بقولكو إيييه أنا عايزه أنتحر بقا كفايه كداا؟؟!

[oЯҜeĐα]

الانتحار دي كلمه الواحد بيقلها من غلبه لكن صعب ان احنا نعملها وتقلب بجد

وكلنا عارفين كويس انها حرام حتي بس انها تتقال امال بقي لو فعل
ربنا حرم علينا قتل انفسنا لاي سبب من الاسباب

لاننا بكده بنكون اتعدينا علي اللي ربنا كتبهلنا ومش راضيين بيه

وطبعا المنتحر كده كده كافر

المشكله بقي في اني مكنتش متخيله ان فيه ناس وبالعدد المهول ده

وبينتحروا بجد


محمود سعد في برنامج (( البيت بيتـــك )) جاب تقرير شامل

علي ان نسبة الانتحار في مصر زادت سنة 2009 بنسبة 25 %

عن السنه اللي فاتت

يعني بكده تبقي نسبة الانتحار في مصر بقت 95 % في اخر عشر سنوات

للدرجه دي الناس بقت مستغنيه عن عمرها

للدرجه دي بقي العمر هاين علي الناس


حتي لو ضاقت اوي قدامهم

من اي مشكله من مشكلات العصر

بس النسبه كبرت اوي لدرجه تخوف

مش عارفه المشكله في قلت الايمان بالله عز وجل ولا المشكله في المشاكل اللي بتحاوط الشباب دلوقتي


ولا الموضوع بقي بيتحسب ازاي عند الناس ؟؟

بسم الله الرحمن الرحيم (( يا أيها اللذين آمنوا لا تأكلوا أموالكم بينكم بالباطل إلا أن تكون تجارة عن تراضٍ منكم ولا تقتلوا أنفسكم إن الله بكم رحيماً )) صدق الله العظيم .

[حياتي ذكريات]

السلام عليكم
أولا الشخص اللي بيلجأ للإنتحار بيبقى ما عندوش
ايمان في القلب أو بالأصح ايمانه ضعيف بالله
بيجي على أي مشكلة يحس ان خلاص الحياة هتنتهي
يروح ينتحر ويحسب انه بكده حياته احلى مع انه لو عرف
عذاب جنهم وشدتها هيهون عليه اللي هو فيه
عارفة في الغرب عشان مش مؤمنين روحي شوفي نسبة
الإنتحار عندهم قد ايه .. لو حد وقع في مشكلة على طول بدون تفكير
يقدر يروح ينتحر لإنه ما عندوش رادع يمنعه او مش عارف ايه هيحصله
لكن هنا في بعض الشباب بيفكرو في الإنتحار بس اللي بيمنعهم
انهم عارفين ايه مصيرهم في النهاية بيخافو ويشيلو الفكرة من دماغهم
تسلمي يا سحابة احساس على الموضوع الجميل ده ... ليكي خالص تقديري

[oЯҜeĐα]

معاكي حق بجد
تسلمي ياقمراايه على مرورك الجمييل
حقيقي نورتيني يااثكره

[سـ الليل ـكون]

شوفى ياقمر

كل اسبابك انا بتفق معاكى فيها

قله الايمان وغياب الوازع الدينى ممكن

كثرة المشاكل الاجتماعيه والاقتصاديه وازدياد ضغوط الحياه ممكن

وغيرها من الاسباب بس فيه حاجه واقعيه انا لمستها شخصيا وقد تكون عذرا لبعض المنتحرين

ايه ايه ايه اهدو كده بلاش هجوم عليا وهفهمكو ليه

انا مرة اتعرض لضغط نفسى وعصبى لا يحتمل للدرجه انى مبقاش عندى احساس بالمحيط الخارجى

وشبه مغيب الوعى غير مدرك لافعالى الحكايه دى حصلتلى فجاءة دون اى مقدمات ومعرفش ازاى وصلت للحد ده لدرجه انى طلعت السطح وانا اسير الحاله دى ووقفت وخطر ببالى انى ارمى نفسى مش للانتحار بس كنت عايز احس بجسمى كان متهيالى انى فاقد الاحساس باى حاجه
ولو واحد كان ضربى بالنار وقتها برده مكنتش هحس بحاجه

طبعا انا والحمدلله مؤمن وعارف ان الانتحار محرم وعمرى ما افكر فيه بس قصدى من حكايتى ان بعض الناس اللذين اقبلو على الانتحار قد تنتابهم هذه الحاله وبشكل افظع فلا يدركو خطورة ما يفعلون ولا عندهم القدرة فى توابع فعلهم فينتحرو عن غير قصد الانتحار

انا حللت ده من خلال التجربه اللى انا عشتها ومهما وصفتلكم مش هعرف اوصلكم احساسى بجد

اعتذر عن الاطاله

تسلمى سحابه على الموضوع الجامد

ودى واحترامى

سكون الليل

[حسن513]

طبعا لو ما فيه حساب كان تقبل المسئلة ولكن تهرب من الدنياء وتروح لعذاب اشد طبعا ولو كان منتحر عشان حبيبته فعذاب الاخرة راح ينسيه اياها والحمد لله ولا نعرف ممكن وصلوا لحالة ما تجعله يفكر اما امراض اوغيره ...
وتسلم ايديكي يا سحابة على الموضوع الرائع والله يحفظك.

[fula]

السلام عليكم ورحمة الله...يا سحابة موضوع الانتحار ده سببه ضعف الايمان وعدم الرضا بقضاء الله والكسل فى السعى للحصول على الرزق والكل بقى عايز الحاجة تيجى لغاية عنده محدش عايز يتعب او يبذل مجهود بس المهم من الاهم اننا نقرب من ربنا ونعرف ان كل شئ بامر الله..(يا ايها الذين امنو لا تقنطو من رحمة الله)صدق الله العظيم يبقى لازم نبقى عارفين ان كل شئ بامر الله وان ربنا معانا فى كل وقت لكن قتل النفس حرام والمنتحر كافر طبعا ...وتسلم ايدك يا سحابة على موضوعك القيم..بس ليا تحفظ بسيط على الصورة اللى فى توقيع حضرتك بصراحة اوفر شويه اسفة انى قلت كدا ياريت مكنش ضايقتك

[skytop]

سحابه

موضوع رائع ومفيد، ومع احترامي لجميع المحاورين ووجهات نظرهم الصائبه، في اعتقادي ان السبب الرئيسي هو فقدان الأمل، لأن الأمل هو الدافع الحقيقي لحب الحياة والصبر على مكابدتها

أرجو مراجعة هذا الموضوع اللي فيه شويه خواطر عن الأمل:


http://forums.msryat.org/showthread....08#post1387208

[oЯҜeĐα]

ميرسي ليك سكون
وفعلا كلامك صح
وقت الغضب الواحد مش بيعرف هوا بيعمل اييه
دايما منورني ياقمري بجد ميرسي

[oЯҜeĐα]

ميرسي عالمرور حسن
منووور يامااان

[oЯҜeĐα]

يثلمووو عالمروور فله يااثكررر