مبروك يشتري العتبة الخضراء ولا يشتري الترماي

[ARAGON]

مبروك يشتري العتبة الخضراء ولا يشتري الترماي

أهلين بيكم .. انا النهاردة كنت بتغدى وقاعد كالعادة الظهر .. بحب الافلام الابيض والاسود.. شوية

كان فيه فيلم العتبة الخضراء.. طبعا الكل عارفه مين هو مبروك "اسماعيل يس" طبعا كلنا كنا بنموت من الضحك على مبروك في الفيلم لما كان ها يشتري العتبة الخضراء.. طبعا اسماعيل يس .. هنا لما اشترى العتبة كان مبسوط قوي لما ضحك على يوسف "أحمد مظهر" في الفيلم.. وكانت بتساعده زينات صدقي"مش فاكر اسمها"...

عايزين نشوف الزمن وهو بيلف .. واللي كان بيضحك على اللي اشترى العتبة الخضراء بيقول يامين يبيع العتبة الخضراء دلوقتي..
"دا ها نسميه الخصخصة".. دلوقتي بالمسمى المعروف..

انا شايف فيه ناس كتيرة قوي بتقول لا للخصخصة ..
وفيه ناس بتقول وماله نخصص مش مشكله.. طالما الكل ها يستفيد.. والبنية التحتية ها تبقى كويسه ..

قعدنا سنين وشهور على الخصخصة لما اشتغلت وجابت بينا حاجات كتيرة تحت الارض .. كله تحت الارض ياباشا. زي الاعلان"بالظبط" واحنا نكح تراب..

المشكله إن الناس اللي بتشتري هدفها واحد.. من الموضوع ده ..

هي انها تشتري وبعدين تبهدل المشروع .. اللي اشترته .،، وتبدأ في عمل مشاريعها الخاصة .. اللي هيا عايزاها.. يعني ديسكو ها نلاقي قريب مكان العتبة اللي اتباعت .. بس لو سمعة فعلا كان اخدها من زمان .. وكان بيلم الايراد .. بتاعها الشهري.. كل شهر .. هل فعلا كان ها يفتح لوكاندة في وسط البلد.. أهو ضحى بشيء علشان شيء.. ويحقق هدف نبيل سعى إليه .. في حياته ،، لكن الصدفة وقعته في ايد نصاب .. أخد فلوسه ونصب عليه .. ولكن خد جزاءه في النهاية ..

دلوقتي بنشوف العكس في حاجات كتير ..
صاحب الهدف النبيل بدل ما يستفيد ويفيد بالمشروع اللي اشتراه .. بيبدأ يدمر فيه .. بطرق مختلفة ... بدواعي ان المشروع بيخسر ...

بيخسر ايه يا معلم انت اشتريت ايه .. "دا كان بيكسب قد كده قبل ما يتباع".. !!!

طيب ايه المشكله .. يقولك اصل الشركاء .. عايزين يسيبوا المشروع .. وانا مش هاقدر اسد فيه لواحدي انا هاعمل جزء منه مش عارف ايه ..

طيب وضح والناس اللي تحت ايديك ها يعملوا ايه.. "الناس ها تتبهدل..

طيب يا جماعة عايزين نشوف ايه الحل،، انا يهمني.. زي ما يهمكم.. اننا نعرف لما نتخرج.. نروح لصاحب الشركة يطلع عينينا
............................ وتبقى كل حياتنا قطاع خاص،،،

ونرجع ونلاقي يوسف بيقول لمبروك يا مبروك ما اقدرش..اصل "اصل العتبة الخضراء" ايرادها كتير وانا ما ينعش ابيعها برخص التراب..


يبقى كده وصلنا لنهاية البداية المعكوسة في حياتنا .. ما نسخر منه قليلاً.. يأتي بأضراره أمداً طويلاً..



اللي ها يعلق .. ويقول العتبة الخضراء مش شركة علشان تتخصخص ...، fftopic:


اقوله مش مشكله .. مش بتفرق كتير .. بس اللي نتمناه دايماً..

الخير لبلدنا ولعتبتنا الخضراء

وان شاء الله تفضل خضراء..

[game010]

طالما الكل ها يستفيد.. والبنية التحتية ها تبقى كويسه ..

والله با احمد لو عملو ايه خلاص الى فوق بقا فوق والى تحت بقا تحت
وشكرا على التوبيك ده وهنعمل ايه مهما حصل هنحب مصر
انا ممكن اشترى العتبه خضرا بس يا ترى بكام ؟!!!!!!!!!!!!!!!!!!!!!!!!!!!!!!!!!!!!!!!!!!

[ARAGON]

اقتباسالمشاركة الأصلية كتبت بواسطة game010طالما الكل ها يستفيد.. والبنية التحتية ها تبقى كويسه ..

والله با احمد لو عملو ايه خلاص الى فوق بقا فوق والى تحت بقا تحت
وشكرا على التوبيك ده وهنعمل ايه مهما حصل هنحب مصر
انا ممكن اشترى العتبه خضرا بس يا ترى بكام ؟!!!!!!!!!!!!!!!!!!!!!!!!!!!!!!!!!!!!!!!!!!

أكيد كلنا بنحب مصر game 010


بس انا لقيت وجه التناقض بين الحاجتين..

شخص من زمان كان بيفكر انه يشتري العتبة الخضراء.. كنا بنضحك ونبقى مبسوطين

لكن دلوقتي .. لقينا نفسنا بندور على اللي يشتري العتبة الخضراء ...

وياترى اللي هايشتري العتبة ها يبقى قدها ويحافظ عليها ويخليها خضراء ولا ها يخليها العتبة السمراء..

منور يا غالي

خالص تقديري على مرورك الجميل

[Dr.nour]

بص بقى يابو حميد

انت فكرتنى بفيلم كده بتاع هانى رمزى الطويل ده


تقريبا مش فاكره اوى اسمه(عاوز حقى )

اما الشعب عمله توكيل عشان يبيع نصيب الفرد فى المال العام

كله سيان عموما باختلاف الامثله

بس الخصخصه من رايى انا

لو هنخصخص ويبقى المشترى مصرى

يبقى كده ميت فل وعشره


اثرت قضيه مهمه يا احمد

بالتوفيق فى موضوعك......

[ARAGON]

اقتباسالمشاركة الأصلية كتبت بواسطة dr.o.shبص بقى يابو حميد

انت فكرتنى بفيلم كده بتاع هانى رمزى الطويل ده


تقريبا مش فاكره اوى اسمه(عاوز حقى )

اما الشعب عمله توكيل عشان يبيع نصيب الفرد فى المال العام

كله سيان عموما باختلاف الامثله

بس الخصخصه من رايى انا

لو هنخصخص ويبقى المشترى مصرى

يبقى كده ميت فل وعشره


اثرت قضيه مهمه يا احمد

بالتوفيق فى موضوعك......

هيا المسألة مش مسألة المال العام أو غيره ،،

بس المشكله ،، إن الناس اللي بتشتري،، هيا اللي فعلا بتفكر في مصلحتها الخاصة

زي ما لاقينا بعض المشاكل على رواتب الموظفين..

مش مشكله اني ابيع ... بس المشكله لما اشرد بيوت ناس.. مش لاقيين إلا الشغلانة دي

في زمن زادت فيه البطالة وقلت فيه نسبة الأعمال وايضا ازدادت فيه نسبة السكان ..

يعني كل شيء عايز ليه حل ... والله لو الشخص اللي هايشتري ها يطور فيها

يبقى ماشي .. مش ها يطور .. ما يشتريش وما يوجعش دماغنا..

منورة الموضوع وشكرا على مشاركتك

[SiLver Spectra]

الجشع هو المشكلة

انت عارف اسماعيل يس دا كان بياخد كام من الفيلم!!؟
لو أخد الف جنيه يبقى كويس

و أغلبهم بعد كدا اتعالج على نفقة الدولة عشان مافيش فلوس معاهم!!

زمان ماكنش في جشع زي دلوقتي
دلوقتي
كل واحد بقى عايز يكنز فلوسه بأي شكل للمستقبل

تشتري تهد تبني و تغير تبيع تشتغل الناس
أي وسيله

و الي بيشتري حاجه يا أحمد مش بيدور منها على مكسب ثابت
لأ
عايز ينمي استثماره
و دا حقه
مانقدرش نقوله انت بتعمل كدا ليه

الدولة باعت كل حاجه و مالهاش دعوة
منك انت بقى للمستثمر

بنشوف مظاهرات و اضرابات بالكوم
بسبب الخصخصه
آخرهم حاليا عمال الكتان
مافيش أجور و مافيش حقوق

المشكلة في الإدارة نفسها و انتاج الفرد
احنا مش بنعرف ندير الشركات كويس
سواء قطاع عام أو خاص
و الدليل عندنا المؤسسات خصخصوها و فضلت المشكلة قائمة و يمكن تفاقمت أكتر
لأن مافيش حقوق للعامل!!

و انتاج الفرد الضعيف بيفاقم مشكلة الادارة

زي البيضه و الفرخه

شكرا يا أحمد على الموضوع المميز

[رحيق الجنه]

انا راى مختلف يا احمد
بيع او خصخصه الشركات مش من حق الدوله
من حق الشعب لان الشركات دى عمال وموظفين وايراد للشعب
ان كانت الخصخصه لها عائد فانا معها مع انى لم اسمع بها هنا فى بلادى
دائما ما نسمع عن مصر هى التى تقوم بالتخصيص او بيع اراضيها لغير المصريين وهكذا

ان تم بيع او خصخصه الشركات فاكيد لمصلحة ما واكيد بموافقه اصحاب الراى

لكن القضيه المهمه
ان تم بيع احدى الشركات او خصخصتها ولم يكن هناك النتيجة المرجوة
لماذا يتم بيع شركه اخرى واخرى

وان كان الجميع يعرف الغرض الحقيقى من خصخصه الشركات فلم الموافقه
هل لا يوجد من يكون فى مركز اتخاذ القرار ويقول لا اا للخطا؟؟؟!!!

تحياتى يا احمد على الموضوع المتميز

[woox]

فعلا الخصخصه مشكله كبيره


ليه مساوىء عندنا ومش نافعنا لاننا مش بنعرف نتصرف



وزمان حاجه وزمانا دلوقتى حاجه والتغير طبيعه البشر لامخرج منها




شكرا لطرحك تكنكل اجى اتغداء معاك

[مشتاقه للجنه]

بجد انا اقف وأقــــول بعلو صووتى عايز حقى

الحكومه باعت الشركات والمصانع واصبحنا بلا

فائده اعداد الخرجين بيكثر ومفيش وظائف والمثتثمر الاجنبى اللى

أشترى بيقلص العماله على قدر المستطاع علشان يكسب ..

ومن المستفيد من بيع تلك الشركات .. السماسره الذين يكسبون بالملايين

وسؤال يتتطرق الى أذهان الكل أين مال تلك الشركات التى بيعت ؟؟؟؟

شكراا على طـــــرح تلك المشكله ............ موضوووع مميز

[أمسية النهر]

الله يعطيك العافية