بتحبنى؟؟؟؟؟؟؟

[Mira]

اعرف منين للى بيحبنى
يكون بيحبنى بجد
ومش بيتسلى بيه؟؟؟؟؟؟؟؟
ارجوكم لو لقيته رد الحقونى بيه بسرعه

[قلب القمر]

اولا بتحسى انه مهتم بيكى اكتر من اى حد تانى ثانيا لو اتاحت ليه الفرصة تلاقيه بيسأل عليكى دايما ولو احتجتى اى حاجة هو اول واحد يعملهالك واهم حاجة نظرات عينيه ليكى ولو حد اذاكى بكلمة اوبفعل يكون هو اول واحد يدافع عنك ويحميكى

موضوع جميل اوى تسلم ايدك



تحياتى _ تيتو

[ماتركس]

السلام عليكم ياا ميررراا
اولا دي مش محتااجه تعرفي من تصرفااته ومن خووفه عليكي هتعرفيهاا
لووحدك وبيباان الحب الحقيقي

[Mira]

يمكن للى بينه وبينى النظرات بس يمكن اتخده بالنظرات ده
بس اعرف منين ان هو بيسال عليه
وانا استحاله اخليه يكلمنى
عشان انا مش بكلم ولاد ابدا
يعنى نقضيها نظرات
واولا مفيش موقف حصل عشان اعرف رد فعله
تفتكروا نظراته ليه كفايه

[تانيا]

ممكن أقول رأيي ........ ياريت متصدقيش النظرات أو حتى الأهتمام الزايد أو أى حاجه من الحاجات اللي هما أساتذه فيها وبيعملوها عشان يوقعوا البنت ..... بجد حتى لو جه قالك انو بيحبك متصدقيهوش .... لأنو مفيش ولد بيعرف يحب دى مخلوقات عديمة الإحساس وأسهل حاجه عندهم انهم يجرحجوا مشاعر البنات
وبعدين خللى بالك هيفضل كده يحاول بس صدقينى ابعدى عنه .... متحاوليش تكلميه ولا حتى تبصيله
وافتكرى المثل اللى بيقول تحت الساهى دواهى
وبيتمسكنوا لحد ما يتمكنوا

[Mira]

حرام عليكى
يمكن بعضهم بس مش كلهم

[~♥ Queen sozan♥~]

دى موضوع ولا هو صعب ولا هو سهل
يعنى فى ناس بتعرف تستخابة ورى القناع لمدة طويلة
ودة صعب تعرفى بسرعة
وناس تعرفى من تصرفاتو على طول
بس لو هو بيحبك
اكيد هيخاف عليكى
ويغير عليكى
ويحترمك
ويسبت حبو على طول ويروح يدبث فيكى ويخطبك
دة لو بيحبك هيعمل كدة

شكرا على موضوعك

[شموخ انسان]

بقولك اية


الحب بيجي بعد الجواز


شوفيلك مشروع تانى وقضيها نظرات زى ما انتو ولو هوة بيحبك بجد


هيجي يقولك فى وسط الشارع انا بحبك

ولو ناوى على جواز اكيد هيقولك وبعدها اسحبية على البيت يخطبك من اهلك

[بنوته متفائله]

اقتباسالمشاركة الأصلية كتبت بواسطة تانياممكن أقول رأيي ........ ياريت متصدقيش النظرات أو حتى الأهتمام الزايد أو أى حاجه من الحاجات اللي هما أساتذه فيها وبيعملوها عشان يوقعوا البنت ..... بجد حتى لو جه قالك انو بيحبك متصدقيهوش .... لأنو مفيش ولد بيعرف يحب دى مخلوقات عديمة الإحساس وأسهل حاجه عندهم انهم يجرحجوا مشاعر البنات
وبعدين خللى بالك هيفضل كده يحاول بس صدقينى ابعدى عنه .... متحاوليش تكلميه ولا حتى تبصيله
وافتكرى المثل اللى بيقول تحت الساهى دواهى
وبيتمسكنوا لحد ما يتمكنوا

انا مع الراى ده عن تجارب كل الى حوليه
عارفه ياحبيبتى الشاب ممكن يعمل اى حاجه عشان يكلم البنت بس لو بليحبك حقيقى بجد
هيجى لغايت عندك يقولك بحبك وبردوه مش كفايه وبعدها هيقولك عايز ارتبط بيكى بس لو اتهرب
اعرفى على طول انو بيقضى وقت وفى الاخر هيرميكى حبيبتى بلاش تعيشى نفسك فى وهم
انتى هتتعبى اوى واوعى اوعى اوعى انتى تروح تكلميه ابداااااااااا ى هتفضلى طول عمرك
حسه انك كرامتك ضاعت لو عملتى كده وهو هيحس انك سهله نصيحه بجد من واحده متعرفكيش
بس بعتبر الى بكلمها ديه اختى
انتى باه تعملى ايه
متبصلوش خالص وكانك مش شايفاه لو بيحبك بجد هيتجنن وهيجى يكلمك
وبعد مايكلمك بلاااااااااااااش مقبلات وخروجات واوعى تديله رقم تليفونك
قوليله انا ليه طريق واحد انا مبحبش حد يتسلى بيه هيقولك انا بحبك والكلام ده
اوعىىىىىىى تضعفى ياحبيبتى خلى دايما قلبك فى ايدك اسمعى كلامى
انا عملت كده والله خطبنى بعدها قالى انتى لو كنتى خرجتى معايا او اتسهلتى معايا كنت عمرى مهخطبك حتى لو بحبك
شفتى باه وربنا يوفقك يارب وابى طمنينى ياحبيبتى انا معاكى

[ana.mosh.katkot]

اسمحيلي يا ميرا لو شاكتك برايي


انا الحقيقه مع تانيا وبنوته متفائله

في ان موضوع النظرات والكلام ده موضوع خايب وفاشل

وبقي مفضوح اوي

وكلها نظرات كذابه والصادق منها قليل اوي


لكن انا عايز اجيب مباشرة علي سؤالك

انتي بتقولي ازاي اعرف انه بيحبني من غير ما اكلمه ؟

السؤال ده يا عزيزتي في حد ذاته سؤال مستحيل

ومالوش اجابه

ازاي هاتعرفي حاجه حساسه ومار دقيق زي ده من غير ما تكلميه
هو الحقيقه اقرب كلام للصواب زي ما قالت بنوته

انك تستني .. وما تعبريهوش خالص
اذا اتجنن بقي وحاول يكلمك
مش هاقولك تجاهليه .. لكن عرفيه اننا ماليش غير سكه واحده
اما انه يمشيها بكل رجوله
او انه ينسحب من اول جوله
وتبقي كده عرفتي