واخيرا ..بدأت مسابقة احلى توقيع + تم الاعلان عن الفائزين

[Little princess]

بسم الله الرحمن الرحيم

السلام عليكم ورحمة الله وبركاته

اخوانى واخواتى فى منتديات بنات مصر

تحية طيبة وبعد ..>> كفاية مقدمات بقى خشي فى الموضوع :Sport-007:

الموضوع ده يا شباب بأعلن فيه عن البدء الرسمي لمسابقة احلى توقيع
اللى كان بفكرة الست كراميلا اللى عملتها وخلعت ومبشفهاش بتدخل

المطلوب ايه بقى؟؟ >> اسمعوا وطرطقوا ودانكو كويس

1. التوقيع مش اى حجم والسلام .. يبقى العرض الافقى 500 والطول الراسي 400 بيكسل

2. اجباري يكون عليه اسم المنتدى واسم الفريق

3. الرفع يكون على مركز رفع المنتدى >> www.up.msryat.org

بس كده ؟؟ اللى بعده

طبعا كلكوا ملاحظين ان الموضوع مغلق
ليه يا ترى؟؟!!

1. عشان محدش يسلم التوقيع هنا ومحدش يشوفها من الفرق التانيةإلا بعد انتهاء مدة المسابقة
<< حته سسبنس ^^

2.عشان مدخلش الاقى الموضوع بقى 500 صفحة من اول يوم ويبقى شات

3. الموضوع ده اللى هعلن فيه عن الفايزين بالمركز الاول والثانى والثالث
وهو برضه اللى هعرض فيه التواقيع والاوسمة للفايزين والاحتفال بيهم وانا عاوزاه فى اول صفحة

ملحوظة >> كل اللى اشتركوا هياخدوا اوسمة وهتبقى زيطة ^^

طب المهم بقى
هنسلم التواقيع ازاى؟؟

كل رئيس فرقة من الفرق التلاتة هيبعتلى رسالة خاصةفيها التوقيع
و للتأكيد على وصوله هبعتله رسالة بتأكيد الوصول


الموضوع هيتفتح تانى بعد 10 ايام من دلوقتى
يعنى يوم 3/9/2008

اى استفسار يبقى علخاص ^^

بالتوفيق للمتسابقين
تحياتي
Little princess

[Little princess]

ألف مبرووك للفايزين الثلاتة >> محدش عندنا خسران

الفائز بالمركز الأول ...

وسام كده على ما قسم ^^



..."فريق العصابة"...
عن العمل الفنى




وفى المركز الثاني..

..."فريق الفراشات"...
عن العمل الفنى



وفى المركز الثالث..
..."فريق زعبولة"...
عن العمل الفنى



ألف مبروك
فى اوسمة كمان
وهتتعلق الاوسمة قريبا لكل واحد شارك فى المسابقة..
من قبل هيثم >>لو معلقهاش امسكوا فى رقبته بقى :q

[Karamela]

ألف ألف ألف مبروك ياكول

والف مبروك برده للفرقة التانية أكيد تعبوا في تصاميمهم

الف مبروك للكل

ملاحظلة لــ Little princess ياريت ترفعي توقيع اتلعصابة تاني

لان الصورة مش ظاهرة عندي

.................................................. ...

أكرر تهاني الحارة لكم

^__^

[Şenyorita ®]

الله يبارك فيكي يا كراميلا يا قمر ميرسي جدااااااااا
وهارد لك للفراشات وزعبولة

[razan]

["]الف مبرو ك للعصابة توقيعهم فعلا لذيذ

وهارد لك للفرق التانية [/COLOR]

[قلب فاضى]

هوة مين الحكم اللى
فصل فى التواقيع دى ياجماعة
؟

[Little princess]

اللى فصل فى الحكم هو انا و هيثم يا قلب

التوقيع بتاع العصابة اهو تانى يا كراميلا

[قلب فاضى]

اممممممممممممممممممممممممم
اوكى
بس اسئلى اى حد على التصاميم دى
مفيش اى مقارنة بين التوقيع بتاعنا
والتواقيع التانية
دة اذا كان همة اللى عملينو
على فكرة انا نزلت سيبر وكل اللى فية قالو انتم اتظلمتك
بس عادى احنا اخوات
وعلى العموم الحكاية مش مستاهلة
ومبروك للى كسبو

السلام عليكم ورحمه الله


أولا :: أحب اعرفكم بنفسى , انا صاحب قلب فاضى ( عضو فى فريق الفراشه )
وطلب منى أنى ادخل وأبص على الفائزين والمشتركين.

قبل ما أبدا كلامى
احب أعرفكم الأول بشغلى اللى هو على أساسه قام ( قلب فاضى صديقى ) بطلبى للدخول
انا سوبر ديزاينر وقومت بتعليم أشخاص كتير جدا من طلبه معهد القوات المسحله بالقاهره
غير كده أشتغلت فتره كبيره فى شركه ماستر ديزاين لو حد يسمع عنها منكم
لأنى أساسا ديزاينر من سنه 2000
يعنى لو حتخدوها على أنها من باب العلم بالشئ وليس الأستهزاء بيكم
هو انى ديزاين من قبل ما البعض منكم يعرف النت اساسا
ولكن حاليا شغلى سرفرات ومنتديات وخدمات مواقع

ثانيا :: وده الأهم شوووور
قلب فاضى طلب منى أنى أبص على الديزاين اللى أخد المركز الأول
اللى هو كان يامل ان تصميمه هو اللى ياخده طبعا , وده من حقه
من وجهه نظرى الشخصيه حالياّ

فى الأول أسمحولى أنى أعرفكم بأصول وشروط المسابقات للمصممين
مش علشان أنا أكبر منكم فى السن لا علشان حكم خبرتى فى هذا المجال
عند عمل مسابقه للمصميين ( حتى لو مسابقه من على ما تفرج )
بيتم كتابه جميع الشروط ( الخاصه بالتصميم المطلوب واللى حيتم الموافقه عليه من قبل لجنه التحكيم , وليس شروط خاصه بالعضو نفسه من مشاركات أو عدم وجود مخالفات إلى اخره .. )
بمعنى بوضح لكل المصممين فى الفرق ايه اللى مطلوب فى التصميم عن طريق شروط وبنود
واللى لو نقص منه شرط او بند واحد لا يتم قبول التصميم
وليس عدم أخذه مرتبه وسط التصميمات الفائزه

مثال ::
ابعاد التصميم ( الطول والعرض )
حجم التصميم ( مساحه التصميم فى العرض وليس مساحته على القرص الصلب )
لانه بيكون على القرص الصلب بمساحه وعند الرفع بيحمل مساحه اخرى
خامات التصميم ( سواء خامات يتم وضعها من قبل اللجنه او أحضارها من قبل المصمم مع وجود الشروط )
الأضافات ( ودى النقطه اللى بتبين المصمم الكويس واللى بتدى للجنه التحكيم المساحه الكافيه فى أختيار التصميمات )
مصدر التصميم ( اللى هو ملف التصميم اللى بيكون أمتداده بــ psd للتاكد طبعا )
الخ .....


طبعا قبل لما ادخل أكتب ليكم الكلمتين دووول
دخلت على موضوع الأعلان على المسابقه فى نفس القسم
واللى طبعا مش لقيت فيه ولا كلمه من دووول
وده اللى خلانى أستغرب اكتر واكتر من قيام المسابقه بالفعل
لا كمان وتحديد تصميمات فائزه


كلمه للجنه التحكيم
مش حقول زى الناس انتوا اختارتوا التصميمات على اساس ايه
لكن حفسر ليكوا تصميم فريق ( قلب فاضى ) واللى فائز بالمركز التانى
وحسيبكم انتوا تفسروا التصميم الحاصل على المركز الأول
وحنسيب الناس هى اللى تحكم مش أنتم
لانه زى ما دينا بيقول وأمرهم شوره بينهم , وده طبعا عمره ما يكون تقليل من شأن لجنتكم
مع العلم انى لم أشاهد ملف مصدر التصميم ( الملف المفتوح psd )


1- التصميم يحمل من 12 إلى 15 لاير
2- الريفيلوشن او درجه وضوح التصميم تتعدى 90 كيلو بايت فى البكسيل الواحد
3- تناسق الألوان بأيفيكت واحد لكل 4 أو 5 لايرات
4- أيفيكت الكلمات المكتوبه تتعدى 12 حركه مختلفه
5- الحفاظ على برانو لكل صوره وهو تناسق القطعه مع الخلفيه بدرجات الألوان
6- حواف ارضيه الصوره مائيه فى التغبيش ولو تم عرض التصميم على ارضيه بلون مختلف حيبان كلامى ليكوا
فى أكتر من كده طبعا بكتير
لكن بدون وجود الملف المفتوح امامى مقدرش أديله حقه بالظبط
كل ده من حكم خبرتى فقط لا غير


ممكن حد من حضراتكم يقوم بشرح مواصفات التصميم الأول
ونخلى الناس هى اللى تختار
مع العلم بأنتهاء المسابقه , لكن لتحقيق العدل ليس أكثر


ملحوظه :: شرحكم المنتظر وافى وكامل لانه أكيد عندكم ملف المصدر
غير وضعى انا طبعا

حاجه كمان افتكرتها
ياريت الدعم الفنى للموقع يركب الصندوق المتطور فى الرد
لانى بجد تعبت جدا جدا وانا بكتب الرد ده ليكم
أرجوا انى مش أكون سبب مشكله بينكم
وان كلامى يكون خفيف عليكم
وان اجد اشخاص يقومون بالرد عليا والمناقشه


خالص تحياتى

[Little princess]

مش انا اللى حكمت لوحدى على التصميم الفايز

ثانيا كل اللى انت قولته ده من شروط التصميم موجودة بالفعل >> سلامه الشوف
ثالثا
توقيع فريق العصابة انا ماخترتوش كوسة يعني
لسبب وهو
ان توقيع فريق الفراشات مفيهوش تناسق كافى فى الالوان

يعنى كل الفكرة فى توقيع الفراشات انه فيه حركات ولمعه وكده
الشكل النهائي معجبنيش قد ما عجبنى بتاع العصابة

رابعا وده الاهم
انت مش من لجنه التحكيم عشان تحكم مين اللى ياخد المركز الاول والثاني..
يعنى من الاخر داخل عشان تنصف صاحبك مش اكتر

سلام يا...سوبر ديزاينر هعععععععع