منظمة التطعيم ضد الجرب

[فتحى عيسى]

يعلن الممثل الشرعى الوحيد لمنظمة التطعيم ضد الجرب
أنه تم بحمد الله أكتمال الجرعات وأننا أتحصنا تمام واتحررنا من
آفات اللى كان وبدينا مشوارنا من غير منخاف من جلدنا من غير منعادى
أبونا وأمنا ,التطعيم خلانا أخوة يد واحدة تجمعنا كلنا , التطعيم شال
الطمع من نفوسنا والريبة من حولنا , التطعيم مرفعش ناس ولا داس
على ناس ولا خلانا كلنا زى بعضنا فينا درجات ودرجات بس موصولة
بجمعنا, لأنه خلى قلبنا واحد ضميرنا واحد هدفنا كلنا شايفينه بنفس
الحب اللى لم شملنا بنفس الثقة وايمانا بجمعنا.
يعلن الممثل الشرعى الوحيد لمنظمة التطعيم ضد الجرب
عن فتح شباك التطعيم للراغبين فى التخلص من التشوية
اللى طال سلالة الدهب
وللتذكير هيريحنا كتير من جلد نفسنا
هيخلصنا بجد من كره بعضنا
هيقربنا من التفكير وهيبعد عنا عظمة كبرنا
وهيلحقنا بالعارفين مكانتنا أكتر مننا
التطعيم ياسادة خلاصة الصابرين
هيغيبنا ياسادة عن واقعنا الأليم
هينسينا أننا ضعفا وهيغطينا بعد متعرت حروفنا
التطعيم ياسادة
أخر أمل قبل منموت
وشنا فى الطين
فتحى عيسى
( من مدوناتى )