد على المواضيع الي هو اساس المنصب
و بوضح كمان ان مش هيكون ليك صلاحيات ادارية مجرد لون
و أعتقد الكل عارف كدا

لكن غير كدا احنا بنقبل افكار كتير بس مش اي فكرة هقدر اقبلها
و في افكار بتقبل لكن بتعديل و في افكار بتترفض
زي مثلا لما بتقولنا عايزين نرفع قسم الشكاوي
قولتلك هو مكانه الطبيعي في اي منتدى بيكون تحت مش فوق لو طلعته فوق هيجيب نتيجة عكسية
و بعدين كدا بحس اننا بنقدم خدمه للعضو كدا و بنقوله و النبي لا تشتكي
انت سجلت في المنتدى . طب اشتكي بقى :762:
الشكوى للطوارئ و الي حتى ميح في المنتديات يقدر يدور و ينزل و هيلاقي الشكاوي , طالما محتاج يقدم شكوى هيدور دي زي ماقولت لو ميح منتديات


كان ليك اقتراح تاني بتاع اننا نعمل قسم للقوانين
و عملناه بس موضوع شامل
فكرة اننا نعمل عشر مواضيع قوانين حسينا انها كتير خاصة انك هتعمل مثلا بتاع 30 قانون غير ان ماحدش هيعد يفتح قسم مخصوص عشان يشوف القوانين
فموضوع واحد شامل افضل و قدرنا نعمله دعاية لفترة طويلة كان بيظهر في شريط متحرك

انت ليك مسابقة عملتها تنشيطية و طلبت قسم و عملتهولك

ايه الي مش اتنفذ
ممكن بعت اسماء ناس بس حاليا انا مش بعين غير ان ماكنش في عندنا طلب للمشرفين
العملية بتبقى موسمية شوية و حتى لما بتبعت اسماء احنا طبيعي بنراجع و بنصفي ناس و بنختار الاصلح بينهم حسب نشاطهم في القسم و حسب سمعته و غيره
و هي مهتك في الاصل مش تعيين مشرفين
لكن تقدر تقدم استشارة و الاستشارة مش بتكون الزامية
انت عنك كمان الألوان باقيت اكتر من اللون الاخضر
عكس اي فترة قبل كدا ,,يعني لو تراجع صور المنتدى زمان في (منتديات بنات مصر في عامين) هتلاحظ ان الالوان كانت اقل بكتير من الاخضر

كان ليك بنر كبير مثلا كنت عايز تركبه و انا رفضت و قولتلك مش هقدر افتح البنرات الكبيرة لان كدا اي حد هيطلب بنر كبير و البنرات الصغيره ماعتش هيكون لها اي معنى
البنر الكبير خليناه تقدير اداري هو الي يختار مش يجيله طلب
و انا على فكرة رفضت طلبات كتير لتركيب بنر كبير من قبل كذا عضو و وضحتله و هو تفهم
فما بالك بقى لو كنت فتحتها , وقتها مش هيكون عندك حجة للرفض و هيقولك اشمعنى فلان
لكن انت وقتها افتكر انك كنت زعلت مع ان الموضوع اتركبله بنر عادي زي باقي المواضيع , و قولت مش هشتغل و انت كدا مش هتشجع حد انه يشتغل

المهم انت نوعا ما مندفع في طلباتك زي ما انت حكمت على نفسك
و الشخصية المندفعه طبيعي بتتقمص بسرعة :biggrin:
انت لازم تراعي برضو ان لينا ظروف و ضغوط و غيره
انا بقدر الامكان بحاول اتواصل مع طلباتك و ان كنت مقصر لكن مش اي طلب هقدر انفذه طبعا

و دا حصل مع الكل زي ماتركس
و زي ساحر الاحزان لسه باعتلي برنامجه و قولتله الي يقدر يتنفذ و ايه الي مش ههنقدر ننفذه
تخيل مثلا واحد جه و قالك يلا نلغي رسائل الزوار!!(دا مش ساحر و لا ماتركس:biggrin
لازم انت هتناقشه و هترفض في الغالب
فطبيعي مش اي حاجه هتقدر تنفذها و لازم تتم مراجعتها

و دا مش عيب ابدا اننا يكون عندنا تقدير بحكم الخبرة


منور يا سنايبر الحلقة

[دمعه حائره]

حلقه صريحه مع انسان محبوب سواء عضو عادى او ادارى
نورت يا احمد واتمنالك كل التوفيق والنجاح