اللعبة الاختبارية ادخل و جرب!!!!!!

[flower naughty]

ممكن تركز معايا شوية مش هاخد من وقتك كتير ممكن تعمل الماسنجر اوف لاين ولو بتلعب روندهارس او اى جيم تانية سبها بس لمدة خمس دقائق
احنا هنلعب مع بعض لعبة مختلفة...... يمكن تعرفك شوية حاجات عن نفسك
لو انت لسه موجود فى التوبيك يبقى انا هفترض انك فعلا مركز معايا فى الحالة دى هقولك اللعبة عبارة عن ايه؟
بكل بساطة انا هسالك شوية اسئلة و بعد كل سؤال توقف المسطرة و فكر فى الاجابة و بعدين كمل و فى الاخر هتفهم الحدوتة كلها!!!!!
>يلا بينا<




دلوقتى ياسيدى انت فى غابة....اوصف الغابة دى؟؟؟؟ و حاسس بايه؟؟؟؟ يعنى قلقان..مطمن..فرحان..زعلان يلا خد وقتك و فكر

و انت ماشى فى الغابة لقيت فنجان فى الارض.....اوصف الفنجان دا؟ شكله ايه؟؟ و انت ماشى هتخده معاك؟؟ ولا لا؟؟ ............خلاص قررت تمام

و بعدين و انت مكمل رحلتك فجاة لقيت اسد جاى نحيتك هتتعامل معاه ازاى؟؟

و بعد مع اتعملت معاه بالطريقة اللى انت قررتها و مكمل الرحلة لقيت بحيرة...اوصفها؟ و فكر كدا هتنزلها.. هتقعد عليها...هتتجهلها تماما...... شوف انت هتتعامل معاها ازاى

ها فاكر اجابتك كويس..............افتكرها كويس عشان احنا هنروح للمرحلة الاخيرة






انت دلوقتى فى صحراء...زى ما وصفت الغابة و احساسك فيها...اوصف الصحراء و احساسك وانت فيها

بعد كدا وانت ماشى فى الصحراء لقيت صندوق؟ شكل الصندوق دا ايه؟؟؟ و لما تفتحه هتلاقى فيه ايه؟

خلصت الصندوق......و انت ماشى فى الصحراء بعد كدا لقيت سلم شكل السلم دا ايه؟؟؟ طويل ولا قصير؟؟ و لو وقفت عليه هيشيلك؟؟ و انت ماشى هتخده معاك؟؟

خلى بالك مهم اوى انك تكون فاكر اجاباتك.............يلا نكمل

وانت مكمل مشى فى الصحراء لقيت حصان اوصف الحصان دا كويس و بالتفاصيل؟؟ و بعدين فكر كدا الحصان دا هيامنلك؟؟ و انت هتتعامل معاه ازاى؟؟؟ و هتخده معاك؟؟؟ و لالا؟؟

اخر حاجة بقى..... وانت ماشى فى الصحراء دى لقيت سور....السور دا طويل و عريض....انت مش شايف اخره ولا طوله ولا عرضه.......هتتعامل مع السور دا ازاى؟؟؟ قدامك احتمالات كتير تعقد تحت السور و تستنى الفرج... تمشى جانبه لغايه ما تجيب اخره.....تحاول تفتح فيه فتحه....شوف و يلا فكر......

>خلاص كدا خلصنا<

يلا بقى نعرف بسرعة دلالة كل سؤال ايه؟؟؟؟؟؟؟؟؟؟؟؟


الغابة و الصحراء هما حياتك اللى انت عايشها فاكر انت وصفتها ازاى؟؟؟و كان احساسك فيهم ايه؟؟؟

ندخل بقى على الحاجات اللى كانت فى الغابة الاول................... الفنجان هما الناس اللى انت بتقابلهم فى حياتك و رايك فيهم ايه؟؟
و الاسد هى المشاكل و طريقة تعاملك معها؟؟
البحيرة بقى هى الحياه العاطفية انت وصفتها و قلت هتنزلها ولا لا؟؟


فاضل الصحراء......... الصندوق هو انت من جوه فاكر انت لقيت جواه ايه؟؟
و السلم هما الاصدقاء..عشان كدا سالتك هو هيشيلك ولا لا؟؟ و اذا كان طويل ولا قصير؟؟
اما الحصان بقى هو شريك الحياه انت وصفته و قلت هتتعامل معاه ازاى؟؟
اما السور ياسيدى هو القدر بكرة المستقبل...طريقة تعاملك مع السور دا هى نفس طريقة اللى انت بتحاول تعرف بيها بكرة عامل ازاى......................بس كدا احنا خلصنا.... ممكن دلوقتى تعمل الماسنجر اون لاين

[Loyalty]

ثـــــــــــــــــــــانــــــــــــــكـــــــــــ س على التوبك يا ايمى

[flower naughty]

اقتباس المشاركة الأصلية كتبت بواسطة لولو95 ثـــــــــــــــــــــانــــــــــــــكـــــــــــ س على التوبك يا ايمى

شكرا يا لولو و ياريت تكون عجبتك

[فراوله بالعسل]

[sokara]

تسلمين على الاختبار الرائع
تقبلى مرورى وتحياتى

[flower naughty]

اقتباس المشاركة الأصلية كتبت بواسطة فراوله بالعسل

العفو و يارب تكون اللعبة عجبتكم

[flower naughty]

اقتباس المشاركة الأصلية كتبت بواسطة sokara تسلمين على الاختبار الرائع تقبلى مرورى وتحياتى

ثانكس و ميرسى لمرورك