البلد اللى متعرفش حد فيها.................واجرى فيها

[حَرفُُ هجآءّ]

بسم الله الرحمن الرحيم

السلام عليكم ورحمة الله وبركاته

فى البدايه

ازيكوا ياحلى اعضاء

موضوعى النهارده بسبب اننا دخلين على فصل الصيف

اللى الناس بتقلع فيه

متستغربوش

عايزة فى الاول اقولكم انى عايشه فى اسكندريه

وزى ما كلنا عارفين انها مدينه ساحليه

والبحر بقى والجو والكلام الجميل ده

نيجى للمهم

طبعا فى الصيف الناس بتزهق من الحر وخصوصا اللى بعيد عن المدن الساحليه

عرب واجانب

احنا هنا فى اسكندريه على سبيل المثال فى اى فصل تانى غير الصيف بيكون اللبس عادى

وفى طبعا اللى بتلبس محزق وملزق كل مكان فيه وفيه

لكن مثلا فى الصيف مش بنلاقى اسكندرنيه بيلبسوا مثلا مايو بيكينى

كنت هنزل صور للموضوع بس ممكن يتحذف

طبعا احنا بنشوف هنا بلاوى فى الصيف

اقسم بالله دى الحقيقه

معظم المصيفين بيجوا هنا واسهل حاجه بيعملوها انهم يقلعوا

ده حقيقه بشوفها بعينى مش كلام منتديات

وقال ايه بقى تشوف البنت لبسه مايو بيكينى وراكبه ورا شاب على بيتش

بجى ومنظر مقرف بصراحه

بذمتكم ده منظر؟

نيجى بقى للاهم اللى هى ياحلوين ياللى بتروحوا المصايف وتقلعوا وبتلبسوا ما لذ وطاب للشباب والاجسام ما شاء الله

مفيش حاجه ستراها

ليه بتعملوا كده ؟

هتقولوا الحر والشمس ولا هتقولوا ده مصيف؟

طبعا انا مش بوجه كلامى لحد بعينه انا بتكلم على العموم

وليه فى الاصل لبسهم العادى فى مكان سكنهم وشغلهم غير اللى فى المصيف؟

تعالوا بقى نسال بنت يابنتى ليه لبسه كده

تقوم تقولك يوووو هما يومين فى السنه مش هيتكرروا اللى فين وفين

واللى احنا بنمشى على رأى المثل اللى بيقول

البلد اللى متعرفش حد فيها.................واجرى فيها

والله انا بخرج فى الشتى اكتر من الصيف لان بصراحه المناظر فى الشارع مقرفه جدا

ومثلا معظم الجيران واللى فى المنطقه بشوفهم طول الوقت

وفى الصيف بشوفهم عاديين مش بيقلعوا

غير بقى الشباب مش هيشوف البنات لبسه بيكينى وهيسكت

انا مش بقول طبعا ان المدن الساحليه مفهاش المناظر دى

لا فيها بس قله قليله

ياريت حد يقولى ليه لبس المصيف مختلف تمام الاختلاف عن العادى؟

هو ربنا فى مكان السكن والمصيف لاء؟

احب اقول انا مش بوجه كلامى لحد على بتكلم على فئه معينه من الناس

[حياتي ذكريات]

السلام عليكم
بصي انا بروح اسنكدرية كتير وبحبها اوي بس اللي مش
بيعجبني فيها المناظر اللي فيها واللي بيلبسوه البنات يعني
تلاقي بنات حتى محجبات على البحر رافعين التي شيرت لنص الإيد
والبنطلون برمودا يعني ده ينفع مع حجاب ما تشيل الطرحة بقى ما دام انها
لابسه كده او تلبس الحجاب عدل ولا لو رحتي مثلا حمامات سباحة حدث ولا حرج
من اللي بنشوفه هناك بجد مناظر وحشة اوي وعلى فكرة أغلب البنات بيقولو
هما يومين نقضيها ونرجع للحجاب تاني وانا اعرف بنات كتير كده في المصايف
تقلع الحجاب ولما ترجع بلدها تلبسه ولا كأن حاجه حصلت
بس على فكرة اسكندرية اهون بكتير من مناطق تانية زي شرم الشيخ والغردقة
والحجات دي ... تسلمي على موضوعك يا قمراية
تقبلي مروري وتحياتي

[тoкα..♥]

موضوعك توحفه اوي يا اسيل
انا روحت اسكندريه مرتين او تلاته ونفس الكلام اللي بتقوليه ده بيحصل فعلا
بنحس ان هما مش رايحين عشان يتبسطوا ويتفسحوا لا رايحين عشان يعصوا ربنا ويوقلوا للناس احنا جسمنا رخيص علبنا عاتي نقلع نلبس احنا احرار
وفيه ناس مشاء الله بتكون محترمةجدا فعلا وهيا ديه اللي انا بحترمها
يسلمو يا قمر على الموضوع
تحياتي,,,,,,,

[نانـــــو]

ههههههههههههههههههههههههههه موضوع جامد ياقلبى انا رحت اسكندرية بس مش كتير بس لسه مشفتش المناظر دى ههههههههههههههههههههه المهم ياعمرى انتى قلتى البلد الى محدش يعرفك فيها وحنا عارفين الباقى ياقلبى بس تقولى ايه بقى انحلال انا بروح مصيف تانى غير اسكندرية شفتى فيها بلاوى يا اختى لا تقوليلى مارينا ولا العجمى ههههههههههههههههههههههه يسلمووووووووووووو ياقلبى وياريت تقبلى مرورى ياقمرررررررررررررررر

[fankosha]

اسيل انا فعلا كل صيف اشوف المناظر دى فى اسكندرية
وسمعت المثل ده كتير يعنى انتى الى جاية تصيفى ربنا شايفك فى بلدك وفى اسكندرية لا
ربنا يهدى الجميع
اشكرك لطرحك تقبلى مرورى

[حَرفُُ هجآءّ]

ميرسى يابنوتات على رأيكم ومروركم الجميل

الكلام ده بينطبق على كل المدن الساحليه

والمفروض يكون فى ايمان بربنا

وان ربنا فى كل مكان وفى كل وقت

واللى بيعاقب الانسان على كل الاخطاء

[EMoOoO]

انا كل سنة تقريبا بروح اسكندرية .. وكل سنة تقريبا بتزيد المناطر دي عالبيتش عن السنة اللي قبلها لدرجة ان الواحد بقى يحب يقرب من البحر اوي ويروح الصبح بدري من 6 عشان ميشوفش المناظر دي بجد

بس ربنا يهديهم
ميرسي يا قمر عالموضوع الجميل اوي

[اميره الحب والعذاب]

بصي انا بحب اسكندريه في الشتي اوي
بيكون في هدوئ وشكل ابحر وهو هايج بيكون تحفه
بس هو عندك حق
ربنا موجود في كل مكان وده الي كتير مبيخدوش بالهم منه
يعني الي تقولك مهو كل الناس بتعمل كده
اللهم احفظنا يارب
بس عارفه ده بيكون نتيجه حاجه واحده
انا احنا مبقناش بنعمل اي حاجه واحنا مقتنعيني ببيها
يعني بقي الي بيتحكم فينا الناس والعادات
مش ربنا والدين
تسلم الايدي
تقبلي موروري
اميره العذاب

[حَرفُُ هجآءّ]

اقتباسالمشاركة الأصلية كتبت بواسطة EMoOoOانا كل سنة تقريبا بروح اسكندرية .. وكل سنة تقريبا بتزيد المناطر دي عالبيتش عن السنة اللي قبلها لدرجة ان الواحد بقى يحب يقرب من البحر اوي ويروح الصبح بدري من 6 عشان ميشوفش المناظر دي بجد

بس ربنا يهديهم
ميرسي يا قمر عالموضوع الجميل اوي

فعلا احنا كمان بنروح البحر بدرى الساعه 6 عشان نبعد عن المناظر دى

وكمان عشان بيبقى فى شويه خصوصيه

ميرسى على المرور

[حَرفُُ هجآءّ]

اقتباسالمشاركة الأصلية كتبت بواسطة love&painبصي انا بحب اسكندريه في الشتي اوي
بيكون في هدوئ وشكل ابحر وهو هايج بيكون تحفه
بس هو عندك حق
ربنا موجود في كل مكان وده الي كتير مبيخدوش بالهم منه
يعني الي تقولك مهو كل الناس بتعمل كده
اللهم احفظنا يارب
بس عارفه ده بيكون نتيجه حاجه واحده
انا احنا مبقناش بنعمل اي حاجه واحنا مقتنعيني ببيها
يعني بقي الي بيتحكم فينا الناس والعادات
مش ربنا والدين
تسلم الايدي
تقبلي موروري
اميره العذاب

فعلا ياقمر اسكندريه فى الشتى احلا بكتير

وخصوصا لاهلها

بس احنا طبعا نتشرف اننا بيجى لينا من كل مكان

بس فى الصيف بنفتقد الخصوصيه

وصح فعلا ان فى ناس بتمشى وراى التقليد الاعمى

ونسيت ان فى ربنا

ميرسى اميرة على المرور