ممكن دقيقه

[خالد ابو النجا]

صباح الخير ياحلوين
انا كنت عايز اسئلكم
انتو مع او ضد بتويث الحكم
وياريت تكتبو السبب
ولكم منى ارق تحيه

[~®§§][][ سيد دندنة ][][§§®~]

بصراحه مش فاهم قصدك ايه بظبط

يا خالد ممكن تواضح شويه

[اسطورة الحب]

توريث الحكم تقصد وضح السؤال اذا امكن

[بنوته متفائله]

مش فاهمه ياريت توضيح ربنا يبارك فيك

[ana.mosh.katkot]

ايه يا جماعه شكلكم كده
بتهربوا من الاجابه

الراجل بيسال رايكم ايه في توريث الحكم


كل واحد بقي هايعملي فيها سمعه تقيل


لا يا عم خالد
انا مش سمعي تقيل
وانا ضد توريث الحكم
عشان لو تم توريث الحكم
واستمرت حكومة احمد عز يبقي مصر هتفلس
وهتنتهي
والناس هتشحت خلال عشر سنين

احنا مع تجديد دماء الحكومه
ومجئ اخرون يحاولوا النهوض بمصر
بعيدا عن حكومة رجال الاعمال التي باعت مصر
وجعلت من ارض مصر ومصانعاها وشركاتها
وسيله لتحقيق اكبر مكسب من العمولات والرشاوي
ببيبعها واستغلالها


كفايه ونهب وسرقه وخصخصه بقي
ووزارة داخليه لا يهمها سوي حمايه اللصوص
والمرتشين ورجال السلطه


اننا نريد مصر جديده
مصر تحب اولادها


اما مصر اليوم فهي مصر كلنا نخاف منها ونبتعد عنها


وايمان البحر قالها من زمان


يا بلدنا يا بلد .. هو من امتي الولد

بيخاف من امه

لما في الضلمه تضمه

خفت منك صدقيني ... صدقيني خفت منك

[EMoOoO]

انا ضد توريث الحكم
لأن مصر جمهورية مش مملكة ودا الفرق بينهم

[غنوووة شجن]

فهمت السؤال دلوقت

بس مش عارفه الاجابه

شكرا ليك

[sweetgirl]

لا انا ضد توريث الحكم
احنا عايزين نغير من البلد مش نزيد من الفوضي والفساد
عايزين نرفع راسنا بجد اننا مصريين مش اننا اجدادنا فراعنه
ولو الحكومه دي فضلت مفيش حاجه هتتحقق وهنفضل
طول عمرنا متأخرين

[خالد ابو النجا]

اقتباسالمشاركة الأصلية كتبت بواسطة d.g. dandanaبصراحه مش فاهم قصدك ايه بظبط

يا خالد ممكن تواضح شويه

انا اقصد يعنى ان ابن الريس يمسك الحكم
من غير انتجابات او ترشيح
مستنى مشاركتك
نورتنى بمروك الرائع
تحيتى لك

[خالد ابو النجا]

اقتباسالمشاركة الأصلية كتبت بواسطة اسطورة الحبتوريث الحكم تقصد وضح السؤال اذا امكن

انا اقصد يعنى ان ابن الريس يمسك الحكم
من غير انتجابات او ترشيح
مستنى مشاركتك
نورتنى بمروك الرائع
تحيتى لكى