الحقووووووووني خطيبي رفض يغضب ربنا وانا كنت عايزه؟؟

[شاعر واسير الحب]

السلام عليكم ورحمة الله وبركاته

اصدقائي


الحقووووووووني خطيبي رفض يغضب ربنا وانا كنت عايزه؟؟

قالت

انا ندمااااااااااااااااااااااانه ولو حد فيكم مسكني دلوقتي وضربني بالجزمه مش هقول ولا كلمه انا استاهل ان انا اموت بس خايفه اقابل ربنا هقوله ايه
بصوا حكايتي ومشكلتي الغبيه الي انا عملتها اولا انا مخطوبه وخطيبي متدين فوق ما تتخيلوا هو اصلا لما بيكلمني بيستحرم يقولي وحشتيني بيقولي قريتي قران صليتي ذاكرتي النهارده بيساعدني ابقي كويسه ويفضل يكلمني في كلام عام ويقوللي ان شاء الله اول لما نتجوز نعمل عمره في اول شهر جوازنا صدقيني هتبقي متعه اكتر ا نروح اي مكان تاني
هو اصلا شغال في السعوديه ولما نتجوز هسافر اعيش معاه ان شاء الله
المهم ان انا بحبه فوق ما تتخيلوا لانه مفيش زيه اتنين
بس اعذروووووووني اخر مره كنت بكلمه نت شغلت الكام وانا علي طول بشغلها ببقي لابسه محترم والحجاب يقولي مش هتلبسي ملحفه بقي اعملي حسابك في نقاب بعد الجواز ويتكلم معايا عن الجنه وحلاتها وعن اولادنا هنربيهم ازاي وازاي نرضي ربنا


اخر مره انا كنت علي النت وقعدت اقرا في مواضيع رومانسيه بيني وبينكم اتحرق دمي مع اني واثقه انه بيحبني


اول لما دخلت نت بيقولي السلام عليكم

عامله ايه وايه اخبارك قلتله كويسه .. بطريقه ناشفه

قاللي مالك في ايه قلتله هو انا وحشتك ولا ...لا

قاللي اكيد طبعا قلتله ........امال ليه مش بتقولي كده مبتحسسنيش بكده ليه قالي لو مش بتحسي انك وحشاني وبتحسي بحبي ليكي يبقي انتي مبتحسيش


قلتله بس لازم اسمعها قاللي هتسمعي كل الي انتي عيزاه بعد الجواز ..........؟

رحت معيطه بجد قاللي مالك في ايه واهدي .. وصدقيني احنا كنا احسن من غيرنا خللي ربنا يكرمنا ويرضي عننا ويجمعنا في الحلال قومي صلي واستغفرى ربنا وقعد يهديني
قلتله انا نفسي ابقي زي اي اتنين مخطوبين تقولي كلام حب انت نفسك فيا ولا لا قاللي ايه الكلام ده وجبتيه منين ومين كلمك النهارده .. قلتله عشان انا بحبك وعيزاك قاللي وانا كمان عايزك وهموت عليكي وربنا الي عالم بيا بس انا عايزك في الحلال وعمرى ما هغضب ربنا .. انا عايزك في شرع ربنا انا مش هعمل زي الناس اليومين دول .. سهل اوى عليا اكلمك كل دقيقه اقولك بحبك وحشتيني طيب هاتي بوسه زي اي اتنين مش انتي عايزه كده بس صدقيني الي بيعمل كده بعد الجواز مش بيبقي مبسوط .. قلتله بس ده احساس وانا تعبانه بجد .. انزل مصر قاللي حتي لو نزلت مصر هيحصل ايه ؟ قلتله نتجوز قاللي لسه شهرين قلتله طيب بس انزل علي الاقل تبقي معايا قاللي حتي لو نزلت هشوفك في بيتكم مع اهلك انسي الخروج وانسي اني اعاملك زيك زي اي بنت مش كويسه:

SuN008:
وفي الاخر انهارت من البكي والعياط واتاسفت ليه وقعد يهديني قلتله انا مش عارفه انا بقول كده ازاي
قاللي انا عارف انك كويسه وبتحبني وعيزاني لان انا كمان عايزك بس نصبر لازم نصبر هانت وكلها شهرين وتبقي معايا وهتسمعي احلي كلام صدقيني انا بحبك بس نفسي منغضبش ربنا نفسي نعمل كل حلال وقعد يقوللي والله لو تيجي هنا وتشوفي الكعبه وتعتمرى وتحجي هتعرفي حلاوه رضا ربنا بجد وهتدوقيها بجد
صدقيني الشيطان هو الي عامل فيكي كده قومي صلي واهدي وكلميني تاني
المهم قمت صليت وانا ببكي وبعيط ومحرجه من ربنا اوى وقعدت اتوسل لربنا يسامحني
وبعدين كلمته بتاسفله قالي انسي كل ده بقي


وقعد يكلمني علي العمره ويبعتلي صوره هناك لانه لسه عامل عمره
قلتله انا وحشه قاللي انتي ملاك بس انتي لسه صغيره والدنيا لهياكي صدقيني انتي احسن واحده شوفتها في حياتي وبعدين استاذن عشان شغله
وكلمني بعديها وقعد يسالني علي الشقه وقاللي انزلي انتي وماما عشان تكملوا بقيت الحاجات .. علي شقتنا يعني

وللعلم انا لابسه ملحفه
بس اقسم بالله انا محرجه من ربنا اووووووووى خايفه ربنا ميسامحنيش
بس انا والله عمرى ما غلطت ولا عملت حاجه حرام بجد
بالعكس ده انا ناويه البس نقاب بعد جوازى وكمان انا بحفظ في القران الكريم وخطيبي بيساعدني علي كده
انا مخنوقه اوى مخنوقه من نفسي بجد وندمانه
تفتكروا ربنا هيسامحني وهيغفر ليا
ولا يوم القيامه هابقي زي الكتاب المفتوح والناس كلها هتعرف
انا مخنووووووووووووووووووقه مخنوقه اوى انا دموعي مش بتنشف ابدا انا علي طول بسجد لله عشان يسامحني
يااااااااااااااااااااااااااااااااااااااااااااااااا ااااااااارب


اقولها كلمة طيبوا خاترها برد عشان هي تستراح



ايه هتشاركوا وتقولوا رأيكم[

ولا تقرأوا وتهربوا

[fankosha]

اولا هى انسانة كويسة بدال حسة بالندم
وربنا هيغفرلها ان شاء الله
وخطيبها انسان محترم وكويس جداا
والحب مش بالكلام لكن بالفعل
وياريت كل البنات تعمل ريها كدا لما تحس انها اغضبت ربنا
وتستغفر ربنا
وربنا غفور رحيم
تسلم ايدك يا شاعر
تقبل مرورى

[سـ الليل ـكون]

بسم الله الرحمن الرحيم

اللهم صل على محمد وعلى آله وصحبه أجمعين

اكيد ان شاء الله ربنا اطلع عليها وان شاء الله يسامحها
ده ربنا كبييييير اوى فوق ما تتخيلو

اللهم اغفرلنا اجمعين

[رحيق الجنه]

ان الله غفور رحيم
يارب يجمع بينهما فى الحلال ويبعد عنهم الشطان

[ندى الجميلة]

اسير

السلام عليكم

ربنا يهدى الحال ان شاء الله وان شاء الله ربنا هيسمحك علشان رحمت ربنا وسعت كل شيئ

وعارفة كمان ان شاء الله علشان انتى جواكى كويس ربنا هيتملك على الف خير وحياتك ان شاء الله زى خطيبك ما قال هتتبنى على رضا الله وهيبارك لكم فيها ويرزقكم ان شاء الله بالزرية الصالحة

ان الله مع الصابرين

وانا حسة بيكى جداااااااااااااا لان اى بنت بتتمنى انها تسمع كلام جميل وخصوصا من زوج المستقبل بتكون نفسها تحس انها كل حياتة وانة ما يقدرش على الحياة من غرها زى ما هى بتكون حسة

ولكى منى كل الأحترام والتقدير

عاشقت الحياة

[حياتي ذكريات]

السلام عليكم
أولا دي اكيد اما فكرت كده كله كان بفعل الشيطان
وهي ما دام حست بندم وزعلانة على اللي حصل
يبقى فيها خير وربنا غفوز رحيم
وربنا قال في كتابه الكريم
( قل يا عبادي الذين أسرفوا على أنفسهم لا تقنطوا من
رحمة الله إن الله يغفرالذنوب جميعاً )
فهي تدعي ربنا وتسأله التوبة وربنا يستجيب ويتقبل منها ان شاء الله
شكراً على الموضوع
خالص تقديري واحترامي لشخصك

[ندوووش]

حبيبتبي ..

ربنا يرحم ويغفر ويسامح ..

وخطيبك أنسان كويس وأنتي كويسة

الله يوفقكم

[تيا]

هههههههه تصدق كنت ههرب ومش هرد انت بتقرا أفكاري ولا ايه هههههههه هو موضوع حلو جدا
بس أنا مش عارفه أقول ايه يعني
أنا متعاطفه معاها جدا لأن المفروض حتى يقولها أي كلمه حلوة تفرحها ده حقها
عالعموم ربنا يهديها وان شاء الله ربنا هيغفرلها
وميرسي على التوبيك

[رووكه]

مش تقلقى ربنا رحيم بينا وعارف اننا مش نقصد اللى يغضبه وان شاء الله هتفرحى
وهتكونى اعظم زوجه معاه وربنا يوفقك يارب ويلا علشان نباركلك قريب يا احلى واطيب
عروسه

ويلا بقى عوزينك تنجحى وترفعى راس كل البنات ونفرح بفرحتك بوجودك مع زوجك الخلوق ربنا يوفقكم يارب

[القطه المشمشيه]

اولا تحياتى على الموضوع الرائع ده

يجد والله انا تعاطفت معاها وحسيت بيها قوى

بس ان شاء الله ربنا يسامحها دى مش غلطه كبيره
وبعدين هى عرفت غلطها
وربنا غفور رحيم

وبرضو خطيبها المفروض يحسسها حتى من غير كلام
مش لازم يقول كلام صريح
انه بيحلها
وربنا يهدينا جميعا ويارب تفرحوا قريب