(¯`·._.·حواء تستضيف أدم...مرحبا بأدم·._.·°¯)

[خالد ابو النجا]

اقتباسالمشاركة الأصلية كتبت بواسطة حنوناجاباتك جميله جدا ياخالد

ان شالله موفق داسما بحياتك

نورت الموضوع

مروك الاجمل ياقمر
وتسلميلى على دعوتك الحلوه دى
والموضوع منور بيكى
تحيتى لكى

[countess]

ابو خلود مو انت اخترت


الدكتور صح


طيب ارسله علشان ينور

[misho]

الدكتور طااااااااااااااارق

بعتله رسالة ولسة ماجاش

حالا هينورنا

منتظرينك يا طاااارق

[SiLver Spectra]

الأول طبعا بعتذر عن التأخر في حضور الموضوع
مع العلم اني مش في البيت

س)هل تعتبر نفسك ادم الذي يعجب حواء ويلفت انتباهها؟؟

هجاوب السؤال بعمق و ليس بسطحية المظهر

فكريا..عقليا..للشخص الي يفهمني
هي مسأله نسبية
أنا مش بتفهم بشكل سطحي ..الي يفهمني لازم يتعمق أكثر في فكري
مش سهل يعني



س) لماذا يطالب ادم دائما حواء بالعطف والحنان ويبخل هو بهما عليه
بحجة انه العاطفي بينما حواء ذو قلب جامد مع ذلك المرأة
ترى الرجل نبع الحنان ؟؟
معلش يا ميشو السؤال مش مفهوم
حاسس ان فيها أخطاء قواعدية
هههههههه
يعني ازاي (و يبخل هو بهما عليه) عليها قصدك
( بحجة أنه العاطفي بينما حواء ذو قلب جامد مع ذلك المرأه)
!!!!!
دي لغة عربية جديده!!

و الله بجد مش فاهم السؤال تركيبته عجيبه
(شكلك قاصداها يا شوشو ميشو)

بس احنا ما بتفرقش معانا
بنجاوب على أي حاجه


طبيعي إن آدم بيبقى عاوز حواء من النوع العاطفي و الرومانسي و بفتحت سقف و أوتوماتيك
^_^
و في نفس الوقت مطلوب منه هو كمان يبقى رومانسي و عاطفي
العلاقة بين آدم و حواء لازم تكون متبادلة
الكلمة الي انت بتقولها مش بتفرق معاك بس بتفرق مع أذن الطرف الآخر و مشاعره
بيبقى عايز يسمعها

لازم المعادلة بين الراغب و المرغوب تكون متبادلة بين الطرفين



س)برايك لماذا الرجل في مجتمعنا لا يساعد المراة في أعمال

المنزل ويشعر بأنه نقص لرجولته ؟؟

مش شرط و الله يا ميشو
بس ممكن خلقه بيبقى ضيق شوية
لكن مش شايف في مانع انه يساعد مراته بمزاج
يعني يبقى مزاجه حلو كدا و يشوفها في المطبخ و يروح يعاكسها بحجة انه بيساعدها



س) هل يبكي ادم لحواء؟؟ ومتى ؟؟

مش حلو انك تبين ضعفك لحواء بشكل باكي
حتى و لو كنت في الحقيقه ...ممكن تعبر عن ضعفك لكن مش تكشفه بالبكاء
أعتقد مش حلوة لشخصية الراجل
بيبقى في اعتذار كلام حلو
لكن بكاء و ترجي لا أنا ضده



س)ماذاتعني لك المراة العاملة ؟؟

نصف المجتمع
لو تجاهلنا نصف المجتمع و طبعا النصف الآخر مش هيكون كله سليم
يعني هتلاقيه بيشتغل بنسبة 30% مثلا!!
يبقى لو تجاهلنا النص و النص الاخر الي هو الرجل أكيد مش هيوصل لنسبة الكمال
يبقى كدا المجتمع ساقط


بيقولوا المرأه العاملة بتكون أكثر خبره و بتحتك بالمجتمع أكثر
و هي نظرية صحيحه بنسبة كبيرة

بس شخصيا مش عايزها تشتغل
عشان لما أطلب منها حاجه تزبطني في البيت اكل و غيره ما تعدش تقولي ما أنا شغاله زيك يا خويا


س)ماذا تفعل عندما تقول لك حواء ( آحبك ) بصدق ؟؟

طيب و أنا هعرف منين صدقها!!
بس لو هي داخله دماغي أكيد هفرح و هبقى عايز اسمعها مليون مره و لا هزهق منها

أما لو حواء مش داخله دماغي يعني مافيش بيني و بينها شيء و جايه تقولي أنا معجبه بيك!!
بالظبط زي لو آدم جه لحواء و قالها بحبك كدا مره واحده أو لو على معرفة لكن بدون ما يكون داخل دماغها



س)ماذاتريد من المراءة ان تفعل عندما تكون هي المخطئة ؟ وماذا تفعل
تعرف بس خطأها
مش مهم عندي الاعتذار بكلمة آسف
المهم تقتنع بخطأها بالاقرار أو بالسكوت و هو أضعف الايمان

ماذا افعل؟
هعرفها خطأها و اقولها الصح
هنعمل ايه تاني يعني
نجيب الحزام مثلا و نضربها
هههههههه
الحاجات دي للعيال


عندما تكون أنت المخطئ؟؟

بعتذر طبعا على طول
و مش بعد يوم و اتنين
على طول بعد الموقف بساعه كحد أقصى
أنا براجع نفسي بسرعه
في الغالب الخطأ مني بيكون من ردة فعل في موقف معين
ردة الفعل ممكن أبالغ فيها شوية
فلازم أعتذر
بس ببين الخطا بتاعها الي خلاني انفعل أكيد


س)متى تشعر بأنك اضعف شخص بالوجود أمام حواء؟
لما البت حواء تذلني بسبب خطأ
و تعمل انها مش عايزه تكلمك و كدا و انت بتعتذر
هنا بتبقى ضعيف نوعا ما
و أنا على فكرة بكره التقل

ومتى تشعر بالقوة ؟

و الله ما بحبش أشعر بالقوة
لو اعتذرت مثلا بقبل على طول
مش بحب احسس حواء بالضعف
القوة هتفيدني بايه لشخص بحبه!!


س)كيف تريد من حواء معاملتك في قمة عصبيتك ؟؟
اه دا سؤال مهم
لازم تمتص طبعا عصبيتي بهدوء
و بعدين تطلعها عليه مش مشكلة بس بعد ما أهدى

وكيف تعاملها في قمة عصبيتها؟؟؟

هيبقى كلام بس مش اكتر
خطأ معين منها أو موقف معين
بالحوار


س) مالذي يغضبك في حواء ؟ ومالذي يعجبك فيها؟؟

لما نتفق على شيء معين و بعدين ترجع فيه
أكيد دا هيغضبني
لو من الأول مافيش اتفاق فعادي نتحاور لحاد ما نوصل لحل
لكن نوصل لحل و اتفاق و بعدين تخالفه دا أكيد هيضايقني

و الي يعجبني فيها انها تبقى مطيعه
مش بالاجبار
أنا عمري ما أخليها تعمل حاجه هي مش مقتنعه بيها
لكن بالاقناع

يعني ما تعمليش كذا عشان كذا و كذا و كذا و اشرحلها
و هي ما تعملش الحاجه دي لكن بعد ما تديني اشاره على اقتناعها بكلامي

س)حواء حنونة ورومانسية *حواء جميله * حواء جادة وصارمة*
حواء عملية * حواء ثريه *

أيهما تتمنى؟؟

لو تعملي ميكس بين الأولى و التانيه تبقى فله شمعه منورة

س) متى يكون ادم سبب في بحث حواء عن أمان غيره ؟؟
أكيد لما مايكنش داخل دماغها
و بلاش نقول مش كويس
مافيش انسان مش كويس مجمل
لكن في انسان مش بيكون مناسب في تصرفاته معاها و بيكون فيها نوع من التعنت و غيره
سوء المعامله أكيد دا عامل مهم
و أكيد مافيش زوج قبل ما يرتبط مع مراته يتمنى انه يعاملها معامله سيئة
بس كتر الخناقات بيولد سوء المعامله
الاتنين بعد كدا كل ما يشوفوا بعض يبقوا عايزين يولعوا في بعض و بينتهي الجواز بعدها بفتره

عشان كدا لازم الطرفين يحاولوا يمتصوا غضب بعض دايما و ما يوصلوش الامور لخناقات

س)ماذا تعني لك الانوثة ؟؟ وكيف تفسرها من وجهة نظرك ؟؟
هو في أحلى منها

أي حد ماشيه على الناصية ممكن بسهولة هيفسر كلمة أنوثه
هيقولك حنونه و رومانسية و ناعمه و ...و..و إلخ

في نقطة مهمة..

تعريف الأنوثه غير تعريف الرجولة
تعريف الأنوثه عند الرجاله بيبقى مزبوط
لأن آدم من أول ما بيتولد و هو بيبقى ميال لحواء
فالأنوثه بتتبلور صح في دماغه

لكن تعريف الرجولة عند حواء بيبقى مفهوم غلط بالذات في فترة مراهقتها
الي بتبدأ خلالها تحس بالانجذاب (بتتبلور غلط )
يعني مثلا تقولك و شعره و يبقى امور!!
و عشان تلزق فيه صفة ذكورية تقولك و عضلاته
هي الرجولة بالشكل!!
مش عارفين ان الرجولة بالشخصية
الشخص الي هتعاشره و هيبقى الليدر بتاع الاسرة

س) متى تشعر بتأنيب الضمير؟؟

لما بحس بتأنيب ضمير
لازم بسأل و بستشير حد قريب مني في المشكلة
و بعرضها عليه من وجهة نظر الطرف و وجهة نظري

و لو حسيت فعلا اني غلطان يتراجع و بعرف الطرف التاني و بقوله
بس أنا من النوع الي دايما مقتنع بتصرفاتي
لكن وارد أغلط بالذات في ردة الفعل و أحيانا في حاجات صغيره الواحد مش بياخد باله منها


س)هل تشعر بأنك مثالي ؟؟

لأ طبعا
بس راضي عن نفسي



س) كيف تتعامل مع حواء عند رفض طلب لك ؟؟

أقبل رفضها طبعا
مافيش اجبار على شيء



س)وقع شجار بينك وبين حواءك ادى الى زلة لسان منها جرحت كبرياءك
ورجولتك فخرجت وعادت تحمل لك هدية وقبله حنونه هل تسامحها ؟؟

طبعا
في اسئلة كدا مش بتبقى محتاجه تفكير
طبعا اسمحها
عشان لما أغلط أنا كمان تسامحني



س)غالبا مايقال بأنه بعد أنجاب الاطفال يحصل فتور في العلاقة الزوجية
ماهو رأيك ؟؟

مش شرط
بس طبيعي ان الرومانسية و الحب مش بتكون بنفس الدرجة في أول شهر و أول سنه و أول 5 سنين
مع الوقت الطرفين بيدخلوا في مشاغل كتير و اولاد و هم

و أي حد ممكن يقيسها بأبوه و أمه
هل تعتقدي انهم بنفس الشخصيتين أول ما اتجوزوا و دلوقتي حالن؟
أكيد لأ

و دي هي اجابة السؤال


س)حين تهدي لك حواء هدية ولا يعجبك ذوقها ماهي ردة فعلك؟؟

أقبلها برضو
و ايا كانت الهدية هتبقى في نظري حلوة طالما هي الي جابتها



س) هل تستطيع رسم العشق في قلب المرأة؟؟

اسألي حواء
^_^
بس احنا جامدين خلي بالك

ممكن ناس بتفكر اني قاسي أو ماليش في الرومانسية و بتاع
و كأن عشان يبقى ليه في الرومانسية يبقى لازم ارميها يمين و شمال زي موضوع سابق للأخت دعاء (مشاعر ملقاه على الطريق!!)
المفروض المشاعر ليها وقتها و ليها هدفها الصح


س) ماهي احتياجات ادم التي
تغفل عنها حواء؟؟

ممكن خجلها أحيانا بيبقى بزيادة شوية
خجلها يمنعها من انها تقوله كلام حب مثلا
و في نفس الوقت الخجل دا بيخلي شويتها كويسه من صغرها


س)حوآء دائما تتصف بالرقة لكن ماهو الموقف الذي يجعلها
تتحول الى أنثى شرسة بنظرك ؟؟

دا بيرجع لشخصيتها
في حواء بتبقى شرسه بطبعها
الشراستها بتختبئ داخل عباءة الأنوثه و الجمال
لكن لو واحده هاديه استحاله تتحول 180 درجة


س)دائما الأنثى متهمه بعشقها للمال ما هو رأيك؟؟

عشان بيحبوا يشتروا حاجات كتير
ملابس و اكسسوارات و خلافه

دا حتى محلات الملابس في البلد تلت تربعها حريمي

و بعدين فرصه برضو تحلم بحياة افضل
أنا بصراحه لو بنت كنت حلمت بقصر و عربيات و الاحلام بتاعت الأطفال دي
لحاد ما اتصدم في الواقع بقى
وقتها أحلم نبيع الجاموسه مثلا و نشتري حصان و كدا...
ههههههههه


س)أهمس بما تريد لحبيبتك** فماذا تقول؟؟

همست خلاص..
حد سمع حاجه؟


شكرا يا جريح الذكريات على الاستضافة
و شكر خاص لميشو على الموضوع و الاسئلة استمتعت بيها

خلونا نفكر يوم كدا مين أدبسه بعدي..

[حنـــــون]

اجابات جاااااااااااااااامد جدا ياطارق

نورت الموضوع وان شالله تحققق

كل الى تتمناه

[مشتاقه للجنه]

أجاباتك رائــعه دكتر

ربنا يوفقك

بالتوفيق

[misho]

اجاباتك روعة يا طارق ما شاء الله

دايما بيعجبني تفكيرك

ربنا يوفقك في حياتك يارب

منتظرين الضيف الجديد

[countess]

) كيف تتعامل مع حواء عند رفض طلب لك ؟؟

أقبل رفضها طبعا
مافيش اجبار على شيء



هينا اجابتك اعجبتني

بصراحه كنت مفكره كلكم يا معشر الرجاله يعني انكم سي السيد

ربي يوفقك يا دكتور انت طيب وتستاهل كل خير

[بنوته متفائله]

تسلم الايادى على الموضوع الجميل
اهو بردوه نعرف الى بيدور فى عقل الشباب ههههه
ميرسى ياميشو

[skytop]

عفوا الموضوع اعجبني كثيرا، وعندي رأي بس يمكن يكون مخالف شوي عن رأي الأغلبيه، واعتقد انه اختلاف الرأي لا يفسد للود قضيه!!! واستأذنكم بطرح الاجابات:


هل تعتبر نفسك ادم الذي يعجب حواء ويلفت انتباهها؟؟


كل آدم لابد انه يلفت انتباه حواء لسبب أو يمكن لمجموعة اسباب، وقد يكون السبب في حواء نفسها


س) لماذا يطالب ادم دائما حواء بالعطف والحنان ويبخل هو بهما عليه
بحجة انه العاطفي بينما حواء ذو قلب جامد مع ذلك المرأة
ترى الرجل نبع الحنان ؟؟


انا لا اتفق مع تكوين السؤال، ويمكن يكون بالعكس علشان نقدر نجاوب عليه، حواء هي مصدر العطف والحنان، ولذلك يجب ان لا يطالبها آدم بذلك ولكن يجب عليها هي ان تفيض بالحنان لأنه متأصل فيها وفي تكوينها الرباني، حواء ذات قلب جامد!!!! لا اعتقد ذلك لسبب واحد انها "حواء" نعم هي ترى الرجل نبع الحنان لأنها دائم تقارن حنانه بعطائها والعكس صحيح


س)برايك لماذا الرجل في مجتمعنا لا يساعد المراة في أعمال

المنزل ويشعر بأنه نقص لرجولته ؟؟


عفوا سيدتي !!! هذا غير صحيح، بل الرجل يحاول مرارا المساعده ولكن حواء لا تريد لأي كان ان يتطفل على بيئتها وامبراطوريتها الا بمزاجها لذلك هي ترفض ذلك ولكن تأخذها العزة بالاثم وتقول هو لا يساعدها!!!


س) هل يبكي ادم لحواء؟؟ ومتى ؟؟


اعتقد اذا تعمقت العلاقه بينهما يكون الجواب "نعم" عند الحاجه للبكاء ويمكن في السنة مره او مرتين

س)ماذاتعني لك المراة العاملة ؟؟


رائعه


س)ماذا تفعل عندما تقول لك حواء ( آحبك ) بصدق ؟؟


يكثر خوفي منها!!! واحسب لذلك الف حساب، لأنها تحب ولكنها لا تقول ذلك ومتى قالت ذلك هذا يعني ان في الأمر شيء ما !!! الله يستر


س)ماذاتريد من المراءة ان تفعل عندما تكون هي المخطئة ؟ وماذا تفعل


عندما تكون أنت المخطئ؟؟


هي فقط تقول "آسفه" وتتركني اخرج الضيق اللي في صدري بهدوء، وعندما أكون المخطأ لا أتردد بقول كلمة "آسف" ويجب عليها ان تحترم ذلك القول لأنه لن يتكرر




س)متى تشعر بأنك اضعف شخص بالوجود أمام حواء؟


ومتى تشعر بالقوة ؟


لا اشعر بذلك ابدا ابدا ابدا اعني بالضعف، وشعوري بالقوه فطري لا يحتاج الى شرح وهي لا تكره ذلك


س)كيف تريد من حواء معاملتك في قمة عصبيتك ؟؟


تهديء وتستكين ولا ترادد ولا تحاول الصيد في المياه الراكده، لأن المعصب مثل المجنون يقول ما لا يعني

وكيف تعاملها في قمة عصبيتها؟؟؟


أضحك وأغازلها وابعث لها بابتساماتي كلها


س) مالذي يغضبك في حواء ؟ ومالذي يعجبك فيها؟؟

الكثير & الكثير والشرح يطول وسوف انفرد بموضوع كامل عن ذلك


س)حواء حنونة ورومانسية *حواء جميله * حواء جادة وصارمة*


لي عوده للاجابه وبصراحه وبدون زعل