تجارة...حقوق...طب...هندسة...علوم... حاجة تزهق

[فريدة]

تجارة...حقوق...طب...هندسة...علوم
فى كليات كتيرة موجوده واحنا بيبقى حطين عينينا على كلية معينة
لكن ربنا يخليهلنا التنسيق بيدخلنا على مزاجة انا عن نفسى فلت منه و دخلت الى انا عايزاه
لانى فى جامعة خاصة لكن فى ناس كتيرة ماسبهاش التنسيق
ممكن الناس التى مرت بتلك التجربة ترويها لنا
و شكرا

[فريدة]

ايه يا جماعة باين كده مافيش حد فى الجامعة خالص فين الردود

[Meno]

أولا بهنيك انك فلت من التنسيق ودخلتى الكليه اللى انتى عاوزاها

بس التنسيق دلوقتى بأه مشكله كبيره عند معظم الناس زيه أرتفاع الاسعار وزى مساكل كتير احنا بنعيشها دلوقتى

وأكيد مفيش بيت فى مصر مش عاش المشكله دى وأكيد فىناس فقدت كل احلمها بسبب المشكله دى
بس المهم اننا نستفيد منها وأنا للاسف واحده من الناس اللى التنسيق الحمد لله رمانى فى كليه انا مش عاوزاها بس هعمل أيه مكنش ادامى غيرها

المهم أنى أتعلمت ان الضربه التى لاتقتلنى تقوبنى

وقررت انى أحقق أحلامى فى الكليه اللى أنا فيها بس للاسف لسه بتألم على حلمى اللى راح منى

[wardetelamal90]

انا الحمدلله اكبر منكم
وعديت من المرحله دى
انا اه مش دخلت اللى انا عيزاه
بس الحمدلله على كل حال
انا داخله 2 خدمه اجتماعيه

ربنا معاكم بقى

[فريدة]

wardetelamal
اشكرك على ردك و اشكرك كلم بلا حبر و اشكركmeno

[Rona el Tota]

موضوع جميل بجد يافريدة بس انا لسة داخلة اولى تانوي ادعولى ادخل الكلية اللي نفسي فيها يارب
تحياااااااااااااتي

[نزف الذكريات]

موضوع جميل ويستحق للنقاش

ويمكن معظمنا فاهمين الموضوع غلط


أنا خريج تجارة القاهرة

وهى دى الكليه اللى كنت عاوزه


المشكله مش فى التنسيق

المشكله فينا أحنا وفى المجموع

المجموع هو اللى بيحدد نوع الكليه وكمان الجامعه

يعنى التنسيق برىء من ذنب اختيار الكليات

كمان التعليم الخاص مش حل لاختيار الكليه


المجموع هو الحل وهو بيحدد الكليه


شكراً يا فريدة على الموضوع الجميل


نزف الذكريات

[أورشليم]

انا الحمد لله فلت من التنسيق
بس برده مدخلتش الكلية اللى كنت بتمناها
ههههههههههههههه
بس دلوقتي اتأكدت ان الكلية اللى انا دخلتها دي فيها الخير كله
ولو كنت دخلت الكلية اللى كنت عايزاها-اعوذ بالله-كان زمان حالى دلوقتي ......................
عايزة اقول انه انت دخلت الكلية اللى عايزها او مش عايزها
ماترميش فشلك فيها على شماعة التنسيق
انت الوحيد اللى تقدر تحدد هتنجح فيها ولا لأ
ولو كنت فعلا راجل بجد
هتقدر تتأقلم وتنجح وتتفوق كمان في اي كلية
:080402gudl_prv:

[Karamela]

موضوع جميل ويستحق النقاش

ولكن أرجو المناقشه لا تتجاوز أى خطوط حمراء

[فريدة]

شكرا لكل ردودكم شكرا ronaeltota
وشكرا نزف الزكريات و شكرا اورشليم و karamela