يلاجماعة اسموة عيد الاسرة دى حاجة بتضايق

[the love rays]

حكاية بنغلط فيها كلنا ولازم نصلها فى ناس كتييييييرة بتقول عيد الام جاى لازم اجيب هدية لماما

مفكروش لحظة ان مفيش عيد الاب طيب ودا بقا امتى هنجبلوة هدية طيب مهوة من الاول اسموة

عيد الاسرة يعنى الاسرة كلها بتتفل يعنى هديتين لبابا ولماما وطبعا كلوة يختلف فى نظام الاسرة

يعنى اليوم دا بيفكر كل فرد فى الاسرة فى طريقة يسعد بيها جميع الاسرة اولا

1_ الاب\ يفكر فى حفلة حلوة فى البيت او برة وطبعا تحضير هدية للام

2_ الام \ تفكر فى شراء حلويات من (لبوار) يوووة من غير زكر اسماء علشان الضرايب اللة يرضى عنكم وطبعا هدية للاب

3_ الاولاد طبعا مهمتهم انهم يجيبوة هدايا حلوة ومعاها بوسة وكلمة حلوة

بس كدا يا جماعة شوفتوة بتيجى ازاى مش الهدية للام وندهالها وبس والاب ياعينى علية مفيش هدية

انا عارفة انهم مش بيحطوة فى بالهم بس بردوة بتزعل وبعدين انا جربت الحكاية دى فى البيت والحمد للة

البيت كلوة عاش اليوم دا كلوة سعادة يلا بقا قولولى رايكوة ومين هينفز الكلام باااااااااااي

[COLOR="Purple"]اختكم [/COLOR]( اجمل بنات شبرا)

[the love rays]

مفيش ولا مشاركة ولا حتى زياااارة واحد بقا كدا

[SiLver Spectra]

الأب غير الأم
في الاصل طبعة الراجل غير طبيعة الست
هل مثلا الراجل بتتقدمله شبكة و مهر ؟
أو بتجيله هدية خاتم!!

الست بتكون عاطفية فبتكون الهدية بالنسبالها شيء قيم
لكن الراجل في الغالب هو الي بيشتغل
يعني هناخد من فلوسه و نروح نجبله هدية!!

فهو دايما العرف بيقول جيب هدية لأمك و ما تجبش لابوك
زي أخطب لبنتك و ما تخطبش لإبنك
^_^

شكرا لموضوعك يا أجمل بنات شبرا

[حبرالقمر]

لا طبعا عيد الام للام الام حملت وربت ورضعت وولدت والاب جاله العيل على الساهل
وبعدين ايه حكاية عيد الام ديه لازم كل السنه تبقى عيد ام لان احنا بنحب امهتنا على طول مش فيوم واحد
وفكرتك لذيذه وجميله بس ياريت يكون لها عيد خاص بيها مش هوه نفسه عيد الام
تقبلي مروري اختك حبرالقمر

[Ќonto]

شكرا على الموضوع

وأنا عن نفسي عمري ما احتفلت بعيد الأم ده

لأن الأم المفروض السنه كلها تكون عيد ليها

وكمان الأب مش الأم بس

وممكن الواحد يعمل لمامته وباباه حاجات كتير اوي تفرحهم اكتر من الهدايا

يعني أنا مره جبت لبابا هديه في عيد ميلاده

مكنش مبسوط بيها زي لما طلعت من الأوائل

وبالنسبه لحتة ليه في عيد أم ومفيش عيد أب

لأنلأم ممكن بتفرح بالحاجات دي أكتر من الأب

لكن الأب هو اللي بيشتغل وبيصرف ويديكي فلوس

وبعدين يلاقيكي جايبله دبدب ولا قطه بالفلوس اللي تعب عشانها

أكيد مش هينبسط أوي لكن الأم بتفرح بالحاجات دي

وشكرا على الموضوع اجمل بنات شبرا

تحياتي

همس

[ميدو العثل]

اجمل بنات شبرا

الصراحه موضوعك جميل جدا وحيوي
خاصه اولادي لما الاقيهم داخلين على مامتهم بهدايا
ومطنشني

باكون بجد مضايق

ههههههههههههه

بس باكون برضه سعيد
لان امهم دي هي حبيبة قلبي

تحياتي بكل ود

[the love rays]

ههههههههه ميدو بصراحة حاجة بتضايق مشكوووووورين يااحلى اعضاء فى العالم