حلقات ( اجمد عضو ) مع ( morshooo )

[morshooo]

بسم الله الرحمن الرحيم

اهلا بيكم جميعا

وحلقه جديدة من

( أجمد عضو )



طبعا كلنا عارفين ضيفه الحلقه

المتميزة /

Ļẻtסĩ√



ودلوقتى تعالو نشوف الحوار كامل :

س / اهلا بيكى فى اجمد عضو ؟

اهلا بيك يا أحمد

س / شوفتى بقالى شهر بقولك هستضيفك وجيه الوقت المناسب ^_^ ؟

ده انا كنت نسيت
يلا اصل مشاغلك كتير ربنا يكون فى عونك

س / فى البدايه كنتى فين بقالك فترة كبيرة بعيد عن المنتدى ؟

اممم
كنت حامل
ومن اول الحمل كنت تعبانه جدا
فمكنتش بقدر ادخل ولا كان ليا علاقه بالنت نهائى
بعيد عنك الانيميا بهدلتنى

س / لما رجعتى لقيتى اخبار المنتدى ايه يعنى فى اختلاف والا الامور زى ماهى ؟

فى اختلاف كبير
فى الاعضاء ماشاء الله عليهم معظهم اصحاب اقلام مبدعه
والمنتدى اتطور كتير
كان ديكتاتورى الظاهر الثوره قامت هنا كمان

س / طبعا انتى اسيل وبنتك اسيل هى كمان ايه الحكايه ؟

من اول ما عرفت انها بنت كنت محتارة فى الاسم اوووى
وكنت مرشحه كام اسم
منهم فيروز
مليكة
وزينه كانت عايزة تسميها نور
وخلاص كنا مقررين انها نور
وباباها راح يسجلها رجع بالشهادة باسم أسيل
فرحت طبعا

س / حاسه ان حياتك اتغيرت بعد وجود اسيل فيها ؟

اكيد اتغيرت كتير اوووى
بقى فيها حب من نوع خاص بينى وبينها
بخاف عليها اوووى
لازم طول الوقت تكون ادامى
وفرحانه اوووى لانها متعلقه بيا غير اى حد تانى
وعرفت اد ايه ماما بتحبنى وبتخاف عليا
لاننا كشباب مش بنعرف قيمه اللى الاهل بيعملوا معانا
الا بعد ما بنعيش التجربه نفسها

س / ايه الصعوبات الى بتوجهك مع اسيل وحياتك الشخصيه عموما ؟

بتحب الاهتمام اوووى مينفعش اكون بعمل حاجه غير انى بلعبها واعضها وازغزها
لو عندى مشوار صعب اسيبها عند ماما تخرب الدنيا عياط وتعمل اضراب عن الرضاعه
حتى ماما كمان بئت مش بترضى اسيبهلها مفتريه محدش بيقدر عليها
عموما بقى زهقت من الشغل جدا واخد كل وقتى
غير ان لولو معايا فى الشغل كمان مظبطانى يعنى فى كل مكان
بالمره بئى
ممكن تعملى اعلان هنا مطلوب انسه للعمل ؟



س / طبعا هنشوف صور اسيل فى اخر الحلقه والا شايفا ايه ؟

مع تعديل لو سمحت
اسمها أسيل مس ايجيبت

س / عايز اعرف منك ايه حكايه ( الاعمال الخيريه ) ؟

كاعمال خيريه عموما اى انسان بيعملها فى حياته
لان ربنا وصانا والرسول الكريم عليه الصلاة والسلام وصانا بالاحسان فى التعامل للمحتاج والفقير
ويكفى اننا بنعمل الخير وبالتالى ربنا يرضى علينا

س / يمكن انتى اول لما عرفتى لقيتك متحمسه جدا ودا خلانى اقولك انتى هتبقى مسئؤله عن اول حمله ؟

فعلا ولا قولتلى روحى مليون مره هروح من غير تعب
من فتره متابعه معاهم وبتصل بيهم باستمرار بالظبط من وانا حامل كنا فى رمضان لقيت اعلان للدكتوره عبله الكحلاوى
عن الايتام وكفاله الايتام لقيت نفسى بفكر فيهم صبح وليل باستمرار
الاطفال دول من غير ام ولا اب ايه ذنبهم فى الحياة ولا حاجه
الذنب على الاب والام
خدت القرار انى اتصل بالاورمان وكلمتهم وروحت الشئون الاجتماعيه
عشان اكفل طفل وخصوصا بنت وكنت ناويه اقول للناس انهم توأم حفاظا على مشاعر البنت
مع انى كنت حامل وهناك استغربوا ليه انا عايزة اكفل طفل وانا حامل
لان المفروض من شروط الكفاله اما يكون مفيش اطفال او يكون اصغر طفل عندى يكون عنده 5 سنين
بس بردوا فى استثنائات
المهم بدئت فى الاجراءات لكن من بدايه الشهر السابع فى الحمل اتحجزت فى المستشفى
وبالتالى وقف كل شىء على كده
ودلوقتى رجعت اجدده تانى والنهارده اهو عملت فيش وتشبيه
وان شاء الله هدخل لجنه فى النص التانى من 5
ادعولى يتم الموضوع على خير
مع انى مكنتش ناويه اتكلم عن الموضوع ده الا بعد ما يتم
بس دعوتكم معايا بئى
احب اقول حاجه كمان التبرع مش بس فلوس واكل ولبس
قال تعالى
وَيَسْأَلُونَكَ عَنِ الْيَتَامَى قُلْ إِصْلاَحٌ لَّهُمْ خَيْرٌ وَإِنْ تُخَالِطُوهُمْ فَإِخْوَانُكُمْ وَاللَّهُ يَعْلَمُ الْمُفْسِدَ مِنَ الْمُصْلِحِ
سورة البقرة الآية 220
قال النبي (ص) "من ضم يتيماً بين مسلمين في طعامه وشرابه حتى يستغني عنه وجبت له الجنة".
قال النبي (ص) "من وضع يده على رأس يتيم رحمة ، كتب الله له بكل شعرة مدت على يده حسنة".
الاطفال دول محتاجين يعيشوا حياه كريمه ويطلعوا اسوياء
تربيتهم فى اى دار هى بتكبر وتأكل وتعلم
لكن عمرها ما هتديهم الاحساس بالدفء الاسرى وانه عايش زيه زى اى طفل عادى
مش محكوم عليه انه لقيط او مجهول النسب

س / احكيلنا عن سبب اختيارك لدار الاورمان ؟

الاورمان فيها اكبر عدد اطفال وخصوصا البيبهات لو شوفتهم هتعيط
ليه ملايكه زى دول يبقى ده وضعهم ؟ بيبهات شهر وشهرين فعلا يقطعوا القلب

س / عايزك تقولى للاعضاء ايه الصعوبات الى وجهتك ؟ واتصرفتى ازاى فيها ؟

يمكن الحاجه الوحيده هى كانت بيع الرصيد وقولت بردوا مفيش مشكله لو منفعش ابيعه
كنت هحط من معايا بدل الرصيد
ولقيت اللى يشترى الرصيد بس استغلالى بقى



س / حسيتى فى وقت ان التبرعات مش هتجازى طلبات الدار او حسيتى ان مفيش اهتمام من الاعضاء ؟

اه فى الاول الموضوع مكنش فى اهتمام الاعضاء
وانت عارف اننا انا وانت يعنى لو مكنش فى اعضاء هتتبرع كنا هنعمل الموضوع لوحدنا
ولو على طلبات الدار هما فعلا كانوا محتاجين حاجات زياده
عرفتها لما روحت
زى مثلا عايزين صنادل صيفى للاولاد
واخدت ورقه بمقاستهم كلهم وربنا يقدرنى واروحلهم قريب

س / لما روحتى الدار احكيلنا حصل ايه هناك ؟

سلمت كل الحاجات الاول وطلعت للاطفال فوق
بصراحه كنت سامعه دقات قلبى مش عارفه ليه
اول صدمه خدتها كان اسامه لانه عند بتر فى ايديه اليمين دخلت بقيت مش عارفه اتكلم
وزعت عليهم الالعاب عشان افوق من الصدمه
اول ما شافوا الالعاب حسيت انهم محرومين مع انهم مش محتاجين حاجه فى الدار
بس زيهم زى اى طفل اول ما يشوفوا لعب يجروا عليها
والكلمه الصاعقه اللى نزلت عليا كلهم بيقولولى ياماما
اى واحد مننا صعب عليه يقول ماما لحد غير امه
دول مش عارفين مين امهم واحساسهم بالام عايزينه من كل الناس
حتى احساسهم ده مش عارفين يخصصوه لوحده بس
غير ان التربيه مش ام بس
محتاجين اب عشان الاولاد دول يطلعوا رجاله يعتمد عليهم
والبنات بردوا محتاجين اب
بدئت اسأل دول دخلو الدار ازاى وكل واحد له حكايه
زياد عنده اعاقه ذهنيه وعنيف اووى
حسن رحلهم الدار متجبس
وليد عنده شق فى الحلق الصلب والرخو ومش بيطلع كفاله خارجيه لان مصاريف علاجه كتير
وغيرهم كتير اللى تاه من اهله ومش عارفين يوصللهم
واللى كان مرمى فى الزباله
وشيرين عسوله اوووى بس منطويه لان مفيش بنات فى سنها كلهم اولاد
قعدت العب معاهم وبصراحه كنت بضيع الوقت خوفاً من انى ادخل اوضه البيبهات
لانى ضعيفه جدا ادامهم وعارفه انى مش همسك نفسى
المشرفه قالتلى مش عايزة تشوفى البيبهات ؟
رحت معاها ودخلت لقيت بيبهات كتير لدرجه ان كل اتنين فى سرير
واعمارهم تبدء من شهر كلهم ملايكه تسأل نفسك فين رحمه الام
ازاى تعبت فيه فى الحمل وحست بيه وازاى رمته فى الشارع
من غير ما احس بقت دموعى تنزل
فى بنوته بقى اسمها ياسمين ماشاء الله سبحان الخالق من جمالها سمتها سندريلا
عندها شهرين خطفتنى مع ان البيبهات فى السن ده مش بيبتسموا
لكن ياسمين ابتسامتها مش بتفارقها
وده فيديو صغير للبيبهات ياريت تشوفوهم

http://arabsh.com/videos/0d314d4867/١١٠١٢٠٠٨٠٢٢-mp4.html
سعد ده عنده 12 سنه اكبر ولد فى الدار وشه كله خرابيش
قعدت تكلمت معاه وسألته فى حد فى الدار بيأذيك ؟ قالى لا
قولتله امال ايه الخرابيش دى ؟
قالى وهو فى المدرسه فى اولاد معاه فى الفصل عرفوا انه عايش فى دار ايتام
وبدأو يستفزوه ويعيروه انه مجهول النسب واتخانقوا مع بعض وضربوه
يعنى المجتمع مش رحمهم

س / اكيد فى حكايات عرفتيها عن اطفال الدار مين اكتر حد حسيتى ان حكايته غريبه جدا وحرام الى حصل فيه ؟

اسامه لان ايده مبتوره مش عيب خلقى
مين اللى يجيله قلبى يعمل كده فى طفل عنده ايام
وحسن عنده مايه على المخ ودماغه كانت بتكبر كل ما المايه تزيد بس الحمد لله دلوقتى بقى كويس وكان رايح الدار نصه اللى تحت متجبس
زى ما يكون اللى رماه كان فى عربيه وماشيه ورماه وجرى الله اعلم

س / شايفا انك استفدى من التجربه دى ؟

اكيد طبعا
عرفت الاطفال اللى فى الدار بعانوا من ايه
محتاجين مننا كاشخاص عاديين الحب والحنان والعطف والارتباط
بالمجتمع الخارجى
الزياره اديتنى طاقه انى اروح تانى وتالت
هقولك مثال صغير لو عندك فى البيت طفل وجى حد قريبك او صحبك
يزورك ولعب مع الطفل ده ومشى
هتلاقى الطفل كل شويه يسأل عليه ونفسه يجى يلعب معاه تانى
طيب لو مجاش مش ده هيأثر فى نفسيه الطفل
يبقى الاستمرار فى الزيارات ممكن تخفف على الاطفال الوضع اللى هما فيه

س / شايفه ان ممكن الاعضاء تستمر فى الحملات دى ؟

ان شاء الله تكون فى استمراريه وتكون فى مشاركه اكبر من كده
ممكن مجموعه مع بعض يروحوا اكيد هيكون احسن عشان الكل يحس بالاطفال دول
مش تبقى مجرد فلوس وفرجه على صور

س / تحبى تقولى ايه لاعضاء المنتدى بخصوص التجربه دى ؟

جددوا الثواب والخير
حتى لو مش هتقدر تتبرع معانا فى المنتدى
اكفل طفل فى داره ب25 جنيه فى الشهر مش كتير على حد
يعنى اقل من جنيه فى اليوم
لو مش هتقدر زور دار ايتام مره فى الاسبوع حفظ الاطفال قرآن
العب معاهم شاركهم
حتى لو جبت حلويات بسيطه اووى
هتدخل عليهم الفرحه وتشوفها فى عينيهم
عن نفسى مكنتش مهتمه اوووى بالموضوع ده
لكن يمكن من وقت ما كنت حامل بقيت بفكر فيه
وفكرت لو بنتى مكان اى طفل منهم وضعها هيبقى ايه ؟
بلاش نكسل ونقول اصل الشغل واصل الدراسه
ويوم اجازتى عايز ارتاح
والله ده الشيطان مش عايزك تعمل خير ابدا
فكروا ان بكل جنيه بتتبرع به بتاخد حسنات
وكل خطوه منك للايتام حسنات
انا مش شيخه ولا حاجه واكيد ليا اخطاء
لازم نعد العده للقاء ربنا
كلنا لينا اخطاء عايزين نحاول على اد ما نقدر اننا نبدل سيئاتنا حسنات
"اذا مات ابن ادم انقطع عمله الا من ثلاث:صدقة جارية،او علم ينتفع به،او ولد صالح يدعو له" (رواه مسلم)
يكفى ان بكفالتك لطفل يتيم باقل مبلغ
هتكون جار الرسول صلى الله عليه وسلم فى الجنه
قال (صلى الله عليه وسلم) أنا وكافل اليتيم كهاتين في الجنة – و أشار بإصبعيه السبابة والوسطي.صدق رسول الله (صلى الله عليه وسلم)
الصدقه نور فى القبر بعد الممات
ووقت الحساب هتلاقى الحسنات تنهال عليك من حيث لا تدرى
كل ده بسبب صدقاتك
اسفه انى طولت فى الكلام كتير
لكن بجد جوايا كلام كتير كنت ناويه اعمله موضوع
قولته هنا
ويارب اكون ضيفه خفيفه عليكوا
بشكرك ياحمد على الاستضافه الجميله دى



ودلوقتى مع صور ( أسيل )

دى صوره للاغراء
ده خلخال عملتهولها ايه رأيكم

وبكدا بتخلص حلقه النهاردة

انتظرونى وحلقه جديدة

تحياتى

[phalsteen]

سيبك انتي من كل دا
ايه القمر دا
بسم الله الله اكبر بئا
عثولة خلاص ربنا يخليهالك يارب
وانا ليا اخ وحيد بدروه علي عروسة شدي حيلك علشان البت تكبر وتلحفه علي ما يخلص جامعة
وطبعا الشبكة عليكي بئا انا جبت العريس وخلاث

حمدلله ع سلامة رجوعك بئا
ومنورة الدنيا انتي والقمر دي
اهاا

ممكن احتفظ بالصور صح ؟

[Lamees]

شكرا استاذ مارشو للموضوع
وشكرا للضيفة واجباتها الرائعة
وعن اعمالها الخيرية في ميزان حسناتها
وربنا يبارك في عمر الامورة اسيل

[الأميرة رودي]

اسيل عسوله ربنا يخليها ويحميها ياحبيبتي وتشوفيها احلى عروسه
وربنا يجازيكي خير للعمل اللى بتقومى بيه
والله طلعتيها فى دماغى انى ازور دار أيتام
فعلا احساس على اد ماهو صعب بس يكفي انك هتشوفه الفرحه فى عنيهم..
أصعب شئ الدنيا ان الانسان يتولد ويعيش من غير اهل

حلقه جميله جداا وفقت ف اختيارك للضيفه يااحمد
تسلم ايدك وربنا يوفقكم

[פﭠة ﺳگـړُھَہّ]

حوار رائع منك مورشو

وضيفه اجاباتها اكتر من رائعه بيدل على شخصيتها القويه وضعفها فى وقت واحد


والحكايات بتأثر جدا فى قلوبنا

وياريت فعلا اى حد يقدر يقدم جزء صغير للاطفال اليتامى افضل حجات تانيه بنضيع فيها فلوس ومجهود ووقت

شكرا ليكى على نصائحك للجميع

وربنا يحمى بنوتك ,, ماشا الله عليها

ربنا يباركلك فيها وتشوفيها اجمل عروسه

[тoкα..♥]

بنتك كتكوته خآلص ي آسيل مآشآء آلله :d
ربنآ يحميهآ ويخليهآلك : ))
وحلقه حلوة وكدآ
نورتي ..

[اسيل الفلسطينية]

حلقة مميزة جدا ولفت انتباهي العنوان بصراحة
يعني في اسيل ضيفة الحلقة وبنتها اسيل ربنا يحميها
وانا اسيل عندكم 3 اسيل وانشاءالله حيطلع كنز بالمنتدى
بس بصراحة حوار جميل والف حمدلله على سلامتك
وربنا يخليلك اسيل ويحرسها وتشوفيها عروسه
وربنا يباركلك في عمل الخير ويجعله في ميزان حسناتك
بالتوفيق ومشكور اخي على حسن الاختيار يعطيك الف عافية

[غريـب ألأطـوآر]

حوأر جـأمد جدا جدأ يـأ مـأرشو تسلم أيدك بجد عليه

والضيفة بتأعتك بينت هيـأ قد ايه قلبهـأ طيب وكبير

ربنا يكرمكهأ ويخلى أيأمهـأ كلهـأ خير

وبسم الله مـأ شـأء الله البنوتة زى ألقمر

ربنا يحفظها امين يارب


ودى وتقديرى لمـأرشو وللضيفة الكريمة

[حنـــــون]

حلقه جميله بجد يااحمد
والاجمل وجود اسيل طبعا
ربنا يكرمك ياجميل ويقدرك دايما
على الخير
وبنتك اموره اوى ربنا يخليهالك
وتفرحي بيها ان شاء الله
شكرا ع الحلقه الجميله يااحمد

[غريـب ألأطـوآر]

حوأر جـأمد جدا جدأ يـأ مـأرشو تسلم أيدك بجد عليه

والضيفة بتأعتك بينت هيـأ قد ايه قلبهـأ طيب وكبير

ربنا يكرمكهأ ويخلى أيأمهـأ كلهـأ خير

وبسم الله مـأ شـأء الله البنوتة زى ألقمر

ربنا يحفظها امين يارب


ودى وتقديرى لمـأرشو وللضيفة الكريمة