حلقات ( اجمد عضو ) مع ( morshooo )

[واد حبيب]

اقتباس المشاركة الأصلية كتبت بواسطة silver spectra تمام كويس انك عرفتنا عشان نعمل حسابنا لما نيجي نعمل جرد للأقسام

طول ما قسم الخواطر قسم فرعي كده مش هتفرق معايا انشال ولا لا
لما القسم يرجع قسم رئيسي زي الاول ممكن الواحد يشتغل في زي الاول واحسن علشان القسم يرجع زي ما كان زمان من انشط الاقسام في المنتدي

[احساسى صحيح]

حلقة هتكون جامدة جدا مع اميرتنا الغالية
ربنا معاكى بقا
شكرا يا مورشو
نجم من يومك يبنى ^^

[غــــرآم الورد]

استضافه رائعه والاجابات كذلك "
طبعا انا ممكن اتابع بس مـ ارد كثير اللي ان اشوف ماشاء الله على الاخت اركوا
بجد شغلها نظيف يعجبني ومن اعماق قلبها مثل ماقالت يعني هي مبدعه في كل شي
ولو فقدها المنتدى ((فهو فاقد عامود المنتدى ))حيطيح بعدين للامانه اتكلم
ترد ونشاطها عالي وفي التصاميم كذلك وفي تحفيزها الى اعضاء
اركوا اخت عظيمه وتشرفت بمعرفتها
يسعدك ربي انتي رائعه وكملي طريقك لاتخلي احد يقف فيه
كوني كالجبل لايهزك ريح فــ انتي مبدعه اذن لاتبالي






(غرام الورد)

[حنـــــون]

روح ياشيخ ربنا ينتقم منك هههههههههههههههههه
شكله حلقه جامده
منتظرين رودى بئه
وانتى روح انتظر فى اى مكان غير هنا

[morshooo]

بسم الله الرحمن الرحيم

اهلا بيكم وحلقة جديدة

من برنامجكم

( أجمد عضو )

طبعا كلنا عارفين مين ضيفه

حلقة النهاردة

الأميرة رودي

تعالو نشوف الحوار

والضيفه قالت اية فيه :

س / اهلا بيكى رودى فـ اجمد عضو ؟

هلا بيك وبكل الموجودين ي أحمد
شكـرا على الدعوه

س / طبعا هنكلم عن قسم صفحات مكشوفة والمشكلات الى بقت فية ؟

اتفضل واانا مستعده بس هو مفيش مشاكل عندنا ولا حاجه

س / فى البداية بس عايز اعرف منك اية قسم ( صفحات مكشوفة ) ؟ اية مميزاتة بالنسبة لاعضاء المنتدى ؟

القسم ده مميز أوى عند ناس كتير وله مكانه خاصه عند الكل
أكيد لما تحس ان ليك صفحه خاصه بتكتب فيها اللى انت عاوزه وتفضفض بكل شئ بيضايقك او بيفرحك دون تدخل من حد او ردود مزعجه او اى حد ينتقد مشاعرك او ارائك ..
يعني الركن الهادي الوحيد اللى بتمتلكه فى المنتدى
كمان بقى وسيله هامه للتواصل فيما بينا
يعني بقينا نعرف اخبار بعضنا منه واللى هيغيب عن المنتدى يدخل صفحته يقول واللى مبسوط نعرف انه مبسوط ونشاركه فرحته واللى مضايق برده نتواصل معاه ونطمن على اخباره واللى يمر بموقف يدخل يحكيه و....الخ
تحس انه بقى لكل واحد فينا بيته داخل القسم ده اللى هيا صفحته يعني
وانا حقيقي بكون مبسوطه لما الاقي حد كاتب فى اى رد انه صفحات مكشوفه ده اقرب قسم ليه ودى شوفتها كتير اوي ... شئ يفرح بجد

س / شايفا ان قسم صفحات مكشوفة الاعضاء بتستغلة صح والا لا ؟

اه طبعا كتير اوي من الاعضاء .الغالبيه العظمى فاهمين يعني ايه معني القسم وبيتعاملو في صفحاتهم صح وملتزمين جدا بأداب التعبير عن الرأى لو ليهم وجهه نظر فى موضوع ما
وبرده اقليه قليله جداا كام واحد كده بيستغلوه بشكل سئ

س / عندك الشجاعه تقولى مين بيستغل القسم بطريقة سيئة زى ما بتقولى ؟

هو مش موضوع شجاعه او خوف
بس لو هما بيخطئو لما بيستغلو القسم بشكل سئ ماينفعش انا كمان أخطئ زيهم وأشهّر بأساميهم
( يعني ألوم عليهم واجى اعمل زيهم ) ؟؟
بلاش يعني ذكر اسماء وربنا يهدي وخلاص
وبعدين خليك فى حالك وبطل تشعللها انت
وتفتكرى بيعملو كدا لية ؟

قله فهم والله الـ واحد فيهم ناسي انه له متابعيه واصدقاؤه اللى ممكن يخسرهم بسبب اسلوبه ده

س / لية الجميع الفترة الاخيرة شايف ان القسم اصبح اكتر قسم لجلب المشاكل ؟

هو مش قسم لجلب المشاكل ولا حاجه
ولما تكون فيه مشكلات فرديه بيكون سببها شخص او اتنين غير ملتزمين مش معني كده ان القسم كله اصبح مكان للمشاكل..
بالعكس احنا لازم ندى الناس الكويسين اوي والملتزمين فى صفحاتهم دول حقهم بأننا نذكر ايجابيات القسم برده مش ندور بس على الحالات السيئه ونتكلم عنها .. ولا هو الكويس بيتاخد فى الرجلين على طول كده؟
انا ممكن اقولك دالوقتى مين سبب المشاكل فى القسم بس مالوش داعي
ربنا يهديهم ..

س / انتو كمشرفين شايفة انكم متفاهمين مع بعض ؟

اه والله يابني متفاهمين ومش عارفه مين اللى طلع علينا اننا منقسمين او مختلفين
تعرفشى مين يامروشو اللى طلع علينا كده

س / اية الدليل على كلامك يعنى لو متفاهمين عملتو اية واتفقتو عليه ؟

بص يااحمد احنا قسمنا مختلف شويه عن الاقسام التانيه
قولتلى ازاى
قسمنا لا بيعتمد على حملآت تنشيط ولا بنفكر فى مسابقات ولا كلام من ده
لان القسم بيعتمد على الحاله المزاجيه للعضو صاحب المدونه يعني بيدخل وقت ماهو عاوز يكتب اللى هوا عاوزه
احنا كل التعاون بينا بيكون فى الامور الرقابيه على القسم او فى اختيار التكريمات اذا كان التكريم بالشهادات أو بالاستفتاء
موضوع الاستفتاء ده مثــلا هتستغرب انت لما تعرف انى ماختارتش حد من الـ 4 اسماء الا اسم واحد والتلاته التانين كانو اختيار محمد وعبده رغم انى صاحبه الفكره
فالتعاون هنـا بقى اننا مش نعمل حاجه الا بعد المشوره الثلاثيه

س / شوفنا الفترة الاخيرة تدخلات كتيرة فى القسم سواء الادارة او المراقبين ؟ دا بيدل على فشلكم فى احتواء القسم ؟

فشلكم ؟
احنا مش فاشلين ياأحمد
اسحبها من فضلك
هو مش فشل على فكره . هو تعدى وتجاوز واضح وتصميم من بعض الاعضاء على الغلط وعدم الالتزام بقوانين القسم وعدم احترامهم لآى اجراء احنا بناخده
على سبيل المثال :
لما المشرف يحذف مشاركه شايفها سيئه صاحب الصفحه يعترض على الحذف ويروح جرى على الشكاوى يعمل شكوى (( ده ماحصلش معايا أنا )) بس فى حد ذاته ده عدم احترام لقوانين القسم لان المشرف عمره ماهيحذفله حاجه كويسه.
فيه حاجه تانيه غريبه وهي ظاهره مش حلوه وهو التلقيح والتلميح من اتنين او تلاته على بعض
هما قاعدين لبعض على الواحده كل اللى يعمل فيهم حاجه يدخل التاني جري يلقح عليه بالكلام فى صفحته .. يقوم الاوللانى شايف الكلام وفاهم ناه لنفسه يقوم رايح عامل شكوى
فهمت بقى قسم الشكاوى بقى عامر بوجودنا ليه

س / اية مشكلتكم مع ماتركس دا مراقب واستخدم صلحياتة ؟

احنا مفيش مشكله بينا وبين ماتركس
هو صحيح مراقب ومعاه صلآحيات بس مش معني كده انه يتخطى المشرفين ويتصرف من نفسه من غير مايرجع لحد فينا وعلى الاقل يعرفنا انه هيعمل تنبيه
انا عاوزه افهم حاجه .. هو لو أحمد ماتركس بعت لحد مننا وقاله انا عاوز اعمل تنبيه عشان كذا كذا احنا هنرفض ؟؟
لا طبعا مش هنرفض وهنحترم رغبته ونساعده كمان لانه اكيد هو شايف حاجه مش شايفنها بما انه مراقب
بس الحكايه هنا حكايه تقدير لآ أكثر ولآ أقل
يعني هو شايفنا متواجدين في قسمنا يوميا وعلى اد مابنقدر بنجتهد ويجي هو فى لحظه يلغي وجودنا ويعمل حاجه بدون الرجوع لحد فينا

أكيد ده مايرضيش حد واللى يشوف موضوعه ده يقول خلاص القسم ده المشرفين اللى عليه سكه ( بفتح السين)

الحاجه التانيه اللى أزعجبتنى هو الكلام اللى قاله ماتركس فى قسم المشرفين وأكيد انت شوفته ومالوش داعي نتكلم فيه تاني

س / شايفة ان ماتركس فعلا مش متواجد فى المنتدى ومالوش الحق انة ينزل تنبية فى الصفحات لانة مش متابع للقسم ؟

ايوه شايفه انه مش متواجد فعلا بقاله فتره طويله
وحكايه مالوش حق فى التنبيه فـ هو زى ماقولت كان من المفروض والاصول بتقول انه مايعملش حاجه تخص القسم الا مايرجع للمشرفين ع القسم

س / طيب طالما كنتو هتساعدو ماتركس لو كان بعتلكم قبل ما ينزل التنبية لية عملتو كل دا ؟

يااحمد افهم
انا قولتلك اننا مش زعلانين انه عمل التنبيه احنا زعلنا من عدم التقدير واتصرف من دماغه وكأننا مش موجودين والحاجه التانيه ان التنبيه ده اصلا اتعمل قبل كده 4 مرات فمالوش لآزمه يتعمل ف الوقت ده
لو طارق نفسه مدير المنتدى عمل تنبيه من غير مانكون عارفين واتفاجئنا بيه هنضايق منه
مش بس كده
ماتركس كمان قال ان المشرفين هما سبب المشاكل اللى فى القسم واننا اول ناس مش بنطبق القوانين على نفسنا
عمم الكلام والتعميم ده غلط لانى انا على سبيل المثال ملتزمه بالقوانين وعمرى مااستغليت كوني مشرفه وتعديت على القوانين ف صفحاتى
يبقى من حقى ازعل من كلامه وهجومه ده ولا لاء

س / انتى زعلتى لية من ساد ايز وقولتى انك هتسبيلة القسم عشان يظبطة ؟

اانا كنت متعصبه اوي وانا بقرأ كل الردود لانى حسيت بكميه من الهجوم مش على القسم بس ..على مشرفين القسم كمان وانت كمان ردك استفزني على فكره ..
بس استوقفتنى اوي كلمه محمود لما قال انا هاخد القسم واظبطه
حسيت انه خلاص بقى مشرفين القسم مالهمش لآزمه وانا واحده منهم طبعا.
هو قالى بعدها انه بيهزر
وانا بعتله ع الخاص ووضحتله وجهه نظرى وايه زعلنى وهو كمان فهمنى يقصد ايه
وخلاص مش زعلانه منه ولا عمرى هزعل منه .. لانه ماقلش كده لمجرد الهجوم زى ماعمل غيره.. انسان يتسحق الاحترام فعلا

س / انتى اعترضى على ان خاصية الاعجاب فى القسم هى الى ميزت القسم الفترة الحالية ؟

اه طبعا اعترض لما الاقي حد ينكر وجودى ومجهودى والاقيه بينسب النشاط اللى في القسم لخاصيه الايكات فقط
ولو الايكات بتنشط اقسام كان من باب اولى نشطتت اقسام كتيره اوي ف المنتدى خامله ومافيهاش اى تفاعل لحد دالوقتى
فيه حاجات انت وغيرك مش بيشوفها بس بتكون بيني وبين المتواجدين فى المكان ..
انا جه عليا وقت قبل ماعبده ومحمد يجو اشراف معايا كنت ببعت دعوات لناس انا شايفاهم مميزين وأقلآمهم رائعه وأدعوهم لفتح صفحات فى القسم وبالفعل لبّو دعوتى وفتحو صفحات من اميز الصفحات دالوقتى وبدون ذكر اسماء هما شرفونى وكانو أد ثقتى .. واللى يسعدني اكتر لما اعرف ان فيهم ناس مكنش فى دماغهم حكايه فتح صفحه دي خالص وكانو رافضينها نهائي بس لمجرد تقديرهم لرغبتي جم ونورو القسم دالوقتى بصفحاتهم
ومن هنا ببعتلهم شكـر آآآآآآد الدنيا على وجودهم المميز ..
مش عيب انى اسعى لتنشيط المكان اللى انا مسئوله عنه
العيب انى اسيبه كسلان وفى الاخر حد يجي يسألنى يقولى فين شغلك فى قسمك ...وأنا متأكده انك انت اول واحد كنت هتجيبني هنا وهتسلخني أسئله لو كان القسم كسلان

س / طيب مانتى بتقولى انك بعتى للناس يعملو صفحات دا دليل على عدم اهتمام الاعضاء بالقسم قبل كدا ؟

وانا مانكرتش ان القسم فى البدايه كان مهجور اول مامسكت اشراف عليه
وكان لازم اثبت وجودى وأصحصح القسم من الغيبوبه الطويله اللى كان فيها
ومش عيب ابدا انى ابعت للاعضاء ادعوهم للمشاركه فى القسم والحمد لله كانت النتيجه انه شغال وزى الفل
وانت بنفسك قولت قبل كده انه باحصائياته بقى يتعد من انشط الاقسام فى المنتدى بالاضافه ان الايكات والتقييمات بتساعد على نشاطه وكده.. زى اى قسم نشيط

س / قبل خاصية الاعجاب فى قسمك وبصراحة مكنتيش شايفة انة قسم ممل يعنى كان اية دورك فية ؟

هو اول مامسكت فيه اشراف مكنش فيه شغل كتير
كانو فرح ودعاء وسكره مشرفين ايامها
دعاء كانت قليله الدخول بسبب ظروف خاصه وفــرح كمان كانت بتغطس كتير كده مش عارفه كانت بتروح فين.
وسكره كانت مشرفه الاقسام الادبيه كلها فكان عبء وظلم عليها
وده كان سبب اشرافي اصلا ..
بعديها اذ فجئتن كده القسم كان بدأ يشتغل وبقى فيه تفاعل أكتر من الاعضاء اللى ليهم صفحات (( قبل خاصيه الايكات برده ))
فتحت اانا سجل للميزين وبدأت افكر فى تكريم المميزن بتقديم شهادات تقدير وتزويد مشاركات .
دي كانت ناقله كويسه نوعا ما وبعديها بقى بدأ النشاط
والقسم فعلا كان اتحسن كتير عن الاول وكل ده قبل الايكات برده
ومش بنسب الفضل ليا ولا حاجه بس سبحان الله هيا بركه من عند ربنا كده وعلى فكره انا بيقولو عليا دايما وشي حلو على المكان اللى بروحه
بجيب الخير ورايا حتى فى حياتى عموما
حقيقه والله مش بهزر .. شكلك مش مصدق

س / طيب ماتدخلى الاقسام الاخبارية برجلك اليمين يا بركة يمكن نلاقى مرسى اتشال والا حاجا طالما وشك حلو ^_^ ؟

هههههههههه موروشو بيتريق عليا
والله يابني انت اصلا مش عارف حاجه انا بتكلم بجد على فكره
وبعدين مرسي مش هيمشى الوقتى مرسي قاعد ومطول صدقنى

س / محمد شاهين واحضان الحبايب اية دورهم معاكى فى القسم ؟ يعنى مقسمين شغل القسم والمراقبة عليكم والا كل واحد ودماغه ؟

هو القسم مش محتاج تقسيم يااحمد احنا كل اللى مطلوب مننا هى مراقبه الصفحات وتطبيق القوانين
وفى نفس الوقت مش كل واحد ماشي من دماغه ولا حاجه
احنا متعاونين جدا واللى بيعمل حاجه فى القسم بيبعت للاتنين التانين يبلغهم . بس لو حاجه مهمه يعني
مش معقول واحد فينا يعدل مشاركه يشيل منها كلمه او سطر فيبعت للتانين يقولهم انا عدلت كذا وشيلت كذا
الحاجت المهمه الظاهره اوي هيا اللى بيكون فيها اهتمام

س / مجاش عليكى وقت وفكرتى انك تسيبى اشراف القسم ؟ وكان اية السبب ؟

اه فكرت من يومين اتنين
والسبب التوبيك اللى اتعمل فى قسم المشرفين والردود اللى شوفتها خلتنى اقول امشي بكرامتى احسن وخصوصا الرد اللى قال ان مشرفين القسم ده مش ملتزمين بالقوانين ومش بيطبقوها على نفسهم !!!

س / اشتكيتو قبل كدا ان فى اعضاء من الادارة بتدخل فى مشاركات الاعضاء يعنى لو حزفتو مشاركة بيرجعوها دون علمكم اية الحكاية ؟

هو كان حصل فعلا وكان الموقف ده معايا انا وانا اللى اشتكيت..
كنت حذفت مشاركه لعضو وبعدين اتفاجئت انها رجعت برغم انه كان مفروض يتعاقب العضو ده على تصرفه وكلامه
وعملت شكوى فى الشكاوى فى احد الادرايين ببسبب التصرف ده
وكان اعتراضي مش عشان المشاركه رجعت ..اعتراضي عشان حسيت ان المشاركه بترجع رغم انفى وبدون علمى فأكيد دي حاجه تضايق
بس الحمد لله الموضوع اتقفل من يومها وكل واحد بقى يتصرف فى حدود صلاحياته وبقى فيه احترام لمشرفي القسم من وكله تمام

س / دا مين العضو الى جرى على الشكاوى عشان اتحزفلة مشاركة فى صفحاتة ؟

انا مش عارفه هو مين
انا ذكرت ان الموقف ده محصلش معايا ولكنه حصل مع احد المشرفين اللى معايا
بس اللى فهمته انه اعترض على الحذف وهو مالوش حق الاعتراض

س / دخول طارق معاكم فى القسم شايفا ان دا كويس ليكم ؟

ايوه دا طارق منور جنينا بلونه الاحمر ده
حد طايل يبقى عندنا الوان جديده كده
دااحنا التلاته غلابه ومعندناش ولا لون وردى ولا احمر ولا موف وكلنا أزرق وانا بكررررره اللون الآزرق
*طارق طبعا اضافه لاى مكان يكون فيه وربنا يوفقنا ونتعاون كده فى اصلاح المكان

س / بس دخول طارق معاكم دا بيقول انكم مكنتوش قادرين على القسم وانكم تطبقو قوانينة فعشان كدا طارق دخل معاكم ؟

وهو طارق لما دخل معانا ماجبش معاه مراقبه المشاركات ؟
انا كان نفسي طارق يجي معانا من غير مراقبه المشاركات عشان يعرف اد ايه مرهق وصعب انك تدخل تتابع كم المشاركات اللى بيتعمل ف الصفحات يوميا ..

س / مش ناوين تنزلو قوانين جديدة للقسم او حاجا والا القوانيين الحالية كويسة ؟

هى القوانين كويسه ولو اتطبقت بالتزام محدش هيغلط ولا هيشتكي
بس ان شاء الله ناويين على شويه تعديلات هنعملهم فى موضوع ( ضوابط وقوانين القسم ) هنظبط شكل الموضوع اللى بقى متقسم 60 حته ده وهنجمعهم فى مشاركه واحده ويكون فيها كل الاضافات اللى تمت فى الفتره اللى فاتت بس منتظرين عبده يخلص امتحانات

س / صحيح قبل ما اختم انتى مع ادارة المنتدى والا ضدها ؟ وبصراحة طبعا ؟

اوقات بكون معاها وفى بعض القرارات بكون ضدها
بس الوضع اتحسن عن الاول كتير والفرق باين على الاقل بقى عندهم سعه صدر عكس الاول تماما

س / تحبى تقولى اية لاعضاء الصفحات المكشوفة ؟

انتو حبايبي اللى اتعاملت معاهم وشمعه القسم اللى منوراه وبيكو بقى واحد من أجمل الآقسام

س / اخيرا هتقولى اية لاعضاء منتدى بنات مصر ؟

انا بحب كل الاعضاء اللى هنا وكأنى اعرفهم معرفه شخصيه
وبحب دايما اشوف الناس مبسوطه اذا كان فى ردودهم أو موضوعاتهم
ربنا يوفق الجميع يارب ويحقق أمنيه كل واحد فينا ويصلح الاحوال لبلدنـا

وبكدا بتخلص حلقه النهاردة

استنونى وحلقه جديدة من

( أجمد عضو )

اقعدو بالعافيه

[سآرهہ]

جميـله أوى الحـلـقه ومتألق كـ عادتك ي مورشووو .. ~
و رودى بجد ديمآ مميزه ودايره قسمهـآ بـ دقه جميـله ..
تسلم إيديكوآ

[نجم وزهره ومسافات فراق]

الغالي والمبدع دائما اخي مورشو هقول باختصار ردي اقسم بحق جلال الله وبلا اي مجاملات على الاطلاق من افضل واقوى واجمل حلقاتك وبكل صدق ووضوح اختي الفاضله ( والصريحه ) رودي مع احترامي للجميع اول مره اشوف صدق كده هقول شيئ اخير وسامحوني لتقصيري في الرد ربنا يحميكم من العيون شكرا ليكم بجد اجمل تحيه وخمسين نجمه اخوكم نهاركم سعيد ,,

[۩۩ elMagic ۩۩]

حوار جميل جدااا
رودي منوره طبعا الحلقه بإجاباتها المميزه
شخصيه عاقله وهاديه وشايفه شغلها كويس
بالتوفيق ليكـوا ان شاء الله دايما مشرفي الصفحااات
تسلم ي ابو حميد لمجهودكـ المميز
يدوم النشاط ,,,

[♥..pure]

كـآلعـآدهـ مميز في كيفيه آدارهـ حوآركـ يـ مورشو
الآميرهـ رودي منورهـ بأجـآبتهآ المحآيدهـ
احسن حاجه انك تقول رأيك بصرآحه ومن غير مآ تزعل حد
أحييكم بجد ..
وإن شآء الله قسم الصفحآت يرجع زي مآ كآن ..
دوآم التآلق ::

[حفيدالفراعنة]

حوار حلو
ومش عارف ليه كل واحد من الاعضاء عاوز يعمل كبير على التانى .....!!