ليه الشاب مش بيساعد الفتاه في الأعمال المنزلية؟؟

[EMoOoO]

مسااء النور يا احلى أعضااء..
عايزة اخد رأيكوا في موضوع
دايما في أغلب مجتمعاتنا البنت (المرأة) هي اللي عليها الشغل في البيت من التنظيف والطبيخ والغسيل
وغاالبا الشاب مش بيشارك في الأعمال دي
سواء كان اب او اخ
ليه مش بيساعدوا في الحجات دي..او حتى يشاركوا فيها
قولولي وجهة نظركم
وبصرااااحة..

[~♥ Queen sozan♥~]

موضوع جميل جدااا
وهتشوفى ردود تحفة من الشباب
وانا هقولك مش بيسعدونا لية
انا فى مرة سئلت اخواتى 2
هو انتو لية مش بتسعدونى
فى حتى المكوة بتعتكم
فا اخوية رد رد مثالى
والله رد جميل اوى
ههههههههههههههههههههه
لم احنا لى هنكوى انتو هتعملو اية
وتخلت فى نقاش لمدد ساعة
واقنعتهم ان هم لازم يسعدونى فى اى حاجة
فى البيت عشان لم يتجوزو يسعدو زوجاتهم
فا اقتنعو الحمدلله
لم عادى يومين كدة وخلص الموضوع اتنسى
رجع كل حاجة زى الاول بس كدة
عشان هم مش عيزين يسعدونا اصلا بس هم
بيقتنعو فى سعتها عشان باب الناقش يتقفل
ولو حد من الشباب معترد يقول

تحياتى ليكى

[اميره الحب والعذاب]

لا لا مش كلهم انا اخواتي بيسعدوني
بس انا مش بحب اخليهم يعملو حاجه اصلا هم مبيعملوش حاجه صح اصلا يعني
والي بيعملوه برجع اعمله تاني
يعني وجع قلب
ولو عملو حاجه طول النهار وبعدها كمان بيومين انا عملت وعملت
ذي ميكون اخترجع الصاروخ وهو اصلا كل الي عمله انه ودي كبايه الشاي الي شربها المطبخ
يعني يتعب نفسه اكتر من كده ايه الراجل هيقطع نفسه
نتكلم جد بقي
المشكله هي انهم اتربو علي كده زمان لما كان الراجل هو الي بيشتغل والست الي قاعده في البيت
طبعا كانت هي الي بتشيل شغل البيت كله يعني هو هيشتغل بره وجوه
مع ان المرأه هي الي بقت بتشتغل دلوقتي بس هو لسه عايشين الدور
وشايفين ان هم مينفعش يشتغلو في البيت يعني من باب الكرامه
eng mai

[الجميله الباكيه]

بوصى ياقمر هو مش كلوا طبعا بس اللى عارف دينه كويس هتلقيه بيشارك حتى لو بحاجه بسيطه
على الاقل مش يكركب الدنيا
انا مرة سمعت ندوه لعمرو خالد وقال فيها ان الزوجه لما بتعمل اعمال البيت ده تطوع منها وحب فى اهل بيتها ولكن اعمال البيت المفروض انها بتكون شركه بين الزوجين
وكان الرسول صلى الله عليه وسلم يكنس البيت مع احدى زوجاته ولكنى للاسف لم اتذكر اسمها
وكمان التربيه عليها عامل يعنى لو الولد من الاول وهو صغير بيعمل فى البيت اكيد لما يكبر هيساعد امه وزوجته
لكى منى تحيه على الموضوع

[حياتي ذكريات]

السلام عليكم
موضوع جميل وانا في مجتمعنا العربي متعودين دايما ان
المرأة هي اللي بتعمل أشغال البيت والراجل عليه شغل اللي
بره البيت يعني انا بنت وحيده بين اولاد أخواني تقريبا بيساعدو
بس بحاجات بسيطة جداا يعني دايما بيقولو احنا علينا طلبات اللي بره
وانتي عليكي اللي جوه يعني دولوقتي لو الولد عمل أوضته ووضبها
يبقى خير وبركه بس فيه رجال بيبقو مساعدين جدااا زي والدي انسان
مساعد جدااا في البيت مش عارفة اخواني ما طلعوش عليه ليه
ربنا ومفروض الاولاد يقتدو برسول الله اللي هو أشرف الخلق كان بينضف
حاجته ويحلب البقر وكان بيساعد اهل بيته
شكـــــــراً ليكي على الموضوع
تحياتي ليكي
كل الشكر والتقدير

[ماتركس]

السلام عليكم ياا ميمووو
اناا عاايز اتكلم بصررراحه
الولد او الزوواج مش مجبوور اناا يعمل حاااجه في البيت
خليناا في الجد اوماال الواحد متزووج ليه علشاان يشتغل بره البيت وجووه البيت لازم المرااه تقدر
بس هووه زوقين من الزوج او الابن اناا يسااعد في البيت انا عن نفسي لماا كنت في مصر كنت بسااعد ماما
وتسلمي علي مووضووعك ياا ميمووو

[حَرفُُ هجآءّ]

موضوع جميل
طبعا مش كل الرجاله كده
انا شوفت كذا راجل بيساعد امه
لدرجه انه مرة شوفت شاب قال لمامته
انتى عليكى تجيبى الخضار من السوق عشان انا مش هعرف انزل اشترى
وانا هوضب البيت واغلسلك المواعين
ده ليه بقى عشان بيخفف عن امه وكده دة ابن راجل بجد عشان بيقدر تعبها
وكمان فى ازواج بيساعدوا مراتتهم وده مش عيب خالص

[محمد الشريف]

مساعدة الرجال أمهاتهم وزوجاتهم فى الأعمال المنزلية مروءة وشهامة

ودليل على التعاون الواجب اتباعه للتآلف والرحمة وليس عيبا على الإطلاق

ولنا قى ذلك اسوة حسنة رسولنا الكريم صلى الله عليه وسلم .

مع تقديرى

[EMoOoO]

اقتباس المشاركة الأصلية كتبت بواسطة همسღ الجراح موضوع جميل جدااا وهتشوفى ردود تحفة من الشباب وانا هقولك مش بيسعدونا لية انا فى مرة سئلت اخواتى 2 هو انتو لية مش بتسعدونى فى حتى المكوة بتعتكم فا اخوية رد رد مثالى والله رد جميل اوى ههههههههههههههههههههه لم احنا لى هنكوى انتو هتعملو اية وتخلت فى نقاش لمدد ساعة واقنعتهم ان هم لازم يسعدونى فى اى حاجة فى البيت عشان لم يتجوزو يسعدو زوجاتهم فا اقتنعو الحمدلله لم عادى يومين كدة وخلص الموضوع اتنسى رجع كل حاجة زى الاول بس كدة عشان هم مش عيزين يسعدونا اصلا بس هم بيقتنعو فى سعتها عشان باب الناقش يتقفل ولو حد من الشباب معترد يقول تحياتى ليكى

ميرسي على القصة الجميلة
فعلا انا شوفت زي كدا كتيير
ميرسي عالمروور الجميل

[EMoOoO]

اقتباس المشاركة الأصلية كتبت بواسطة love&pain لا لا مش كلهم انا اخواتي بيسعدوني بس انا مش بحب اخليهم يعملو حاجه اصلا هم مبيعملوش حاجه صح اصلا يعني والي بيعملوه برجع اعمله تاني يعني وجع قلب ولو عملو حاجه طول النهار وبعدها كمان بيومين انا عملت وعملت ذي ميكون اخترجع الصاروخ وهو اصلا كل الي عمله انه ودي كبايه الشاي الي شربها المطبخ يعني يتعب نفسه اكتر من كده ايه الراجل هيقطع نفسه نتكلم جد بقي المشكله هي انهم اتربو علي كده زمان لما كان الراجل هو الي بيشتغل والست الي قاعده في البيت طبعا كانت هي الي بتشيل شغل البيت كله يعني هو هيشتغل بره وجوه مع ان المرأه هي الي بقت بتشتغل دلوقتي بس هو لسه عايشين الدور وشايفين ان هم مينفعش يشتغلو في البيت يعني من باب الكرامه eng mai

فعلا عندك حق والله
ميرسي عالمرور الحلو..