دكتور للمحمول *** محمولك فيه مشكله قولها وان شاء الله فى حل *** متجدد

[قلم بلا حبر]

السلام عليكم

حبيت ان يكون اول مواضيعى بالمنتدى بعد التعارف

فى منتدى الترحيب على اللينك ده دخول

ان يكون اول مواضيعى فى المنتدى خدمه لاعضاء المنتدى فى مجال اهتمامى

انا درست صيانة المحمول فى اكاديمية سموحه

والحمد لله مهتم جدا بيه وبحبه جدا

ولو فى اى مشكله حكون متواجد لحلها

والموضوع ياريت لو المشرف يثبته

وان شاء الله بردودكم حيكون للموضوع ده اهميه

مطولشى عليكم

اسلوب كتابة العطل

1- نوع الموبايل ( نوكيا * سامسونج * سونى اريكسون * ........ ايا كان النوع )

2- الموديل ( يعنى فى النوكيا مثلا n70 * n 73 * n95 وهكذا

3- المشكله ( والنقطه دى محتاجه توضيح يعنى بقدر الامكان تكون المشكله بكل جوانبها واضحه

وللعلم ان 60% من اعطال المحمول لا تستحق الذهاب بها الى مركز الصيانه

دى بئى خلوها سر

ومستنيكم ويارب اكون عند حسن ظن الجميع

تحياااااااااااااااااااااااااتى"""""""""

[قلم بلا حبر]

واضح يا جماعه ان موبايلات المنتدى كلها سليمه

اوك الحمد لله وعلى العموم مع اى طارئ

انتم عارفين حتعملوا ايه

وياريت لو العضو ينبهنى برساله خاصه

انا فى انتظار مشاركاتكم

تحياااااااااااااااااااااااااتى""""""""""

[باربى]

مرررررررررررسى كتير على عطائك وانا برحب بيك فى المنتدى ويارب تكون موجود وقت ما احتاج اليك

[قلم بلا حبر]

اقتباس ويارب تكون موجود وقت ما احتاج اليك

يا رب ما تحتاجى ليا :bb5::bb5::bb5::bb5::bb5:

اكيد انتى فهمانى

تحيااااااااااااااااااتى"""""""

[**كيمو**]

اخى قلم بلا حبر
اولا اهلا بيك معانا فى منتدى بنات مصر
ثانيا انت موضوعك بجد جميل
وان شاء الله هيتثبت
بس ارجوا منك التفاعل دا خل القسم
تحياتى ليك
سااااااااااااااامى

[قلم بلا حبر]

اقتباس بس ارجوا منك التفاعل دا خل القس

شكرا سامى على ردك

بس تفاعلى فى القسم مرتبط باكتر حاجه ممكن افيد فيها

وانا شايف ان الموضوع ده الى الان كافى

وبالنسبه لاى شئ انا موجود وحاضر

تحياااااااااااااااااااااتى""""""""

[Little princess]

طب انا موبايلى Nokia6600
و الالعاب اصواتها مش شغالة

[قلم بلا حبر]

اقتباس طب انا موبايلى Nokia6600 و الالعاب اصواتها مش شغالة

اوك ممكن توضحى لو فى مشاكل تانيه فى الجهاز والا لا

موعموما لو اصوات الالعاب مش بتشتغل ممكن نقسم العطل علشن طبعا الجهاز مش معايا

نحاول الاول نعمل فورمات للجهاز

وده بيكون بالضغط على تلات زراير فى نفس الوقت + زرار الباور

والتلات زراير هم

زرار الاتصال

زرار النجمه

زرار رقم 3

وبالضغط مره واحده + الضغط على الباور وننتظر حتى يتم فتح الموبايل

وتظهر كلمة

formating

بعدها نحاول ننزل العاب جديده

ونجرب

فى حالة الجهاز منظبطشى بالطريقه دى

نجرب سوفت وير وده بيكون عند اى مركز صيانه ومش بياخد وقت

لو استمر العطل

يبئى نغير كريستالة التوقيت ودى المسئوله عن التوقيت وعطلها بيكون

سبب فى مشاكل كتير منها اللى انتى قلتيه

علشان كده بقولك اتأكدى لو فى مشاكل تانى يبئى نغير كريستالة التوقيت على طول

مكنشى يبئى نطبق الكلام اللى فوق

ومنتظر ردك وانتى عملتى ايه

تحياااااااااااااااااااااااااتى""""""""

[عبير العود]

اولا نرحب بيك جدا اخى و نشكرك على سعيك لافاده اخوانك بالمنتدى و انا عندى مشكله احب استشيرك فيها
انا موبايلى nokia6300
و مشغل الموسيقى اوmusic player مش بيشتغل دايما كل مابفتحه بيقولى updating و لما يوصل لــ100% و يبقي خلاص updated يرجع يعمل كده من الاول و انا عملتله format ليكون في فيروس و بعدين نزلت الحاجات تانى بس بردو مفيش فايده ارجو تكون مشكلتى و اضحه و مستنيه ردك و مشكور مره تانيه اخى الغالى

[قلم بلا حبر]

بحسب ما انتى وصفتى

اولا الفورمات اللى انتى عملتيه ده صحيح

بس ياترى الفورمات ده للجهاز والا للميمورى ؟

مش مشكله تابعى معايا الخطوات دى وان شاء الله يتظبط معاكى

1- فورمات الجهاز والطريقه اللى فوق تصلح معاه

2- فورمات الميمورى وده له كذا طريقه افضلهم طبعا من على الجهاز واظن

مش صعب عمل فورمات من على الجهاز

3- عمل ابديت للجهاز

من هنا

http://mea.nokia.com/A4743131



هتنزلى لغاية لما تلاقى نوع موبايلك وتدوسى علية و تنزلى السوفت ويير

وتشغل ال بى سى سويت

ولو مفيش عندك نسخه ممكن تحمليها من هنا

http://europe.nokia.com/A4144905#download

بعد تحميل البرنامج

اضخطى على تحديث البرامج تحت شوية

و وصلى الموبايل بالكمبيوتر وان شاء الله هينزل معاك

لو مظبطشى كمان بعد التحديث ده

يبئى مفيش مفر من السوفت وير

مستنيكى تقولى ايه اللى حصل معاكى

تحياااااااااااااااااااااااااتى""""""""