عقد زواج عرفي

[big bốss]

التاريخ : يوم اسود مش فايت

المكان : مكتب خياااااال المحامي

بند تمهيدي : يقر الطرفان أنهما في غير وعيهما وواقعين تحت سيطرة كلام العيال أصحابهم
وأنهما غير واثقين في صحة قواهما العقلية .. يعني من الآخر في الضياع ومش فارقة معاهم

بند1 : يعتبر هذا العقد بمثابة ورقة لا أهمية لها إطلاقا لأنها كتبت من الأساس على سبيل "الاشتغاله"
ومن باب الضحك على الدقون ومن منطلق "عديها الناس لبعضيها"

بند2 : مصير هذه الورقة هو التمزيق حيث أنه من المرجح أن يتشاجر الطرفين قريبا جدا وسوف يتنازعان
أمام المحكمة قريبا جدا جدا على وجود هذه الورقة من الأساس

الطرف الأول
شاب طيب خالص بيحب يتسلى ويلعب ببنات الناس

الطرف الثاني
بنوتة أمورة مضحوك عليها و مبسوطة من الضحك عليها


واتفق الطرف الثاني "البنوتة الأمورة" على أن تعيش مع الطرف الأول "الشاب الطيب" على الحلوة والمرة
ولو مفيش شقة وفلوسه مقصره حبتين يبقى اوضة فوق السطوح تكفينا لحد ما ربنا يفرجها
وقد اتفقت على ذلك وهي سرحانة في كلام الحب والوعود ولا تدري الفرق بين الليل والنهار
وواثقة 24 قيراط في الطرف الثاني "أيوه طبعا واثقة في الشاب الطيب اللي بيلعب ببنات الناس"

واشترى الطرف الثاني خاتم دهب بتحويشة العمر التي كان بيحوشها من مصروفه اليومي الذي يتقاضاه
من بابا نظير إقامته في منزل بابا ونظير أنه ابنه

وبعد أن وافق الطرفين قام الأصدقاء بعمل زفة محترمة لهما على البحر لما كانوا في رحلة الكلية
( من باب الإشهار برضه ) واتفق الطرفان على أنهما لن يلجأ أياً منهما للمحكمة في حال أنهما اتخنقوا
من العلاقة والعيشة اللي بقت زفت، بل سيخرجان بالعرفي مثلما دخلوا به

وقد تعهد الشاب الطيب أمام الشهود أن دفنة الطرف الثاني وخرجته على نفقته الخاصة وسوف تليق بها
وذلك عندما يعلم أهلها بأمر هذا العقد ويتولى أبوها بالسكينة الحامية أو تبقى زي "هنادي" وياخدها الوبا
وبالطبع فإن الطرفين متفقين على أن نتاج هذه العلاقة مصيرها الإجهاض السريع ومش طالبة صداع
ولو مالحقوش يبقى هيترمي في الشارع أمام أي جامع "زي فيلم فيروز وأنور وجدي"

وتعهد الطرف الأول أنه يسلم مصروفه كاملا للطرف الثاني دون أن يخصم مليما واحدا منه وتعهد أيضا
بأنه سوف يتحايل على بابا حتى يزود المصروف شوية بحجة أنه هياخد كورسات "كدبه بيضا".

شاهد أول : كرمبوا
( وقعت على العقد وانا عامل دماغ )

شاهد ثان : حسام عسليه
( وماله يا عم بكره يشهدولي على عقدي )

الطرف الأول : اهبل..

الطرف التاني : واحده اهبل منه

ملحوظة
شرط جزائى : أذا تم ولم تنفذ البنود المذكورة اعلاه ( بند 1 بند 2 ) - وذلك شئ لابد منة - يكون العقد
باطلا ولا اساس لة من الصحة وسوف يتم انكار العلاقة من جهة الطرف الاول وعلى الطرف الثانى اللجوء للمحاكم
( ويحيا العدل )


وبالرفاء من غير بنين

[قلـــــــــــــــــم]

خي نوار


فقد الوزاع الديني من اهم اسباب الكوارث المنشئة بايدينا


الشاب ليس باهبل

ولا الفتاة مضحوك عليها ( عبيطة)


السعى خلف الغريزة والشهوة الحيوانية ناتج من فقد الوعي الديني والاخلاقي


ومثل ما بنقول

كان في جرة وطلع برة


ووقت ما بيتعلم الاسبور بيجيب لأهله اللعنة




سلمت على الطرح العطر والمتميز

[EMoOoO]

انا بحس ان اللي بيعمل كدا مريض
او عندو خلل في دينو واخلاقه
ربنا يهدي الجميييع
ميرسي عالموضوع الجميل.. والأسلوب الأحلى

[الجميله الباكيه]

ميرسى يانور عرضت المشكله بشكل حلو
بس فعلا الولد مش عبيط ولا البنت هما الاتنين بيبقوا عاوزين قدوة بجد وصاحب عاقل وعنده خبرة وطبعا بقصد الاهل هنا
ربنا يهدينا ويهدى شباب المسلمين جميعا

[big bốss]

مرسي على رايكم ومروركم نورتم التوبيك