ظاهرة المعاكسات ،ايه ريك ؟

[game010]

من اخطر الظواهر الجتماعية التي ظهرت مثل الفقاعات او المرض الذي ينمو شيئا فشيئا ليقضي على صاحبه ومن حوله
وللأسف فهي تحدث من بعض المراهقين بغض النظر عن العمر
،وهذا بسب عدم الرقابه وغياب الوعي الثقافي وعدم الغيره
، فأخذت تنتشر انتشار النار في الهشيم دونما وازع من ضمير او حتى رادع من قانون
للأسف الشديد ليست فقط في الأسواق او المنتزهات بل تعدت اكثر من هذا في الأماكن المقدسة .
لو فكرنا بالأسباب
هو غياب التوجيه الأسري ، أو البعد الأخلاقي عن الدين كترك الصلاة
أو مشاهدة المحرمات .
هنالك أسباب كثيرة وأيضا ً هنالك حلول لهذه الظاهرة الخطيرة


كيف تكون رده فعلك لو رأيت امامك شخص يعاكس فتاة ؟

كيف يكون الحد من هذه الظاهرة السيئة ؟

هل نكتفي بان ليس لدينا تدخل في الشخص ؟ يكفي مابنا من مشاكل ؟

لو استنجدت بك فتاة هل تساعدها ؟


افضل الحلول برأيك ؟

[علمتنے دنيتے اگتم غرامے]

انا من رأيي ان البنت هي السبب عشان لبسها تفتن فيه لكن فيه اولاد ماعندهم وازع ديني ويعاكس ع الفاضي والمليان لكن لوانه شاف اخته تنعاكس قوم الدنيا وقعدها وعمل فيها رجل
اترك اجابه الأسئله لشباب
علمتنے دنيتے اگتم غرامے

[game010]

انا معاك ماشى بس بردو الانسان لو عندو دين وايمان قوى مش هيعمل كده
وشكرا على المرور.........

[fula]

السلام عليكم ورحمة الله...احييك على الموضوع القييم والهام اخى الفاضل وكل الاسباب اللى انت ذكرتها صحيحة واضف عليها الانفتاح الغريب للقنوات الفضائية وسهوله وصول المشاهد الخليعة فى الكليبات لكل شاب وكمان الملابس اللى بقت بتلبسها البنات حتى المحجبه بتبقى مغطية شعرها ولابسه ملابس ضيقة جدا ..وقبل كل ده زى انت ما قلت غياب الوازع الدينى لانه لو كان موجود كان الشاب غض البصر حتى وان كانت البنت ماشية شبه عاريه لكن مع الاسف ضعف الايمان بقى مشكله كبيرة عند الشباب من الجنسين...وربنا يهدى شبابنا وبناتنا الى الطريق المستقيم وبارك الله فيك على موضوعك الهام

[game010]

شكرا فله على المرور وكل الذى نسطتيع ان نقوله هو
اللهم اهدى اولاد وبنات المسلمين
امين ............

[.:: إحساس طفلة ::.]

اقتباس المشاركة الأصلية كتبت بواسطة علمتنے دنيتے اگتم غرامے انا من رأيي ان البنت هي السبب عشان لبسها تفتن فيه لكن فيه اولاد ماعندهم وازع ديني ويعاكس ع الفاضي والمليان لكن لوانه شاف اخته تنعاكس قوم الدنيا وقعدها وعمل فيها رجل اترك اجابه الأسئله لشباب علمتنے دنيتے اگتم غرامے

انا برايي
انه ممكن تكون فعلاً البنت بتلبس لبس مش كويس
وده طبعاً بيكون سبب
بس السبب الأساس هو نقص العي الديني بين الشباب
مفيش حد بقى بيعرف دينه اوي .. بمجرد انه مكتوب في البطاقة مسلم
دي وجهه نظري
ربما تكون صح او غلط
تقبلوا مروري

[game010]

ممكن احساس طفله بس مش شرط ان يكون مسلم مفيش دين على وجه الارض جى من عند الله يسمح بلمعكاسه او التحرش او الكلام ده وشكرا على المرور اخوكى محمد .........

[♥..pure]

فعلا الظاهرة دة انتشرت بصورة مخيفه فى الفترة الاخيرة
ولها اسباب كتيرة جدااا وهى مش بسبب الشباب بس
لا البنات كمان ليهم دور اساسى فى المعاكسات هما اللى بيتعاكسوا
اولا من ناحيه الشباب
وسائل الاعلام لها الدور الاول والاساسى فى الظاهرة دى
الشباب بيشوفوا طول النهار نموذج زباله للشاب المصرى
وزى ما انتم عارفين الشباب احسن من تقلد بعضها من غير عقل
يبقى هم الشاب الاول والاخير انه يشبع رغباته وخلاص
يعاكس دى ويعاكس دى ومش بعيد انها توصل لمرحله التحرش كمان
واللى وصل الشاب لكدة هو البعد عن الله
معتشى عنهم اخلاق ولا دين ولا اى حاجة من الاسلام بيقولنا عليها
خلاص نسى ان اللى بيعاكسها دى المفروض انها اخته فى الاسلام
خلاص معتشى فيه رجوله ولا ضمير ولا اخلاق ولامروءة
بس مع كل دة بردو بقول انهم مش بيشيلوا المسؤليه لوحدهم
البنات بردو هى اللى بتشجعهم لكدة وبتغريهم للمعاكسه
البنات......وما ادراك ما البنات ............
بردو وسائل الاعلام هى السبب فى ازمه الاخلاق اللى بناتنا واولادنا بقوا فيها
شافوا التدهور اللى اللبس بقى فيه
يعنى بردو معتشى فيه حياء ولا اخلاق ولا دين ولا اى حاجة
لما الشاب من دول يشوف واحدة بالمنظر دة ماشيه فى الشارع
المطلوب منه انه يغض بصره وميبصش بس ازاى
هى اصلا ماشيه لافته الانتباه من لبس ومنظر وكمان هتلاقيها متبرجه على الاخر
بردو اللى وصل الحال لكدة هو الاسرة والبيت
ممكن البيت يكون مفكك لو بسبب مشاكل اسريه يعنى
فى الحاله دى الاولاد بيكونوا النتيجه فى الاحوال دى
يعنى الحل فى المشكله الكبيرة دى هو اننا نحاول نعالج الاسباب
الحل
الدين . احنا بعدنا اولادنا علن الدين خالص
المفروض اننا نقربهم من ربنا اكتر من كدة
يعرفوا السنه النبوبه وايه اللى ربنا والرسول بيامرنا بيه
نحارب وسائل الاعلام اللى كانت السبب فى الظاهرة دى
يعنى انا اناشد الوزير انه يكون فى رقابه اكتر على الحاجات اللى بتتذاع
يعنى المفروض يشوف شغله اكتر من كدة
وكمان الاسرة والبيت لازم يكون فيه رقابه منهم على الاولاد والبنات
لازم نحسبها صح عشان نعيشها صح
معلشى بقى طولت عليك
تقبل مرورى
اختك dr.rafef

[game010]

ولا يهمك dr.rafef
بس فعلا لازم الاهل يعلموا اولادهم من وهما صغار الحجات حرام
وانا نفسى ان يكون فيه فى الشوارع ذى ما موجود فى السعوديه وفى دبى على ما سمعت ان موجود ناس من الشرطه فى الشوراع بلبس عادى واى حاجه زى كده هما بيتعملو وشكرا على المرور الجميل ده والرىء الاجمل dr.rafef

[محمد الشريف]

ظاهرة المعاكسات هى أزمة أخلاق لصيقة بشخصية من يلجأ إليها مهما كانت

الدوفع إليها فالأخلاقيات الحميدة تأبى على صاحبها الفساد فى الأرض بل

ينبغى غض البصر حتى لو كانت الإثارة تستهدفه وجره لارتكاب المعاصى

وإلا صار إمعة وهدفا للتلاعب به بحيث يفقد كبح جماح نفسه ويظل كريشة

فى مهب الرياح تتجازفه ارتكاب المعاصى وتستهويه أمراضه النفسية،

وأنا مازلت أنعى على ضعف الرادع فى تطبيق القوانين لمواجهة تلك

الظواهر الحقيرة ، فالحر تكفيه الملامة والعبد يقرع بالعصا وسبحان

من لايغفل ولا ينام ويمهل ولا يهمل .

مع تقديرى