بابا طلق ماما

[big bốss]

سلام عليكم جميعا يارب تكونو كويسين

ياجماعة ركزو معاي كويس









ابويا طلق امى

ابويا طلق امى من 10 سنين كدا
كان لسة عندى 8 سنين
كنت فى المدرسة متفوقه وبتعلم زى بقية خلق الله





وكان عندى اخ اصغر منى عندها 4 سنين
ولما حصل الطلاق
ابويا اتجوز وحدة تانية
وامى اتجوزت راجل تانى
هما اتجوزو وكل واحد راح فى بيته
وسابونى انا واخويا نتربى مع واحد صاحب ابويا
كان عنده اولاد كبار ومتجوزين وهو كان راجل صاحب عاية محتاج حد يساعده او يناوله حاجة
وكان بيعلمنا وحبيناه وحسينا فيه يعنى ايه كلمة بابا
وعشنا معاه سنتين لحد ما الراجل دا مات
واولاده ورثو البيت وطردونا وقعدونا فى أوضة ع السطح





وبقينا مقطوعين من شجرة ومحدش بيسأل فينا
بعد كدا انا سبت المدرسة علشان اشتغل واصرف على نفسى واصرف على اخويا
اشتغلت مرة تباعه على ميكروباص
عتبه عتبه رمسييييييس
ومرة اشتغلت شغاله فى البيوت واشتغلت فى فرن عيش
وكنت فى كل مرة بنطرد من الشغل علشان صحاب الشغل كانو بيقولو ان عضمى لسة طرى ومش انفعهم فى الشغل
وربنا كرمها معايا واشتغلت مع واحد حنوتى واتعلمت منه واستمريت معاه وعرفت ناس كتيرة

وميت معاهم وفى مرة لقيت واحده بتعرم عليا بسجارة رحت واخدها وشاربتها ما انا لو مش شربتها هتقول عليا عيله
ولسه برضو عضمى طرى

وشوية شوية شربت ممنوعات وادمنتها وسرقت الراجل صاحب الشغل وبقيت اتأخر عليه وطردنى من الشغل
واخويا كانت فى الاعدادية وعايزة فلوس يشترىملخصات ويروح عند مدرسين
حاولت ارجع الشغل تانى معرفتش ......وكنت قاعد فى مع اصحابى وقعدة كيف الساعة 3 قبل الفجر

لقينا شوية شباب من اللى هما ولاد الناس الاكابر دول ماشيين فى الشارع
روحت ماسك سلاح علشان اقلبهم واصرف على مزاجى والواد اخويا
راح واحد منهم عاند معايا وحاول يمسك السلاح من ايدى رحت معوره ومكنش قصدى انى اعوره
كان قصدى اهوشه علشان يبعد ايده عنه .....لقيته مات وراح فيها





ههههههههههههههههههههههه
اوعى القطر
سيكم انتو ده كلو معر والحمد لله










بعد دا كله لقيت نفسى قومت من النوم
قومت اشوف بابا وماما
والحمد لله لقيتهم موجودين





غمضت عينى وفكرت





انا لو ابويا طلق امى هيحصلى ايه؟!!!




عايزكم تتناقشو معايا فى الموضوع دا




ابناء الطلاق




مسئولية مين ؟




وحقهم مين هيجيبو؟




نعاملهم ازاى؟




دور المدارس والجمعيات فى تربيتهم وتعليمهم ؟




وبما اننا من اكبر الدول اللى بيحصل فيها حالات طلاق ...مش عارفه الاحصائيات بالظبط قد ايه
لكن اللى اعرفه ان كل 6 دقايق بيحصل حالة طلاق فى مصر
واكيد معظم المطلقين عندهم اولاد
طيب الولد او البنت دا لو عاش مع شخص واحد من الطرفين ....اكيد هيكون تعبان نفسيا ومحتاج رعاية ومحتاج تكامل الطرفين ومشاركتهم مع بعض
وحاجات كتير عايزين نتكلم عليها هنا فى الموضوع دا
مش مهم نتكلم عن الاب والام اللى بيطلقو بعض ....دول يولعو بجاز
المهم نتكلم عن اطفالهم اللى هما فى حاجة لحد يربيهم ويساعدهم على التعليم علشان يستمرو فى الحياة




اسفه على الاطالة





القصة عبارة عن قصة وهمية تم صياغتها لتخدم الموضوع



الردود بقا ها
الموضوع بجد يستاهل المناقشه

[حياتي ذكريات]

السلام عليكم
موضوع الطلاق ده في النهاية بيطلع المظلومين العيال
وزي ما قلت اما بيطلقو بيروحو يعيشو تحت ايد أي واحد منهم
وده بيسبب حالة نفسية سيئة للطفل خاصة بيبقى متشتت
ومش عارف يعمل ايه وتلاقيه كل ما يعد عند امه تسمعه كلمتين
على الأب انه هو اللي ظلمها واما يروح عند أبوه نفس الحكاية بتحصل
مفروض الطلاق لو حصل لا قدر الله انا في رأيي يروح تحت ايد امه لانها
هتعرف تراعيه كويس وهتهتم بيه بس برده يزور أبوه على طول ويعد معاه
والأفضل انهم ما يجرحوش مشاعر الطفل بكلمات عن سبب الطلاق او يشحنوه
بكلام خاطئ ويحسسوه بحبهم ليه وياخدوه في حضنهم ولو سأل الطفل عن
سبب الطلاق يقول اختلاف ما بينا ويلطفو الموضوع معاه عشان ما تترسمش
عليه علامات الحزن والألم وما يحسش الطفل بفراغ عاطفي جواه
تسلم يا نور على الموضوع المهم ... خالص تحياتي وتقديري

[fankosha]

فعلا يانور يستحق النقاش

الابناء هما الى بيدفعو ثمن
مشاكل الام والاب وسبب الخلاف
الام بتتجوز والاب كذالك
وهما زمبهم ايه
اطفال بريئة تتشرد لمجرد خلافات
وفى غيرهم بيتربو مع مرات الاب الى هى
زى السجن والاجرام
المفروض ان الاب والام من الاول يكونو متفاهمين
لو حصل الطلاق لازم يقررو مصير اولادهم اولا


وفى النهاية بقول لكل ام اواب اطلقو واولادهم اتشردو
حسبى الله ونعم الوكيل
بجد يانو مواضيعك هادفة جدا
لاتحرمنا من جديدك
تقبل مرورى

[fula]

السلام عليكم ورحمة الله.....ايه يا نور العنوان اللى يخض ده..هههههههه..بص يا نور الموضوع ده مهم فعلا وخطير وحالات الطرق مرتفعة فعلا بس المشكل مش فى الطلاق فى حد ذاته ممكن يكون زوجين مستمرين فى حياتهم مع بعض بس برضو بينهم مشاكل والاولادهم برضو ممكن يكونو معقدين وسمعنا كتير عن ولاد شوارع طفشو من بيوت اهاليهم من غير ما يكونو مطلقين ولا غيرو ...المشكله فى الطريقة اللى بيتعامل بيها الطرفين مع بعض بعد الطلاق من مشاكل بقى واحقاد وضغائن ومحاكم وكل ده ..هو اللى بيعقد الاطفال يبقى المفروض نتعامل مع الطلاق بحكمة وعقل ونفكر فى مصلحة الاطفال...وبارك الله فيك يا نور ومنتحرمش من مواضيعك القييمة

[شاعر واسير الحب]

ابغض الحلال عند الله الطلاق

بعد الطلاق تشتيت الاطفال.. اطفال شوارع ..جرائم ...البعد عن الدين في كل الاعمال الا من رحم
واشكرك