موقف البنات من الجواز .. ولا موقف أحمد حلمي

[big bốss]

اكتشفت على الرغم من قلة خبرتي في الحياة وصغر المدة التي قضيتها فيها مش عارف هاخرج امتى ..

أهي مدة والواحد بيخلصها .. ان البنات واخدة موقف واحد ..

لا مش موقف سياسي ولا اجتماعي ولا حتى أحمد حلمي


ده موقف من الجواز قال ايه البنات مش عايزين يتجوزوا وكلهم مش بيفكروا في الحكاية دي خالص ،


الحكاية كانت في المدرسة بنات المدرسة كلهم على اختلاف أشكالهم والوانهم متفقين على نفس الكلام :

أنا مش عاوزة أتجوز ومش بافكر خالص في الحكاية دي .. لما أدخل الجامعة واشتغل أبقى أفكر .


وبص بقى لو واحدة ارتبطت بواحد وهما في أولى ثانوي هتكلمه عن أسماء عيالهم ولون حيطان البيت

والسجاجيد وهتنسى الموقف بتاع زمان خالص وكأنها ما قالتش حاجة .


في الكلية الفكرة مختلفة كل بنت بتدخل الجامعة

وبتقول انها جاية تدرس وتتخرج وبعدين تبقى تفكر في حكاية التعرف على رجالة أو الجواز .


هما أسبوعين لا غير وبمجرد أن تتعرف على شلة ولاد هتنسى كلامها

ولو ارتبطت بواحد منهم هتسمع كلام تاني خالص عن ازاي هو هيساعدها وهيشجعها على العمل والدراسة


ده حتى يا أخي المرأة نصف المجتمع ووراء كل ست عظيمة رجل أعظم بيعرف يطبخ ويغسل

وبيحب قعدة البيت وأدي الموقف بتاعها كمان راح في الكازوزة ،


نيجي بقى للبنات اللي اتخرجت دول بقى حكايتهم حكاية وهي لأن البنات بتبدأ تحس بالخطر

وإن كلامها بتاع زمان مش هيجيب نتيجة وإن الخطر قادمُ قادم ..


وده مش عشان لا سمح الله هما وحشين بس علشان الظروف الاقتصادية

وارتفاع قيمة الدولار وايضا ارتفاع نسبة البطالة واضمحلال المعايير والاخلاقيات


وإن ما حدش عنده دم عشان يبص لهم ويبدأ كلامهم يتغير

وتبدأ البنات تحاول تخفي فكرة إنها هتعنس بانشغالها بالشغل


وبتقول كده للناس ودي بتكون بداية الصدام والخناقات بين المجتمع والبنات فالمجتمع

بيقول عليهم عوانس وبيبدأ يرفضهم والبنات بتتقوقع على نفسها وترفض المجتمع

والمشكلة في الآخر بتتكلكع وتتعك أكثر من كلكعة موقف أحمد حلمي الساعة 2 الضهر



الموضوع عجبني اوي تفتكروا ده فعلا اللي بيحصل لاغلب البنات ؟؟؟

[الدلوعه كووول]

بصى مفيش حد بيقول حاجه وبيعملها


فى الزمن ده نادرا ما تلاقى حد يقول حاجه ويعملها


يعنى زى ما انتى بتقولى الوحده مثلا وهى فى الاعدادى تقول

لا مش عايزه اتجوز خالص وانا مش بحب شغل البيت

ومبحبش الطبيخ والغسيل ولا مسح الشقه

كلوا كلام فاضى وهتشوفيهم بعد كدى

يقولوا لاول عريس اوكى

ويتجوزوا ويعيشوا

وفين كلامها راااااااااااااااااح

ومرس بجد على الموضوع

ويشرفنى اكون اول من يرد على موضوك

تقبلى مرورى

[سارة المنتدى]

انا كمان بقول نفس كلام دلوعة
عمر ما واحدة هتقول كلمة وتستمر عليها على طول
ويالزات فى موضوع الجواز دة

[باقة الياسمين]

عندك حق والله

بس هي فعلا حاجة تحير

الرأي بيتغير للنقيض

تو هما ممكن كانوا بيقولوا كدا علشان مفيش عرسان جات و متحطوش قدام الامر الواقع كدا

تقبل مروري

[مشتاقه للجنه]

بصراحه ممكن يكون الكلام صح بس فى حاجه مهمه الا وهى ان الزواج مش سهل

بالعكس الزواج مسؤليه كبيره بتقع على عاتق الطرفين ... وخاصه لما تكون البنت مدلله

تخيل انها ستتحمل عبئ رجل مسؤله عن لبسه واكله وجميع احتياجاته ... طيب مهو شئ طبيعى

انها تشعر بالخوف وتقول الكلام ده .... بس لما قلبها ينبض بالحب ستتنازل عن استقلالها وراحتها

وتتحمل الصعاب وتتزوج ... وهو ده البلاء الذى لابد منه ... صوووح ولا انا غلطانه ...

تحياتى

حواء الشرق

[big bốss]

مرسي على راى حضرتكم


نورتم التوبيك



فعلا البنت بتتنازل عن حريتها فى سيبل الحب والزواج



وبرضو الشاب مننا بيقدم تنازلت كتير فى سبيل الارتباط وتكوين اسره

[جيسي]

الموضوع جميل بس التفكير بيتغير مع كل يوم الانسان بيمر بيه يعني انتي تفكير وانتي في اعدادي غير وانتي في ثانوي غير وانتي في الجامعه وغير بعد الجامعه فلازم يكون في تغير في الرأي غير كدة لما الجب بيدق باب القلب ميقدرش يقوله لا انا مش فاضي صح ولالا
وتسلمي علي الموضوع

[big bốss]

مرسي على المرور


نورتى التوبيك

[EMoOoO]

انا مع دلوعه في رأيها
دي فعلاحقيقة
ميرسي عالتوبيك الرااااائع

[big bốss]

مرسي على المرور


وعلى رايك