الفتيات العربيات والبحث عن زوج ( العنوسه )

[big bốss]

بسم الله الرحمن الرحيم

من اسطتاع الباء 0000000000 ومن لم يسطتع غعليه با الصوم

العنوسة باتت ظاهرة خطيرة تهدد المجتمع ولأسباب مختلفة وإن كان معظمها يرجع لطبيعة البلد وعادات وتقاليد وطبائع وثقافة أهله

وتكشف الأرقام عن تنامي ظاهرة العنوسة في مصر حيث أعلن الجهاز المركزي للتعبئة والإحصاء عدد المصريين الذين بلغوا الثالثة والثلاثين ولم يتزوجوا بعد بلغ 8 ملايين و963 ألفاً منهم نحو 4 ملايين امرأة.
أما عدد الذين بلغوا سن الزواج ولم يتزوجوا فقد تخطي الـ 13 مليون. وفي ****************** اقتربت نسبة العنوسة من 30% حسب إحصاءات رسمية وقد بدأ الشباب ******************ي يتردد في الإقدام على الزواج نظراً للأعباء الاقتصادية التي تترتب عليه.
وفي السعودية؛ أكدت إحصائيات صادرة عن وزارة التخطيط أن ظاهرة العنوسة امتدت لتشمل حوالي الثلث من الفتيات السعوديات في سن الزواج وأن عدد اللاتي تجاوزن سن الثلاثين بلغ مليون و529 فتاة.



ماهو السبب الرئيسي للعنوسة برايك؟؟؟؟

[đΘόđΘό]

فيه دول بيعتبرو البنت الي بقى سنها 20 سنه عانس وبكده تختلف ارقام واحصائات عن العنوسه

السبب ممكن العريس مش عاجبها

او الماديات مش متوفره

غلاء المهور مع ان ده مبقاش موجود زي الاول دلوقتي المشكله ازاي يجيبو شقه ويفرشوها

واكيد مش بسهوله لان مفيش فلوس

تسلم الايادي على الطرح الموضوع

[لوليتا المصريه]

طبعا بشكرك يا نور يا قمر لطرحك موضوع العنوسة
هو مش جديد لكن بالفعل موجوده ومش في مصر بس
لا في دول كتيره
وانا من رأيي ان العنوسة بترجع لكذا حاجه
ولتكن اهم حاجه ضعف امكانيات الشباب المادية
طبعا بسبب البطاله اللي الي الان مش لاقينلها حل فبلدنا
‏(وماعتقدش ان ليها حل فبلدنا بالذات)
حتي زمان فالجوازات البنت كانت بتحط مواصفات لعريسها
دلوقت ممكن تاخد راجل مش متوافق معاها علميا مثلا في سبيل انه كويس ماديا
فمن هنا بقت فيه سقطات كتيره فالجوزات في سبيل
عدم الدخول في اطار العنوسه والهروب منها
بجد بحيكي يا نور يا قمر لموضوع نقاشك ده
بالتوفيق دوما
اختك
ايمان

[رحيق الجنه]

تحياتى طبعا على الموضوع الرائع المتميز دائما

لى سؤال
ما معنى عنوسه؟؟؟ عدم الزواج ؟؟ وان اقامت علاقه غير شرعيه ولم تتزوج هل ستظل عانس؟؟
العنوسه مصطلح فى البلاد العربيه يفرضه عليها الناس والتقاليد
فليس للزواج سن كما ليس للولاده تاريخ ولا للموت وقت
فاذا سنصل الى انه لا يوجد كلمه عنوسه الا اذا ماتت بدون زواج لكن هناك حالات كثيرة يتم الزواج قبل الوفاه بيوم
العنوسه ظلم للفتاه حتى الم معنوى قبل ان يكون شئ اخر
هذا فرق ثقافات

[big bốss]

اقتباسالمشاركة الأصلية كتبت بواسطة بنت مصر dodo1992فيه دول بيعتبرو البنت الي بقى سنها 20 سنه عانس وبكده تختلف ارقام واحصائات عن العنوسه

السبب ممكن العريس مش عاجبها

او الماديات مش متوفره

غلاء المهور مع ان ده مبقاش موجود زي الاول دلوقتي المشكله ازاي يجيبو شقه ويفرشوها

واكيد مش بسهوله لان مفيش فلوس

تسلم الايادي على الطرح الموضوع



شكرا يا دودو على رايك



فعلا الفلوس والماديات عامل من عوامل العنوسه

[fankosha]

اولا اشكرك على طرحك
ومواضيعك المميزة
فيه اسباب كتيره بمجتمعنا وخصوصا المغالاه من البنت نفسها.لانها متوقعه انها لازم تكون بحياه افضل من اللى كانت فيها مع اهلها
جميل انها تحلم وتسعى لحياه افضل ولكن خطوه خطوه

الانسان بيبدا صغير ويكبرولوكبر مره واحده مش حيقدر يستوعب كل ده


تانى مشكله هوه رفض يعض الاهالى له اذا كان صاحب مؤهل اقل من البنت
بنهايه الامر..الرحمه والاعتدال بتكون سبيل لحياه كريمه وجميله ان شاء الله
واهم شىء البطالة هى من الاسباب الرئيسية
تقبل مرورى

[big bốss]

اقتباسالمشاركة الأصلية كتبت بواسطة لوليتا المصريهطبعا بشكرك يا نور يا قمر لطرحك موضوع العنوسة

,وانا بشكرك على رايك بس انا شاب مش بنت



هو مش جديد لكن بالفعل موجوده ومش في مصر بس
لا في دول كتيره

موجوده فى كل دول العالم وليس حكر علينا

وانا من رأيي ان العنوسة بترجع لكذا حاجه
ولتكن اهم حاجه ضعف امكانيات الشباب المادية
طبعا بسبب البطاله اللي الي الان مش لاقينلها حل فبلدنا
‏(وماعتقدش ان ليها حل فبلدنا بالذات)

اه طبعا قلت الموارد وفرص العمل سبب البطاله وبالتالى الشباب مش قادر يكون نفسه

حتي زمان فالجوازات البنت كانت بتحط مواصفات لعريسها
دلوقت ممكن تاخد راجل مش متوافق معاها علميا مثلا في سبيل انه كويس ماديا

عندك حق وفيه شباب بتاخد بنات مش متوافقه معاها



فمن هنا بقت فيه سقطات كتيره فالجوزات في سبيل
عدم الدخول في اطار العنوسه والهروب منها
بجد بحيكي يا نور يا قمر لموضوع نقاشك ده
بالتوفيق دوما
اختك
ايمان

مرسي ياقمر على رايك


انا نور شاب


والعنوسه عاملها الاول الظروف الماديه

[اميره الحب والعذاب]

والعنوسه عاملها الاول الظروف الماديه
اكيد طبعا
امال ايه الي هيمنع شاب انه يتجوز يعني وايه الي مقعد البنات كده
بص امارح جارتنا كانت بتتجوز انا اتخضيت من العفش الي كانو بيحملوه
يعني فوق ال50 الف جنيه
طبعا ده غير الشقه
يعني مين الشاب الي لسه متخرج معاه الملغ ده طبعا الا مارحم ربي
ربنا يرحمنا يارب
كل حاجه بقت الفلوس وخلاص
تسلم الايدي
يا بشمهندس
اميره العذاب

[big bốss]

اقتباسالمشاركة الأصلية كتبت بواسطة رحيق الجنهتحياتى طبعا على الموضوع الرائع المتميز دائما

لى سؤال


تحياتى طبعا لردك ونقاشك المميز

ما معنى عنوسه؟؟؟ عدم الزواج ؟؟ وان اقامت علاقه غير شرعيه ولم تتزوج هل ستظل عانس؟؟
العنوسه مصطلح فى البلاد العربيه يفرضه عليها الناس والتقاليد
فليس للزواج سن كما ليس للولاده تاريخ ولا للموت وقت
فاذا سنصل الى انه لا يوجد كلمه عنوسه الا اذا ماتت بدون زواج لكن هناك حالات كثيرة يتم الزواج قبل الوفاه بيوم
العنوسه ظلم للفتاه حتى الم معنوى قبل ان يكون شئ اخر
هذا فرق ثقافات

هههههههههههههههههههه


اعترف ان رايك صح لانى بصراحه بحثت عن العنوسه فى اوروبا ملقتيش


اختلاف ثقافات فعلا



مرسي على رايك يا رحيق الجنه

[حَرفُُ هجآءّ]

العنوسه اسبابها
الماديات
وتطلعات البنات للشبكه والمهور والعفش والذى منه
وان فى عائلات كتير بتتشرط على العريس اكنهم هيبعوها
مش هتتجوز
وكمان البطاله وقله فرص العمل
مع ان والله فى دلوقتى بقت تتحكم فى نوع الوظيفه كمان
زى مثلا تلاقى اب وام يقولو لا ده مش موظف حكومه ده قطاع خاص
لا لازم تكون الوظيفه حكوميه عشا لما يموت بنتنا تلاقى تاكل
ههههههههههههههههه
يعنى بيفولوا على الراجل قبل ما يدخل دنيا
ميرسى يانور على التوبيك
اممممممممممم