أل إيه مدة صلاحيتها إنتهت .... ياسلااااااااااااام والنبى

[Ćяч ƒ0Я ℓ0√З]

السلام عليكم ورحمة الله وبركاته

النهارده كان يوم عالمى بالنسبالى


صحيت بدرى ودى مبتحصلش


ظبطت المنبه على 10الصبح وكل شويه افصله ويضرب استسلمت وصحيت بقى


أل ايه قررت اغير البطاقه كنت معترض ع الصوره اللى كانت واحد غيرى دى


وكان مكتوب فيها طالب صغير


بس عقبالكم كدا كبرت وبئيت فى رابعه الوقتى


قولت ياواد فرصه غير السحنه دى

رحت ويارتنى مارحت ايه الناس دى جايين منين


ولا انا ال من كوكب اخر ولا ايه


بعد ما خلصت بيانات الاستماره دخلونى جوا قولت هييييههه هتصور اخيرا


قدمت الورق لواحده أد ماما بقولها اتفضلى ياطنط



بصتلى كأنى ضربتها بالبوكس وقالتلى طنط


بالذمه اقولها ايه دى ياحجه ولا ياوليه انتى


المهم قدمتلها الاستماره وقولتلها المفروض انى داخل اتصور


قلبت فى الورق وبصتلى ورفعت حاجبها وقالتلى


(:مين اللى قالك انك المفروض تتصور


قولتلها الاستاذ اللى بره دا ثم المفروض انى جاي اغير البطاقه لان صورتى


دى كانت ف ثانويى وانا كبرت وبقيت أد الشجره اهو


قالتلى لأ البطاقه لسه فيها شهر صلاحيه لازم تستنا بعد مايعدى
صلاحيه


مين ده انا جاي اشترى جبنه ولا ايه صلاحية إيه


طيب ايه الحل؟


قالتلى الصوره هتفضل زى ماهى


ياسلام لأطبعا على جثتى بالذمه دى منظر صوره


قالتلى وهى قرفانه منى (مش عارف ليه):انا مقدرش اتحمل المسئوليه دى



ادخل للمدير



ماشى أدخله مادخلش ليه صغيرانا ولا صغير ولا يمكن صغير


دخلت لقيت راجل السماحه مرسومه على وشه مش زى الناس التانيه دى


قولتله:لوسمحت انا عايز اغير البطاقه وطنط اللى بره دى (طنط برده



بالعندفيها) بتقولى مينفعش



بص فى الورق وقالى

عايزتغيرها ليه قولتله مش عجبانىبيبيى كدا


ضحك وقالى ماشى روح اتصور
رجعت تانى للحاجه اللى هناك قولتلها وافق قالتلى اقعد هنا
قعدت وسمعت الكلام


قالتلى بص هنا بصيت

قوم كدا اتصورت قومت


قولت اما اشوف الصوره كدا فى جهاز الكمبيوتر العجيب دا


من العصر الجاهلى


لأ واللى تستغربله


فيه ماوس وكيبورد زى اللى قدامى دا ياسبحان الله


شوفت ايه بقى خير اللهم اجعله خير
ايه دا مين دى
دى انا
يالهوووووووووووز


قولتلها لأ رجعيها مكانها تانى رجعيها انتى عامله ليه فيا كدا ياطنط


قالتلى عشان ابيض واسود


وانا مالى انا ماتلونوه دا زنبى


ياناس انا مش وحش كدا الحقونى يابشر


كنت أبيض بقيت لون كدا غريب اظاهر انه مش فى الالوان


عنيا كانت ملونه بقت فحلوقى باين
منخيرى يالهوى الا دى بقت زى الليمونه
من الاخر انا بقيت مش انا



سلمت امرى لربنا وقولت ياواد ابقا ادفنها ولا اتبرع بيها لحد


ومشيت وانا كان نفسى ارمى قنبله ف المكان دا وأفجره


وحلفت تكون اخر مره افكر اغير البطاقه خليها كدا انا عايز مده صلاحيتها تنتهى عشان ارميها يرضيكو إللى عملوه فيا ده

[special girl]

معلش عمر علشان الي عملوه فيك بس كل الناس في مصر بتعمل كده الناس بتتعامل معاك علي أنك مش بشر ولا عندك حقوق بس معلش دي بلدك ولازم تستحمل وهندعيلك ان شاء الله علشان الامتحانات وبانتظار رجوعك للمنتدي.

[Ćяч ƒ0Я ℓ0√З]

هنعمل إيه بس حضرتك أدينا بنستحمل أهو أما نشوف أخرتها بس الست دى معتش ريحلها تانى ههههههههههه

يسلملى مرورك العطر

[M.G]

ههههههههههههههههه ياعيني يا صاحبي علي الي حصلك

خلي بالك احنا فعلا محتاجين فعلا الصورة تبقي الوان

نايس موضوع وتنسيق

[Ćяч ƒ0Я ℓ0√З]

بس بئه متسخنيش ههههههههههههه
ألوآن مين يآبآآآآآآآآآآآآ بئولك أبيض وأسود وعملو كدآ فمآ بآلك بالألوآن i( يعنى وهيا مآلها كدآ حلوه أوى هههههه )

يسلملى مرورك أخى M.G

[ساحر الأحزان]

مهو الوضع دة منتشر فى ربوع الجمهورية

لية التعب ويصوروك

بسى المفروض يعرفم

ان صورتك لازم تتغير

لجل ما تناسب مرحلة عمرك الحالية

وكويس كمان ان مفيش زحمة قبلتك

وانت رايح تقدم طلب استمارتك

تحياتى على الموقف الى حصل وعرضتة بصورة شيقة جدا

[Ćяч ƒ0Я ℓ0√З]

ربنا يخليك تسلملى يآ أ/ سآحر على مرورك

تسلم ربى يحفظك وكل سنه وإنت طيب ربى يسعدك فى حيآتك

[غزاوية وافتخر]

هههههههههههه ليه ما تصورتش بمكان غير هيدا
يعني باستوديوا هيصورك صوره
مدرسه عادي

يلا بتبئا زكري ليك ههههه

[Ćяч ƒ0Я ℓ0√З]

ربنا يخليكى أختى على المرور الجميل

مكنشى فيه غير المكآن ده

نروتى يا جميله