عقبال ياماخذ فؤادي مية عام .. ضيعتني منك وانا ما اهتديتك

[فـهـد]

.

.


عقبال ياماخذ فـؤادي ميـة عـام ..
.. ضيعتني منك وانـا مـا اهتديتـك


لا ..ما نسيتك كيف بانساك مـا دام ..
.. ذكرى الفراق تهزني لـو نسيتـك


حبك قدر وانا على ديـن الاسـلام ..
.. مكتوب في وجه الجبين ورضيتـك


لك في الضمير الود والحشمه اتوام ..
.. ولي في ضميرك مثل ما انا بغيتـك


ولك منزلٍ في نايف القلـب وخيـام ..
.. وذود الغـلا ترعـاه ولا شكيـتـك


يفطر عليك القلب وان فارقك صـام ..
.. والله لونك شـوك سـدره كليتـك


القلب طيرٍ لادعـي للهـوى حـام ..
.. والا انت وكره من كثـر ماهويتـك


كن العيون من النظر عقبـك ايتـام ..
.. وكني ماريت الا انت من يوم ريتك


وكنك معي وانا فقدتك مـن اعـوام ..
.. مـع الخيـال القـاك كنـي لقيتـك


من صعب وصلك ما تهنيتك احـلام ..
.. وان جابتك فزيت شـوق ومحيتـك


يعني وصالك صعب واهدافي اوهـام ..
.. يعنـي زرعتـك للقـدر ماجنيتـك


صبرك يقولون العرب كـل الايـام ..
.. يوم عليـك ويـوم لاجـاك جيتـك


ويا قلب ياللي ورثك اجـروح وآلام ..
.. بليتنـي ماهـو بانـا اللـي بليتـك


ولعتني من عادني في الهوى خـام ..
.. واسرفت بي وانا خطامـك عطيتـك


طعتك وزبدة طاعتـك هـم وهيـام ..
.. مالله كتب لي واستخرت وعصيتـك


لوللقلـوب اسـواق بايـع وسـوام ..
.. لاابدلـك وان جيتنـي ماشريـتـك


والا انت ياللي جيش عينيك مقـدام ..
.. لا اقنعت منـك والرجـا مارجيتـك


كني سجين بين..افـراج ..واعـدام ..
.. وكنك سجن وانـا بنفسـي بنيتـك


تنبيك عن حالي محاصيـل الالهـام ..
.. وتخبرك نظراتـي نهـار التقيتـك


عقب الوصال اللي على عين من لام ..
.. قدهو يكفيني عن الوصـل صيتـك


وقدني الى مريت بالشـارع العـام ..
.. لديت من ما في الضميـر ودعيتـك


ادري ان صوتي ماقطع عشرة اقدام ..
.. وادري بي اعود الى مـن نصيتـك


ياشينهـا يامحنـيٍ راس الابـهـام ..
.. ماقدر على شوفك وانا عنـد بيتـك


الاعمار ما تضمن وانا اخاف الاحكام ..
.. ارثيك خـاف اودعـك مـا رثيتـك


.
.





تحياإأآتي لكم ،،،






.،.،.

[countess]

صح لسانك اخوي

عواااااااافي

[فـهـد]

صح بدنكـ
اخيتي
الظاهر ما يعرف هالعبارات الا انت
خخخخخخ

[بنت السعوديه دلعها غير]

انا عرفهم واعرفهم زيييييييييييييييييييييييييييييين بعد


صح لسانك وربي كلماات ولا اروع منها

يعطيك الف الف الف عااااافيه


تقبل مروري

[فـهـد]

^
أووووه انت غير يا بنت العم
خخخخخخ
بصراحه ابن فطيس شاعر فحل
شكرآ لك على المرور والشرطه
هع

[نبض المشاعر]

كتييييييييير حلو شوى هههههههه ما تزعل منى ياأبن العم تقبل مرورى