أنا ليه محجبة!!

[misho]

انــا لــيـه مـحـجـــــبـة







- بعد إيماني بأمر ربنا إن الحجاب فرض على كل مسلمه -


علشان الأسباب التالية :



1 -

عـلـشـان انـا حـرة


مش من حق حد يشوف مني اللي مش عاوزاه يشوفه إلا بإرادتي

ومن حقي اختار مين اللي يشوف مني أجمل ما عندي

واللي علشان يشوف ده ويبقى حقه وحلاله بلاله عن طيب خاطر

لازم هو كمان يديني مشاعره واللي باقي من عمره عن طيب خاطر.





2 -

عـلـشـان أنـا غـالـيـة


مينفعش أقلل من قيمة نفسي واخليها عرضة لكل العيون

ويبقى خروجي مكشوفة ضوء أخضر لكل من هب ودب يسرق مني ولو

نظرة لأي جزء مش متغطي مني

تى لو مكنش ده قصدي .. بس مش حقدر امنعهم

لأ ده كمان يمكن ماعجبهمش ويدوروا وشهم إعراضاً.





3 -

عـلـشـان أنـا بـاحـتـرم نـفـسـي


وشايفة نفسي كبيرة قدام نفسي ومينفعش أنزل سوق المنافسة في الأنوثة

علشان أفوز في الآخر بنظرة شهوانية أو كلمة غزل رخيصة أو عرض

صحوبية.





4 -

عـلـشـان انـا جـمـالـي مـش خـارجـي وبـس


ومن حقي ان اللي ييجي يتجوزني واللي هاديله الباقي من عمري

واللي هديله كل مشاعري واللي هاقاسمه أحلامي وأفكاري

واللي هاخلف منه ولادي .. وهاربيهم معاه

مايختارنيش على مقاييس شكلية وبس

أو تبقى هي دي العامل الأساسي في أختياره ليا

علشان كدة مش ضروري يشوفني في كامل زينتي وجمالي قبل ما يتجوزني

الأهم انه يحب روحي ويعجب بشخصيتي ويرتاح معايا نفسياً

أصل في بنات بتأجل الحجاب لحد ما تتجوز

على أساس انها تكون شنكلت واحد وضمنته مع إن مفيش حاجة مضمونة في الزمن ده

واللي اختارها علشان جمالها ممكن قوي يتجوز عليها واحدة أجمل منها

لأنه أكيد في الأجمل منها يعني.





5 -

عـلـشـان أنـا بـخـاف عـلـى أخـويـا فـي الله


اللي بيشوفني في الشغل أو في الكلية أو في المواصلات أو في الشارع

ويمكن يكون عاوز يقرب من ربنا وبيجاهد نفسه علشان يغض بصره

فمرضاش لنفسي اني اكون سبب في اني افتنه.





6 -

عـلـشـان أنـا بـشـيـل هـم أخـويـا فـي الله


اللي نفسه يتجوز ومش قادر لضعف إمكانياته المادية

فمش ضروري يعني ازود عليه همومه وأخيِلُه في الرايحة والجاية.





7 -

ده غـيـر حـاجـة مـهـمـة كـمـان


الكفن بتاع النساء .. فيه حجاب

فاللي مش هاتلبسه وهي حية بإرادتها طاعة الله

هاتلبسه كدة كدة وهي رايحة قبرها

وطالما ربنا بيقول اننا نتستر حتى واحنا رايحين قبورنا

وخلاص انتهى التكليف .. ومحدش هايشوفنا تاني ولا حد هايطمع فينا

يبقى مفيش معنى اننا نمشي مكشوفين لكل العيون واحنا أحياء نرزق

يبقى الأولى اطيع ربنا بإرادتي وأقابله وهو راضي عني واخده أجري كامل

ولاّ اني ملبسوش غير وانا جثة واقابل ربنا وهو غضبان عليا ؟!







الأسباب اللي فوق دي هي اللي فهمتني ليه ربنا فرض علينا الحجاب

مش تعسير ولا تضييق .. الحجاب فعلا عزة وكرامة

ميعرفهاش غير اللي داق طعم الستر



ربـنـا يـهـديـنـا ويـهـدي بـنـات وشـبـاب الـمـسـلـمـيـن.



تحيااااتي
misho

[a m i r a]

يارب اهدنا واهدي كل البنات شكرا يا سكره علي الموضوع وجزاكي الله كل خير

[AnGeL SenSe]

بجد موضوع في غاية الجمال الحمد لله الي جعلنا متحجبين وربنا يكرمنا ويسترنا ويحفظنا بفضلة
والحجاب عبادة وليست اناقة ...........تقبلي خااااااالص شكري ومروري اختك angel

[misho]

اقتباسالمشاركة الأصلية كتبت بواسطة منه اللهيارب اهدنا واهدي كل البنات شكرا يا سكره علي الموضوع وجزاكي الله كل خير

اميين يارب

تسلمي يا قمري لتواجدك

[misho]

اقتباسالمشاركة الأصلية كتبت بواسطة angel eygptبجد موضوع في غاية الجمال الحمد لله الي جعلنا متحجبين وربنا يكرمنا ويسترنا ويحفظنا بفضلة
والحجاب عبادة وليست اناقة ...........تقبلي خااااااالص شكري ومروري اختك angel

ربنا يبارك فيكي يا جميل

دمتي بكل خير

تحيااتي

[đΘόđΘό]

تسلم الايادي على الطرح المميز

[misho]

اقتباسالمشاركة الأصلية كتبت بواسطة بنت مصر dodo1992تسلم الايادي على الطرح المميز

ميرسييي لتواجدك يا قمري

دمتي بكل خير

تحيااتي