لواحظ وعبد المتجلى حلقه واحد

[بحار فى بحر الحب]

بسم الله الرحمن الرحيم


اللهم صل على محمد وعلى آله وصحبه أجمعين


السلام عليكم ورحمة الله وبركاته



يلا بينا مع اجمل يوميات مضحكة من القلب تعالو نضحك




(الحلقة الاولى)


الام:لووووووووووى لووووووووووووى
الاب:ايه يا جملات بتزغرطى كده ليه؟
الام:اسكت يا حج لواحظ جالها عريس يا اخويا

الابوعنيه مبرأة ومذهول) لواحظ بنتنا يا ولية ولا انا بيتهيألى!!!!يا اما أنتا كريم يارب أخيرا هتتفك عقدتها
الام:وطى صوتك يا متولى البت تسمع تتقهر يا أخويا احنا ما صدقنا

الاب:طيب طيب خلاص بس تعالى احكيلى مين اللى امه داعية عليه ده

الاموهى فى منتهى الانشراح) ده الواد عبد المتجلى ابن الست بهية فى الشارع اللى ورانا يوه ما انتا عارفهم يا راجل كان ابوه بتاع مراجيح

الاب:ها كملى.... اولها مراجيح ربنا يستر

الام:هو عمره ما شاف لواحظ بس سمع عن ادبها وجمالها اصله كان مسافر الخليج يا اخويا

الاب:أدبها طب قولى حاجة غير كده يا ولية ما انتى عارفة بنتك لسانها طول نفق شبرا

الام:يوه بقى يا متولى سيبنى اكمل يا راجل وما تبوظش فرحتى

الاب:يعنى بيشتغل ايه حيلة امه ؟

الام:بسم الله ماشاء الله ميكانيكى اد الدنيا

الاب:يلا لو زبال حتى انا عاوز اجوزها قبل ما أتشل وتجيلى جلطة من عمايلها السودا

الام:بعد الشر عليك يا ابو لواحظ....وتعيش وتشوف ولاد ولادها



الاب:لالالالا هى بس تتجوز ومش عاوز اشوف اى حاجة من ريحتها ده انا جالى الضغط والسكر منها يا جملات

الام:ههههه تتك أيه يا متولى ضحكتنى ده انتا بتموت فيها يا راجل مش بنتك الكبيرة

الاب:امال ايه ....بس ربنا يهديها وتتم الجوازة على خير

(صوت تكسير وصريخ ابنهم الصغير حناطة خارج بيجرى من اوضته )

حناطة:أاااااااااااااه الحقونى يالهووووووووووى

(ويستخبى حناطة ورا كرسى أبوه .....بينما تخرج الليدى لواحظ بتجرى وراه وهى بنت شرسة رغم ملامحها التى تبدو الى حد كبير مقبولة ولكنها غير منظمة فى مظهرها وعنيفة وصوتها عالى باستمرار)

لواحظ:وحياة أمك وأبوك اللى رايح تستخبى وراه ده لقطعك ياخرتيت انتا.....مااااااااااشى اما كهربتك يا حناطة وانتا نايم وتموت مفحم ما أبقاش أنا

الاببمنتهى الهدوء والرعب طبعا من منظر بنته وفلذة كبده لواحظ) ايه يا لظلظ صلى على النبى فى قلبك كده يا بنتى فى ايه بس؟

لواحظ :اسكت انتا دلوقتى يا عم الحج سيبنى منى له

الاب:عم الحج!!!! يا بت احترمينى الله يحرقك ده انا ابوكى



كان يوم اسود يوم ما أمك قالتلى انها حامل فيكى
الام:اة يا اخويا حتى يومها المرحومة أمك ربنا افتكرها اهى البت طلعت لها


لواحظ:يا عينى عليكى يا لولو كلهم عليكى الهى اشوف فيكو يوم

الاب:يلا يا حناطة على اوضتك ماتخفش ....(ويلتفت الاب للواحظ) وانتى يا أم طويلة أترزعى جمبى هنا عايزك

لواحظتقعد على الكرسى فى انكسار وهزيمة بعد ما حناطة فلت من تحت سنانها) افندم يا بابا
الاب:ايه الادب ده كله .....الله الله

الام:خلاص بقى يا متولى يلا فرحها بالخبر (وتطبطب على لواحظ وعلى وشها ابتسامة عريضة)

الاب:احممممم بصى يا لواحظ يابنتى خالتك حسنية جايبة لك عريس لوقطة وهيجوا يشوفوكى الخميس الجاى

الام:لووووووى مبروك يا نور عينى عقبال الفرح يارب(وتبوس لواحظ التى جلست فاتحة بؤها ومذبهلة من خبر زيارة عريس الغفلة)

الاب:هو اسمه عبد المتجلى وبيشتغل ميكانيكى محترم .......ها ايه رأيك .؟

لواحظ:ايييييييييييه ميكانيكى يعنى ايده سودا وريحته بنزين 80....مستحيل اتجوزه مش عايزاه

الاب:هتشوفيه غصبن عن عين ابوكى .....هو ده اللى عندى واعملى حسابك على الخميس اللى جاى
لواحظوعنيها بتطق شرار وتحدى) بقى كده ماشى


انتا اللى جبته لنفسك يا سى عبد المتجلى ..........

لسة الخطوبة وربنا معاك يا عبده
اتمنى تعجبكم يا جماعة
والكل معزوم فى الخطوبة
والحاضر يعلن الغايب
خطوبة لواحووووووووووووووووواحظ قريبا هههههههههههههههههههه


انتظرونى الحلقة الجاية .....................................


ياااااااااااااااارب تعجبكم هاا اليوميات

[countess]

هههههههههههههههه


حلوه شخصياتها خصوصا البت لواحظ


في انتظار الحلقه الثانيه بكره

[The heart]

هههههههههههه جميله أوي مستنيين الحلقه الجايه على نار أما نشوف هتعمل ايه

[سارة المنتدى]

هههههههههههههههه


حلوه شخصياتها خصوصا البت لواحظ

[fula]

ههههههههههههههههه......حلوة قوى اليوميات دى يا بحار زى مسلسلات الراديو هنستنى ونشوف لواحظ هتعمل ايه متتأخرش علينا بالحلقة الجديدة ....تسلم ايدك يا ابو على

[بحار فى بحر الحب]

اقتباس المشاركة الأصلية كتبت بواسطة برنسيسه s هههههههههههههههه حلوه شخصياتها خصوصا البت لواحظ في انتظار الحلقه الثانيه بكره

ههههههههههههههههههههههههههه

لا واصبرى دى شخصيتهااااااا

هتعجبك اوى ههههههههههه

قريبا ان شاء الحلقه 2

اسعدنى مرورك الحلو

[بحار فى بحر الحب]

اقتباس المشاركة الأصلية كتبت بواسطة the heart هههههههههههه جميله أوي مستنيين الحلقه الجايه على نار أما نشوف هتعمل ايه

الجميل هو مرورك هنااااااااااااا

وقريبا سنحضر جواز عبد المتجلى ولاواحظ

جهزى حالك ههههههههههههههههههه

عشان معزومين عندهم

[بحار فى بحر الحب]

اقتباس المشاركة الأصلية كتبت بواسطة سارة المنتدى هههههههههههههههه حلوه شخصياتها خصوصا البت لواحظ

هههههههههههههههههههههههه

منااا عارف شخصيتهااااااااا جباااره

هههههههههههه


مش عارف عجباكم فى ايه شخصيتهااااااا


اسعدنى مرورك هنااااااااااااااااااا

[بحار فى بحر الحب]

اقتباس المشاركة الأصلية كتبت بواسطة فلة1171997 ههههههههههههههههه......حلوة قوى اليوميات دى يا بحار زى مسلسلات الراديو هنستنى ونشوف لواحظ هتعمل ايه متتأخرش علينا بالحلقة الجديدة ....تسلم ايدك يا ابو على

ههههههههههههههههههههههه

لواحظ هتسوى عمايل

اسعدنى مرورك الجميل

[ـًآ‘إوٍلٍ حٍ‘ـبٍ]

طيب اشمعنى 80 ميمشيش 92 عشان زي ما قال الاب ده ميكانيكي محترم هههههههههههههههههه