الفضفضه ..علاج ...ام ..ثرثره ؟؟!

[شاعر واسير الحب]

السلام عليكم ورحمة الله وبركاته



اطرح عليكم اعزائي موضوع مهم وهو الفضفضه..

بس لا تقرأ وتجري قول رأيك وشارك لا تكن بخيل

ماهي الفضفضه..؟؟

الفضفضه ..علاج ...ام ..ثرثره ؟؟!

لماذا نحتاج احيانا للفضفضه..؟؟

خلونا بالعاميه أحسن

لما تكون متضايق شوي يقولك واحد من أعز أخواتك فضفض لي

أو وحده من أعز صديقاتك أختي العزيزه فضفضي اللي في قلبك أو فضفض ما في جعبتك



هناك امور نضيق بها احيانا ..اذا تركناها مخبأه داخلنا..دون ان نترك لها العنان بالانطلاق قليلا ...

عندها سنحتاج لمن نثق به ونرتاح له اكثر..حتى نخرج مابداخلنا

نحتاج( لماذا)... نفرغ لديه همومنا ومشاكلنا..نحكي له عن مكنونات انفسنا..

عن احلامنا..امنياتنا..رغباتنا...واشياء اخرى كثيره..قد تكون اعترافاتنا ايضا

هذا الماذا قد يكون..شخص اما (صديق او حبيب او اخ......)

او حتى (الورقه والقلم)....

احتياجنا للفضفضه..قد يكون للخروج من حالة كبت ضاغطه على

اعصابنا..ونخشى ان ننفجر بسببها

حينما يداهمك احساس بأن لديك امور يجب ان تتحدث عنها..وتتشارك بها

مع شخص ترتاح له وتحتاج ان يسمعك

..لا ان يملي عليك ماتفعله اذا لم تطلب منه ذلك..شخص تثق به دون تردد.

قد يقول البعض ان الفضفضه..عباره عن ثرثره وكلام فاضي لافائده منه..

وافشاء للاسرار والامور الخاصه...!!

بينما يرى البعض ان بها راحه نفسيه كبيره..وازاحه لبعض الامور التي قد تضايقنا..

اذا لم نتحدث عنها لاحدهم..

وانتم ماذا تعتقدون..؟؟

هل الفضفضه..علاج..ام.. ثرثره ؟؟!

ماهو الشعور الذي ينتابك حينما تفضفض..؟؟

هل هو شعور بالندم..ام..بالراحه..؟؟

او اذا كنت انت الشخص الذي يفضفض له احدهم..ماهو شعورك ..؟؟

وهل تعتمد الفضفضه على ماهية الامور التي من الممكن ان نفضفض عنها..

وماهي حدود الفضفضه والخطوط الحمراء لها..

من وجهة نظرك

[الجميله الباكيه]

اولا احب اعبر عن شكرى ليك لترحك موضوع اكثر من رائع بالمنتدى
وتستحق التقدير عليه
انا عن نفسى مش بحب اتكلم مع حد عن اللى جوايا مش بعرف بس بحب اسمع لصحابى
وبحاول احل معاهم المشكله مهما كانت كبيرة بحاول التخفيف عنهم
وافتكر ان ده حقهم عليا بس انا مش بحب حد يشاركنى فى اللى جوايا او اى حاجة بحس بيها
ولو ده حصل صدفه بحس انى عاوزة ابعد عن الانسان ده عشان عرف عنى احساس او شعور خاص بيا لوحدى
وده راى هو ممكن يبقى غلط مش عارفه بس انا بارتاح كده عن انى احكى لحد
لك من تحيه وتقبل مرورى

[رووكه]

موضوعك حلووووو قوى
الوحدة مننا لما بيتكون مخنوقه بتحتاج انها تطلع اللى جواها وفى نفس الوقت بتشوف هل هى غلط فى تفكرها واتخاذ القرار ولا لا
الضغوط اللى بقت اكتر من الفرحه اجبرتنا اننا نتكلم علشان نرتاح ويمكن كلمه من صحبتى تهدينى وتريحنى واحس انى معليش ضغط وممكن بردوة متفدش بس يكفى انك خرجت اللى جواك

انا اسميها فضفضه مش ثرثرة
احترامى لما كتبت تقبل مرورى

[fankosha]

اولا اشكرك على ابدعك فى طرحك
ثانيا الفضفضة دى راحة وعلاج للاكتئاب
وعمرها ما هتكون ثرثرة



ماهو الشعور الذي ينتابك حينما تفضفض..؟؟
شعور بالراحة
او اذا كنت انت الشخص الذي يفضفض له احدهم..ماهو شعورك ..؟؟
هحس بالسعادة لان الشخص ده هيكون واثق فيا
وهل تعتمد الفضفضه على ماهية الامور التي من الممكن ان نفضفض عنها..

هى امور الحياة بس بيكون ليها حدود

تقبل مرورى

[đΘόđΘό]

موضوع جميل وبردو مشكله ليه

اولا انا مش بحب افضفض بس احيانا مش بقدر استحمل فابحتاج اني افضفض بس طبعا مش بقدر اقول كل شي بوضوح المهم اني اشيل شويه عبق من عليا

فيه بعض الاشخاص بيفضفضو عشان يرتاحو وخلاص وناس تانيه بتتكلم عشان تاخد رايك ومشوره


انا بقى لما حد بيفضفض معايا ببقى سعيده ان حد اداني الثقه دي بس بردو بتحمل مسؤليه صعبه وخصوصا لو كانت مشكله صعبه

فبيبقى تركيزي محصور على اني احاول احلهلها

بس انا انصدمت في واقع بسبب صديقه كل ماتقعد معايا تحكيلي نفس مشكلتها داتها الحل معجبهاش سكت معجبهاش اخر المطاف قلتلها متحكليش بردو معجبهاش


ميرسي على الموضوع الرائع ده

تقبلو تحياتي

[ندى الجميلة]

اسير

السلام عليكم

اكيد الفضفضة علاج بس مش مع اى حد اكيد يكون اهل ثقة

واكيد هرتاح جدااااااااااااااا لما اتكلم معاه علشان ممكن يسعدنى فى حل مشكلى

لو انا اللى بسمع

هسمعه للاخر وبعدين هحاول اهدية واكلمة بالعقل علشان يبقى للفضفضة معنى

فى حاجات ما ينفعش تتحكى خالص لانها ممكن ما تتفهمش ولكن صاحب المشكلة هو اللى يحسها بس

ومعلش انا ما بعرفش ارد س و ج وكدة ولكن دة رايى المتواضع فى موضوعك القيم

ولك كل الأحترام والتقدير

عاشقت الحياة

[فرولة]

انتا ممكن تفضفض لو كنت متدايق
بس متقولش اسرارك لحد ابدا
وحدود الفضفضه انها متخرجش عن السبب اللى مدايقك
يعنى لا لافشاء الاسرار
وانا عن نفسى لما بحتاج افضفض بتكلم مع ماما ربنا يخليهالى يارب
بتنصحنى وفنفس الوقت دى امى يعنى حد امين على سرى وعلى اى حاج اقولهالها
وتسلم الايادى

[ماتركس]

السلام عليكم ياا شااعر واسير الحب
شرف لي اني ارد علي مووضوعك القيم ده
يالنسبه لياااا اعتقد ان الفضفضه شي جميل ومطلوووب لابد منه
اذاا يتعرض الانساان لموواقف وظرووف قااسيه
فقلبه يمتلي بالهموووم لازم يفضفض علشاان قلبه يرتااح
بس لازم يختاار اللي يفضفض معااه اهم من الفضفضه

[countess]

الفضفضه اكيد علااج وعلاج ممتاز كمان

بس اذا زادت بتكون ثرثره

تشكرات يايا شعر واسير الحب

[oЯҜeĐα]

تسلم الأيادي ياجميل على التوبيك الرائع ده
والطرح المميز
في رأيي انو كل انسان بييجي عليه وقت يكون محتاج حد يسمعو
ويفهمو وينصحو لو كان محتاج
وحتى لو مش محتاج نصيحه بيبقا محتاج يفضفض
بعديها بيحس انو ارتاح وان الهم الي كان كاتمو خف عليه
بإختصار الفضفضه عمرها ماهتكون ثرثرة او كلام فاضي


يسلموووو