حقك عليا

[Mo chahin]

حَقَك عَليَّا ..
أنا واد بألِّف شعرم شعرم .. عزمني مرَّه الباشا وحرَّمْ .
أحسن يبان العزّ عليَّا .. أطمع في حاجه بلاش واستَحْرَمْ .

قاللي الغفير انا مش مسئول .. راح العنب ومنين الفول .
يا عم روح الله يهديك .. ولو دخلت أنا مش مسئول .

الباشا قال فرمان للكلّ .. إنك يا شعرم شخص مملّ .
وإنك هجيته حسَدت غناه .. بالمفتشر هتشوف الذلّ .

قلت أعمل أيه ودي فتَّه ورز..وِسِيَّه هيصه تِمَزمِز مَزّ .
ياواد ياشعرم فين أفكارك .. طظ ف مبادئك ألفين طظ .

صممت إنِّي أكوِّن حزب .. أهم مبدأ فيه الكذبْ .
.
وعيش منافق تبئه كبير .. وخد شهاده ف فن النصب .

ودفعتلي كم قرش يابيه .. خليت بطاقتي رجل أعمال .
الشِعر جذمه وبُلت عليه .. غيرت إسمي بإسم حلال .

لعبت لعب وما تقوليش .. كل اللي أقابله ما بخلّيش .
وصبحت نائب عندي قناه .. شردح وبردح ذيي مفيش .

ويوم لقيت الباشا حبيبي .. ف مكتبي بينادي قريبي .
.
بأحلي بوس سلم بالحضن..شوف الزمن بين عقلي وجيبي!!

ليلتها بس بكيت للشعر .. حقك عليَّا يا صاحب العمر .
حسيت بروحي بترجع فيَّا .. وإن النَفَس بيقول أنا حرّ .

مش عبد واحد أو طرطور .. ومش منافق حتَّى غفير !!
ومش حرامي بخاف م الناس ..يمكن فقير أوي بس كبير .

حقك عليَّا يا حرف الناس .. صرخة آلمهم وباحساس .
حقك عليَّا يا نور العين .. وصوت غُنَايا يا مرحبتين .

[تاج الجمال]

حقك عليَّا يا حرف الناس .. صرخة آلمهم وباحساس .
حقك عليَّا يا نور العين .. وصوت غُنَايا يا مرحبتين .


انت بجد رهيب جدا
تسلم ايدك يا مبدع

[الملكة كيلوباترا]

كلماااات روعة

[طفشانه]

مشكوووووور والله يعطيك الف عافيه