حلقات ( اجمد عضو ) مع ( morshooo )

[الأميرة رودي]

ربنا يرحمه ويغفرله ويجعله من اهله الجنه
ويصبركم ياحبيبتي على فراقه
ربنا يوفقك وتحققى اللى وعدتيه بيه
حلقه جميله تسلم الايادي ياأحمد

[big bốss]

ربنا يرحمه و يجعل مسواه الجنه

و خلى بالك من نفسك نرمين

انا اول مره اعرف خبر الوفاه و انك من فلسطين

ربنا معاكى


حلقه جامده كالعاده مورشو

[حلم عمري]

حلقة جميلة جدا
ربنا يرحمه يارب ويصبر اهله ويسكنه فسيح جناته
ربنا يوفقك حبيبتي وتحققي حلمك وحلمه
وتاكدي انه هيبقي سعيد لما تحققي حلمك
تسلم مورشو علي الحلقة

[دمعه حائره]

ربنا يرحمة ويسكنه الجنة ويجعلك امتداد ليه
وتحققى حلمك وامنيته

[العاشق الذى لم يتب]

طبعا حوار كالعادة مميز والشكرلك مورشو للبرنامج والتانى عرفتنا أخبار لولاك ماعرفناها
صحيح هى أحزنتنا وربما أبكتنا ولكن
عندما يكون الأمر بيد الله سبحانه
لانملك سوى التسليم بالقدر
ونقول إنا لله وإنا إليه راجعون
البقاء لله أختى الفاضلة
وقواك الله انت وبيقية الاسرة
ودمتم بخير

[CAN _ 7LM]

الحلقه جميلة جدا والحوار جميل

منوره ورده الأحلام الله يرحمه يارب ويجعل مثواه الجنه

تسلم على المجهود

[Ŗăήćy]

ربنا يرحمه يارب حبيبتى
ويصبركم ويجمعكم بيه فى الجنة
وعايزة حياتك تمشى زى ماكنتى مخططة لها مع والدك الله يرحمه
وحققى الى كان بيحلم بيه وهو اكيد هايفرح بيكِ
ربنا يحققلك كل احلامك يارب ويسعدك
تسلم مورشو عالمجهود

[פﭠة ﺳگـړُھَہّ]

ربنا يرحمه برحمته
ويدخل الجنه من اوسع ابوابها ان شاء الله

ويصبرك حبيبتى ع فراقه

حلقه جميله منك احمد

فى انتظار كل جديد

[morshooo]

بسم الله الرحمن الرحيم

اهلا بيكم جميعا

وحلقه جديدة من

( اجمد عضو )




طبعا كلنا عارفين ضيفه الحلقه

المتميزة /

Nefertiti




تعالو نشوف الحوار كان عن ايه

س / اهلا بيكى فى اجمد عضو ؟

اهلا بيك يا مورشو
اخر حاجة كنت اتوقعها اني ادخل اجمد عضو
يالا بختك بئا علشان موضوعك يدخل التاريخ من اوسع ابوابه

س / ايه بس التوبيك الجامد بتاعك فى اليوميات دا ^^ ؟

اقل حاجة عندي ع فكرة
وبعدين علشان تعرف اننا سيبينك تاكل عيش بس
لكن احنا جامدين اوي بئا
والله هي فكرة جات كدة وربنا يستر من نهايتها

س / فى البدايه شايفك متأثرة ببعض الاعضاء فى كتاباتك ومواضيعك ؟ ايه السبب ؟

فاهماك انا ؟
طبعا من اول ما دخلت في بعض الاعضاء
بحب اسلوبهم ونجاحهم وبحاول اتعلم منهم
وشايفه ان دا عادي
بدال في حدود ان شخصيتي تفضل زي ما هي
يعني اول ما دخلت المكان دا
كنت بحب جدا اتابع دمعة حائرة وخصوصا انها
كانت في اخر عهدها في الاداري المنتخب
وكمان كتاباتها رائعة وشخصيتها جميله كدة وهادية

والشخصية التانية Words Whisper

بحبها جدا وبحس انها شخصية قوية ومستقله
ومميزة وكمان كتابتها واحساسها العالي
وغير كدة وزي ما قولتلها انها بتفكري بأختي
ودي اغلي انسانه في حياتي

وكمان ساحر الاحزان

فعلا استفدت منه كتير من غير ما ياخد باله
بحسه تلقائي وبيعرف يعبر عن اللي عاوز يوصله بمنتهي السهوله

morshooo

مش هسكت الا ما اكون المنافس الوحيد ليك في اليوميات
وبفكر نشيلك خالص
ونطلعك ع المعاش بئا
لا بجد فعلا تنفع مذيع لامع
وبتموت في المصايب
وطبعا بخصوص الحوارات بتعلم منك بئا

س / كلنا شوفنا سما من بدايه دخولها حتى الان عضوة نشيطه ومميزة ودا دخلك طاقم الاشراف ؟ حاسه ان المنتدى المتنفس الوحيد ليكى ؟

دا من بعض من عندكم يا مورشو
الموضوع اني مبحبش اكون عادية كدة وماليش وجود
احب اكون في بؤرة الضوء
ودا مش هيكون غير بالتميز واثبات الوجود
وتقدر تقول ان المنتدي الحاجة الوحيدة
اللي بتبان فيها سما بعيد عن الضغوط والكبت
وسيله للضحك حتي لو كان وهمي
ولقلمي يعني تقدر تقول انه متنفس جيد لسما




س / ايه الجديد الى هتقدميه فى الخزعبلات ؟

وانا اقولك ليه ان شاء الله
انا عموما مبرسمش حاجة معينه
بس القسم فعلا عاملي احباط جامد جدا
تعرف انا من اول ما دخلته وانا نفسي احس اني مشرفه
والنبي يا اخويا نفسي اوافق ع موضوع
نفسي اجربها يا مورشو
الاعضاء بتكتفي في القسم بالردود بس
ودا مش كفاية خالص
لاني عاوزة القسم يشتغل عن كدة
ودا بيخليني مبفكرش غير اني ازاي
اجر رجليهم للكتابة بئا

س / البعض شايف ان مدونتك نوعا ما حزينه من بدايه دخولك ؟ اية السبب ؟

انا مبكتبش غير احساسي
وللأسف انا سبب من اسباب دخولي المنتدي
هي الظروف اللي كنت بمر بيها
وكنت محتاجة لحاجة اهرب فيها من التفكير وخلافه
وتقريبا من ساعة من سجلت لحد دلوقتي مفيش جديد
يفرحني علشان احساسي يتغير
غير وجود كادي
الا ربما مأردش انها تفضل جنبي
وربنا يرحمها

س / ( احمد خطيبك ) او الى كان ( خطيبك ) ؟ بتحبيه لسه وعايزا ترجعيله والا الموضوع قفلتيه ؟

يا خراشي دا اتشهر اوي الراجل يا ناس
احمد حب حياتي
بالمختصر المفيد
كان ليا كل حاجة واغلي حاجة
الحاجة الوحدة اللي تمنتها في دنيتي
ربنا مأردش والخلاف بنا كبير
وانا حاليا مش عارفه لا اسامحه ولا ارجعله
بس الاكيد اني بحبه ومش هعرف احب غيره

س / شايفا انه الحب الوحيد فى حياتك ؟

بكل تأكيد
احمد اول حب في حياتي
وان شاء الله اخر حب
لاني مفتكرش هحب غيره

س / شايفا انكم غلطو يعنى من دلوقتى وقررتو الانفصال اومال لما ربنا يكرمكم هتبقو بنفس الاسلوب دا ؟

والله القرار كان قرار منفرد
انا اللي خدته
ومش عارفه اذا كان صح ولا لاء
لاني مش مرتاحه من غيره ولا عارفه اعيش في دنيا هو مش فيها
بس انا دايما كرامتي عندي اهم من اي حاجة
حتي لو كان احمد




س / ليه سما المفروض انها منطويه او ملهاش علاقه بحد والبعض شاف ان فى حاجا بينك وبين نور ؟

والنبي يا اخويا معرفش
بس يمكن لاني زي ما قولتلك انا بحب اضحك هنا حتي لو مجرد وهم
بس اهو زهفت من التبويزة والدم التقيل
وخصوصا اني مش كدة
ويمكن لان نور كمان بيضحك وبيهزر كتير
وعملنا حاجات كتير مع بعض
ولاني مبتعملش هنا من حد
فبان اوي وجودي مع نور
لكن انا زي ما قولت وكتبت في مدونتي
بلاش انا في اي مسلسل يتألف هنا
او اي فبركة صحفية
لان انا مبحبش غير واحد بس
وقلبي مش ناقص جرح ولا في مكان للحب
وبعدين انا اصلا ضد حب النت
ماليش فيه ولا مقتنعه بوجوده

س / انا حسيت من كلامك فى حلقه نور انك منزله التوبيك عشان تقولى ان مفيش علاقه بينك وبين حد فى المنتدى ؟

فعلا كان سبب من الاسباب
اللي الحلقة نزلت عشانها
وافتكر ان نور وضح وقال اننا كنا صحاب

س / بس بينى وبينك كدا الاعضاء هتفتكر ان فى حاجا بينك وبين نور من غير ما يكون فى حاجا قدامهم ؟

لا دا يبقي انسان مريض
ولا هفكر فيه اصلا
انا مش مضطرة اكذب ولا اخبي ع حد
قولنا انا اصلا بحب
احلفلكوا ع مصحف يا اخوانا بئا

س / لما حد كان بيبعتلك تقييم او لمحلك بحاجا زى كدا ؟ كان ايه رد فعلك ؟

تجاهلت الحوار اصلا
لاني لو رديت كان ردي هيكون عنيف

س / مش غريبه انك تشيلى نور من الاصدقاء وتحطى اسيل ؟ مع انك شيلتى كل الاصدقاء من فترة ؟

طب ما احنا صحاب وانت مش في الاصدقاء
وساحر عندي زي اخويا وبرضو مش في الاصدقاء
الحوار مش كدة
بس انا لما شلت نور هو زعل
فبعتله اضافه
وبرغم اني كنت شلت كل الاصدقاء من فتره
فمبقاش غير ريهان ونور
والاعضاء لما شافوا كدة قالو حب بئا
طب اهو انا شلته
يارب نسكت بئا

س / فى اعلان الحلقه الثانيه قدمتى اعتزار بسبب مشاكل اول حلقه ؟ المشاكل كانت مع مين وقدمتى الاعتزار لمين ؟

بتموت في المصايب انت وربنا ^_^
الاعتذار كان لاتنين
اسيل لان اسمها جه في الحوار وهي اصلا موافقتش
ع الاستضافة في البرنامج فماكنش ينفع ان اسمها يتجاوب في الحوار
ودا انا بعتذر لها عليه جدا
وبقولها علشان خاطر اسيل يا امو اسيل مرات اخويا بئا
والاعتذار التاني لنفسي انا
لان اسمي اكبر من اني اسيبه عرضه لاي حد
يقول في حقي اي كلام
مخترعه من خياله المريض

س / اقتنعتى انك عشان تعرفى سبب المشكله لازم تعرفيها من صاحبها ودا هسيببلك مشاكل ^_^ ؟

اه والنبي يا مورشو يا اخويا
كان عندك الف حق لما قولتي كدة
وان بعض الظن اثم يا اخوانا




س / شايفا ان يوميات الاعضاء كان افضلك من الخزعبلات ؟

والله يا مورشو اليوميات دا من افضل الاقسام لقلبي
لكن برضو ازعبلات دا حبيبي
وكان اليوميات هيبقي افضل من جهه واحدة وهي النشاط ووجود الاعضاء
ولكن كتير من الاعضاء شايفين اني ظلمت نفسي بقسم الخزعبلات
لكن انا بقول بدال الادارة شافت اني الانسب للقسم
فدا يكفيني وانشاء الله نحاول ع اد ما نقدر نحسنه
انا وسارة طبعا

س / مستمرة فى مسابقه اليوميات عشان نقدمك لادارة المنتدى كمشرفه للقسم ؟

هو انا مستمرة في القسم غصب عن الكل
ومش هتزعله زي اي قسم
وانشالله نفضل فيه سواء كانت مسابقة او غيرها
لاني دايما موجودة فيه حتي قبل المسابقة

س / حاسه ان المسابقه الاعضاء واخدنها جد فعلا وعايزين يقدمو حاجا تساعدهم للوصول كمشرفين ؟

اه يا مورشو
ايه دا دول كلهم شدين حيلهم اوي
بس حلو علشان المنافسه تزيد كدة
والوضع يبقي اجمل لما تاخد اشراف قسم الجميع اشاد بوجودك
وفضلك في تطويره بصرف النظر عن تكليف الادارة
افتكر دا هيكون اجمل كمان

س / اكيد انتى مفتقدة للوالدين اكيد حاسه ان وجودهم كان مهم دلوقتى فى حياتك ؟

وليه كدة بس
طبيعي يعني
بس اهو امر ربنا
وجودهم مهم في كل وقت يا مورشو
امي كانت صحبتي الوحيدة وولدي كان ونعم الاب المثالي
تفتكر هيكون ايه الوضع




س / استقبلتى خبر وفاتهم ازاى ؟ وكان عندك كام سنه وقتها ؟

ولدي توفي وانا في حضنه
حاولت اصحيه مردش عليا
ودا اتسببلي في صدمة عصبية
لانه الله يرحمه كان تعبان
وولدتي مستحملتش الخبر
وتوفت بعده بأيام

س / اتى عايشه مع مين حاليا ؟ وحاسه انهم معوضين والدك ووالدتك ؟

مع عمو واختي اللي متجوزة ابن عمي واخويا الاصغر مني
ولا مخلوق في الدنيا يقدر يعوض اللي راح

س / تحبى تقولى ايه لـ ( نفرتيتى ) ؟

ولمن صبر وغفر ان ذلك لمن عزم الامور
واستعينوا بالصبر والصلاة وإنها لكبيرة إلا على الخاشعين
صدق الله العظيم
هو دا كله اللي نفرتيتي محتاجاه
وربنا يقدرني بئا




وبكدا بتخلص حلقه النهاردة

انتظرونى وحلقه جديدة من

اجمد عضو

[حلم عمري]

حلقة جاااااااااامدة جداااا
مبدئيا سما بجد من الناس اللي انا بحترمهم وبحبهم جدا حتي لو مش ليا معاها كلام كتير
لكنها شخصية رائعة ونشيطة جدا ربنا يوفقها في حياتها ويصبرها علي فراق اهلها ويجمعا تاني بهم في الجنة
اجاباتك كانت رائعة نورتي الحلقة اكيد
مورشو كالعادة مميز و اسئلتك جااااامدة
تسلم علي الاستضافة
وبنتظار ضيف جديد باذن الله