لماذا الرجل يفضل زوجته على أهله ولماذا الزوجه تغار من اهل الزوج (موضوع بفلفل أحمر

[حَرفُُ هجآءّ]

بسم الله الرحمن الرحيم

الموضوع للنقاش وحار أيضآ أتمنى اللي يدخل يضيف على الموضوع

ولايطلع والصفحة من وراه بيضاء ..

ليه الزوج لما يتزوج يفضل زوجته على أهله ؟؟

ايه اللى عند الزوجه مالقاهوش عند أهله ؟؟ طيب واللي لقاه عند زوجته معقوله للدرجة دى؟

ينسى أهله ويقدس كلام زوجته على أمه ..

طيب الزوجه ليه إذا تزوجت الرجل أول ناس تغار منهم هم أهل الزوج ؟؟

يعني مفيش حد هيحبه غيرها ؟؟

وإلا يعني كلهم يكرهوا إلا هى ؟؟

صراحة قمة التخلف إن الزوجه تغار من أهل زوجها ..

يابنات احنا بنخذه جاهز مجهز لاحملنا فيه ولا ولدنا فيه ولا انتظرناة لحد ما خلص تعليمه

ولا إنتظرنا يتوظف ولا اهتمنا ندور له عن زوجه ..

وفى الأخر ياااااويله إن مدح أخته وهي لا ..

وياويله إن اتصلوا أهله عايزينه يقضلهم مصلحه

على طول تقول : ليه مفيش حد غيرك يبعتوة ..

والله اللي يشوف بلاوي المتزوجين ومشاكلهم يحلف انه ما يتجوز ابدا

سؤالى للبنات ليه البنات لما بتتجوز بتغير من اهل جوزها؟

سؤالى للشباب ليه لما تتجوزا بتسمع لمراتك اكتر من اهلك؟
وايه اللى ممكن تعمله عشان تحد من الغيرة دى؟

آرجوآ التفاعل

[big bốss]

اممممممممممممممممممممممممممممممممم


شكرا Bright Star



على الطرح المميز


طبعا الراجل مش المفروض يسمع كلام مراته ويفضلها عن اهله


لازم يوفق بين الاتنين


والكفه الميزات مترحش لحد على حساب التانى


العقل والدين والضميربيقولوا كدا


والله يكون فى عون الراجل


والحل هو انه يعيش منعزل عن اهله فى سكن خاص بيه

[đΘόđΘό]

شوفي انا شفت نموذجين

الاول ولد عاق بأهلو بسبب مراتو وبقى بيمشي برئيها

والتاني واحد منكد على مراتو الغلابانه بسبب مكر امه

الاولى الحمى طيبه بس الزوجه لئيمه

والتاني الزوجه طيبه والام لئيمه

يبقى مفيش قاعده عامه للموضوع

العيب في مين مش عارفه
يمكن في الولد الي بيمسح شخصيتو عشان يرضي امو او زوجتو ومش عارف يحكم بيتو

او في البنت الي غلبانه لدرجعه ان حماتها تخرب بتها او تكون البنت شريره وسوسه وتخرب بتها بأديها

ولا الام الي معتقده ان الولد ده ملكها وملهوش حياه ولا استقلاليه ولازم تحترم



ميرسي على الموضوع

[ندى الجميلة]

لمسات

السلام عليكم

بصى ياقمر الموضوع مش بيوصل للغيرة لكن انا بشوف عند قريبى المتجوزين

ان الزوج هو صاحب الأسرة دة وهو الأساس فيها علشان كدة بيكون اولويت الجهد ليها

ودة طبعا ما يمنعش انة يشوف اهلة وطلبتهم لان اللى ما لوش خير فى اهلة ما لوش خير فى حد

انما غيرت الزوجة من الأهل دة بيكون لانها مش عاوزاة يشوف غرها وسعات بحس من ناس

اذا اتعملت مثلا مع عمى مراتة بتغير وبتحسسنى انى هخطفة ولكن دة بيخلينى اقعد اضحك وبس

و دة طبعا بيكون انعدام ثقة فى نفسها

ولكى منى كل الأحترام والتقدير

عاشقت الحياة

[ماتركس]

السلام عليكم والله هووه مووضووع منتشر جداا بس عاايز اقووال حااجه اللي بينس اهله علشاان زووجته
يبقي هيجي يووم وهينسي مرااته
علشاان مفيش اغلي من الاهل والاب والام
واذاا كاان اهلووو رخصوو عليه للدرجه دي يبقي هيجي يووم من الاياام وهترخص عليه زووجتوووو
وهيسبهااا في يووم
ولووو الزووجه هيه السبب الرئيسي انهاا هياا اللي كرهتوو فيهم دي متبقااش زووجه ويااريت يسبهاا في الحاال
علشااان الاهل دووال اعز ناااس في العالم بعد ربناا

[نانـــــو]

ليه الزوج لما يتزوج يفضل زوجته على أهله ؟؟ ههههههههههههههه وحياتك عندى ابدااااااااا سواء مظلومة او ظالمة انا الى بيجى عليا بس هقول ايه , بس طبعا انا ضد مفيش اصلا وجه مقارنة اهله هما اهلى صحيح بيطلعوا عينى ومورينلى النجوم فى عز الظهر بس بحبهم والله ,يه اللى عند الزوجه مالقاهوش عند أهله ؟؟ طيب واللي لقاه عند زوجته معقوله للدرجة دى؟ لا ياحبيبتى الموضوع مش كده بس هو عايز يحس انه خلاص بقى له بيت واسراره الخاصة عايز يخرج من اطار البيت علشان يحس بطعم الزواج ,طيب الزوجه ليه إذا تزوجت الرجل أول ناس تغار منهم هم أهل الزوج ؟؟ لا ابدا والله انا اصلا معتبراهم اهلى ,سؤالى للبنات ليه البنات لما بتتجوز بتغير من اهل جوزها؟ هى مش بتبقى مسالة غيرة بس هى مسالة انها عايزة تحس ان جوزها ليها وعايزة تحس بالاستقلال بعيد عن الاهل لكل الطرفين ,ايه اللى ممكن تعمله عشان تحد من الغيرة دى؟ انها تعاملهم زى اهلها واكيد الغيرة هتزول , مرسى ياحبيبة قلبى على ماطرحتيه من تميز وياريت تقبلى مرورى ياقمرررررررررررررر

[fankosha]

مش كل زوجة زى التانية
يعنى مش كلهم بيغيرو من اهل جوزهم
وعادتا هو بيفضل اهله على مراتة
مش بيفضل مراتة على اهله
دى نادرة اوى
ولو فضلها على اهله
بيكون حاسس بالاستقرار معاها

ولو هى بتغير من اهله
يمكن عشالن بتحبة بتحس انهم واخدينة منها

للتغلب على كدا
كل واحدة مقبلة على الجواز
لازم تعرف
ان الزوج دائما اهله في المقدمة
لكن بحدود

تسلم ايدك
تقبلى مرورى

[شاعر واسير الحب]

اشكرك علي طرحك الموضوع
سؤالى للبنات ليه البنات لما بتتجوز بتغير من اهل جوزها؟

ماليش دعوة بالسؤال هذا هههههههههه


سؤالى للشباب ليه لما تتجوزا بتسمع لمراتك اكتر من اهلك؟
وايه اللى ممكن تعمله عشان تحد من الغيرة دى؟

احنا لسه علي البر ولكن اللي بنشوفة غلط واللي يسمع كدا خطأ في حقه وحق اهله هل جزاء الاحسان من الاهل الينا الجفاء
هل علمنا الدين كدا ولا احسنا علي المعاملة الحسنة
ونري في قصة سيدنا ابراهيم لابنه سيدنا اسماعيل القدوة الحسنة في زوجتين لسيدنااسماعيل الاولي كانت غير مؤهلة لان تكون زوجة فتم طلاقها بامر من سيدنا ابراهيم بقوله بلغي زوجك ان يغير عتبة الدار وتم
والثانية قوله بلغية ان يثبت عتبة الدار ففعل

هذا بالمعاملة الحسنة

وما يحدث الان البعد عن الدين وعقوق عقوق والدين

وكلمة في سرك الطيور علي اشكالها تقع


اشكرك وتقبلي مروري

[حَرفُُ هجآءّ]

اقتباسالمشاركة الأصلية كتبت بواسطة نوررراممممممممممممممممممممممممممممممممم


شكرا Bright Star



على الطرح المميز


طبعا الراجل مش المفروض يسمع كلام مراته ويفضلها عن اهله


لازم يوفق بين الاتنين


والكفه الميزات مترحش لحد على حساب التانى


العقل والدين والضميربيقولوا كدا


والله يكون فى عون الراجل


والحل هو انه يعيش منعزل عن اهله فى سكن خاص بيه

ميرسى لمرورك نوررر
هو فى بعض الزوجات فى بيوت العائلات ياما بتكون ظالمه ياما مظلومه
وصح كلامك انهم يعيشوا فى سكن منفصل
مع انى اعرف ناس عايشيين مع بعض فى بيت العيله وبيكونوا احسن بكتير من انهم يكونوا منفصلين
ده بيرجع ان الزوجه بتعتبر ام الزوج واخواته زى امها واخواتها
وبرضو اهل الزوج يعاملوها على انها بنتهم
امممم
ميرسى لمرورك الجميل

[حَرفُُ هجآءّ]

اقتباسالمشاركة الأصلية كتبت بواسطة بنت مصر dodo1992شوفي انا شفت نموذجين

الاول ولد عاق بأهلو بسبب مراتو وبقى بيمشي برئيها

والتاني واحد منكد على مراتو الغلابانه بسبب مكر امه

الاولى الحمى طيبه بس الزوجه لئيمه

والتاني الزوجه طيبه والام لئيمه

يبقى مفيش قاعده عامه للموضوع

العيب في مين مش عارفه
يمكن في الولد الي بيمسح شخصيتو عشان يرضي امو او زوجتو ومش عارف يحكم بيتو

او في البنت الي غلبانه لدرجعه ان حماتها تخرب بتها او تكون البنت شريره وسوسه وتخرب بتها بأديها

ولا الام الي معتقده ان الولد ده ملكها وملهوش حياه ولا استقلاليه ولازم تحترم



ميرسي على الموضوع

فعلا هى ملهاش قاعده معينه
وزى ما قولتى احيانا بيبقى العيب من الزوجه او من الام
والمفروض ان علاقه الزوج بامه واهله ملهاش علاقه بعلاقته بزوجته
وكمان بيختلف الحب والعلاقه
مش معنى انه بيحب مراته انه ميحبش اهله
ده حب وده حب مختلفين تماما عن بعض
وميرسى ياقمرايه على مرورك الجميل