خلع الحجاب في ... السفر؟؟

[special girl]

السلام عليكم ورحمته الله وبركاته:-

ازيكم يا احلي اعضاء؟

الموضوع يتكلم عن ظاهرة غريبة في الطائرات المتجهة إلى الخارج مما رأيته بعيني وسمعت عنه الكثيير...
والأمر يحدث حصرياً في الرحلات الدولية وخصوصا المتجه لدول اوروبا وامريكا
فعندما يدخل الركاب إلى الطائرة..وتغلق أبوابها..وتظهر اشارة ربط أحزمة المقاعد..يقوم عدد من النساء المحجبات بالحجاب الكامل(العباية والطرحة والنقاب)..إلى دورة المياه فيخرجون منها وقد خلعوا الحجاب كله وارتدوا ملابس مناقضه للنقاب او الحجاب بالاساس وبتنسي انه هي كانت محجبه من لحظات والمشله انه اهلها زوجها اخواها اولادها كلهم بيشوفوا النظر وكانه شيء عاادي وطبعا كل الركاب بيكونوا في حاله تعجب نفس ما كنت انا ؟؟

سؤالي هو؟؟


لو المرأه غير مقتنعه بالحجاب لماذا تتحجب اصلا؟

أو أن الحجاب من العادات والتقاليد اللي يجب الالتزام بها داخل البلد فقط؟؟؟؟

أو هذا نوع من النفاق الاجتماعي؟؟؟؟

في انتظار مشاركتكم وارئكم حول الموضوع؟

[mohamed yousef]

موضوع جي على الجرح ههههههههه

الموقف ده حصل معايا بالظبط

هاقول الموقف وهطول عليكي شوية

كنت مرة مسافر ، وكان فيه كرسي جنبي فاضي ، المهم قلت في سري كده يارب مايكون حد رخم يرخم عليا ، نفسي ياااااارب في موزة تكون جامدة كده ههههههههههههههه

المهم لسه ماخلصتش الكلام ولاقيت بنت في حدود 21 سنة ، المهم لابسة لبس جميل ومحترم ومافيش اي مشكلة، وفضلت ادردش معاها واخدت رقمها وكل حاجة تمام هههههههههه
وفضلت طول الرحلة بنفس اللبس مافيش مشكلة ، وقبل فترة من الوصول ، بصيت لقيتها قامت ، ورجعت حد تاااااااااااااااااااااااااااني هههههههههه ، بلبس تاني بشكل تاني ، انا مصدقتش نفسي والله ، بس بصراحة اتكسفت اقولها ليه عملتي كده ...

لكن بعدها بأسبوع عرفت ايه اللي خلالها تعمل كده ، بس طبعا ما ينفعش اقول ليه ..

وده كان موقف غريب حبيت احكي لما لقيت موضوعك الغريب هو كمان

شكرا على الموضوع

[همس االحنين]

خلعت الحجاب لانها لابستوا مش اقتناع انه فرض

لابساه كعاده في بلدها

وربنا يهدي يا قمر

[đΘόđΘό]

انتي عارفه انا شفت المشهد ده بعيوني ومكنتش مصدقه

وحده لابسه نقاب وعبايا وطرحه و قفازات

واول ماقالو دخلنا على الدوله الفلانيه لقها راحت الحمام ورجعت وحده تانيه القصير والضيق

كان ربنا في الدوله الي كانت منقبه فيها ومش موجود في الدوله التانيه استغفر الله

المهم

ده بيبقى عادات وتقاليد ان الدوله فرضت الحجاب فاول ما شعب يلاقي متنفس يفلت على طول

وده مفهوش خوف من ربنا

تسلم الايادي ياقمر

[لمسه شقاوه]

اكيد لو كانت مقتنعه فيه ما كانت خلعتو

[ماتركس]

السلام عليكم ياا بنت خااصه
اوحش حااجه في الدنياا انوو الانساان يتووب وبعدين يعصي ربناا سبحاانه وتعاالي
ده اكيد بعد عن الدين والنااس مبقتش مقتنع بحااجه اسمهاا دين
كل وواحد بيقووال انا احسن من غير اناا يدووب شيلت الحجااب طب ليه
النااس بعدت عن ربناا بعداا تااماا
والله انا ازدت حيره ياا سااره

[تيا]

لو المرأه غير مقتنعه بالحجاب لماذا تتحجب اصلا؟
ممكن أهلها هما اللي فرضوه عليها وهي مش مش عايزة تتحجب دلوقتي
العادات والتقاليد الغبيه اللي ساعات بيفرضوها على الأطفال يعني عيله عندها سبع سنين يلبسوها حجاب وهي مش فاهمه حاجه ولما تكبر وتجيلها فرصه تعمل كده
أو أن الحجاب من العادات والتقاليد اللي يجب الالتزام بها داخل البلد فقط؟؟؟؟
ايوة ممكن لأن البنت لو ملبستش الحجاب يقولولك ايه البنت كملت ...سنه ولسه متحجبتش فاجرة وقلية الأدب
أو هذا نوع من النفاق الاجتماعي؟؟؟؟
ساعات بيبقى نفاق اجتماعي للي مش مقتنعين بيه وساعات بيبقى عكس كده خالص طبعا

وميرسي يا جميل على التوبيك

[hema elngm]

الاول ازيك يا سبشيل وطبعا مواضيعك مهمة ومميزة كعادتك يعنى ....

انتى قولتى كلمة ممكن تختصر كل حاجة دا اسمو نفاق اجتماعى فعلا هو نفاق بشكل عام

بس بما انها بتلبس الحجاب عشان الناس بس يبقا نفاق اجتماعى ...... تسلم ايدكـ

[special girl]

اقتباس المشاركة الأصلية كتبت بواسطة mohamed yousef موضوع جي على الجرح ههههههههه الموقف ده حصل معايا بالظبط هاقول الموقف وهطول عليكي شوية كنت مرة مسافر ، وكان فيه كرسي جنبي فاضي ، المهم قلت في سري كده يارب مايكون حد رخم يرخم عليا ، نفسي ياااااارب في موزة تكون جامدة كده ههههههههههههههه المهم لسه ماخلصتش الكلام ولاقيت بنت في حدود 21 سنة ، المهم لابسة لبس جميل ومحترم ومافيش اي مشكلة، وفضلت ادردش معاها واخدت رقمها وكل حاجة تمام هههههههههه وفضلت طول الرحلة بنفس اللبس مافيش مشكلة ، وقبل فترة من الوصول ، بصيت لقيتها قامت ، ورجعت حد تاااااااااااااااااااااااااااني هههههههههه ، بلبس تاني بشكل تاني ، انا مصدقتش نفسي والله ، بس بصراحة اتكسفت اقولها ليه عملتي كده ... لكن بعدها بأسبوع عرفت ايه اللي خلالها تعمل كده ، بس طبعا ما ينفعش اقول ليه .. وده كان موقف غريب حبيت احكي لما لقيت موضوعك الغريب هو كمان شكرا على الموضوع

موزه جامده؟؟؟؟ههههه ايه الكلام ده؟؟

بس انت قلت موقف لكن فين رأيك لكن شكرا محمد لمرورك واتمني اشوف رأيك؟؟

[special girl]

اقتباس المشاركة الأصلية كتبت بواسطة همس االحنين خلعت الحجاب لانها لابستوا مش اقتناع انه فرض لابساه كعاده في بلدها وربنا يهدي يا قمر

فعلا اذا هي مقتنعه كان الحال غير؟؟

ربنا يهديهم ان شاء الله وشكرا ليكي...