ماذا علمتك الحياة؟؟؟

[أمة الله]

في سيرنا هذا نصادف من العبر والدروس الشي الكثير .. نعم نصادف ونعايش ونتألم ونتعلم .. ونظل نمضي لنصادف من جديد ونتعلم من مدرسة الحياة .. ((الحياة)) أكبر مدرسة.. أفضل مدرسة.. والذي لم يتعلم فستعلمه الحياة أعظم الدروس وأكبرها حياتنا تكون صعبه في أحيان كثيره .. ونضعف لمواجهتها لأن ظروفنا تكون أقوى من أن نتحملها صدماتنا أكبر من ان نستوعبها .. وهذا مايحدث مع الجميع وهذا واقعنا الذي لامفر لنا منه .. دائماً مانقوي أنفسنا للمواجهه .. منا من ينفع معه ومنا من لاينفع معه أبداً .. فربما يكون يئسه يسيطر عليه بشكل كبير .. وهذا يضعف من قدرة المواجهه الكبيره لديه .. ((((ماهو اكبر درس علمته للك الحياة)))) وقد تكون نتيجتها سلبيه عليك أنت ا لكثير منا يتعظ من مواقف تحصل له دائماً .. مع أي كائن يكون .. ماموقفك من هذه المواقف التي قد تكون مؤلمه ..

[نبيل البصراوي]

السلام عليكم
الحياه مليئه بلمفاجئات
ولا نعترض لنها من امر ربي

لوكنا درسنا الحياه نقدر ندرس الماضي بس لانقدر ندرس الحاضر لنو في لحضات تتغي الحياه

وفي الماضي تعودنا على كل شي

اخي الكريم بارك الله فيك موضوعك روعه


اخي احببت ان انقلك شي عن اسمك فذ كان حد يعرف في الدين قلو انا اسمي امه الله فهل تعرف منهي ام الله ونت وصفت نفسك بها بدون احراج لا تزعل مني اسئل عن هل اسم

[ماتركس]

السلام عليكم ياا امه الله
طول ما الانسان مننا عايش هيفضل يتعلم درووس
وانا هقوالكم درس عمري ماا هنسااه اتخيلووانكم مكااني واحد بتحبه وانتاا في اولي ابتدائي لغاايه 10 سنين وانتا بتحبه طبعاا مش هتصدقووو هتقولوو معقوواله في حد بيحب حد 10 سنين اه في اتخيلوو انوو واحد يخوونك بعد الحب ده الدرس اللي اتعلمته انوو الوااد ميثقش في حد للدرجه كبيره بالشكل ده وبالذاات ميثقش في البناات

[Ќonto]

الدنيا علمتني حاجات كتير أوي

علمتني ان اللي بيعتمد على ربنا ويثق فيه ويعمل

اللي عليه عمر ما ربنا يخذله ويضيع عمله ومجهوده


علمتني ان مهما الانسان اتظلم ربنا شايف وعارف كل حاجه بنعملها

وعمره ما بينصر الظالم ويضيع حق المظلوم


علمتني ان الدنيا فيها ناس كدابين والخيانه في دمهم

لكن في نفس الوقت في ناس طيبين أوي


علمتني الحياه ان الدنيا مجرد لعبه وحدوته طويله

فيها الفرح والحزن والكدب والصدق والراحه والتعب

فيها كل حاجه لكن في الآخر فانيه


علمتني حاجات كتير أوي مش هيكفي الوقت ان أنا أكتبها

و طبعا شكرا على الموضوع الجميل والقيم

تحياتي

همس

[احلى وهم]

اتعلمت انى مهما حلمت واتمنيت مش هاخد اكتر من نصيبى
اتعلم معنى الالن وازاى تكون فاكران احلامك خلاص بين ايديك وفجاة تلاقى نفسك فى واقع صعب مش قادر تعيشه بس لازم تعيشه
اتعلمت ان محدش بيعيش جرحك عير نفسك حتى اصدقائك القريبين منك
اتعلمت ان الحياة صعبة مش زى ماكنت فاكرة
واكيد لسه هنتعلم طول ما احنا عايشين

[عطر الشوق]

الحياة علمتنى ان مش اى حد اثق فيه وزى مافيه الوحش فيه الحلو
علمتنى ان الطيب فى الزمن دا بينقال عليه عبيط
علمتنى ان علشان اثبت نفسى هواجه كتير وهعانى فلازم اصبر واتحمل ومش هيأس
علمتنى انى ما استسلمش لاى مشكله وانى لازم اواجهها بالاعتماد على الله
علمتنى كتير ولسه هتعلم اكتر
مشكورة ياقمر على موضوعك الرائع ربنا يبارك فيكى

[أمة الله]

اقتباس المشاركة الأصلية كتبت بواسطة نبيل البصراوي السلام عليكم الحياه مليئه بلمفاجئات ولا نعترض لنها من امر ربي لوكنا درسنا الحياه نقدر ندرس الماضي بس لانقدر ندرس الحاضر لنو في لحضات تتغي الحياه وفي الماضي تعودنا على كل شي اخي الكريم بارك الله فيك موضوعك روعه اخي احببت ان انقلك شي عن اسمك فذ كان حد يعرف في الدين قلو انا اسمي امه الله فهل تعرف منهي ام الله ونت وصفت نفسك بها بدون احراج لا تزعل مني اسئل عن هل اسم

اولا جزاك الله خير الجزاء على مرورك فى موضوعى

ثانيا انا اختك وليس اخيك

ثالثا والاهم ايه المشكله فى أسم أمة الله هل تعرف معنى الاسم الاسم ده صفه وليس موصوف

أمه يعنى عبده فهل عبده لله خطأ مثله مثل عبد الله هل هذا الاسم فيه خطأ

لو حضرتك واثق ان الاسم فيه خطأ اتفضل حضرتك قدم لى الدليل من السنه على شبة الاسم

وانا مستعده انى اغيره وعلى علمى ان الصفه ليس لها حرمانيه ولديك دعاء اللهم انى عبدك ابن أمتك

الى اخر الدعاء تفضل حضرتك قدم الدليل من غير اى ضيق ولا حرج فالدال على الخير كفاعله

جزاك الله خير الجزاء

[أمة الله]

اقتباس المشاركة الأصلية كتبت بواسطة ماتركس السلام عليكم ياا امه الله طول ما الانسان مننا عايش هيفضل يتعلم درووس وانا هقوالكم درس عمري ماا هنسااه اتخيلووانكم مكااني واحد بتحبه وانتاا في اولي ابتدائي لغاايه 10 سنين وانتا بتحبه طبعاا مش هتصدقووو هتقولوو معقوواله في حد بيحب حد 10 سنين اه في اتخيلوو انوو واحد يخوونك بعد الحب ده الدرس اللي اتعلمته انوو الوااد ميثقش في حد للدرجه كبيره بالشكل ده وبالذاات ميثقش في البناات

بص يا ماتركس مش كل الناس زى بعض واستحاله هتبنى حياتك وعدم ثقتك فى الحنس الاخر

علشان تجربه مريت بيها انت لسه هتقابل فى حياتك كتير وهتلاقى كتير ناس يستهلوا انك تثق فيهم

لو اخدت تجربتك دى قاعده عامه هتخسر كتير جدا لان الدنيا فيها ناس كتير كويسه

ممكن تكون اخطأت الاختيار وبعدين كان سنك صغير اوى انك تحكم بالفشل او انك فقدت ثقتك

فى الجميع بكره ربنا يوفقك وهتلاقى كتير اهل للثقه بس حكم عقلك مع قلبك وهتشوف

ربنا يوفقك ويرزقك من فضله فأنت أهل لكى يحترمك الجميع جزاك الله خير الجزاء

[أمة الله]

اقتباس المشاركة الأصلية كتبت بواسطة нαмs sтαя الدنيا علمتني حاجات كتير أوي علمتني ان اللي بيعتمد على ربنا ويثق فيه ويعمل اللي عليه عمر ما ربنا يخذله ويضيع عمله ومجهوده علمتني ان مهما الانسان اتظلم ربنا شايف وعارف كل حاجه بنعملها وعمره ما بينصر الظالم ويضيع حق المظلوم علمتني ان الدنيا فيها ناس كدابين والخيانه في دمهم لكن في نفس الوقت في ناس طيبين أوي علمتني الحياه ان الدنيا مجرد لعبه وحدوته طويله فيها الفرح والحزن والكدب والصدق والراحه والتعب فيها كل حاجه لكن في الآخر فانيه علمتني حاجات كتير أوي مش هيكفي الوقت ان أنا أكتبها و طبعا شكرا على الموضوع الجميل والقيم تحياتي همس

رائع ما كتبتى يا همس هى دى الحياه فعلا لو نظرنا ليها من منظور

ان زى مافى الوحش فى الحلو وزى ما فى الخائن فى الامين

فعلا ردتى بمنتهى العقل بارك الله فيكى ووفقك لما يحب ويرضا

[أمة الله]

اقتباس المشاركة الأصلية كتبت بواسطة احلى وهم اتعلمت انى مهما حلمت واتمنيت مش هاخد اكتر من نصيبى اتعلم معنى الالن وازاى تكون فاكران احلامك خلاص بين ايديك وفجاة تلاقى نفسك فى واقع صعب مش قادر تعيشه بس لازم تعيشه اتعلمت ان محدش بيعيش جرحك عير نفسك حتى اصدقائك القريبين منك اتعلمت ان الحياة صعبة مش زى ماكنت فاكرة واكيد لسه هنتعلم طول ما احنا عايشين

محدش بيعيش جرحك غير نفسك

يا احلى وهم انتى جيتى على الجرح فعلا وده درس اتعلمت

فى الفتره الاخيره كان عندى ثقة فى ناس لدرجه ميه فى الميه

بس لما اتعرضت لمشكله هربو وفضلت لوحدى انا وبس

بجد قراتى اللى جوايا

بارك الله فيكى أحلى وهم ولا اقولك أحلى واقع