ثقاافه هابطه وتقليد اعمي وفن هابط ؟؟؟؟مسابقه الدويتوووو

[ماتركس]

السلام عليكم مووضووعي النهارده مشتركين فيه اناا والمشرفه هياا

في مسابقه افضل دوويتوووووو
ونتمني انوو المووضوع ينال اعجبااكم
بسم الله الرحمن الرحيم

اغتصاب
تحرش جنسى
فساد
قتل
بلطجة
مخدرات
دعارة
خيانة زوجية
اعلام هابط
كليبات عرى

انها التوليفة الجديدة التى يحيا بها المصريون
من سنوات , كان مجرد حدوث اى جريمة من الجرائم السابقة كفيل بهز الرأى العام بأكمله , والان .. وفى هذه الايام السوداء , اصبحت هذه الجرائم كالماء والهواء , يتعايش معها المواطن بل ويمارسها بمهارة واقتدار و( فهلوة يحسد عليها )
من وجهة نظرى المتواضعة ان دخول وصلة الدش فى بيوت المصريين اقوى اثرا من جميع الحروب التى دخلتها مصر فى تاريخها , وانى ارى ان هذه الحروب قد تركت قيما ومبادئ سامية الا ان الوصلة جاءت لتحطم جميع القيود وليعيش المصريون بسببها ازهى عصور الانحلال الخلقى والتردى الشنيع فى القيم الاساسية والذوق العام
ولنمشى سويا من خلال افكارنا خطوة بخطوة لاثبات هذه النظرية

لازم يقف ..!

تعتبر اغنية النعجة دوللى شاهين ( ........... ) اخر ما انتج قطاع الاسفاف والابتذال والايحاء الجنسى فى اعلامنا العربى الهادف , فى احدى الدراسات التى قامت باحصاء عدد الايحاءات الجنسية فى قنوات الاغانى ( العربية ) كان عدد الايحاءات الجنسية ما يقرب من 1500 ايحاء جنسى فى الاسبوع الواحد ...! سواء كان ايحاء بالكلمات او بالنظرات او بالجسد , المصيبة ليست فى هذا العدد ولكن المصيبة الكبرى هو وجود هذه القنوات اللعينة فى اغلب البيوت المصرية بسبب الاختراع العبقرى ( الوصلة ) , لو كانت هذه القنوات حكرا على فئة قليلة من الشعب بنفس عدد الايحاءات ماكان هناك اى مشكلة , ولكن الطامة انتشار هذه القنوات التى تبث الاباحية والجنس جهارا نهارا فى كل مكان , البيوت , المستشفيات , المقاهى , المطاعم ... لقد تسببت هذه القنوات التى تبث الخلاعة والمجون فى الانحلال الاخلاقى , لأن الشباب يعيش كبتا جنسيا بسبب قلة الحيلة وعدم القدرة على الزواج , فيفتح التليفزيزن فى غرفته , ليجد النعجة دوللى تقول له ( .......................... ) فينزل هذا الشاب المسكين الى الشارع ليتحول الى ذئب بشرى يفعل اى شئ كى يطفئ النيران التى تتأجج بداخله بسبب الوصلة التى قدمت له النعجة دوللى شاهين واخواتها هيفاء وروبى وغيرهن من بلاوى الزمن على طبق من ذهب فى غرفة نومه ..!
التحرش الجنسى والاغتصاب هما نتاج ما تقدمه الوصلة يوميا من وجبة دسمة مليئة بالايحاءات الجنسية للشاب المصرى الغلبان , نعم فى الماضى كان هناك اغتصاب ولكن عدد جرائم الاغتصاب فى اخر 5 سنوات قفز الى معدلات كبيرة جدا مع ظهور موضة التحرش الجنسى التى كانت موجودة فى عقود سابقة ايضا ولكن على استحياء والان اصبحت تحدث بصورة شبه يومية .

حكاية الحبسجى رد السجون ..!

بدوى كان نصاب ومزور وهربان من الجيش عشان كده دخل السجن

وبعد السجن دخل بدوى الجيش اللى كان هربان منه

وبعد ما خلص بدوى مده سجنه وجيشه خرج ليستقبله مئات المعجبين والمعجبات ويحملوه على الاعناق ..!

ان جاز التعبير من الممكن ان نطلق على بدوى حسنى او ( تامر حسنى ) لقب ابن الوصلة , فأذا كان عبد الحليم حافظ هو ابن الثورة فتامر حسنى هو ابن الوصلة ...!
عزيزى الشاب
اذا كنت ان تريد ان يطلق عليك لقب ( ملك الجيل ) , وان ترتمى الشابات الجميلات فى احضانك ليلمسوا شعر صدرك الكثيف بأناملهم الرقيقة فعليك بتجربة تامر حسنى التى نجحت نجاحا ساحقا
1. ان تزور شهادة اداء الخدمة العسكرية .
2. ان تزور اى شهادة بكالوريوس .
3. ان تلبس قميصا مفتوحا يبرز منه شعر صدرك الكثيف .
4. ان تخاصم جميع الحلاقين فى البلد لمده لا تقل عن 6 اشهر .
5. ان تكون من ذوات الوسط المشخلع وما ان ترى اى فتاة حتى تتحول بقدرة قادر الى قرد بيتنطط حواليها .
6. ان تتغزل فى فتاتك اللى هاتبقى مراتك بكل بجاحة

7. ان تتعاقد مع منتج خمورجى وسيجارة الحشيش لا تفارق فمه وشعاره اللى دايما على لسانه ( يا هلا بالمزز ) .

8. تتمسك فى كبسة ويتضح للحكومة انك مزور شهادة الكلية وكمان هربان من الجيش .
9 . تدخل السجن الحربى وتقضى مدة جيشك .
10 . اثناء سجنك يملأ منتجك الحشاش القنوات الفضائية التى تبث من الوصلة بكليباتك الهابطة ويجيب شوية بنات يقفوا قدام السجن يهتفوا بأسمك .
11. تخرج من السجن وتاخد على نفسك عهد بأنك مستحيل تظهر فى اى حفلة من غير ما يكون فيه بنات يغمى عليها من كتر العياط عشان تثبت انك نجم ومشهور ومحطم قلوب العذارى .
12. حينها , سيتم اطلاق لقب ( ملك الجيل ) عليك وستكون قدوة لكل الشباب تحت 18 سنة ...!

بدوى حسنى او تامر حسنى هو ابن الوصلة , كليباته الهابطة ملئ السمع والابصار فى كل القنوات , افلامه المبتذلة المليئة بالاحضان والايحاءات الجنسية تنتهك حرمات البيوت , لقد تكلمت على تامر حسنى لأنه ظاهرة او بالونة على وشك الانفجار فى وجه المجتمع , نموذج للشاب المنحرف الضال المستهتر بل والمجرم الذى كرمه المجتمع عندما خرج من السجن من ادنى المستويات الى اعلاها , لقد طلب للغناء فى مؤتمر دافوس هذا العام , وبعد وصلته الغنائية قال له احمد نظيف رئيس الوزراء بالحرف ( انت قدوة لجميع الشباب ) ...! اى قدوة يتحدث عنه ؟ , هل كليباته الرخيصة المليئة بالايحاءات الجنسية هى ما جعلته قدوة ؟ اما تزويره وهروبه من الجيش ؟
ولكن فى زمن الوصلة نرى عجب العجاب
كثيرا من شبابنا يدخل السجن بسبب دفاعه عن شرفه او بسبب ان احدهم ادعى عليه بالباطل ويخرج من السجن بلا مستقبل لأنه يكون من رد السجون , وهذا التامر حسنى يتم تكريمه من اعلى المستويات لنجاحه فى جعل الفتيات يرقصون بخلاعة فى حفلاته ويسقطون عند قدميه مغشيا عليهم ربما بسبب رائحته النتنة .

لقد اختلف مفهوم القدوة فى حياتنا بسبب ابن الوصلة والقنوات الغنائية الهابطة , اين احمد زويل وفاروق الباز وحمدى قنديل وحسن نافعة و غيرهم من الشخصيات التى تستحق ان تظهر وتفيد غيرها وتأخذ بيدهم الى المستقبل لا الى حلبة الرقص ..!

المجرم ابو دم خفيف ....!

نجحت الوصلة نجاحا ساحقا فى تغيير مفهوم الاجرام والبلطجة عند المصريين من خلال العديد من الافلام التى تستخف بعقول المشاهدين , اصبح الطفل يشب ويكبر على صورة المجرم ( كريم عبد العزيز اومحمد رجب ) وهو يعيث فى الارض فسادا سواء بالنصب او السرقة ولكنه يفوز بحب فتاة جميلة بفضل خفة دمه و ( فهلوته) و ( صياعته ) , وفى نفس الوقت ينجح فى الهروب من الشرطة بفضل جسارته وشجاعته ويتعاطف معه جميع من فى الفيلم ما عدا ( العصابة ) و ( رجال الشرطة ) .. فتجده محبوبا من الجميع رغم اجرامه لأنه مجرم دمه خفيف , وفى نهاية الفيلم تجده فاز بمن يحبها ونجح فى الهروب من الشرطة ولا ينال عقابا رادعا , هذا هو مفهوم المجرم التى نجحت الوصلة فى ترسيخه فى عقول اطفالنا وشبابنا , شجاع , وسيم , مرح , تقع فى هواه جميع الفتيات اللاتى يقابلهن , وينجح فى الهروب من اكمنة الشرطة والاعداء بل وينتصر عليهم فى النهاية
نجحت الوصلة فى تقديم اصدار جديد لشخصية البلطجى من خلال افلام محمد سعد واشهرها ( اللمبى ) هذا الشخص الجاهل الخارج عن القانون الذى لا يدرى ما يقول لأن الحشيش اتلف خلايا مخه ولكن رغم هذه العاهات تقع فى هواه فتاة جميلة ويحبه الناس رغم انه بلطجى ويفعل كل ما يريد وينال مراده فى النهاية , وقدمت الوصلة بنجاح شخصية الشاب المستهتر من خلال ( هيثم دبور ) فى تامر وشوقية الذى لا يكف عن الرقص والكلام عن ( بوب مارلى ) وشعره اقرب الى ليفة الاستحمام منه الى الشعر الادمى وعاطل عن العمل , ورغم ذلك يحظى بحب الجميع ويخطب الفتاة التى يحبها و عن احداث فيلم ( اتش دبور ) فحدث ولا حرج , استهتار ولا مبالاة وقيم منعدمة ورغم ذلك لا يتم عقابه على هذا بل يجد من يساعده فى فعل كل ما يريد ..!
لقد ضربت امثلة عن ما اريد ان اوصله لكم , ان الفن سلاح خطير جدا , فالفن مراة المجتمع , قديما كانت السينما هى الوسيلة الوحيدة لرؤية الافلام وكانت غير متاحة للجميع , وفى السبعينات والثمانينات انتشر التليفزيون والفيديو وعاش الناس دهرا على مسلسل السابعة وفيلم الخميس والقلة اعتمدوا على افلام الفيديو , وفى التسعينات ظهر الدش وكان فى متناول قلة من المجتمع , وفى الالفية الجديدة ظهرت الوصلة لتكون القشة التى قصمت ظهر البعير , لقد غيرت الوصلة ثقافة المصريين , لقد اصبحت مثل البركان الذى انفجر فى وجوهنا جميعا , سيل جارف من الافلام منعدمة القيمة التى تستخف بعقول المشاهدين تعرض ليل نهار وتجعل من المجرم والعاطل والمستهتر بطل قومى تعشقه النساء ومن الخيانة الزوجية نوع من انواع الاستجمام الجنسى , وتيار من الكليبات التى تظهر مفاتن النساء لعيون شبابنا المكبوت جنسيا , والعديد من الربامج التى تلقن الشاب كيف يكون شابا منحل اخلاقيا مثل ستار اكاديمى التى تبث مشاهد لفتيان يجرون وراء فتيات فى شقة كى يقبلوهن على الهواء مباشرة , وكله بفضل الوصلة
ان الانسان المصرى اصبح الان لا يستطيع ان يستغنى عن الوصلة و ان اسعد لحظات حياته عندما ينهى يومه الشاق ويذهب الى بيته كى يتناول طعامه وهو يشاهد ( عمرو اديب ) او فيلم على ( الموفيز ) , واعتقد ان لاسباب كهذه لا تكافح الحكومة هذه الظاهرة , لأنها اصبحت ادمان للمصريين واحد انواع التغييب العقلى بأفلامها وكليباتها وبرامجها , واعتقد اذا صدر قرار بأنهاء ظاهرة الوصلة ستخرج المظاهرات تطالب بأرجاعها , ومن السخرية ان اقول عندما قررت الحكومة فى السبعينات الغاء الدعم خرجت مظاهرات تندد هذا القرار وكانت تقول ( سيد مرعى يا سيد بيه , كيلو اللحمة بقى بجنيه ) , واذا صدر قرار هذه الايام بقطع الوصلة ستخرج مظاهرات تقول ( احمد نظيف يا احمد بيه , سيب الوصلة قطعتها ليه ؟ )

ودمتم

حقوق الطبع محفوظة

لمااتركس +هياااااا

مشتركين في مسابقه افضل دوويتوووو
البنفسجـــي

[رحيق الجنه]

موضوع رائع ي ما تركسانت وهيا
بس ليا استفسار صغير يعنى ايه وصله؟؟

عامه لو انت بتتكلم على الفضائيات والاباحيات اللى فى الفضائيات فالكلام ده موجود هنا فى اوروبا على التلفيزيون العادى هنا بعد الساعه 9 من غير تشفير
يعنى قصدى انه فى الاخر يرجع للانسان نفسه ولسلوكه وتربيته
رايت بعض الاغانى العربيه ومافيها من اسفاف قد يكون فعلا مبتذل بالنسبه لبلد عربى لكن انت ايضا لك حريه التصرف واختيار ما تريد ما شاهدته وترفض ما تراه غير لائق فانت مدرك وراشد

بالتوفيق فى المسابقه
تحياتى

[تيا]

ههههههه موضوع جميل جدا يا ماتركس
وحلوة الصورة بتاع مواصفات الشاب المتتامر ههههههه فظيعه بجد
بس يا ريت تقولي يعني ايه ابن الوصله عشان مفهمتش
توبيك جميل يا ماتركس انت وهيا
وبالتوفيق

[đΘόđΘό]

بجد موضوع جميل

بس عايزه اوضح نقطه مش معنى ان الوصلات ذادت في البلد ده ميديش الحق للشب يبقى ذئب ويمشي يئذي في بنات الناس

اكيد الفضائيات عليها اللوم على القرف ال بيعرضوه بس بردو الانسان عندو عقل وضمير وخوف من ربنا وهوا الي هايقرر يتفرج على اييه وميتفرجش على اييه

نيجي بقه للمبي الي انا بكرهو وبكره عبطو يعني من كتر نجاح العبط عمل فيلم كركر وماشاء الله عليه مجبش معاه فنانين هوا قام بكل الادوار
اثبت بنجاح افلامو وايرادتها العاليه ان الي بينج في الحياه هوا العبيط

وبجد مجهود رائع

وبشكر هيا وماتركس

[جميلة مصر]

اسمح لي ابدي اعجابي بقلمك وتميزك واسلوبك الراقي وتالقك

[رووكه]

احمد وهياااااااا يارب يوفقكم وتكونو افضل دويتو يارب
بس هقولك يا احمد الوصله مش هى السبب لالالالالالالا خالص
طب ما الدش العمومى موجود فى كل بيت وانت عارف فيه كام هائل من القنوات
اللى ربنا يعفينا عنها يارب
الوصله فيها قنوات كتيره عن الدين الرحمه والناس والمجد
لو هنتكلم هنقول التربيه والجيل الجديد

بالنسبه لباقى الموضوع فانا معاك المطربين يطلعو مش لبسين
يعنى دول الكاسيات العاريات ربنا يلطف بينا يارب
ويهدى امه محمد يارب

موضوعك جميل يل احمد ويارب ابارك على انكم افضل ديوتو يااااااااارب
مننحرمش من مواضعك

[هيا*HYA*]

الحمد لله ان الموضوع عجبكم
طبعا بشكر اخويا احمد لانه هو اللى جاب فكرة الموضوع
والمقصود بأبن الوصله يا تـيـــــــــا
اللى هى وصله الدش اللى كتير من الشباب بيعملوهاعلشان يتفرجوا على القنوات الغريبه والمبتزله وهى بتبقى عدد من القنوات الافلام والكليبات وافلام اجنبى وطبعا بتكون القنوات دى من القنوات المسفه واللى بتعرض الفنانين اللى بيعتمدوا على الرقص والعرى والعبط

وتقريبا وصل عندنا فى مصر سعر الوصله 35 او اقل تقريبا
وبس
وشكرا لكل من علق واعطى رأيه على الموضوع

[حياتي ذكريات]

السلام عليكم
ديتو رائع جدا من هيا وماتركس كل التوفيق ليكو
واتكلمتو بجد عن واقع محزن وؤسف للغاية
انتو عارفين دولوقتي الحال اتقلب خالص زمان كانوا علمائنا
في المقدمة دولوقتي الفنانين والمغنين والمغنيات الهابطات هما
اللي في المقدمة وبيتشالو على الراس
وكمان التلفزيون ليه دور كبير أووي في تربية الأجيال لإنه بيأثر
على تفكير الإنسان سواء سلبي أو إيجابي يعني لو واحد محترم
وشاف مثلا أغنية ولا حاجه فيها قلة أدب يمكن تحرك مشاعره ونفسه
من جواه ويؤدي بيه في النهاية الى طريق حرام
إعلامنا للإسف مش في صفنا بيجيب الحاجات اللي بتجذب الشباب
عشان الكسب المادي بقينا حتى نشوف عيال صغيرة بس أخلاقهم
وحشة وكلامهم كمان نسالهم من فين جبتو الكلام ده يردو بكل براءة
شفناه في فيلم كذا او المسلسل الفلاني
بجد واقع محزن للغاية .. نسأل الله السلامة ونرجع للدين الصحيح
تحياتي ليكو يا هيا وماتركس ربنا يوفقكو

[قلـــــــــــــــــم]

موضوع جميل


ما شدني اكثر


لقد اختلف مفهوم القدوة فى حياتنا بسبب ابن الوصلة والقنوات الغنائية الهابطة , اين احمد زويل وفاروق الباز وحمدى قنديل وحسن نافعة و غيرهم من الشخصيات التى تستحق ان تظهر وتفيد غيرها وتأخذ بيدهم الى المستقبل لا الى حلبة الرقص ..!


ما تحدثتما عنهم زويل والباز قنديل والبردعي وغيرهم الكثيرون مثال مجدي يعقوب


كلهم تبنت عقولهم الغرب ليستنفعو بما في عقولهم


نحن كمجتمع مكبوت مضغوط لا سبيل لديه

غير المدسوس عبر الاعلام الداخل اولآ والخارجي ثانيا


اصبحنا شبة قوام هاش (عقول ابيض من الصيني بعد غسيله)



سلمتم اخي على الديتو الرائع


حفظكم الله واعز قدركما

[ماتركس]

اقتباسالمشاركة الأصلية كتبت بواسطة رحيق الجنهموضوع رائع ي ما تركسانت وهيا
بس ليا استفسار صغير يعنى ايه وصله؟؟

عامه لو انت بتتكلم على الفضائيات والاباحيات اللى فى الفضائيات فالكلام ده موجود هنا فى اوروبا على التلفيزيون العادى هنا بعد الساعه 9 من غير تشفير
يعنى قصدى انه فى الاخر يرجع للانسان نفسه ولسلوكه وتربيته
رايت بعض الاغانى العربيه ومافيها من اسفاف قد يكون فعلا مبتذل بالنسبه لبلد عربى لكن انت ايضا لك حريه التصرف واختيار ما تريد ما شاهدته وترفض ما تراه غير لائق فانت مدرك وراشد

بالتوفيق فى المسابقه
تحياتى

السلام عليكم يااارحيق الجنه
اولا تسلمي علي رايك الجميل ده
ثاانياا الوصله يعني هيه وصله بتبقي مووصله بدش ويووزعووو بيهاااا الي 1000 بيت مصري
وفيهااا قنووات متتعدش
وعاايز اقووالك عندكم في ارووباا بيفرق عندناا احناا هناا عرب
انتوو عاايشين حيااه مفتووحه يعني كلوو يعملوو اللي بدي ايااه لكن احناا دووال اسلاميه يعني عليناا حقوووق وواجباات لازم نلتزم بيهااا
ومنجيش نقووووال نحط النااااااااار جنب البنزين ونقووووال لا مش هتووالع الناار لا هتووالع وتبقي حريقه كماان
اناا عاايز اقووالك مااشي كل وواحد مننا عاارف انوو ده غلط وده صح بس ايه زنبهاا الاجياال الصغيره دي
لماا تشووف هيه وصغيره المنتااظر دي يااا تري هيعمل ايه هيقلد كده كده بننشي جيل فااسد جيل بيقلد وهوووه مش عاارف الغلط فين والصح فين لازم نااخد بالناااااااااااااااا
وشكراا ياا رحيق علي مرورك منوره المووضووع