اكتر حاجات بتبسط الشباب المصري

[big bốss]

لما ابوه يقوله على اى حاجة برافو عليك ايوة كده

لما ابوه يفتخر بيه ادام حد :عارفين الزبالة اللى كانت ادام باب البيت تحت؟؟ ابنى اللى لمها
!!!
لما يكون بيكلم بنت على النت وتقوله انتة ظريف اوى

لما يعرف ان النهاردة جاى فيلم على روتانا ماشافوش قبل كده

لما يعرف انه كسب علبة سجاير فى اى سحب

لما يجيب قميص جديد وينزل بيه اول يوم ويحس ان الناس كلها بتتفرج عليه

لما يدخل امتحان الكلية ويلاقىه جاى من الصفحتين اللى ذاكرهم يا دوب امبارح

لما يكون قاعد على شات ياهو ويلاقى بنت بعتاله ممكن نتعرف

لما يحب يروح اى مكان ويلاقى الاتوبيس جه بسرعة..!! ودى مستحيلة حبتين

لما يلاقى الاتوبيس ده فاضى!!!!!!!!!!! ودى اكتر استحالة من اللى قبلها

لما يكون متأخر مع اصحابه على القهوة ومش عارف هيروح ازاى وبيلاقى فجأة ميكروباص بينادى ..جيزة اول الهرم

لما يكسب ماتش على البلاى استيشن او فيفا2010

لما يوم عيد ميلاده ييجى ويلاقى اقرب بنت ليه بتقوله الساعة 12.01 كل سنة وانتة طيب

لما يدى ميعاد لبنت ويروح يلاقيها وصلت قبله ..
لما يجيله مسج على موبايله ويلاقيه حاجة غير ..كلمنى شكرا... بالاضافة لمعلومة مهمة جدا كان هيلووص لو مكنتش جت فى المسج على غرار اربط الحزام تنجو من الحوادث..او دلوقتى كروت الشحن بقت بنفس السعر المكتوب عليها...؟

لما الاهلى يخسر

لما الزمالك يكسب

لما يكسب اول فلوس من شغل

لما حد يقرا حاجة هو كاتبها ويقوله عليها انها حلوة اوى

لما يقول نكتة لصحابه ويضحكوا عليها من قلبهم

لما يحب اول مرة

لما يحرج بنت فى الشارع ادام الناس بعد ما هزأته

لما يقنع باباه بحاجة عمره ما كان هيوافق عليها ..انه ينزل بالقميص على اللحم مثلا

لما يروح يشترى حاجة ويفاصل فيها وياخدها بالتمن اللى هوة عايزه مع انه عارف ان البياع كده كده ...كسبااان ؟؟

لما فلوسه كلها تخلص ويكون مش عارف يجيب فلوس منين وفجأة يلبس الجاكيت اللى كان متشال من فترة ويلاقى فيه عشرين جنيه
!!
لما ياكل اكلة حلوة من عند ابو ربيع او جاد

لما يكون عطشان ويلاقى كولدير ساقع اوى

لما يجيله مسج من حبيبته

لما يكسب فى ماتش شطرنج طويل

لما يكون مخنوق ويلاقى صاحبه بيكلمه يقوله ما تيجى ننزل




الشاب المصرى بيكون مبسووووط لما يحس ان ربنا كارمه....الشاب المصرى بيتبسط من اقل حاجة
انت بقه ايه اكتر حاجة بتبسطك فى دووووووووول؟؟؟؟؟؟؟؟؟؟؟

[smasher]

ههههههههههههههههه احب اشكرك على الموضوع الجميل ده وانا اكتر حاجة بتبسطنى بصراحة لما حبيبتى تبعتلى massage وشكرا موضوع تحفه

[شاعر واسير الحب]

شكرا علي الموضوع والكلمة الطيبة صدقة ورفع معنويات


تقبلي مروري

[اميره الحب والعذاب]

لما فلوسه كلها تخلص ويكون مش عارف يجيب فلوس منين وفجأة يلبس الجاكيت اللى كان متشال من فترة ويلاقى فيه عشرين جنيه
بتعجبنب اوب الحركه دي ببقي طايره من الفرحه
بي انا اكتر حاجه بتبسطني لما بحس ان اي حد فاكرني او بيسأل علي
اميره العذب

[big bốss]

ههههههههههههههههههههههههههههههه


مرسي على مروركم نورتم التوبيك


ويارب دايما مبسوطين


حالتك صعبه اوى يامى

[~♥ Queen sozan♥~]

ههههههههههههههه
بتبسط اوى اوى اوى لم الزمالك تكسب
ههههههههههههه
بس والله الموضوع حلو
بس فى حاجات اهم بتبسط بيحة بس دة لى موجود عندك

شكرا يا نور

[fankosha]

شكرا على طرحك المميز يا نور
انا اكتر حاجة تبسطنى لما اعمل اقل شىء وتكون الناس سعيدة
بمعنى لو حد طلب منى مساعدة وانا عملته اكون مبسوطة جدااااا
واحب الناس تكون سعيدة
تقبل مرورى

[خالد ابو النجا]

اكتر حاجه بتبسطنى
لما الاقى الناس
المقربين ليا
فاهمنى صح
وتسلم على الموضوع الرائع يانور
تحيتى لك