حاجه غريبه

[خالد ابو النجا]

صباح الخير ياحلوين
وانا كنت قاعد اشوف برنامج
تسعين دقيقه سمعت الخبر ده
وصعقة منه كثير
مين كان يصدق ان المدرسه
الى يرحوها اولاد وبنات
عشان يتعلو ويتثقفو
ويعرفو الزاى التعامل مع الناس
باسلوب راقى
يحصل فيها كدا الفوضى وهرجله وشروع فى القتل
من العيال الصغيره الى فى الابتدائيه
تصور انهم مسكين مطاوى وشرحو زملهم
لا بجد عاملين زى البلطخيه
امال خلو ايه بقى للكبار
وعلى كدا الدنيا مفهاش امان خالص
عايز اعرف ايه وصل الانسان لكدا
وياريت تفدونى برائكم
وحتى لو الموضوع مش عجبكم
عايز اسمع وجهة نظركم فى الموضوع ده
وتقبلو منى ارق تحيه

[SiLver Spectra]

عشان احنا دول عالم تالت فمش عارفين اصلا يعني ايه مدرسه و تعليم
التعليم عندنا يعني تاخد شهاده تشتغل بيها!!

فمافيش تربية و لا أخلاق و لا احترام و لا نظام
و خلاص باقيت المشاغبه جزء من ثقافتنا
اذا كان الاعلام بيستهزء بالتعليم

خلاص التعليم كله دلع و ماعتش في ذرة التزام
و بعدين نستغرب من تدهور الاقتصاد و حال البلد!!

أنا برأي اننا نعمل نظام جديد تكون المدرسه أشبه بنظام عسكري
زي الجيش
و يبقى معسكر مغلق
لمدة 20 سنة كدا و بعدين لما يتصلح حاله يرجع تاني نظام مدني
^_^

شكرا لموضوعك يا جريح...

[حنـــــون]

لان فعلا حياتنا بئت كلها استهتار

لابئينا بنركز على تربيه اطفال ونزرع فيهم

الاخلاق والدين والاحترام كله بئه على كله

سايبن حياتنا كدا لحد ماوصلنا للااحنا فيه دلوقتى

ولا فى هنعرف نخرج جيل يرفع من شأن مجتمعه

ودينه لا احنا بنطلع جيل معظمه عقليته فاضيه

مافيهاش غير كل تافه ومش بس كدا لاكما بيروح على

طريق الاجرام من صغره

بشكرك جدااااااااااا ياخالد على موضوعك

وربنا يصلح الحال

تحياااااااااااااااااتى

حنون

[رحيق الجنه]

فعلا هو ده فرق التفكير فى التعليم فى مصر
فى اوروبا اول حاجة بيعلموها للطقل هى حب المدرسة لدرجه انك لو عاوز تعاقب طفل على خطا تمنعه من نزول المدرسه
لازم يكون فيه اعادة لفكر التعليم فى مصر بس هيكون الاوان فات
شكرا على الموضوع

[Ќonto]

انت متأكد انهم كانوا في مدرسة ؟؟

وطبعا السبب ان احنا مش بنحببهم في التعليم من الأول ،،

أو بمعنى تاني مش معرفنهم يعني ايه~ (مدرسة) ورايحين يعملوا ايه فيها

دلوقتي 3/4 اللي بيروحوا المدارس مش غرضهم التعليم خالص!!

تلاقي ناس واخدة معاها الشطرنج~ او الموبيلات~ وشغالين لعب

وناس تانية تحضر أول حصة وبعدها تزوغ عشان تلحق تلعبلها ماتش قبل ما تروح

:showoff:

يبقى ازاي نسميها مدرسة بتعلمنا الصح والأخلاق وديننا !!

وكمان الجو اللي حوالين الأطفال دي هو اللي بيخليهم يعملوا كده

وشكرا جريح على الموضوع

**

[حياتي ذكريات]

أولا المدرسة ما بقتش زي الأول خالص
انا صحيح مش بدرس في مصر بس ساعات بروح مع قريباتي
أشوف الفرق بين التعليم هنا وفي مصر بجد أقل حاجه أقدر أقولها
اني انصدمت من نظام التعليم في مصر يعني لا مدرسين يدخلو يشرحو
وحتى انا اما رحت كان تقريبا ما فيش غير 8 بنات اللي هما اصلا صاحباتي
حتى لو المدرس دخل يولع سجارة ويحط رجل على رجل وقاعد يهزر وعلى فكرة
اللي استعجبت منه انه لو انت ما خدتش درس خصوصي عند المدرس اللي بيديك
في المدرسة هينقصك درجات وطبعا الكل بيروح عنده عشان ما ينقصش
طيب اما العيال دولوقتي يروحو مدارس وما فيش لا تعليم ما فيش زرع للأخلاق
هينشأ جيل متعلم عاقل ازاي ؟ احنا بنودي العيال عشان يتثقفو ويتعملو الأخلاق
والأدب بس المدرسة مش بتعلم ده بتعلم قلة الأدب انا أخويا درس فترة صغيرة في مصر
لسه في ابتدائي بجد بعد ما قعد اسبوع لقيناه بيقول ألفاظ ما تتقلش واما نقوله مين قالهالك
يقول المدرس بتاعنا !!

[♥..pure]

اقتباسالمشاركة الأصلية كتبت بواسطة SiLver Spectra

عشان احنا دول عالم تالت فمش عارفين اصلا يعني ايه مدرسه و تعليم

التعليم عندنا يعني تاخد شهاده تشتغل بيها!!

فمافيش تربية و لا أخلاق و لا احترام و لا نظام
و خلاص باقيت المشاغبه جزء من ثقافتنا
اذا كان الاعلام بيستهزء بالتعليم

خلاص التعليم كله دلع و ماعتش في ذرة التزام
و بعدين نستغرب من تدهور الاقتصاد و حال البلد!!

أنا برأي اننا نعمل نظام جديد تكون المدرسه أشبه بنظام عسكري
زي الجيش
و يبقى معسكر مغلق
لمدة 20 سنة كدا و بعدين لما يتصلح حاله يرجع تاني نظام مدني
^_^

شكرا لموضوعك يا جريح...

ايه يا بنى
هو انت عندك اى مشكله بتحلها يبقى تطلع نظام جديد وخلاص
بردو فى التدخين قولت نطلعه برخصه وكدة
ليه دة كله
ما نعالج الاسباب الاول
المفروض ان الوزارة اسمها وزارة التربيه والتعليم
يعنى التربيه فى المقام الاول وبعدين التعليم
تربيه البيت الاول وبعدين المدرسه
تيجى بقى دلوقتى متلاقيش تربيه فى البيت
ومتلقيش تربيه فى المدارس
العيب من الصغار
العيب فى الكبار
المفروض قبل ما يربوا الابناء يربوا الاباء الاول
مش نظام جديد وبتاع

ياريت ان الاختلاف فى الراى لا يفسد للود قضيه

اختك dr.rafef

[خالد ابو النجا]

اقتباسالمشاركة الأصلية كتبت بواسطة SiLver Spectra

عشان احنا دول عالم تالت فمش عارفين اصلا يعني ايه مدرسه و تعليم

التعليم عندنا يعني تاخد شهاده تشتغل بيها!!

فمافيش تربية و لا أخلاق و لا احترام و لا نظام
و خلاص باقيت المشاغبه جزء من ثقافتنا
اذا كان الاعلام بيستهزء بالتعليم

خلاص التعليم كله دلع و ماعتش في ذرة التزام
و بعدين نستغرب من تدهور الاقتصاد و حال البلد!!

أنا برأي اننا نعمل نظام جديد تكون المدرسه أشبه بنظام عسكري
زي الجيش
و يبقى معسكر مغلق
لمدة 20 سنة كدا و بعدين لما يتصلح حاله يرجع تاني نظام مدني
^_^

شكرا لموضوعك يا جريح...

العفو ياغالى
وفرحت جدا بمشاركتك الحلوه
وانتى كلامك صح وانا معاك
واكتر حاجه تهتم بيها البيت انه
يربو ابنائهم على الاخلاق وتعليمه الالتزام
لا هما عملو بعكس ماربوش وعايزين المدرسه تربيهم
ونسى درهم
ومشكله انهم نسيو يقللهم ايه يعنى المدرسه
ايه اهمية التعليم ويعود عليهم بايه
واقتراحه جميل على الاقل وفرو عليهم انهم يروحو الاحداث
وانشاءالله همعمل موضوع بيتكلم عن التدهو الاقتصادى
ومنحرمشى من اطلالتك الحلوه

[خالد ابو النجا]

اقتباسالمشاركة الأصلية كتبت بواسطة حنونلان فعلا حياتنا بئت كلها استهتار

لابئينا بنركز على تربيه اطفال ونزرع فيهم

الاخلاق والدين والاحترام كله بئه على كله

سايبن حياتنا كدا لحد ماوصلنا للااحنا فيه دلوقتى

ولا فى هنعرف نخرج جيل يرفع من شأن مجتمعه

ودينه لا احنا بنطلع جيل معظمه عقليته فاضيه

مافيهاش غير كل تافه ومش بس كدا لاكما بيروح على

طريق الاجرام من صغره

بشكرك جدااااااااااا ياخالد على موضوعك

وربنا يصلح الحال

تحياااااااااااااااااتى

حنون

العفو ياجميل
وانا الى بشكرك على مروك الجميل
وفرحت جدا بمشاركتك الحلوه
وانتى معاكى حق فى كل كلمه قلتيها
والاهل دلوقتى انشغلو عن تربية ابنائهم
وماعدهمشى وقت خالص
وبتالى اتعلمو من الشارع اصول البلطجه
بقو عار على المجتع
ومنحرمشى من اطلالتك الحلوه

[خالد ابو النجا]

اقتباسالمشاركة الأصلية كتبت بواسطة رحيق الجنهفعلا هو ده فرق التفكير فى التعليم فى مصر
فى اوروبا اول حاجة بيعلموها للطقل هى حب المدرسة لدرجه انك لو عاوز تعاقب طفل على خطا تمنعه من نزول المدرسه
لازم يكون فيه اعادة لفكر التعليم فى مصر بس هيكون الاوان فات
شكرا على الموضوع

العفو ياقمر
واقتراحك جميل جدا
عشان يحسوا اهيمة المدرسه
وعلى فكره ماما كانت بتعمل معانا
واحنا صغيرين
وسعيد جدا بردك الجميل