سـيــادة الـبـيــه الـمـشــرفــــ !!!

[Engineer Semsem]

البيه المشرف..... بيحذف زي ما هو عايز ويحرر مشاركات برااحته خاااااااالص......مفكر انه مبيغلطش...ومستحيل حد يمسك عليه غلطة واحدة...






البيه المشرف ..فاكر انه علي رأسه ريشة ...وعمر ما بيتمسحله مواضيع ولا يتحررله مشاركة...طبعا ما هو البيه المشرف








سعادة البيه المشرف..يلف في كل حتة في المنتدي...ويشيل اللي ميعجبهوش ويخلي اللي بيعجبه....وان حطّ عضو في دماغي....يبقي يا ويله......








ديكتاتور وده طبعه...واللي مش عاجبه يبقي يدوق من غضبه

















السلام عليكم يا أخوننا...طبعا عنوان الموضوع يخض...والكلام اللي فوق يخض اكتر



بس بصراحة كدة وبدوووووووون مجاملة؟



عمرك ولا عمرِك قلتي الكلام ده عن مشرف/مشرفة ولو في سرك حتي؟













والله يا جماعة الحكاية مش كدة خاااااالص...ده كلنا زي بعض...عضو ولا مشرف...تفرق ايه؟



ما المشرف اللي بتقول عليه كدة كان في يوم من الايام عضو جديد ..وبدأ زي ما بدأت بمشاركة واحدة ...



يعني زيه زيك



بس هو يفرق عنّك في حاجة واحدة...انه شايل مسئولية انت مش شايلها






موضوع عايز تنسيق بينسقه...موضوع علمي أو اسلامي عايز مصدر موثوق فيه...يا بيطلب من صاحب الموضوع يجيببه يا اما بيدور هو عليه.. أو روابط ملفات وصور غير موجودة بيجددها وغيرها من الواجبات اللى عليه وكل ده عشان المعلومة في الأخر توصلك جاهزة وصح وموثوق فيها








حتي يا عم لو نقلك موضوع لقسم تاني...فيها ايه يعني...ما كدة أحسن برضه...بينظم الأقسام عشان تقدر توصل للي انت عاوزه بسهولة







ولو يا سيدي حذفلك موضوع...وماله..أكيد هو شايف حاجة انت مش شايفها....مفيهاش حاجة يعني



حتقوللي اشمعني المشرف مش بيتحذفله...ممكن وليه لأ؟ وحصلت قبل كدة والله بس من غير ما أذكر أسامي بقي









وأخييييييييييييرا



المشرفين يا جماعة ناس طبيعية والله...زيكم يعني...وشايلين علي راسهم مسئولية والله هو المستعان



محدش يزعل ولا يشيل من مشرف...موافقون؟والا انتوا عارفيييييييييين





وخلي الموضوع ده فرصة اللي شايل من مشرف ولا مشرفة يقول وبصراحة
( مع الالتزام بأداب الحوار الراقي)

[~♥ Queen sozan♥~]

هههههههه
انا قلت فى اية اية الكلام دة

بس انا الحمدلله عمرى ما قلت على حد كدة
بس ممكن يكون بيتقال علية لان انا مسكة اشرف فى بعض المنتديات وادارة كمان
فا اكيد بيتقال علية كدة بس طبعا لم صاحب الموضوع بيفهم سبب الحذف او
سبب نقل الموضوع بيشكر الادارى او المشرف بعد كدة
وكلنا عارفين ان الادارى والمشرفين عليهم مسئولية ربنا معاهم ويقدرهم
وشكرا على موضوعك بجد مميز

[نانـــــو]

يسلموووووووووووووووووووووووووووووووووووو على ماطرحته من جمال وانا مش شايفة انه مفهاش حاجة تزعل لو نقل الموضوع او حذفه اكيد هو شايف الى صاحب الموضوع مش شايفه يسلموووووووووووووووووو تقبل مرورى

[Engineer Semsem]

أكيد أى مشرف او مراقب او ادارى لما بيحذف موضوع او ينقله بيبقه بيشوف شغله مش غل او حقد على العضو هههههههههه

[سلطان الزين]

انا دائما انظر للإداره ومنها اقيس على الجميع!!

اذا كانت الإداره راقيه وواعيه ومثقفه فصدقني سوف يكون مراقبينها ومشرفينها على مستوى عالي من ناحية السلوك والإنضباط ..

امّا غير ذلك فينطبق عليهم المثل التالي((إذا كان ربّ الدّار بالدّف ضاربا=فشيمت اهل البيت كلّهم الرقص))

شكرا لك اخي الكريم...

[đΘόđΘό]

بصراحه عمري مقلت كده على المشرفين والاداريين بجد بيتحملو مسؤليه جامده ولو حصل منهم خطا اكيد عصب عنهم انا عضزه عاديه عشان الف على كل الاقسام مش بيكفيني يوم واحد فمابالك بالي بيتابع موضوع موضوع وعضو عضو بجد شي صعب انا بقول كده لاني جربت الاشراف ومقدرت عليه وانسحب من المنتدى الي كنت فيه لانو كام حمل كبير


تسلم الايادي على الطرح الجميل

[حنونة]

ههههههههههههههههههههه

خضتني يا سمسم انا قلت ايه اللي بيقوله ده

هو ناسي انه مشرف كمان و لا ايه؟؟؟

انا و الله عمر التفكير ده مكان فدماغي

يعني لو في حاجة غلط اكيد المشرف حيصلحها

و لو في حاجت منقوله و متكررة اكيد حيحدفها

كل واحد و ليه وظيفته و على العضو انه يحترم قراراته

مش يعمل اللي هو عايزه و خلاص

[fankosha]

زى ما قلت اى مشرف او الادارة لما بتحذف الموضوع تكون هى شايفة الصح
وانه
ده مينفعش
وعمره ما كان حقد ولا غل وهما بيشوفو شغلهم
تسلم ايدك يا سمسم
تقبل مرورى

[حياتي ذكريات]

السلام عليكم
أولاً انا بحييك على الموضوع ده اللي هنعرف منه رأي الأعضاء
في المشرفين وايه نظرتهم لينا أنا الأول كنت عضوة عادية زيي
زي أي حد غيري بس كنت مش بحس بالحمل اللي بيشيلوه المشرفين
صحيح كنت مشرفة في منتدى تاني وكمان في قسم النقاش بس
كان المنتدى لسه في بدايته فما كانش عليا حمل خالص
بس بجد حسيت دولوقتي بمدى المسؤلية وكمان فيه أعضاء كتير
بيزعلوا لما أنقلهم موضوع أو احذفلهم الموضوع بتاعهم يعني انا في
النهاية بحذفله ليه او بنقل ليه كله في النهاية هتنصب في مصلحته
احنا في النهاية هدفنا اننا نطور المنتدى ونخليه أفضل من الأول
تسلم على موضوعك ده يا سمسم .. موضوع جميل منك
خالص ودي وتقديري لشخصك

[محمد الشريف]

أنا من وجهة نظرى أن أطراف المعادلة ( العضو /ة .. المشرف /ة ..

الإدارة .. المراقبة ) كلها عناصر مؤثرة فى المعادلة وأوجه التميز فى

الأداء المتوازن والمناسب بين الجميع فالمشرف محل طرح هذا الموضوع

هو أخ وزميل يؤدى دوره المنوط به بموضوعية وحيادية وليس له مايميزه

عن غيره من الأعضاء ... بل هو من يتحمل مسئولية أى إخلال وتقصير

يستوجب مساءلته أو استبعاده من مكانه ، والمشرف أيضا معرض لأن

تحذف لم مشاركاته فى حالة خروجها عن الموضوعية أو مجرد الجنوح

عن أدائه لمسئولياته وفى نهاية الطاف فجميع أطراف المعادلة مطالبون

بالنهوض بالمنتدى والارتقاء به لإلى قمم سفوح الفكر الطيب والعطاء

المفيد والإفادة والاستفدة وسبحان الله تعالى الذى أختص ذاته العلا

بالكمال وبلوغه المطلق ..

مع تقديرى