اعملى كدة وانتى هتتجوزى من بكرة

[ياسمينا]

بسم الله الرحمن الرحيم
*****************
آنستي العزيزة.. لو ربنا فك عقدتك.. واتخطبتي.. فإليكِ نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس



قصدي قفص الزوجية السعيد ..



أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك.. قلنا رقَّه





1
الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا






2
العيش أوعي تفضحينا وتقطعيه بسنانك.. ولا الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِـفِّي زي ماانتِ عايزة





3


الشوووربة.. أبوس كعب رجلك.. بند الشوربة ده مهم جدًاااا


الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي تمامًا.. السلطانية اللي بتقيميها على بقك في البيت وتدلدقي على روحك ..بالمعلقة وبدون صوت.. سخنة, ولعة , برضه بدون صوت وتسيبي تلت الطبق ع الأقل.. مش تميّليه.. عشان تلهطيها لآخر نقطة




4
الرز طبعاً .. بيتّاكل بالشوكة.. أوعي إيدك تتمد على المعلقةوتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه




5


المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود





6
السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فلح
شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك





7


الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي





8


البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي





9


الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر.. إنسي :752:





10


ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطّل أكل فيه


وبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّك


وبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

اسمعوا الكلام وابقوا قولولى

[حلم بريء]

ههههههههههه
ههههههههههههههه

لا يا ستي انا مش مستعجلة ..
بس عموما ميرررررررررررررسي على النصايح الجاامدة دي
اهي تنفع برده لبعديين<< وقت اللزوم ..

شكرا ياسمينا ..

[ياسمينا]

شكرا حلم برئ على مرورك
بس انا عملت اللى عليا والباقى عليكوا هههههههههههههههههه

[Little princess]

اقتباس المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود

اهو الاسباجتى بالذات اللى مينفعش حد يكون قاعد جنبي وانا باكله
ههههههههههههههههههههههههههه
يسلمووو

[عبير العود]

هههههههههههههه
ميرسي اوى دمك زى السكر

[ياسمينا]

شكرا على مرورك ليتل برنسس
عندك حق ما تنفعش المكرونة تتاكل قدام حد خالص بس نعمل اية حكم القوى على الضعيف
شكرا على مرورك عبير العود
بس احب اقول حاجة بجد نسيت اقولها ان الموضوع دة منقووووووووووووول

[احلى بنوتة]

ميرسى كتير موضوع هايل
تحياتى تقبلى مرورى
اختك سما

[جسر الاحلام]

ههههههههههههههههههههههههههههههههههههههه

علي كده انا هصوم من يوم ما اتخطب

بس متخفيش يا ياسمينا مش هنفضحك والله

شكرااا علي النصائح الجامده مووت دي

تسلم ايدك

[احلى بنوتة]

مشكور على النصائح تقبلى مرورى
تحياتى
اختك سما

[**لسة صغيرة**]

هههههههه
كلكوا شربات يا بنات والله