جيرانا بياكلو تونه !!!

[oЯҜeĐα]

:smil ey9:
بسم الله الرحمن الرحيم
السلام عليكم ورحمة الله وبركاته






1

2

3
محمووووووووود

ايووووة

الجيران بياكلوا تونة ياحبيبي

احم احم احمين دايما بحب ابتدي مواضيعي بميلون دراما عربية هندية اصيلة

مش عارفة بقي يا هل حد فيكم شاف المشهد ده قبل كده ولا لع؟

انا متاكدة حتما ولابد ولزماً ومؤكدا وكل ادوات توكيد اللغة العربية اللي انا مش عارفاها

انكم شوفتوه هتقولولي منعرفش محمود هتقولولي مش بنحب التونة هقولكم برده شوفتوه

محدش يحدفني بطوب لو سمحتم لغاية مخلص بس وتفهموا

هدوا اعصابكم اتنين لموون والنبي ياعبد الجبار ليا اهدي اعصابي


الموضوع ياكماعة بيتكلم عن الحشرية دايما

من وانا صغيرةبسمع عن حكمة مثل مشهور مش هتفرق يعني المهم

بيقول اللي بيدخل فيما لا يعنيه يسمع ما لايرضيه

حد سمع الحكمة دي قبل كده== >> قاعدين في فصل احنا

شكلكم برده مش فهمتوا قصدي

الموضوع ومافيه ياسادة ==<< حلوة اووي الكلمة دي هبقي استعملها كتير

ايوة ياسادة لمذكر والانث بيتكلم عن الحشرية يعني اللي بيدخلوا دايما في شئون الناس

اكيد انت او انتي قابلتي ناس كتير كده حد من قرايبك جيرانك اصحابك دايما يحبوا يعرفوا

انتي عملت ايه وليه وازاي ولازم يبدوا رايهم وخدلك نصيحة واتنين مجانا

وتحس ساعات انهم ممكن يخدوا قرارات بدالك ويبتدوا يحللوا مشكلتك

ولو مكنتش مشكلة مع كل الناس اللي يعرفوهم

وتبقي حياتك شغلهم الشاغل ويعرفوا اخبارك قبل ماانت تعرفها== >> بتحصل بجد

كان لينا جارة زمان كانت متدينة اوي وتصلي وتصوم وتزكي بس تيجي تتكلم تتحول 180 درجة

دايما كانت تجيلنا تقعد 4 او 5 ساعات تبتدي قال الله قال الرسول وتلاقوا الموضوع انتهي

ازاي مرات اخوها تاكل جبنة ب400 جنيه في الشهر طبعا هي عندها حق شئ محير والله

بس ده برده ميمنعش ان ده غلط انها تتدخل في شئون غيرها كل واحد حر في حياته ان شاء الله

تاكل ب1139 جنيه و30 قرش وانا مالي وتستفيض في الحديث عنها ومساوها وازي تعمل كده وتخيل انها قالت كذا ده يرضي حد

وتستمر الجلسة 4 ساعات والي يغيظني في الاخر انها تقول وبكل ايمان صادق يلا هنعمل ايه كل

واحد حر في حياته ::


هل ياتري ديننا قال صلوا واقروا قرأن لكن ادخلوا في امور الناس واغتابوهم في غيابهم ؟

ونستمر في الحكايات ليا بقي جارة تانية دي زي العثل بموت فيها كانت دايما تجيلنا

بقي برده تحكي كل تفاصيل واسرار العمارة خدوا بالكم العمارة كانت 10 ادوار يانااااااااس

ودي اتعاركت ودي قالت ودي عملت وده قال معندهمش حق بصوا انا بعمل ايه شوفوا بيتي شوفوا

بيتهم وبرده دايما تختم الحديث بجملة كل الناممين

يحبوها موت دع الخلق للخالق


شوفوا بقي كلنا بنحب ننم محدش يقول لا سمعاك ياللي بتقول مش

بننم طب افتكر كده

عمرك ادخلت في اللي ملكش فيه ؟

طيب ركزوا بقي مع ميس هديل ياتري يا هل تري لما حكيتلكم عن جارتين الاتنين

ياتري قولت عليهم ايه في سركم اكيد قولتوا ايه ده وهما مالهم

ممكن تقول انا مش وصلت للدرجة دي

بس حط نفسك مكانهم وشوف الناس هتقول عليك ايه


بصوا بقي انا حبيت افضفض معاكم علشان انا مفروسة من الناس دي اووي يمكن افكاري مش

متترتبة اوي علشان الكي بورد اللي قاعد يكتب استحملوا بقي

يمكن المثالين اللي قولتهملكم بسيطين اووي بس في تدخلات تانية اقوال كتيرة وافعال اكتر بتاذي

اللي حوالينا

شوفوا كده وافتكروا كام واحد ادخل في حياتكم وكان نفسكم انكم تولعوا فيه او تاجروا اتوبيس

سياحي فاخر يعدي عليه عادي جدا خالص شغلوا الاضاءة بقي ونزلوا الستاير واقلبوا الادوار

وانتوا تفهموا قصدي ==>> متخدوش في بالكم

اتمني تكون الفكرة وصلتلكم

تحذير قاتل: ممنوع وضع كلمة شكرا وتهرب عايزة اعرف ايه رايك في اللي بيدخلوا في حياتك

وبتعملوا ايه معاهم ؟ وهل انت فضولي وبتحب تعرف كل حاجة وتقول رايك؟؟

تعرف حد زي جيراني الاعزاء دوول لو تعرف احكي موقف لو متعرفش احكي موقفين

بس كده خلاااااااااااااص


كانت معكم المفروووسة وبشدة سحابه من امام الكي بورد حسبي الله ونعم الوكيل فيك
ياافخرررررى
ههههههههههههههههههههههههه ههههههههههههه

[big bốss]

هههههههههههههههههههههه

ايه دا يا سحابه احساس انتى رغايه اوووووووووووووى


المهم موضوعك حلو


فيه ناس تحب تتحشر وتدخل نفسها فى امور لاتعنياها من قريب ولا بعيد


ودا سوء تربيه وقلت فكر وقلت علم


مش هقول غير ربنا يهديهم


ومرسي على التوبيك

ومين فخرى الى بتتسبنى فيه

[تيا]

ههههههههه يا نهارك كله ده شايلاه ف قلبك وساكته
بس بجد جامد الموضوع وجيرانك دول عسل الحمد لله معندناش جيران زيهم
بس الناس الحشريه دي ناس معندهاش دم واللي فيه طبع عمره ما هيغيره
وأنا بصراحه بتختق من الناس دي
في حاجه كنتي كاتباه في أول الموضوع ضحكتني أوي ومن ساعتها وأنا هموت من الضحك
يا محمود الناس اللي جنبنا جابو تونه ههههههههههههههه طيب هما ايه اللي عرفهم؟؟؟؟؟؟ دخلو بيتهم
لا طبعا
هما الناس أصحاب التونه دول هما اللي حابين يتفشخروا ويعرفوا الناس ان هم بياكلو تونه آل يعني مفيش حد بياكلها غيرهم وبعد ما يخلصوا التونه تلاقي أم محمود ولا مراته معرفش بقى تقول لمحمود ارمي القشر أو العلبه اللي كان فيها التونه بره قدام الباب عشان الناس تعرف اننا كنا بناكل تونة آل يعني كباب ههههههههههههه عالم تنقط معفنين
حصللي موقف زي ده الجيران اللي تحتنا معفنين جدا هههههه مش بحب أجيب في سيرة حد هههه
بصي تعدي من جنب الباب بتاعهم ترجعي من الريحه والله يا سحابه بتكلم جد
في مرة كنت خارجه من البيت لقيت تحت العماره جنب الباب قشر استاكوزة هههه أصلهم محدثين أول مرة الإستاكوزة تدخل بيتهم ويا عيني بقى ههههه أنا نفسي أعرف هان عليهم يسيبوا القشر ده إزاي دول كانوا بيفترسوها مش بياكلوها وفرحانين أوي
وراميين القشر قدام البيت كان ناقص يخلو ابنهم يوقف جنبها ويقولهم والله يا جماعه احنا اللي كنا بناكل الإستاكوزة دي ههههههه
أنا بقى شوفت ده ووقفت أرجع جنبها وكل ما أخلص ترجيع أبص جنبي ألاقي القرف ده أرجع تاني
لحد ما بابا جه قلتله والله أنا لو مت من القرفه هيبقى انت السبب يا حاج ايه الناس اللي انت جايبهم لنا دول
ميرسي يا قمر على الموضوع
وسوري لو كنت طولت بس انتي فكرتيني بذكريات زباله ههههه

[نانـــــو]

ايه الجمال ده يسلمووووووووووووووووووووووووووووووووووووو بس مواقف تيا دى رهيبة بصى ياقلبى احنا الحمد لله جيرانا محترمين جدااااااااااااااااااااااااااااا وماصادرش منهم اوى موقف وحش يسلموووووووووووووووووووووووو ياقلبى

[حَرفُُ هجآءّ]

ههههههههههههههههههههههههه
صحيح ايه ده كله

بس حلو والله انك بتاخدى المواقف دى بالايجاب

بصى ياقمر

عن نفسى تجربه شويه شخصيه

وحده صحبت ماما ديما تكلمها فى التليفون وتقولها فلانه عملت وفلانه سوت

ماما مش النوع اللى بتتكلم فى حق حد بس بتسمع منها عشان مش تحرجها

كذا مرة انبه ماما ده حرام وعيب بتقولى انا بطلت اتصل بيها عشان كده بس اعمل ايه هى اللى بتتصل

والله بعد كده بقت تتصل ارد واقولها ماما نايمه لحد ما قطعت اتصالتها خالص

قال الله تبارك وتعالى: ( وَلا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ)سورة الحجرات: الآية12، فقد بالغ سبحانه في النهي عن الغيبة وجعلها شبه الميتة المحرّمة من لحم الآدميين. وروى عن رسول الله صلى الله عليه وآلهأنه قال: ( يؤتى بأحد يوم القيامة يوقف بين يدي اللّه ويدفع إليه كتابه فلا يرىحسناته، فيقول: إلهي ليس هذا الكتاب! فإني لا أرى فيها طاعتي؟! فيقال له: إن ربك لايضل ولا ينسى، ذهب عملك باغتيابك الناس)ميزان الحكمة ج3ص2330، وروي أن الرجل يعطى كتابه فيرى فيه حسنات لم يكن يعرفها، فيقال هذه بما اغتابك الناس.

واشكرك سابه على الموضوع القيم المفيد

[الأزهـ شمعتى المضيئة ـر]

ايه ده كله يابنتى

انا دماغى صدعت من صوتك العالى وكلامك الكتير

بس يســـــــــ ياقمر ــــــــــــــلمو على الموضوع

لكن الحمد لله جيراننا مش حشريين

مابنحبش العادات دى

تقبلى مرورى وشكرى ياقمرى

[fankosha]

الحمدلله جيرانا مش كدا
وناس كويسين جدا
تسلم ايدك يا قمررررررررررر
تقبلى مرورى

[oЯҜeĐα]

هههههههه
ميرسي نور على مرورك الجميل
ده شيء من شويات بقا
يسلمووو ياقمر

[oЯҜeĐα]

ههههههههههههههههههه
عسل ياتيا
وبجد معاكي حق
يسلملي مرورك ياقلبي
ميرسيييي

[oЯҜeĐα]

يسلملي مرورك نانو يااثكره