بنت بتحب بلدها (بقلمي )لؤلؤة المصرية

لؤلؤة المصرية · منذ /03-30-2010, 09:13 PM

تعبني شوق الغربة وقلبي كلة حنين
نفسي أطمن تاني وأرجع لبلدي الأمين

بلدي أم العالم بلد كلها وطنية
بحبها أوي جدا بنت عندها وطنية

إلي يمسها بكلمة هلغية من هالدنيا
ومين يقدر بقول حتى كلمة عن أم الدنيا

أسمحولي اوصفلكم بلدي وأوصف لو جزء من شوقي
أسمحولي أوصفلكم البلد إلى فيها اتمنى موتي

بلد كلها جدعان من زمان مشهورين بالابطال
مش قادرة اوصف جملها لانة اروع من الخيال

أهرامات ونيل وحضارة ووطنية وعلم وحنين
هزينا العالم كلة عرفناهم مين هما المصريين

بنحب بلدنا جدا عندنا أنتماء بجد
وإلى ينطق بكلمة عنها بإيدينا نوقفة عند الحد

في الكورة والعلم والأدب والتاريخ وسينا والسد
أخذنا نوبل كثير لأننا بنحب مصر بجد

فيها كل الضحكة والبهجة فيها الشعب الجميل
شعب طيب وأصيل لأنة شرب مالنيل

مين ميعرفناش ناس أبطال جدعان شاطرين
وإلى يتسأل عن المصري يقول دة أجمد شعب وحلوين

صدق مصطفى كامل لما قالها لو غير مصري هفتخر بمين
مفيش بلد تملى عيني غيرها ولو دورت مالشمال لليمين

غربتي طولت وبعدت كتير بس فيها مبطلتش تفكير
تعبت وبكيت من وشوقي من عشقي ليها وحبي الكبير

من القاهرة لأسوان من الاسكندرية لأسيوط
سافرت عنها بعيد وفي غيرها عمري ما أكون مبسوط

لو قعدت مالنهردة لبكرة أوصف في جمالها وسحرها
محدش هيقدر يقدرها غير إلى بيبعد عنها

عندنا زويل ومحفوظ وجمال وحسني والسادات
وكتير كل دول رفعوا رايتها اعلى الرايات

قلب العالم وأحلاة وإلى برة يتمنوا يجولها
كرهت حياتي في بعدي عنها وبالاسكندراني نفسي نرجعولها

10 سنين بعيدة عنها سبتها وبعدت كتير
بس بحبها أكتر مالي فيها بحبها حب فوق الكبير

دة من قلمي وكتبتة وانا ببكي من فراقي لبلدي الحبيبة مصر اتمنى تعجبكم

تحياتي (لؤلؤة)

ليالى العمر · منذ /03-31-2010, 09:43 AM

كلمات رائعة جدا

تجسد الحب والحنين للوطن الغالى

تسلم الايادى
وترجعى لمصر بالسلامة
ان شاء الله
ولكم احلى وارق الامنيات

لؤلؤة المصرية · منذ /03-31-2010, 04:10 PM

شكرا يا ليالي لمرورك الغالي

لحظة عتآب · منذ /03-31-2010, 04:21 PM

كلمآت بجد بجد

جميلة

كنتي هتبكيني معآكي

بس تمآسكت

وفعلا مآ يقدر يوصف جمآلهآ ألآ اللي متغربين

زي مآ قآلت شرين

(( أللي مجرب وفآرقهآ قآل في الدنيآ مآفيش بعديهآ))

تسلمي يآ لؤلؤة

وأن شآء الله ترجعي لأرض الوطن الحبيب بسلآم وقريب يآرب

لأن مآفيش أصعب من عذاب الغربة

تسلم أيدك

لؤلؤة المصرية · منذ /03-31-2010, 04:23 PM

شكرا يا لحظة عتاب لمرورك الغالي وفعلا الواحد صابر بس لحد ما تيجي اللحظة الي هينزل فيها ومش يرجع تاني

sokara · منذ /03-31-2010, 04:50 PM

تسلمين على هذه الكلمات الرقيقه
التى تجسد معنى الحنين للوطن
تحياتى لاحساسك الراقى
ولحبك لمصر الرائع
وان شاء الله ترجعى بالف سلامه
تقبلى تحياتى

لؤلؤة المصرية · منذ /03-31-2010, 04:55 PM

نسلمي يا سكرة لمرورك الغالي وامين ارجعلها وكل المغتربين يرجعوا بقا ونخلص من تعبنا دة

Ranoosha Love · منذ /03-31-2010, 05:57 PM

اه والله يا قمر انا بقالى 3 سنين مانزلتش ان شاء الله كلنا نرجعلها بالسلامه
جااااااامده اوى بجد تحفه اوى تسلم ايه يا عسل انتى

لؤلؤة المصرية · منذ /03-31-2010, 10:38 PM

تسلمي يا رورو يا حببتي لمرورك الغالي

الملكة كيلوباترا · منذ /04-01-2010, 12:14 AM

كلمااااااااااااااااات روووووووووعة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أتبع السيئة الحسنة تمحها	نـــــ غ ـــــــم	منتدى الاسلاميات والقرأن الكريم	4	01-24-2012 01:25 AM
كلمات الاغاني المصرية الوطنية(بحب مصر قووووووي) بمناسبة تحرير سيناء(لؤلؤة المصرية)	لؤلؤة المصرية	كلمات الأغاني	14	05-02-2010 09:32 PM
}مدينه اشتهرت بسقوط ثلجها الأصفر{	ε s я α α	سياحة - سفر - معالم سياحية	4	02-13-2010 09:06 AM
انا لؤلؤة المصرية هترحبوا بيا ولا ألم هدومي وأروح بيتنا!!!!!!!!	لؤلؤة المصرية	منتدى الترحيب بالاعضاء الجدد	24	10-16-2009 01:43 PM
أنتِ لؤلؤة>>نعم أنتِ لؤلؤة جميلة وبرَّاقة<<	ameral3zab	قصص - روايات - حكايات ...منقولة	4	09-01-2008 05:02 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

بنت بتحب بلدها (بقلمي )لؤلؤة المصرية

منتدي ابداعات الاعضاء الادبية