تليفون من ميت!!!!!!!!!!!شعر/رفاعى عمار

[رفاعى عمار]

تليفون من
ميت!!!!!!!!!!!
وسألنى عن حالى...:cv52:
قلت له..عال العال..
الصحة عال ومتين..
والدخل زاد ضعفين..
داحنا فى سنة ألفين...
.:cv8:.............................
أزمة ضمير مفيش..
ولا طابور للعيش....
ونسينا البوتاجاس..
وكل شىء بالمقاس..
.:cv8:........................
والاقتصاد زاد ومتين..
ولا تسمع لكامة دين!!!
والسجون فارغة من السكان..
والحرس من قلته نايمين!!
:cv8:..................................
هو صحيح الندالة زادت شويتين...
والنصب..أصبح عينى عينك.
ويسرقوا الكحل من العين..
:cv8:................
والشغل بطلوه..
والنوم بدلوه...
والبانجو رخصوه..
لكننا عايشين..
وفى أحسن حال ...ياخال!
:cv8:.................................
ولاتتكلم عن السكن..
الشخص له شقتين...
وفيلا على المالح..
وشاليه فى راس الطين..
ومش لاقيين.....!!!
:cv8:...............................
أما التعليم ياخال...
أصبحنا علما وأساتذة محترمين....
وعندنا فى كل علم رجل وباع......
حتى أحلامنا بتتباع!!!!
زى قطع غيار البنى آدمين..
:cv8:...........................
طبعا مش مصدق.....
أحلف لك بألف يمين...
ما فى حد تعبان..
الا أصحاب الضمير...
والمرضى بالامانة...
وأعداء الكوسة....
:cv8:........................
على فكرة يا خال..
الكوسة زادت فى السوق..
وارتبط سعرها مع زيادة السوء....
والطماطم زى ما هى ..مجنونة....
ومنفوخة ومنفوحة..
وأصبحت فاكهة زى التين..
.:cv8:......................
أصلى تحديد النسل..
خفض عددنا مية المية..
واللحم صار ببلاش...
الكيلو بجنيه ومية...
والشحم تلم وتشيل..
رجول حمير...
وكبد..
وقوانص من سيشيل..
من فين.. مش عارفين..
لكننا ياخال ...
نحمد الله على كل حال...
.:cv8:.....................................
أولاد الناس..بقوا لصوص...
والكلاب..بقت جاموس!!!!!
وتعسعس فى كل بيت شمام..
والبحر ..لمام...
وياما تحت التراب...أنام..!!
:cv8:.................................
عينى يا خال على الشباب..
أرض كانت خضرة..
وبقت يباب....
أحسن حاجة ياخال..
تقفل عليك الباب..
ولا أنا نسيت..
القبر ماله باب..!!
بلاش تسألنى عن حالى..
أصل الحال مال ومال...
وكفاية ...بطل سؤال....:cv52::cv52:

[/all1]