إنصح صاحبك من الصبح للضهر ..طب وبعد الضهر

[yara5]

انصح صاحبك من الصبح للضهر وبعد الضهر ضله


طبعا أنا قصدت أكتبه بالعاميه زى ما سمعته يعنى للضهر مش الظهر

وده عشان يوصل اوى


طيب لو انت فعلا لك صاحب أو صاحبه طبعا لان الكلام موجه للكل نساء ورجال

ونصحته ومش من خلال تجاربك فى الحياه لأ

ده من خلال قال الله وقال الرسول

ومن خلال واقع انت شايفه بعينك ولامسه

فيه اللى بيسمع من ودن ويطلع من التانيه وفيه اللى مش عاوز يسمع لان الكلام مش على هواه

وفيه اللى بيسمع لك وقت ما الكلام يخدم شىء هو حابه لكن وقت الكلام ما ييجى على شىء مش حابه

ومش عاوز يعمله بيهرب لو حتى من نفسه وممكن انت تطلع غلط كمان عشان يكون فيه مبرر قوى للهروب


فى الحاله دى يا ترى تقدر تطبق المثل ده فعلا فى حياتك؟؟؟؟

ولا هتقف تتفرج عليهم وانت عارف انهم أقل ما يقال عنهم انهم بيظلموا نفسهم؟؟؟

ولا هتسيب لهم عالمهم وتقول هما مش صغيرين وعارفين الصح من الغلط بس مش عاوزين يشوفوه؟؟؟


نشوف مع بعض احنا آرائنا هتقول ايه وفى الآخر ان شاء الله نختم بالمسك براى الدين

[دقات قلب]

شكرا على الموضوع

[đΘόđΘό]

دلوقتي النصيحه بقت تقيله ومحدش بيحب يسمعها
انا لما بكون في الموقف ده مش بنصح بقولها اعملي الي انتي عايزه بس لاتخلفي شرع ولا اخلاق
فيه ناس مش بتفهم الموقف غير لما تبقى فيه وتجربو يعني مش بيعتبرو من تجارب الاخرين خليهم يجربو هايتعلمو بس بحدود مش يتعدو على الغير ولا يخالفو شرع ولا اخلاق